Yahudi 13:4 - Nyaa Shɔɔ Ɓɔɔ Laa a Ɓɛɛ

⁴ Zang piti ɓɔɔ ri gee zɔɔ tɔ, ri seng zɔɔ katɔ, a zang ɓɔɔ ri gee zɔɔ tɔ, ri yaasɛ zɔɔ gn naa kpang. Ka ruu ɓɔɔ, Laa naa dɔng zang ɓɔɔ ri palɛ dũndũng nɛɛ zang ɓɔɔ ri rooro nɛɛ soro zang, ruu katɔ ɓɛɛ.

Yahudi 13:4 ပူးပေါင်းရင်းမြစ်များ

1 Koranti 5:13

Ɓi Laa naa jɛ̃ɛ zang ɓɔɔ ri dũ̀ng wu kpang ruu. Ka ruu nɔngkɔ, naa ɓɔɔ zang bee ka yeti labeenang Laa ɓɛɛ, “Nɔɔ hing zang ɓɔɔ palɛ vuu shi kpang katɔ, wu yaa teteng manɛ.”

1 Koranti 6:18

Ka ruu nɔngkɔ, n kɔɔ nɔɔ, nɔɔ yáa dũndũng palɛnang. Vuu shi kpang ɓɔɔ shɔnzang palɛ nandon, zang palɛ wu ka bii kpang. Zang ɓɔɔ palɛ dũndũng, pàlɛ́ ɓi bii ɓiɓɛ vuu shi kpang.

1 Koranti 6:9

Nɔɔ zi tɔ nɛɛ, zang ɓɔɔ ri ta yeti shi kpang, ri daa nɔng ɓɔɔ Laa roo kpanti kpang. Nɔ́ɔ nwãarɛ yuu manɛ kpang. Zang ɓɔɔ ri palɛ dũndũng, zang ɓɔɔ ri bang vaka, zang ɓɔɔ ri rooro nɛɛ soro zang, zang varɛ ɓɔɔ ri rooro doo nɛɛ zang varɛ kɔ ɓɛɛ.

1 Koranti 7:38

Ka ruu nɔngkɔ, zang ɓɔɔ gee jaa soro ɓɔɔ wu shu vuu tɔ ka yuu ɓiɓɛ, pálɛ̀ tɔ̃ɔ. A zang ɓɔɔ bɛ̃ɛ geenang kɔ pálɛ̀ tɔ̃ɔ ɓa zang ɓɔɔ gee katɔ ɓɛɛ.

1 Koranti 9:5

Vuu ɓɔɔ zãyi naa ruu gee zang soro ɓɔɔ dũng Laa ɓɛɛ kagn ya? Jaa soro bìí wu ti daarɛ nɔng ɓɔɔ ruu daarɛ nɛɛ ruu, naa ɓɔɔ Bituru nɛɛ zang shonang Yeesɔ Kirisi ɓɔɔ nimbang nɛɛ rɛɛ jaa nàá Kpanti Yeesɔ Kirisi ri palɛ ɓɛɛ.

2 Koranti 5:10

Ka ruu ɓɔɔ, ruu nandon ruu naa shii ditɔ ka tĩng Yeesɔ Kirisi, wu jɛ̃ɛ rùu rúu. Wu jɛ̃ɛ ruu rúu, wu ti pàlɛ̀ zang ɓu vuu naa ɓɔɔ daa naa katɔ ɓɛɛ. Yeesɔ pàlɛ́ ruu vuu ka doo vuu tɔ̃ɔ nɛɛ vuu shi kpang ɓɔɔ zang ɓu palɛ ka koo keɓe ɓɛɛ.

Galati 5:19

Vuu ɓɔɔ bii shɔnzang pálɛ̀, waasɛ bii ɓi katɔ kpang. Vuu keɓe ɓi rooronang nɛɛ wujɛ soro, nɛɛ sãnsãnrãng, nɛɛ dũndũng palɛnang.

Galati 5:21

Ri shing jĩng ka vuu zɔɔ, ri ɓoo sàa, sàa palɛ ri, a ri gaarɛ zɔɔ ri shaa vuu shaanang dɔɔli nɛɛ rɛɛ zɔ̃ng vuu ɓɔɔ naa weɓe dɔɔli. N shaarɛ nɔɔ nyaa kãntang keɓe naa ɓɔɔ n shaarɛ nɔɔ tɔ ka tĩng ɓɛɛ, zang ɓɔɔ ri palɛ zɔ̃ng vuu keɓe, ri daa nɔng ɓɔɔ Laa roo kpanti kpang.

Afisa 5:5

Ǹ kàsɛ̀ nɛɛ nɔ́ɔ zi vuu keɓe waasɛ̃. Zang ɓɔɔ palɛ dũndũng, ɓɔɔ rɛ̃rɛnang ɓiɓɛ ti kalang kalang kpang, ɓɔɔ ti shing jĩng ka vuu zang, naa daa nɔng ɓɔɔ Yeesɔ Kirisi roo kpanti kagn nɛɛ Laa ɓɛɛ kpang. Ka ruu ɓɔɔ rɛɛ vuu keɓe dàa wu ka yeti, ɓa ɓɔɔ wu palɛ vuu ɓɔɔ Laa kasɛ ɓɛɛ.

1 Tesalonika 4:6

Wu roo nɛɛ soro ɓeezung kpang tingkiring. Naa rooyi, pàlɛ́ ɓeezung vuu shi kpang, ti shaa wu katɔ. Ruu kɔ̀ɔ ruu keɓe tɔ ka tĩng, a ruu shaarɛ nɔɔ nyaa gbãng gbãng nɛɛ Kpanti Laa naa dang zang ɓɔɔ ri palɛ vuu keɓe jĩng katɔ.

1 Timoti 3:12

Zang ɓɔɔ ri yi zang naa ka shonang ka Gãa Laa, zang ɓu wu gee soro gbete. Ri yiti wujɛ ɓarɛ nɛɛ zang ɓɔɔ ka gãa ɓarɛ ɓɛɛ waasɛ̃.

1 Timoti 3:2

Zang bang zang ɓɔɔ ri dũng Laa, wu nwang ɓi zang ɓɔɔ shi kpang kagn bii ɓiɓɛ kpang ɓɛɛ, wu gee soro gbete kɔ nwani. Wu zang ɓɔɔ yeti ɓiɓɛ lasɛ pati kpang, zang ɓɔɔ yiti yuu ɓiɓɛ waasɛ̃ ɓɛɛ. Zang ɓɔɔ zang seng wu katɔ ɓɛɛ. Zang ɓɔɔ ta zang zanti ka gãa ɓiɓɛ waasɛ̃ ɓɛɛ, ti zunung naa ɓɔɔ wu tusu zang vuu katɔ.

1 Timoti 3:4

Wu yiti zang ɓɔɔ ri ka gãa ɓiɓɛ waasɛ̃, wu shing wujɛ ɓiɓɛ, ri ɓaa shoo ka nyaa ɓiɓɛ, ri ti seng wu katɔ.

1 Timoti 4:3

Zang ɓɔɔ ri kpɛ̃ɛrɛ zang nɛɛ, soro geenang shi kpang. Nɛɛ vuu shaanang ɓɔɔ kagn, ri ti shaa kpang. Vuu shaanang ɓɔɔ Laa mãarɛ, nɛɛ tɔɔ zang ɓɔɔ ri dũng wu, ɓɔɔ ri ti zi ruu ɓɔɔ niizang tɔ, ri tarɛ ri ti zãa wu kati ɓɛɛ.

1 Timoti 5:14

N kasɛ suvɔ ɓɔɔ ri doo jasang, ri gee varɛ, ri yi jaa. Ri gãng jĩng ka gãa ɓarɛ, tɔ̀ɔ, ruu yàa zang ɓɔɔ ri shing jĩng nɛɛ ruu kpang gbalang kaa tɔ̀ɔ́, ri rang yee shi kpang ka yuu ɓuru kpang.

Titu 1:6

Zang bang zang ɓɔɔ ri dũng Laa, wu nwang ɓi zang ɓɔɔ shi kpang ka bii ɓiɓɛ kpang ɓɛɛ. Soro ɓiɓɛ gbete kɔ nwani. Wujɛ ɓiɓɛ nandon, ri shing danggn tɔ ka bii Laa. Ri wu wujɛ ɓɔɔ palɛ vuu shi kpang, kpang, a ri ti tá shoo pɛɛrɛ kpang ɓɛɛ.

Yahudi 12:16

Nɔɔ gãng jĩng kagn, zang ɓɔɔ ka teteng manɛ nɛ̀ɛ́ nwáng zang dũndũng, kɔ wu nwang zang ɓɔɔ yee laa ka vuu Laa kpang naa Isuwa, ɓɔɔ ka ruu vuu shaanang laa gbete, mã̀lɛ̀ bannang ɓiɓɛ, ɓɔɔ wukɔ zang bang, ka naa jaa nàá ɓiɓɛ.

Vuu ɓɔɔ zang nwangsɛ Yɔhana 22:15

Zang ɓɔɔ ri palɛ vuu shi kpang, nɛɛ rɛɛ nvaa, nɛɛ zang ɓɔɔ ri palɛ dũndũng, nɛɛ zang ɓɔɔ ri nyɔkɔ zang vɔrɔ, nɛɛ zang ɓɔɔ ri bang vaka, a zang piti ɓɔɔ ri suru sèé, ɓɔɔ ri ti tãa tĩnnang sèé suunang katɔ ɓɛɛ, ri naa nwang ɓarɛ ka yuu knti gari bìí, ri daa yeti ɓiɓɛ kpang.