Yahudi 13:24 - Nyaa Shɔɔ Ɓɔɔ Laa a Ɓɛɛ

²⁴ Nɔ́ɔ jèe m zang bang manɛ, nɛɛ rɛɛ zang ɓɔɔ ri dũng Laa nyaa. Zang ɓɔɔ ri à nɛɛ tipi Italiya, ri jée nɔɔ nyaa.

Yahudi 13:24 ပူးပေါင်းရင်းမြစ်များ

Zang Shonang Yeesɔ 18:2

Bulu ĩi yɔɔ Yahudi ɓɔɔ kagn ka gari Koranti zang ɓaa wu nɛɛ Akpiila nɛɛ ɓeeso Pirisila. Akpiila ɓi zang gari Pontu. Wee nɛ́ɛ a doo naa nɛɛ Italiya ɓɛɛ, ka ruu ɓɔɔ, kpanti Kaladiyu dang nyaa nɛɛ zang Yahudi nandon, ri yaa Rooma ta ɓɛɛ. Bulu daayi nɛɛ wu daa leng ri.

Zang Shonang Yeesɔ 27:1

Zang naa kɔɔ ruu nɛɛ ruu daa tipi Italiya nɛɛ laana, ka ruu nɔngkɔ, zang a Yuliya zang bang sɔɔja Rooma, rɛɛ Bulu nɛɛ zang ɓɔɔ zang mã ri ka sãa ɓɛɛ. Yuliya ɓi ka teteng rɛɛ sɔɔja ɓɔɔ zang ɓaa ri nɛɛ “Sɔɔja Kayisa Agɔsitu ɓɛɛ.”

Zang Shonang Yeesɔ 9:13

A Hananiya kasɛ nyaa tɔɔ, “Kpanti, zang dɔɔli ri kɔɔ m ruu tɔ ka yuu yɔɔ keɓe, ka ruu vuu shi kpang ɓɔɔ wu palɛ zang ɓaaɓɛ ka Urushalima ɓɛɛ.

1 Koranti 16:16

N gaa nɔɔ katɔ, nɔɔ a zang ɓɔɔ naa weɓe bannang katɔ. Nɔɔ ti seng zang ɓɔɔ ri palɛ shonang nɛɛ ri katɔ.

2 Koranti 1:1

Labeenang keɓe a nɛɛ bii mɛɛ nkɔ Bulu, ɓɔɔ Laa kasɛ m katɔ, a n nwang zang shonang Yeesɔ Kirisi ɓɛɛ. A ɓɔɔ manzung ɓuru Timoti, ɓɔɔ dũng doo Laa kɔ ɓɛɛ. Ruu bèé zang ɓɔɔ ri dũng Laa ɓɔɔ ri ka Koranti, nɛɛ zang Laa nandon ɓɔɔ ri ka tipi Akaya nandon ɓɛɛ.

2 Koranti 13:13

Zang ɓɔɔ ri dũng Laa ka nihn nandon, ri jee nɔɔ nyaa.

Filipi 1:1

Labeenang keɓe nɛɛ bii mɛɛ Bulu nɛɛ Timoti, ɓɔɔ ruu jaafoo Yeesɔ Kirisi ɓɛɛ. Ruu bèé nɔɔ, zang Laa nandon, ɓɔɔ nɔɔ shing danggn tɔ ka bii Yeesɔ Kirisi, ɓɔɔ nɔɔ ka gari Filipi ɓɛɛ. A ɓɔɔ nɔkɔ zang bang bang nɛɛ zang ɓɔɔ ri palɛ shonang ka ruu zang Laa ɓɛɛ.

Filipi 4:22

Zang Laa ɓɔɔ ri ka nihn nandon ri jee nɔɔ nyaa. Zang ɓɔɔ ri nwang ka yeti gãa kpanti Kayisa kɔ ri jee nɔɔ nyaa gbãng gbãng.

Kolosi 1:2

Rùu jee zang Laa ɓɔɔ ri ka gari Kolosi, ɓɔɔ ri manzung ɓuru ka ruu danggn ɓɔɔ ruu shing nɛɛ ri gbete ka bii Kirisi ɓɛɛ. N gaa Laa ɓɔɔ wukɔ Daa ɓuru, wu pàlɛ̀ nɔɔ tɔ̃ɔ wu shingnɛ yeti manɛ wu valɛ katɔ.

Filimon 1:5

Ka ruu ɓɔɔ, n tãa nyaa danggn ɓɔɔ mɔɔ shing ka bii Kpanti ɓuru Yeesɔ Kirisi, a ɓɔɔ ti naa ɓɔɔ mɔɔ kàsɛ̀ rɛɛ zang Laa ɓɛɛ.

Yahudi 13:17

Nɔɔ ɓaa shoo ka nyaa rɛɛ zang bang manɛ, nɔɔ palɛ vuu ɓɔɔ ri kɔɔ nɔɔ ɓɛɛ. Ka ruu ɓɔɔ, rikɔ gãng jĩng ka nɔɔ ɓɛɛ, ri ti naa kɔɔ Laa naa ɓɔɔ ri yiti nɔɔ ditɔ ɓɛɛ. Ri pálɛ́ shonang keɓe nɛɛ tĩnang tãanang, wu nɛɛ yeti lasɛnang kpang. Ka ruu ɓɔɔ, naa ri palɛ nɔngkɔ, nwàng nɔɔ vuu ɓɔɔ kpang ɓɛɛ.

Yahudi 13:7

Danggn wu ning nɔɔ zang bang manɛ ɓɔɔ ri ràng nɔɔ yee Laa ɓɛɛ kpang. Nɔɔ pɛ̃́ɛrɛ́ vuu ɓɔɔ nwannang ɓarɛ nwàng ri ɓɛɛ, nɔɔ màsɛ̀ danggn shinnang ɓarɛ.