Yahudi 13:21 - Nyaa Shɔɔ Ɓɔɔ Laa a Ɓɛɛ

²¹ N gaa wu, wu a nɔɔ vuu tɔ̃ɔ piti ɓɔɔ nɔɔ kasɛ ɓɛɛ, tɔ̀ɔ, nɔɔ palɛ vuu ɓɔɔ wu kasɛ ɓɛɛ. Wu palɛ vuu ɓɔɔ shing wu, wu tãa tĩnang ka yeti ɓuru, nɛɛ bii Yeesɔ Kirisi. Zang a wu bannang ta gbinggbing. Nɔngkɔ.

Yahudi 13:21 ပူးပေါင်းရင်းမြစ်များ

Matiyu 12:50

Zang piti ɓɔɔ nɛɛ palɛ vuu ɓɔɔ Daa mɛɛ ɓɔɔ ka lapa kasɛ nɛɛ wu palɛ, wukɔ jaa nàá mɛɛ, nɛɛ nàá mɛɛ.”

Matiyu 21:31

A Yeesɔ hɛ̃ɛ ri tɔɔ, “Ka teteng wujɛ ziti kaɓa, zang gbete ɓɔɔ palɛ vuu ɓɔɔ daa ɓarɛ kasɛ, ɓu wiya?” A ri kasɛ wu nyaa tɔɔ, “Jaa ɓiɓɛ ɓɔɔ bang ɓɛɛ.” A Yeesɔ naa risi nyaa kɔɔ ri tɔɔ, “N kɔɔ nɔɔ ruu ɓɔɔ niizang kɔ nwani, zang ɓɔɔ ri ta saka tipi, nɛɛ zang soro ɓɔɔ shing jĩng ka varɛ kãanang, ri yee nɔɔ yuu daanang nɔng ɓɔɔ Laa roo kpanti kana.

Matiyu 28:20

Nɔɔ ti kpɛ̃ɛrɛ ri, nɛɛ ri dũng nyaa ɓɔɔ n dang nɔɔ ɓɛɛ nandon. N yaa nɔɔ kpang. N nwang nɛɛ nɔɔ sasak, diki ɓɔɔ koo keɓe naa waa nyaa, nɛɛ mani.”

Matiyu 6:13

Mɔɔ yaa Sheetang wu gãsɛ ruu nɛɛ vuu ɓɔɔ ɓa kaka ɓuru katɔ ɓɛɛ kpang. Ta ruu katɔ kɔ jong nɛɛ naa ɓiɓɛ.

Matiyu 7:21

“Wu zang piti ɓɔɔ ri ɓaarɛ m nɛɛ, ‘Kpanti, Kpanti’ kɔ naa daa nɔng ɓɔɔ Laa roo kpanti kpang. Ɓi zang ɓɔɔ ri palɛ vuu ɓɔɔ Daa mɛɛ ɓɔɔ ka lapa kasɛ ɓɛɛ kɔ, ri daayi.

Yɔhana 17:23

Naa ɓɔɔ n nwang nɛɛ ri, a mɔɔ nwang nɛɛ n ɓɛɛ. Tɔ̀ɔ, ri nwang kaa jong ka nyaa zɔɔ dɔ̃ɔ gbete. Tɔ̀ɔ, zang koo ri zi kati nɛɛ mɔkɔ shong m, nɛɛ mɔɔ ti kasɛ zang ɓɔɔ ri mantɛ vuu ka bii mɛɛ katɔ, naa ɓɔɔ mɔɔ kasɛ m ɓɛɛ.

Yɔhana 7:17

Zang ɓɔɔ nɛɛ kasɛ tɔ, nɛɛ wu palɛ vuu ɓɔɔ Laa kasɛ ɓɛɛ katɔ, vuu ɓɔɔ n túsù nɛɛ a nɛɛ bii Laa, zang keɓe nɛ̀ɛ́ zi katɔ. N nɛɛ ti kɔ̀ɔrɔ́ ɓɔɔ yuu mɛɛ, nɛ̀ɛ́ ti zi katɔ kpang ya?

Rooma 11:36

Vuu piti a nɛɛ bii Laa. Mãa vuu piti ka ruu ɓiɓɛ kɔ, a vuu piti ti gbãayu ka bii ɓiɓɛ ka nɔng. Rúu dɔɔ nɔɔ Laa dòndòng. Nɔngkɔ.

Rooma 16:27

Ruu dɔɔ Laa ɓɔɔ wukɔ gbete, ɓɔɔ zũng dɔɔli ɓɛɛ dòndòng, ka ruu vuu ɓɔɔ Yeesɔ Kirisi palɛ ɓɛɛ. Nɔngkɔ.

2 Koranti 9:8

A Laa ti zunung ɓɔɔ wu a nɔɔ vuu piti ɓɔɔ ɓa ɓɔɔ nɔɔ kasɛ ɓɛɛ katɔ, tɔ̀ɔ, nɔɔ walɛ vuu piti ɓɔɔ nɔɔ kasɛ ɓɛɛ kaa nandon. Nɔ́ɔ ti walɛ vuu dɔɔli ɓa ɓɔɔ nɔɔ kasɛ katɔ, tɔ̀ɔ, nɔ́ɔ palɛ̀ zang tɔ̃ɔ kaa nɛɛ mani ka zɔ̃ng zɔ̃ng.

Galati 1:5

Zang wu a Laa bannang ta gbing gbing. Nɔngkɔ.

Afisa 2:10

Laa kɔ mãa ruu, ka yuu ɓɔɔ ruu ɓakɛ nɛɛ Yeesɔ Kirisi, nɛɛ ruu nwang nwannang ɓɔɔ ruu palɛ shonang ɓɔɔ tɔ̃ɔ, ɓɔɔ Laa kpàlɛ̀ ruu bii, doo ka tĩng, nɛɛ ruu naa palɛ ɓɛɛ.

Afisa 2:18

Nɛɛ bii Yeesɔ Kirisi, ruu nandon ruu walɛ gbalang anang ka tĩng Daa nɛɛ bii Suru gbete keɓe.

Filipi 1:11

N ti gaa Laa nɛɛ nɔ́ɔ walɛ nwannang tɔ̃ɔ ɓɔɔ a nɛɛ bii Yeesɔ Kirisi ɓɛɛ, nɔ́ɔ ti palɛ vuu ɓɔɔ tɔ̃ɔ jong. Zang ɓɔɔ ri zi vuu tɔ̃ɔ ɓɔɔ nɔɔ palɛ, ri dɔ̀ɔ Laa, ri ti a wu bannang ka ruu vuu keɓe.

Filipi 2:11

Zang ɓu ti kɔɔyi nɛɛ nyaa ɓiɓɛ, ka shoo zang piti, nɛɛ Yeesɔ Kirisi kɔ Kpanti ɓiɓɛ. Wu ti naa a Laa ɓɔɔ wukɔ Daa ɓuru bannang.

Filipi 2:13

Ka ruu ɓɔɔ, Laa kɔ shing mɔɔ, nɛɛ mɔɔ kasɛ vuu ɓɔɔ wu kasɛ palɛnang ɓɛɛ. Wukɔ ti shingnɛ, mɔɔ zunung ɓarɛ palɛnang.

Filipi 4:13

N zunung ɓɔɔ n palɛ rɛɛ vuu keɓe katɔ piti, nɛɛ naa vuu palɛnang ɓɔɔ Yeesɔ a m ɓɛɛ.

Filipi 4:18

Nɔɔ a m vuu piti ɓɔɔ daa naa katɔ ɓɛɛ tɔ. Nɔɔ ti gisi vuu ɓɔɔ tɔ dɔɔli ɓa vuu ɓɔɔ n shing gn ɓiɓɛ tɔ. Ɓɔɔ Abafaroditu atɛ m vuu ɓɔɔ nɔɔ alɛ wu. Vuu bìí daa m katɔ, vuu ɓɔɔ n kasɛ ɓɛɛ takpang. Vuu keɓe nwang naa vuu ɓɔɔ á sɛ̃ɛ tɔ̃ɔ ɓɛɛ, vuu ɓɔɔ zang dɔɔ Laa ɓɔɔ shingnɛ Laa tãa tĩnang ɓɛɛ.

Kolosi 3:17

Vuu ɓɔɔ nɔɔ kɔɔyi nɛɛ vuu ɓɔɔ nɔɔ palɛ piti, nɔɔ pálɛ́ ka nung Yeesɔ Kirisi, ka ɓɔɔ nɔɔ zãa Laa ɓɔɔ wukɔ Daa nɛɛ bii ɓiɓɛ ɓɛɛ.

Kolosi 3:20

Wujɛ, nɔɔ ɓaa shoo ka nyaa zang ɓɔɔ ri yi nɔɔ ɓɛɛ diki diki. Ka ruu ɓɔɔ, vuu keɓe kɔ shing Laa, Laa tãa tĩnang manɛ ɓɛɛ.

Kolosi 4:12

Epafara ɓɔɔ dòo zang manɛ kɔ, a ti pàlɛ́ Yeesɔ Kirisi shonang, jee nɔɔ nyaa, gaa Laa ka ruu manɛ gbãng gbãng, gaa wu nɛɛ, wu shing nɔɔ, nɔ́ɔ shii nɛɛ kaka, nɔ́ɔ zũng danggn, nɔ́ɔ ta ruu ɓiɓɛ katɔ, ka ɓɔɔ nɔɔ palɛ vuu ɓɔɔ wu kasɛ dɔ̃ɔ gbete ɓɛɛ.

1 Tesalonika 3:13

Laa wu shingnɛ nɔɔ shii gbãng gbãng, tɔ̀ɔ, zang ɓɔɔ wu tɔɔ kaa takpang nɛɛ nɔɔ palɛ vuu shi kpang tɔ kpang, ka tĩng Laa ɓɔɔ wukɔ Daa ɓuru ɓɛɛ, ka diki ɓɔɔ Kpanti ɓuru Yeesɔ naa a nɛɛ zang ɓiɓɛ ɓɛɛ.

1 Tesalonika 4:3

Laa kasɛ nɛɛ nɔɔ nwang zang ɓɔɔ shi kpang ka bii ɓarɛ kpang. Nɛɛ nɔɔ ti yaa dũndũng palɛnang dɔ̃ɔ gbete.

1 Tesalonika 5:23

Laa ɓɔɔ shing zang, zang ri nwang ka nyaa zɔɔ, wu palɛ nɔɔ, nɔɔ nwang zang tɔ̃ɔ dɔ̃ɔ gbete. Wu shingnɛ zang ɓɔɔ wu tɔɔ kpang nɛɛ nɔɔ palɛ vuu shi kpang tɔ kpang, ka diki ɓɔɔ Kpanti Yeesɔ Kirisi a kagn ɓɛɛ.

2 Tesalonika 2:17

Wu mã nɔɔ danggn gbãng gbãng, tɔ̀ɔ, diki diki nɔɔ palɛ vuu ɓɔɔ tɔ̃ɔ, nɔɔ ti kɔɔrɔ ruu ɓɔɔ tɔ̃ɔ ɓɛɛ.

1 Timoti 1:17

Rùu nandon ruu dɔ̀ɔ Laa ɓɔɔ wukɔ kpanti dòndòng ɓɛɛ ta. Laa ɓɔɔ vɔ ɓi jong kpang, zang ti zi wu ɓi jong nɛɛ jĩng kpang ɓɛɛ. Laa ɓɔɔ wukɔ gbete ɓɛɛ. Ruu a wu bannang ta dòndòng. Nɔngkɔ.

1 Timoti 5:10

Nɛɛ ti suvɔ ɓɔɔ zang zi wu tɔ nɛɛ shonang tɔ̃ɔ palɛnang ɓɛɛ. Nɛɛ ti gãng jĩng ka wujɛ ɓiɓɛ waasɛ̃ ɓɛɛ. Nɛɛ tá zang zanti katɔ ɓɛɛ, nɛɛ ti pálɛ̀ zang ɓɔɔ ri dũng doo Laa kɔ vuu, tuu yuu ɓiɓɛ kpang ɓɛɛ. Nɛɛ ti yi zang ɓɔɔ ri dang jĩng naa ka bii ɓɛɛ, nɛɛ ti shing yuu ɓiɓɛ nɛɛ wu palɛ tɔ̃ɔ ka zɔ̃ng zɔ̃ng ɓɛɛ. Mɔɔ bee nung ɓiɓɛ.

1 Timoti 6:16

Wukɔ vɔ ɓi kpang gbete. Nwàng ɓi ka nɔng ɓɔɔ yakɛ ɓi katɔ, ɓɔɔ zang ɓɔɔ zunung daanang ka bii ɓiɓɛ kpang ɓɛɛ. Zang ɓɔɔ zi wu gngn kpang. Zang ɓɔɔ ti zi wu kagn kpang. Zang wu báng wu diki diki, naa vuu palɛnang wu nwang ɓɔɔ ɓiɓɛ dòndòng, Nɔngkɔ.

2 Timoti 3:17

tɔ̀ɔ, zang ɓɔɔ pálɛ̀ Laa shonang, wu walɛ zũnang ɓɔɔ wu palɛ shonang tɔ̃ɔ ka zɔ̃ng zɔ̃ng piti nɛɛ mani.

2 Timoti 4:18

Kpanti Yeesɔ Kirisi ta m ditɔ, ka vuu shi kpang ɓɔɔ zang nɛɛ ri palɛ m nandon. Wu daa nɛɛ n ka nɔng ɓɔɔ wu roo kpanti ka lapa ɓɛɛ. Zang ri a wu bannang ta dòndòng. Nɔngkɔ.

Yahudi 10:36

Nɔ́ɔ yaa danggn mãnang kpang, tɔ̀ɔ, nɔ́ɔ pálɛ́ vuu ɓɔɔ Laa kasɛ ɓɛɛ. Wu a nɔɔ vuu ɓɔɔ wu a nyaa nɛɛ wu á nɔɔ ɓɛɛ kati.

Yahudi 12:23

Nɔɔ á manɛ tɔ, ka nɔng ɓɔɔ zang ɓɔɔ ri dũng Laa ɓɔɔ rikɔ jamari ɓiɓɛ, ɓɔɔ zang béeré nung ɓarɛ tɔ ka lapa, ri kpalɛ zɔɔ ɓɛɛ. Nɔɔ a ka bii Laa, ɓɔɔ wukɔ jɛ̃ɛ zang piti ruu ɓɛɛ, a ɓɔɔ ka bii rɛɛ suru zang tɔ̃ɔ ɓɔɔ zang shing ri tɔ, ri nwang tɔ nyaa kiiri ɓɛɛ.

Yahudi 12:28

Ka ruu nɔngkɔ, rúu zã̀a nɔɔ Laa, ka ruu ɓɔɔ, a ruu nɔng kpanti roonang ɓɔɔ zang zĩiti ɓi kpang ɓɛɛ. Rúu zã̀a nɔɔ Laa ruu ti bang wu ka gbalang ɓɔɔ shing wu, wu tãa tĩnang. Ruu a wu bannang, ruu ti kaa vɔrɔ ɓiɓɛ.

Yahudi 13:16

Danggn wu ti ning nɔɔ tɔ̃ɔ palɛnang nɛɛ vuu basɛnang nɛɛ zɔɔ kpang, ka ruu ɓɔɔ, Laa tãa tĩnang zɔ̃ng vuu keɓe ɓa vuu ɓɔɔ ruu dɔ̀ɔ́ wu katɔ ɓɛɛ.

1 Bituru 2:5

Nɔɔ ɓɔɔ Yeesɔ Kirisi a nɔɔ suru bii tɔ ɓɛɛ, nɔɔ nwàng doo naa rɛɛ tari kɔ. Tari ɓɔɔ Laa mãa gãa ɓɔɔ suru nwang kagn ɓɛɛ. Nɔɔ manɛ zang ɓɔɔ Laa zɔ̃ng ri nɛɛ ri nwang zang ɓɔɔ ri dɔ̀ɔ́ wu vuu ɓɛɛ. Nɛɛ tɔ̀ɔ, nɔ́ɔ shòng wu kaa nɛɛ yeti manɛ piti naa ɓɔɔ wu tãa tĩnang ɓɛɛ, ka ruu Yeesɔ Kirisi.

1 Bituru 4:2

Vuu ɓɔɔ yi nɛɛ lɛɛkɔ, nɔɔ pálɛ̀ manɛ vuu ɓɔɔ Laa kasɛ ɓɛɛ, wu vuu ɓɔɔ bii shɔnzang kasɛ ɓɛɛ kpang.

2 Bituru 3:18

Nɔɔ dũng manɛ Kpanti ɓuru Yeesɔ Kirisi kɔ jong, ɓɔɔ wukɔ ta yuu ɓuru ɓɛɛ. Tɔ̀ɔ, wu palɛ nɔɔ tɔ̃ɔ kaa yuu zɔɔ, yuu zɔɔ. Zinang ɓɔɔ nɔɔ zi wu, wu ti daa ka tĩng. Zang ri a wukɔ bannang dòndòng. Nɔngkɔ.

1 Yɔhana 2:17

Diki ɓɔɔ koolaa keɓe naa waa nyaa, waa nyaa ɓi nɛɛ vuu ɓɔɔ zang kasɛ ka yeti ɓiɓɛ ning. Zang ɓɔɔ palɛ vuu ɓɔɔ yeti Laa kasɛ, wukɔ nwang ɓi gbinggbing.

1 Yɔhana 3:22

Laa a ruu vuu piti ɓɔɔ ruu gaa ka naa ɓiɓɛ katɔ, ka ruu ɓɔɔ, ruu ɓaa shoo ka nyaa ɓɔɔ wu dang ɓɛɛ. Ruu ti pálɛ́ vuu ɓɔɔ yeti ɓiɓɛ kasɛ ɓɛɛ.

Yahuza 1:25

Laa ɓɔɔ ɓa zang piti, wukɔ ti gbete, wukɔ tá yuu ɓuru nɛɛ bii Kpanti ɓuru Yeesɔ Kirisi ɓɛɛ. Bannang nɛɛ naa vuu palɛnang ɓi ɓɔɔ ɓiɓɛ dòo ka sáa ɓɔɔ tɛɛrɛ tɔ ɓɛɛ, nɛɛ kãntang keɓe, ti nwang ɓɔɔ ɓiɓɛ gbinggbing. Nɔngkɔ.

Vuu ɓɔɔ zang nwangsɛ Yɔhana 4:6

Ka tĩng laa nwannang kpanti kaɓa, n ti zi vuu ɓɔɔ nwàng naa mii waapo kɔlɔ katɔ puru naa vĩilaa. Vuu dɛ̃ɛti ɓɔɔ suru bii ɓarɛ kagn ri shiiri ka nɔng laa nwannang kpanti kaɓa, ri kiiri laa nyaa ka teteng, ka nakn ziti, ka nagang ziti. Ri takɛ jĩng dɔɔli nɛɛ bii piti piti, ɓɔɔ ka tĩng, ɓɔɔ ka knti.

Vuu ɓɔɔ zang nwangsɛ Yɔhana 5:13

A n tãa yee rɛɛ vuu ɓɔɔ ningkãari, ka lapa nɛɛ koo keɓe, nɛɛ ɓɔɔ koo rɛɛ suru zang ɓɔɔ vɔlɔ tɔ ɓɛɛ, nɛɛ rɛɛ vuu piti ɓɔɔ ka yeti mii ɓɛɛ, ri gaa soo nandon, ri kɔɔyi nɛɛ, “Ruu dɔ̀ɔ nɔɔ zang ɓɔɔ nwang ka laa nwannang kpanti ta, a ɓɔɔ Jaa Mɛ̀ɛrɛ́. Ruu a ri bannang, ruu ti zãa ri. Zang wu zɔ̃ɔrɔ ri, naa vuu palɛnang wu nwang ɓɔɔ ɓarɛ gbinggbing.”

Vuu ɓɔɔ zang nwangsɛ Yɔhana 5:9

Ri gaa soo shɔɔ, ri kɔɔyi nɛɛ, “Mɔɔ daa naa tɔ, mɔɔ ta labeenang kaɓa, mɔɔ ti tãlɛ lang ɓɔɔ zang ɓang nɛɛ mani ɓɛɛ. Ka ruu ɓɔɔ, zang nyɔ mɔɔ vɔrɔ ka tĩng, a mɔɔ ta Laa yuu zang dɔɔli nɛɛ zĩi ɓaaɓɛ ɓɛɛ. Zang ɓɔɔ mɔɔ ta yuu ɓarɛ keɓe, ri nwangnɛ zɔ̃ng zang piti ka koo keɓe, nɛɛ nyaa ɓɔɔ ka koo piti, ri nwangnɛ tipi piti, a ɓɔɔ nɛɛ tipi rɛɛ kpanti ka bm bm.