Yahudi 13:2 - Nyaa Shɔɔ Ɓɔɔ Laa a Ɓɛɛ

² Nɔɔ yaa zang zanti tanang ka gãa manɛ kpang, Ka ruu ɓɔɔ, zang ɓɔɔ ri pálɛ́ nɔngkɔ, a ri ta zang nyaa shonang Laa ɓɔɔ ri ka lapa ɓɛɛ tɔ̃ɔ, ri zi kpang.

Yahudi 13:2 ပူးပေါင်းရင်းမြစ်များ

Matiyu 25:35

Ka ruu ɓɔɔ, nyɔkɔ nyɔ m, nɔɔ a m vuu shaanang ɓɛɛ. Sutu ti mãa m nyaa, nɔɔ a m vuu ɓoonang. N ti a zanti, nɔɔ ta m ka gãa manɛ.

Matiyu 25:40

“A Kpanti naa kasɛ ri nyaa nɛɛ, ‘N kɔɔ nɔɔ ruu ɓɔɔ niizang kɔ nwani, vuu piti ɓɔɔ nɔɔ palɛ zang gbete ɓɔɔ wukɔ tɔkɔlɔng ka teteng rɛɛ manzung keɓe, nɔɔ pàlɛ̀ nkɔ.’

Matiyu 25:43

N a zanti, nɔɔ ti ta m ka gãa manɛ kpang. N nwang bii waati, nɔɔ hãa m fɔ̃ɔrɔ kpang. Kɔnang yi m, a zang ti mã m ka sãa nɔɔ lengke jĩng ka n kpang.’

Zang Shonang Yeesɔ 16:15

Zang palɛ wu batizima tɔ, nɛɛ zang ɓɔɔ ri ka gãa ɓiɓɛ, a gaa ruu nɛɛ, “Nɔɔ nɛɛ zi tɔ nɛɛ n zang ɓɔɔ shing danggn tɔ ka bii Laa, nɔɔ a ta ka gãa mɛɛ nɔɔ nwang ka nɔng.” Yi ruu tĩng ka bii, a ruu kasɛ kati.

Rooma 12:13

Basɛ vuu naa ɓaaɓɛ nɛɛ ɓaazung ɓɔɔ ri dũng doo Laa kɔ, ɓɔɔ vuu ka naa ɓarɛ kpang ɓɛɛ. Ta zang zanti katɔ ka yeti gãa ɓaaɓɛ.

Rooma 16:23

Gaayu, zang ɓɔɔ n nwang ka gãa ɓiɓɛ, ɓɔɔ zang ɓɔɔ ri dũng Kirisi ri kpalɛ zɔɔ ka gãa ɓiɓɛ ɓɛɛ, jée nɔɔ nyaa jong. Erasitu ɓɔɔ zang gari ri shing saka ka naa ɓiɓɛ, nɛɛ manzung ɓuru Kpaatu ɓɔɔ dũng doo Kirisi kɔ, ri jée nɔɔ nyaa.

1 Timoti 3:2

Zang bang zang ɓɔɔ ri dũng Laa, wu nwang ɓi zang ɓɔɔ shi kpang kagn bii ɓiɓɛ kpang ɓɛɛ, wu gee soro gbete kɔ nwani. Wu zang ɓɔɔ yeti ɓiɓɛ lasɛ pati kpang, zang ɓɔɔ yiti yuu ɓiɓɛ waasɛ̃ ɓɛɛ. Zang ɓɔɔ zang seng wu katɔ ɓɛɛ. Zang ɓɔɔ ta zang zanti ka gãa ɓiɓɛ waasɛ̃ ɓɛɛ, ti zunung naa ɓɔɔ wu tusu zang vuu katɔ.

1 Timoti 5:10

Nɛɛ ti suvɔ ɓɔɔ zang zi wu tɔ nɛɛ shonang tɔ̃ɔ palɛnang ɓɛɛ. Nɛɛ ti gãng jĩng ka wujɛ ɓiɓɛ waasɛ̃ ɓɛɛ. Nɛɛ tá zang zanti katɔ ɓɛɛ, nɛɛ ti pálɛ̀ zang ɓɔɔ ri dũng doo Laa kɔ vuu, tuu yuu ɓiɓɛ kpang ɓɛɛ. Nɛɛ ti yi zang ɓɔɔ ri dang jĩng naa ka bii ɓɛɛ, nɛɛ ti shing yuu ɓiɓɛ nɛɛ wu palɛ tɔ̃ɔ ka zɔ̃ng zɔ̃ng ɓɛɛ. Mɔɔ bee nung ɓiɓɛ.

Titu 1:8

Ɓi zang ɓɔɔ ta zang zanti ka gãa ɓiɓɛ waasɛ̃ ɓɛɛ, zang ɓɔɔ kasɛ vuu tɔ̃ɔ palɛnang ɓɛɛ, zang ɓɔɔ palɛ vuu sãnsãnrãng kpang ɓɛɛ, palɛ ɓi vuu ɓɔɔ daa bii katɔ diki diki, ti palɛ ɓi vuu ɓɔɔ Laa kasɛ ɓɛɛ, zang ɓɔɔ yiti yuu ɓiɓɛ waasɛ̃ ɓɛɛ.

1 Bituru 4:9

Nɔɔ ta zang ɓɔɔ ri a ka gãa manɛ katɔ, nɔ́ɔ gɔ̃ɔrɔ yee kagn kpang.

3 Yɔhana 1:5

Masang ɓɔɔ n kasɛ mɔɔ katɔ dɔɔli ɓɛɛ, vuu kɔ mɔɔ pálɛ̀ ɓaazung ɓɔɔ ri dũng Laa, ɓɔɔ mɔɔ zi ri nung katɔ, nɛɛ ɓɔɔ mɔɔ zi ri nung kpang, mɔɔ pálɛ̀ vuu ɓɔɔ Laa kasɛ ɓɛɛ kɔ.