Yahudi 13:17 - Nyaa Shɔɔ Ɓɔɔ Laa a Ɓɛɛ

¹⁷ Nɔɔ ɓaa shoo ka nyaa rɛɛ zang bang manɛ, nɔɔ palɛ vuu ɓɔɔ ri kɔɔ nɔɔ ɓɛɛ. Ka ruu ɓɔɔ, rikɔ gãng jĩng ka nɔɔ ɓɛɛ, ri ti naa kɔɔ Laa naa ɓɔɔ ri yiti nɔɔ ditɔ ɓɛɛ. Ri pálɛ́ shonang keɓe nɛɛ tĩnang tãanang, wu nɛɛ yeti lasɛnang kpang. Ka ruu ɓɔɔ, naa ri palɛ nɔngkɔ, nwàng nɔɔ vuu ɓɔɔ kpang ɓɛɛ.

Yahudi 13:17 ပူးပေါင်းရင်းမြစ်များ

Luka 16:2

A yɔɔ ying ɓaa nyaa ka zang shonang hɛ̃ɛ wu tɔɔ, ‘N tãa ɓu nyaa vi ka yuu ɓaaɓɛ viya? Bee m naa ɓɔɔ mɔɔ palɛ shonang nɛɛ vuu naa mɛɛ ɓɛɛ ta, ka ruu ɓɔɔ, mɔɔ nwàng zang shonang mɛɛ takpang ɓɛɛ.’

Zang Shonang Yeesɔ 20:28

Nɔɔ gãng jĩng ka yuu manɛ nɛɛ zang ɓɔɔ Suru Laa, a ri nɔɔ ka naa ɓɛɛ waasɛ̃. Nɔɔ nwang jagãng zang ɓɔɔ ri dũng Laa, ɓɔɔ ri nwàng ka ruu ɓɔɔ, wu hoo ri nɛɛ zĩi Jaa ɓiɓɛ ɓɛɛ.

Rooma 14:12

Zang naa shing zang ɓu ditɔ, wu kɔɔ Laa vuu ɓɔɔ wu palɛ ɓɛɛ.

1 Koranti 16:16

N gaa nɔɔ katɔ, nɔɔ a zang ɓɔɔ naa weɓe bannang katɔ. Nɔɔ ti seng zang ɓɔɔ ri palɛ shonang nɛɛ ri katɔ.

Afisa 5:21

Nɔɔ ɓáa shoo ka nyaa zɔɔ ka ruu bannang ɓɔɔ nɔɔ a Kirisi ɓɛɛ.

Filipi 1:4

Ka laa ɓɔɔ n gàá Laa piti ka yuu manɛ nandon, n tãa tĩnang dɔɔli.

Filipi 2:12

Ka ruu nɔngkɔ, masang ɓɔɔ n kasɛ nɔɔ dɔɔli ɓɛɛ, naa ɓɔɔ nɔɔ ɓaa shoo ka nyaa mɛɛ diki diki, bɛ̀ɛ́ n doo nɛɛ nɔɔ ɓɛɛ, nɔɔ ɓaa shoo kaa nyaa mɛɛ gbãng gbãng ka wee kãntang n tɔ̀ɔ́ nɛɛ nɔɔ kpang ɓee. Nɔɔ yi tĩng nɔ́ɔ palɛ vuu ɓɔɔ shingnɛ yuu manɛ ɓɔɔ Laa ta tɔ ɓɛɛ, wu nwang kaa nyaa kiiri. Nɔɔ palɛ vuu keɓe nɛɛ vɔrɔ kaanang nɛɛ bii zaanang.

Filipi 2:16

Tɔ̀ɔ, nɔ́ɔ ti kɔɔ zang ruu ɓɔɔ a zang suru bii ɓɛɛ. Naa nɔɔ palɛ nɔngkɔ, ka diki ɓɔɔ Yeesɔ Kirisi naa gbãayu, n naa tãa tĩnang, ka ruu ɓɔɔ, n naa zi kaa wukɔ nɛɛ n nyɔ bii ka nɔng shonang ka dalɛ waati kpang ɓɛɛ.

Filipi 2:29

Nɛɛ shɛ̃ɛ nɔng manɛ tɔ, nɔɔ ta wu waasɛ̃, nɔ́ɔ tãa tĩnang, ka ruu ɓɔɔ, ɓi doo zang ɓɔɔ dũng Laa kɔ naa nɔkɔ ɓɛɛ. Zang ɓɔɔ naa weɓe, daa naa ɓɔɔ nɔɔ seng wu tɔ.

Filipi 3:18

N kɔ̀ɔrɔ̀ nɔɔ rɛɛ vuu keɓe tɔ, wu doo gbete kpang. Vuu kɔ n kɔɔrɔ tɔkn nɛɛ miiri ka jĩng ɓee. N kɔɔ nɔɔ nɛɛ zang ɓɔɔ ri kagn teteng manɛ, ri nwang naa zang ɓɔɔ ri shing jĩng nɛɛ vɔrɔ ɓɔɔ Kirisi vɔ ka yuu laa ɓɛɛ kpang.

Filipi 4:1

Rɛɛ manzung ɓɔɔ n kasɛ nɔɔ katɔ gbãng gbãng, n shing jĩng n kasɛ nɔɔ zinang. Nɔkɔ shing m n tãa tĩnang, n ti dɔɔ bii nɛɛ nɔkɔ. Rɛɛ masang ɓɔɔ n kasɛ nɔɔ dɔɔli ɓɛɛ, nɔɔ shii nɔngkɔ gbãng gbãng ka bii Laa.

2 Tesalonika 3:14

Zang ɓɔɔ ka teteng manɛ nɛɛ dũng ruu kɔ ruu shong nɔɔ ka yeti labeenang keɓe kpàng. Nɛɛ nɔngkɔ, nɔɔ zi zang keɓe waasɛ̃ nɔ́ɔ pálɛ̀ vuu ɓɔɔ nɛɛ wu kpang, tɔ̀ɔ yusɛ̃ɛ wu tuu wu.

1 Timoti 5:17

Zang bang ɓɔɔ ri gãng jĩng ka zang ɓɔɔ ri dũng Laa ɓɛɛ. Ri nɛɛ palɛ shonang tɔ̃ɔ, zang shu ri saka tìng ziti. Zang ɓɔɔ shonang ɓarɛ ɓi Ruu Laa kɔɔrɔnang nɛɛ vuu tusunang, zang wu shu rikɔ nɔngkɔ gbãng gbãng.

Yahudi 13:24

Nɔ́ɔ jèe m zang bang manɛ, nɛɛ rɛɛ zang ɓɔɔ ri dũng Laa nyaa. Zang ɓɔɔ ri à nɛɛ tipi Italiya, ri jée nɔɔ nyaa.

Yahudi 13:7

Danggn wu ning nɔɔ zang bang manɛ ɓɔɔ ri ràng nɔɔ yee Laa ɓɛɛ kpang. Nɔɔ pɛ̃́ɛrɛ́ vuu ɓɔɔ nwannang ɓarɛ nwàng ri ɓɛɛ, nɔɔ màsɛ̀ danggn shinnang ɓarɛ.

Yakubu 4:7

Ka ruu nɔngkɔ, a Laa yuu ɓaaɓɛ. Mɔɔ táarɛ́ yuu nɛɛ suru shi kpang, yuu ditɔ wu yaa mɔɔ.

1 Bituru 5:5

Ɓɔɔ nɔɔ manɛ dòo jasang n kɔɔ nɔɔ dòo nɔngkɔ. Nɔɔ ɓaa shoo ka nyaa rɛɛ zang bang. Ɓɔɔ nɔɔ nandon ɓɛɛ, nɔɔ seng zɔɔ katɔ, a nɔɔ kpalɛ bii diki diki nɔ́ɔ shòng zɔɔ. Ka ruu ɓɔɔ, zang bee ka yeti labeenang Laa nɛɛ, “Laa kasɛ ruu zang ɓɔɔ ri tuu yuu ɓarɛ kpang, á ɓi zang ɓɔɔ ri tuu yuu ɓarɛ kpang tĩnang tãanang.”