Yahudi 13:16 - Nyaa Shɔɔ Ɓɔɔ Laa a Ɓɛɛ

¹⁶ Danggn wu ti ning nɔɔ tɔ̃ɔ palɛnang nɛɛ vuu basɛnang nɛɛ zɔɔ kpang, ka ruu ɓɔɔ, Laa tãa tĩnang zɔ̃ng vuu keɓe ɓa vuu ɓɔɔ ruu dɔ̀ɔ́ wu katɔ ɓɛɛ.

Yahudi 13:16 ပူးပေါင်းရင်းမြစ်များ

Luka 18:22

Ɓɔɔ Yeesɔ tãa naa weɓe, a kɔɔ wu tɔɔ, “Yàa mɔɔ kaa vuu gbete. Mãlɛ́ vuu ɓaaɓɛ nandon, mɔɔ basɛ zang ɓɔɔ vuu ka naa kpang ɓɛɛ saka. Tɔ̀ɔ, mɔɔ arɛ mɔɔ dũng knti mɛɛ. Mɔɔ naa walɛ vuu naa ditɔ ka lapa.”

Zang Shonang Yeesɔ 10:38

Ruu keɓe ɓi ruu Yeesɔ yɔɔ Nazara. Ɓɔɔ Laa a wu Suru ɓiɓɛ, nɛɛ naa vuu palɛnang ɓɛɛ. Yeesɔ keɓe daarɛ nɛɛ nɔng piti piti, pàlɛ́ zang tɔ̃ɔ, ti masɛ zang ɓɔɔ suru shi kpang ka bii ɓarɛ nandon, ka ruu ɓɔɔ, Laa nɛɛ wu ɓɛɛ.

Zang Shonang Yeesɔ 9:36

Jaa soro ɓɔɔ kagn dũng Laa, ka gari Joopa zang ɓaa nung ɓiɓɛ nɛɛ Tabita (Tabita nɛɛ nyaa Heleni ɓi Dorika, nung ɓɔɔ zang ɓaa mákà ɓɛɛ). Jaa soro keɓe pálɛ̀ ɓi tɔ̃ɔ diki diki, ti yi zang ɓɔɔ vuu ka naa kpang, naa ka bii.

Rooma 12:13

Basɛ vuu naa ɓaaɓɛ nɛɛ ɓaazung ɓɔɔ ri dũng doo Laa kɔ, ɓɔɔ vuu ka naa ɓarɛ kpang ɓɛɛ. Ta zang zanti katɔ ka yeti gãa ɓaaɓɛ.

Galati 6:10

Ka ruu nɔngkɔ, diki diki naa ɓɔɔ ruu zunung katɔ ɓɛɛ, ruu pàlɛ̀ zang piti tɔ̃ɔ. Ruu pàlɛ̀ manzung ɓuru ɓɔɔ ri shing danggn tɔ ka bii Laa kɔ tɔ̃ɔ gbãng gbãng.

Galati 6:6

Zang ɓɔɔ zang kpɛ̃̀ɛrɛ́ wu ruu gbalang Laa dũnnang, wu basɛ vuu tɔ̃ɔ ɓɔɔ ka naa ɓiɓɛ nɛɛ zang ɓɔɔ kpɛ̃ɛrɛ wu ɓɛɛ.

Afisa 4:28

Zang ɓɔɔ bɛ̀ɛ́ shɔngɓɔ wu yaa vuu ɓɔɔnang ta, wu gaayu shonang ɓɔɔ tɔ̃ɔ palɛnang ta nɛɛ naa ɓiɓɛ. Tɔ̀ɔ, wu walɛ vuu ɓɔɔ wu yi zang ɓɔɔ vuu ka naa ɓarɛ kpang naa ka bii.

Filipi 4:14

Naa doo nɔngkɔ, nɔɔ palɛ tɔ̃ɔ ka ɓɔɔ nɔɔ yi m naa ka bii ka ɓɔɔ n dàng jĩng ɓɛɛ.

Filipi 4:18

Nɔɔ a m vuu piti ɓɔɔ daa naa katɔ ɓɛɛ tɔ. Nɔɔ ti gisi vuu ɓɔɔ tɔ dɔɔli ɓa vuu ɓɔɔ n shing gn ɓiɓɛ tɔ. Ɓɔɔ Abafaroditu atɛ m vuu ɓɔɔ nɔɔ alɛ wu. Vuu bìí daa m katɔ, vuu ɓɔɔ n kasɛ ɓɛɛ takpang. Vuu keɓe nwang naa vuu ɓɔɔ á sɛ̃ɛ tɔ̃ɔ ɓɛɛ, vuu ɓɔɔ zang dɔɔ Laa ɓɔɔ shingnɛ Laa tãa tĩnang ɓɛɛ.

1 Tesalonika 5:15

Nɔɔ gãng jĩng kagn, zang ɓɔɔ wu waa pãng vuu shi kpang ɓɔɔ zang palɛ wu doo nɛɛ vuu shi kpang kɔ kpang. Nɔɔ shing jĩng kɔ jong diki diki nɛɛ nɔɔ pàlɛ́ zɔɔ tɔ̃ɔ. Nɔɔ ti pàlɛ̀ zang piti tɔ̃ɔ jong.

2 Tesalonika 3:13

A ɓɔɔ manɛ manzung ɓɔɔ ri dũng doo Laa kɔ ɓɛɛ, nɔɔ lee tɔ̃ɔ palɛnang kpang.

1 Timoti 6:18

Kɔɔ ri nɛɛ ri palɛ vuu ɓɔɔ tɔ̃ɔ ɓɛɛ. Ri nwang zang ying nɛɛ vuu tɔ̃ɔ ɓɔɔ ri palɛ ɓɛɛ. Ri mung naa kpang, ri a zang vuu, ri basɛ vuu ɓarɛ katɔ nɛɛ zang ɓɔɔ ɓɔ̀ɔ́ ɓarɛ kagn kpang.

Filimon 1:6

N gaa Laa nɛɛ mɔɔ yi tĩng ka ɓɔɔ mɔɔ kɔɔrɔ zang ruu ka yuu danggn ɓɔɔ mɔɔ shing ka bii Laa ɓɛɛ. Laa wu ti tusu mɔɔ vuu ɓɔɔ kagn ka yeti tɔ̃ɔ piti, ɓɔɔ ɓi ɓɔɔ ɓuru ɓɔɔ ruu zang Kirisi ɓɛɛ.

Yahudi 6:10

Ka ruu ɓɔɔ, Laa ɓi zang ɓɔɔ palɛ vuu gn dang gbete kpang, danggn ning wu shonang manɛ kpang. Nɛɛ naa ɓɔɔ nɔɔ tusu nɛɛ nɔɔ kasɛ wu katɔ, ka ɓɔɔ nɔɔ yí zang ɓiɓɛ naa ka bii, a nɔɔ ti yi ri doo naa ɓɛɛ.

3 Yɔhana 1:11

Masang ɓɔɔ n kasɛ mɔɔ dɔɔli ɓɛɛ, mɔ́ɔ màsɛ̀ zang ɓɔɔ ri palɛ vuu shi kpang, kpang. Màsɛ̀ zang ɓɔɔ ri pálɛ̀ vuu tɔ̃ɔ ɓɛɛ, zang ɓɔɔ palɛ vuu tɔ̃ɔ, wukɔ zang Laa. Zang ɓɔɔ pálɛ̀ vuu shi kpang, zi Laa nung ɓi gn kpang.