Yahudi 13:14 - Nyaa Shɔɔ Ɓɔɔ Laa a Ɓɛɛ

¹⁴ Ka ruu ɓɔɔ, gari ɓɔɔ ɓi ɓɔɔ ɓuru gbinggbing kagn koo keɓe kpang ɓɛɛ. Ruu kãa ɓuru gari ɓɔɔ naa a ɓɛɛ.

Yahudi 13:14 ပူးပေါင်းရင်းမြစ်များ

1 Koranti 7:29

Manzung, mɔ́ɔ ɓaa shoo ka vuu kɔ n kɔɔrɔ ɓee. Diki ɓɔɔ Laa ka ruu ɓɛɛ, bee takpang, ka ruu nɔngkɔ, vuu ɓɔɔ gaayu nɛɛ lɛɛkɔ, zang ɓɔɔ ri gee soro tɔ, ri nwang naa zang ɓɔɔ soro ɓarɛ kagn kpang ɓɛɛ.

2 Koranti 4:17

Jĩng dannang kɔ ruu dang ɓee, bee kpang. Daa doo vuu ɓɔɔ a ɓɛɛ kpang. Jĩng dannang keɓe, atɛ vuu ɓɔɔ bang katɔ, ɓɔɔ nwang ɓi dòndòng. Vuu ɓɔɔ zang gãsɛ nɛɛ mani ɓi kagn kpang.

Afisa 2:19

Ka ruu nɔngkɔ, nɔɔ ɓɔɔ nɔɔ zang Isirela kpang, nɔɔ tɔ̀ɔ́ zang zanti, a ɓɔɔ zang koolaa ɓɔɔgn kpang. Nɔɔ manɛ zang gbete nɛɛ zang Laa, Daa manɛ kaa gbete, wukɔ Laa.

Filipi 3:20

Rùu ɓuru zang lapa kɔ jong, a ruu shu jĩng, ruu gã Kpanti ɓuru Yeesɔ Kirisi, ɓɔɔ wu tá yuu ɓuru ɓɛɛ, wu a nɛɛ lapa.

Yahudi 10:34

Ka ruu ɓɔɔ, gn zang ɓɔɔ zang mã ri ka sãa kɔng nɔɔ katɔ. Ɓɔɔ zang lasɛ vuu manɛ zang seeyi, yeti manɛ lasɛ kpang. Ka ruu ɓɔɔ, nɔɔ nɛɛ yuu manɛ, nɔɔ zi tɔ, nɛɛ vuu manɛ kagn ɓɔɔ ɓa weɓe katɔ, a ti nwang ɓi dòndòng ɓɛɛ.

Yahudi 12:22

Nɔɔ à manɛ ka kɔpɔ Siyona, a ɓɔɔ ka gari bang ɓɔ̀ɔ́ Laa ɓɔɔ ɓi ningkãari ɓɛɛ. Gari keɓe wukɔ Urushalima ɓɔɔ ka lapa ɓɛɛ. Nɔɔ a manɛ ka nɔng ɓɔɔ rɛɛ zang nyaa shonang Laa ɓɔɔ ri ka lapa, ɓɔɔ ri ɓa naa ɓɔɔ zang gã katɔ, ri kpalɛ zɔɔ ri dɔ̀ɔ́ Laa, ri tãa tĩnang ɓɛɛ.

Yahudi 12:27

Ruu kɔ zang kɔɔyi nɛɛ, “Yaa dòo doo gbete” tusu nɛɛ, zang naa zĩiti vuu ɓɔɔ Laa mãarɛ ɓɛɛ, zang rùkú, zang yaa nɔng. Tɔ̀ɔ, zang yaa kaa vuu ɓɔɔ zang zunung zĩitinang kpang kɔ shɛ̃ɛning.

Yahudi 2:5

Laa shing wu zang nyaa shonang ɓiɓɛ ɓɔɔ ri ka lapa, ri roo kpanti ka koo ɓɔɔ wu naa mãa ɓɛɛ kpang. Koo kɔ ruu rang yee ka yuu ɓiɓɛ ɓee.

Yahudi 4:9

Ka ruu nɔngkɔ, zang Laa ri ɔ̃sɔ ditɔ naa ɓɔɔ ka lee ɓɔɔ diki daa manziti ɓɔɔ Laa ɔ̃sɔ kagn ɓɛɛ.

Yahudi 9:11

A wee Kirisi a ɓi tɔ, wukɔ kaa kpanti zang ɓɔɔ ri dɔɔ vuu ka Gãa Laa, ka yuu rɛɛ vuu tɔ̃ɔ ɓɔɔ ri ɓarɛ kaa nihn kɔ nwani ɓɛɛ. Putali ɓɔɔ Kirisi palɛ shonang ka yeti ɓiɓɛ, ɓa weɓe katɔ, a ɓi ti nyaa kiiri. Ɓi shɔnzang palɛ kpang, a ɓi ti ka koo keɓe kpang.

1 Bituru 4:7

Diki ɓɔɔ koo keɓe waa nyaa kagn, a naabm tɔ, ka ruu nɔngkɔ, nɔɔ yiti yuu manɛ waasɛ̃, nɔ́ɔ shii tɔ̃ɔ, tɔ̀ɔ, nɔ́ɔ gaa Laa kati.

Vuu ɓɔɔ zang nwangsɛ Yɔhana 3:12

Zang ɓɔɔ nɛɛ ɓa vuu gãsɛnang yuu, naa nwáng naa lajàa ɓɔɔ zang di sãa Gãa Laa nɛɛ mani ɓɛɛ. Ri yaa Gãa Laa takpang. N bee nung Laa mɛɛ, ka bii ɓarɛ, nɛɛ nung nɔng nwannang Laa mɛɛ, nɔng ɓɔɔ zang ɓaa nɛɛ Urushalima ɓɔɔ shɔɔ ɓɔɔ shooro nɛɛ lapa nɛɛ nɔng Laa mɛɛ ɓɛɛ. N ti bee nung mɛɛ ɓɔɔ shɔɔ jong ka bìí ɓarɛ.