Yahudi 12:9 - Nyaa Shɔɔ Ɓɔɔ Laa a Ɓɛɛ

⁹ Wu nɔngkɔ shɛ̃ɛning kpang, rɛɛ daa ɓuru ɓɔ̀ɔ́ bii shɔnzang kagn, ɓɔɔ ri gɔ̃ ruu shoo ɓɛɛ, a ruu seng ri katɔ. Naa ruu a Daa ɓuru ɓɔɔ ka lapa yuu ɓuru tɔ, ruu nwáng ningkãari, wukɔ daayi kpang ya?

Yahudi 12:9 ပူးပေါင်းရင်းမြစ်များ

Luka 18:2

Kɔɔ ri tɔɔ, “Zang ɓɔɔ jɛ̃ɛ zang ruu ɓɔɔ kagn gari ɓɔɔ. Kaa vɔrɔ Laa kpang, ti a zang bannang ɓi jong kpang.

Luka 18:4

Yɔɔ ɓɔɔ jɛ̃ɛ zang ruu kaɓa, ti yee laa ɓi ka wu kpang. A yɔɔ bìí naa rɛ̃rɛ nɛɛ knti tɔɔ, ‘N zi tɔ, n kaa vɔrɔ Laa kpang, n ti a shɔnzang bannang m kpang.

Yɔhana 3:6

Zang ɓɔɔ shɔnzang yirɛ, ɓi shɔnzang, zang ɓɔɔ Suru Laa yirɛ, ɓi ti zang suru.

Zang Shonang Yeesɔ 2:30

Dawuda ɓi zang nyaa shonang Laa, a ti zi vuu ɓɔɔ Laa tũng wu ɓi tɔ. Laa tũng wu vuu tɔɔ, wu yí zɔ̃ng ɓiɓɛ gbete wu roo kpanti.

Rooma 1:3

Ruu keɓe, ɓi ka yuu Jaa ɓiɓɛ Kpanti ɓuru Yeesɔ Kirisi. Ka bii shɔnzang, wu ɓi zɔ̃ng Dawuda.

Rooma 9:3

Naa nɛ̀ɛ́ yi ri naa ka bii katɔ, n nɛ̀ɛ́ gàa Laa wu kù m nyaa. Ń nwàng tɔ̀ɔ́ zang Kirisi kpang, ka ruu rɛɛ manzung ɓɔɔ zɔ̃ng ɓuru gbete ɓɛɛ.

Rooma 9:5

Ri ɓarɛ zɔ̃ng rɛɛ dabang ɓɔɔ ka tĩng tɛ̃ɛ tɛ̃ɛ ɓɛɛ. Kirisi ka bii shɔnzang ɓiɓɛ, nwangnɛ doo laa ɓarɛ kɔ. Zang wu dɔɔ Laa ta dòndòng, ɓɔɔ wukɔ kpanti ka yuu vuu piti ɓɛɛ. Nɔngkɔ.

Yakubu 4:10

Risi yuu ɓaaɓɛ naa mɔɔ wu vuu ɓɔɔ kpang, ka tĩng Kpanti Laa, tɔɔ Kpanti Laa wu a mɔɔ bannang kati.

Yakubu 4:7

Ka ruu nɔngkɔ, a Laa yuu ɓaaɓɛ. Mɔɔ táarɛ́ yuu nɛɛ suru shi kpang, yuu ditɔ wu yaa mɔɔ.

1 Bituru 5:6

Ka ruu nɔngkɔ, n kɔ̀ɔ́ nɔɔ nɔ́ɔ tuu yuu manɛ ka tĩng Laa ɓɔɔ wukɔ kpanti zang piti ɓɛɛ kpang, tɔ̀ɔ, wu naa shing nɔɔ, nɔ́ɔ nwang zang bang ka tĩng ɓiɓɛ, ka diki ɓɔɔ wu kasɛ ɓɛɛ.

Vuu ɓɔɔ zang nwangsɛ Yɔhana 22:6

A zang nyaa shonang Laa ɓɔɔ ka lapa ɓɛɛ kaɓa, kɔɔ m nɛɛ, “Rɛɛ vuu keɓe, ri daa ɓɔɔ zang shing gn kagn ɓɛɛ katɔ, a ti ruu ɓɔɔ niizang kɔ nwani. Kpanti Laa ɓɔɔ a rɛɛ zang nyaa shonang ɓiɓɛ naa, ri kɔɔ zang ruu ɓiɓɛ ɓɛɛ, shong zang nyaa shonang ɓiɓɛ ɓɔɔ ka lapa ɓɛɛ, nɛɛ wu naa tusu rɛɛ zang ɓɔɔ palɛ wu shonang ɓɛɛ, vuu ɓɔɔ bɛ̀ɛ́ zang palɛ kaa tɔ ɓɛɛ.”