Yahudi 12:3 - Nyaa Shɔɔ Ɓɔɔ Laa a Ɓɛɛ

³ Nɔɔ rɛ̃rɛ karɛ ka yuu Yeesɔ ɓɔɔ mã danggn ka jĩng ɓɔɔ wu dangnɛ ka ɓɔɔ zang bɛ̃ɛ wu ɓɛɛ, tɔ̀ɔ, nɔɔ lee kaa takpang, nɔɔ ti yaa gn naa kpang.

Yahudi 12:3 ပူးပေါင်းရင်းမြစ်များ

Matiyu 11:19

Jaa Shɔnzang àrɛ, shaa katɔ, ti ɓoo katɔ. Zang ti kɔɔyi tɔɔ, ‘Nɔɔ zi zang nyɔkɔ keɓe, zang ɓɔɔ ɓoo saa dɔɔli. Wusang zang saka tipi tanang nɛɛ zang ɓɔɔ ri dũng nyaa ɓɔɔ Laa dang kpang kɔ doori ɓɛɛ.’ Zũnang Laa tusu bii ka vuu tɔ̃ɔ ɓɔɔ shɔnzang palɛ ɓɛɛ.”

Matiyu 12:24

Ɓɔɔ zang Farisi ri tãa naa weɓe, ri tɔɔ ɓarɛ nɛɛ “Yeesɔ nwangsɛ suru shi kpang ɓi nɛɛ, naa ɓɔɔ Bahazabu Kpanti suru shi kpang a wu ɓɛɛ.”

Matiyu 15:2

“Zang ɓɔɔ ri mantɛ vuu ka bii ɓaaɓɛ, ri ɓa nyaa ɓɔɔ daa ɓuru dang ka ruu viya? Ka ruu vi, ri shaa vuu shaanang, ri sɔɔ náa ɓarɛ naa ɓɔɔ daa ɓuru tusu rùu kpang viya?”

Matiyu 21:23

A Yeesɔ naa daa tɔkn yeti Gãa Laa. Tusu zang vuu kana, a zang bang bang zang ɓɔɔ ri dɔɔ vuu ka Gãa Laa nɛɛ zang bang bang zang Yahudi, ri a ka bii ɓiɓɛ. Ri hɛ̃ɛ wu tɔɔ, “Mɔɔ walɛ naa vuu palɛnang keɓe ka niya? Ɓu wi, a mɔɔ naa vuu keɓe palɛnang wiya?”

Matiyu 21:46

Ka ruu nɔngkɔ, ri nɛɛ ri yi Yeesɔ katɔ, a ri kaa vɔrɔ zang. Ka ruu ɓɔɔ zang dɔɔli shing danggn nɛɛ Yeesɔ ɓi zang nyaa shonang Kpanti Laa ɓɛɛ.

Matiyu 22:15

A zang Farisi ri daa tɔ̀ng zɔɔ ka naa ɓɔɔ ri yi wu ka yee ɓɔɔ wu rang ɓɛɛ.

Luka 14:1

Ka Diki Ɔ̃sɔnang ɓɔɔgn, Yeesɔ daa vuu shaanang ka gãa zang bang Farisi ɓɔɔ gbete, zang ɓɔɔ ri ka nɔng ri tɛ̃ɛ wu jĩng ka bii selele.

Luka 15:2

A ɓɔɔ zang Farisi nɛɛ zang ɓɔɔ ri tusu zang labeenang Kpanti Laa, zi rɛɛ zang keɓe, ka bii Yeesɔ hn ɓɛɛ, ri gaa tɔɔsung yee gɔ̃ɔrɔnang ka naa ɓarɛ, ri kɔɔrɔ nɛɛ, “Yɔɔ keɓe ta zang ɓɔɔ ri palɛ vuu shi kpang ti shaa vuu nɛɛ ri.”

Luka 16:14

Zang Farisi ɓɔɔ ri tãa vuu ɓɔɔ Yeesɔ kɔɔrɔ nandon naa weɓe, ri ɓàa wu zaa ka bii, ka ruu ɓɔɔ, ri kasɛ saka dɔɔli ɓɛɛ.

Luka 2:34

Simiyon shìng ri naa ka yuu ɓarɛ, a gaa ri Laa kati. Kɔɔ Marayamu nàá Yeesɔ tɔɔ, “Laa zɔ̃ng jaa keɓe nɛɛ wu naa nwáng zang ɓɔɔ zang Isirela dɔɔli naa shaarɛ ka ruu ɓiɓɛ. Zang dɔɔli ti naa ta yuu ɓarɛ, ka ruu ɓiɓɛ. Wu ti naa nwáng zang ɓɔɔ zang rang wu katɔ ɓɛɛ.

Luka 5:21

A zang ɓɔɔ ri tusu zang vuu, nɛɛ zang Farisi ri gaa tɔɔsung ruu hɛ̃ɛlɛnang kaa naa ɓarɛ tɔɔ, “Yɔɔ kɔ rang yee shi kpang ka yuu Laa ɓee ɓu wiya? Ɓi Laa kɔ gbete yaa zang gbalang vuu shi kpang ɓɔɔ zang palɛ ɓɛɛ.”

Yɔhana 10:20

Zang dɔɔli ka teteng ɓarɛ ri kɔɔrɔ nɛɛ, “Suru shi kpang kagn bii ɓiɓɛ. Ɓi shoko. Nɔɔ ɓaa shoo ka ruu ɓɔɔ wu kɔɔrɔ ka ruu viya?”

Yɔhana 18:22

Ɓɔɔ Yeesɔ kasɛ nyaa naa weɓe, zang gbete ka teteng zang ɓɔɔ ri gã Gãa Laa, ɓɔɔ ri shii ka nɔng, nyɔ Yeesɔ nɛɛ naa ka kashoo. A kɔɔ wu nɛɛ “Mɔɔ ráng kpanti zang ɓɔɔ ri dɔɔ vuu ka Gãa Laa ruu nɔngkɔ ka ruu viya?”

Yɔhana 5:16

Ka ruu ɓɔɔ, Yeesɔ palɛ vuu keɓe ka Diki Ɔ̃sɔnang, rɛɛ zang bang bang zang Yahudi ri gaayu gbalang kãanang ɓɔɔ ri kpãa wu ɓɛɛ.

Yɔhana 7:12

Zang ɓɔɔ ri kpalɛ zɔɔ ri rangkɛ yee nɛɛ nwĩiri ka yuu ɓiɓɛ dɔɔli. Zang ɓɔɔ ri kɔɔyi nɛɛ, “Yɔɔ keɓe yɔɔ tɔ̃ɔ.” Zang ɓɔɔ ri kɔɔ ɓarɛ nɛɛ, “Yɔɔ keɓe nwãarɛ zang katɔ.”

Yɔhana 8:13

A zang Farisi ri kɔɔ wu nɛɛ, “Mɔɔ kɔɔ ruu ka yuu ɓaaɓɛ. Ka ruu nɔngkɔ, ruu ɓɔɔ mɔɔ kɔ̀ɔ ka yuu ɓaaɓɛ ɓi niizang kpang.”

Yɔhana 8:52

Ɓɔɔ zang Yahudi ri tãa naa weɓe, ri tɔɔ, “Ruu zi tɔ kati, suru shi kpang kagn bii ɓaaɓɛ. Ibirayi vɔ tɔ, nɛɛ rɛɛ zang nyaa shonang Laa piti, mɔɔ kɔɔ ruu ɓáa nɛɛ zang ɓɔɔ nɛɛ yiti ruu ɓaaɓɛ ka yeti ɓiɓɛ, vɔ kpang ya?

Yɔhana 8:59

Ka ruu nɔngkɔ, ri yakɛ tari nɛɛ ri luku wu kaa tɔ. Waasɛ yuu ɓiɓɛ, nwang nɛɛ nwĩiri yaa Gãa Laa.

Yɔhana 9:40

Ɓɔɔ rɛɛ zang Farisi ɓɔɔ ri nɛɛ wu, ri tãa naa weɓe, ri hɛ̃ɛ wu nɛɛ, “Wee jĩng ɓuru zuu ɓu kaa tɔ jong ya?”

1 Koranti 15:58

Ka ruu nɔngkɔ, manzung, ɓɔɔ n kasɛ nɔɔ katɔ ɓɛɛ, n kɔɔ nɔɔ, nɔɔ shii nɛɛ kaka, vuu ɓɔɔ wu shing nɔɔ nɔ́ɔ kɔ̃sɔ yeti manɛ kpang. Nɔɔ palɛ shonang Kpanti ɓuru Yeesɔ Kirisi nɛɛ yeti manɛ nandon, ka ruu ɓɔɔ, nɔɔ zi tɔ nɛɛ shonang ɓɔɔ nɔɔ pàlɛ́ Kpanti Kirisi naa nwǎng nɔɔ vuu tɔ̃ɔ katɔ ɓɛɛ.

2 Koranti 4:1

Gn ɓuru kɔng Laa, a á ruu shonang keɓe nɛɛ ruu palɛ. Ka ruu nɔngkɔ, ruu yaa gn naa kpang.

2 Koranti 4:16

Ka ruu nɔngkɔ, ruu yaa gn naa kpang. Naa wee bii biling ɓuru pũng katɔ ɓee, bii suru ɓuru ri ɓi shɔɔ diki diki.

Galati 6:9

Ruu lee tɔ̃ɔ palɛnang kpang. Ka ruu ɓɔɔ, ruu nɛɛ leeyi, ruu nɛɛ yaa kpang, diki a ditɔ ɓɔɔ naa nwǎng ruu vuu tɔ̃ɔ ɓɛɛ.

2 Tesalonika 3:13

A ɓɔɔ manɛ manzung ɓɔɔ ri dũng doo Laa kɔ ɓɛɛ, nɔɔ lee tɔ̃ɔ palɛnang kpang.

Yahudi 12:2

Ruu shing nɔɔ jĩng ka bii Yeesɔ ɓɔɔ wukɔ tusu ruu naa ɓɔɔ ruu shing danggn, ti shingnɛ danggn shinnang ɓuru wu nwang nyaa kiiri ɓɛɛ. Zang ɓɔɔ, ka ruu tĩnang ɓɔɔ Laa naa a wu ka tĩng, mã danggn ka ɓɔɔ zang ɓaa wu naa ka laa ɓɛɛ. Yee laa ka yusɛ̃ɛ náa ɓɔɔ zang ɓaa wu ɓɛɛ kpang, a daa nwàng ka nakn laa nwannang Kpanti Laa.

Yahudi 12:5

Danggn wu ning nɔɔ ruu gn mãnang ɓɔɔ Laa ɓáa nɔɔ nɛɛ wujɛ ɓiɓɛ ɓɛɛ kpang, kɔɔyi tɔɔ, “Jaa mɛɛ, mɔɔ risi shoo ɓɔɔ Laa gɔ̃̀ mɔɔ, wu nwang naa vuu pĩirinang kpang. Naa ti mangkɛ mɔɔ, mɔɔ yaa gn naa kpang.

Yahudi 3:1

Ka ruu nɔngkɔ, rɛɛ manzung ɓɔɔ nɔɔ doo zang Laa kɔ ɓɛɛ, ɓɔɔ Laa ɓáa nɔɔ nyaa tɔ jong ɓɛɛ. Nɔɔ shing rɛ̃rɛnang manɛ ka bii Yeesɔ, ɓɔɔ wukɔ zang shonang nɛɛ kpanti zang ɓɔɔ ri dɔɔ vuu ka Gãa Laa ɓɔ̀ɔ́ danggn kɔ ruu shing ɓee.

1 Bituru 2:23

Zang ri dãlɛ wu, a dãa zang ɓi kaa tɔ̀ɔ́ jong kpang. Ka ɓɔɔ zang dang wu jĩng, kɔɔ kpang nɛɛ, wu naa palɛ zang vuu shi kpang ditɔ jong kpang. Shing jĩng ɓi ka bii Laa ɓɔɔ dɔ̀ng zang ruu gn dang gbete kpang ɓɛɛ kɔ jong.

Vuu ɓɔɔ zang nwangsɛ Yɔhana 2:3

N zi tɔ nɔɔ mã danggn tɔ, nɔɔ dang jĩng tɔ dɔɔli, ka ruu nung mɛɛ, a nɔɔ ti yaa gn naa kpang.