Yahudi 12:24 - Nyaa Shɔɔ Ɓɔɔ Laa a Ɓɛɛ

²⁴ A ɓɔɔ ka bii Yeesɔ ɓɔɔ wukɔ shii ka teteng ɓuru nɛɛ Laa, ka nyaa shɔɔ kɔ Laa mã nɛɛ ruu ɓee. A nɔɔ ti a ka nɔng zĩi ɓɔɔ zang ɓisi katɔ, kaa nyavɔ, kɔɔ vuu tɔ̃ɔ, ɓa zĩi Habila katɔ ɓɛɛ.

Yahudi 12:24 ပူးပေါင်းရင်းမြစ်များ

Matiyu 23:35

Tɔ̀ɔ, jĩng dannang zang ɓɔɔ ri nyɔ̀kɔ̀ zang tɔ̃ɔ, ɓɔɔ ka koo keɓe piti, wu nwang ka yuu manɛ. Zang tɔ̃ɔ ɓɔɔ gaayu nɛɛ bii Habila, a naa a ka yuu Zakariya jaa Berikiya ɓɔɔ nɔɔ nyɔ ka teteng Gãa Laa nɛɛ nɔng ɓɔɔ zang dɔɔ Laa vuu kagn ɓɛɛ.

Matiyu 26:28

Wee zĩi mɛɛ ɓɔɔ naa tusu zang nɛɛ nyaa shɔɔ ɓɔɔ Laa kɔɔ zang, naa nwang kaa niizang ɓɛɛ. Zĩi mɛɛ ɓɔɔ n tɛ̃ɛ ka ruu zang dɔɔli, nɛɛ tɔ̀ɔ Laa wu kɔsɔ ri vuu shi kpang ɓarɛ kati ɓɛɛ.

Maraku 14:24

A Yeesɔ kɔɔ ri tɔɔ, “Wee zĩi mɛɛ ɓɔɔ naa tusu nɛɛ, nyaa shɔɔ ɓɔɔ Laa a zang naa nwang kaa niizang ɓɛɛ kɔ. Zĩi mɛɛ ɓɔɔ zang naa tɛ̃ɛ ka ruu zang dɔɔli ɓɛɛ.

Luka 11:51

Zang nyaa shonang Laa ɓɔɔ gaayu ka bii Habila a nɛɛ mani ka bii Zakariya ɓɔɔ zang nyɔ ka teteng nɔng ɓɔɔ zang dɔɔ Laa vuu kagn nɛɛ Gãa Laa ɓɛɛ. N kɔ̀ɔ́ nɔɔ zang naa dang zang koo jaa knti keɓe kɔ jĩng.

Luka 22:20

Ɓɔɔ ri hangsɛ vuu shaanang, a tuu juwa ɓɔɔ mii inabi kagn naa ɓaasi ɓɛɛ tɔɔ, “Juwa keɓe, ɓi nyaa shɔɔ ɓɔɔ Laa a ɓɛɛ. Ɓi zĩi mɛɛ ɓɔɔ n naa tɛ̃ɛyi kɔ naa hansɛ nyaa shɔɔ keɓe.

Galati 3:20

Zang ɓɔɔ shii ka teteng zang, shii ɓi ka teteng zang ziti. A Laa ɓi ka bm gbete ka ɓɔɔ wu a Ibirayi nyaa ɓɛɛ.

1 Timoti 2:5

Laa ɓi gbete kɔ nwani, a zang ɓɔɔ shɛ̃ɛ ka teteng Laa nɛɛ zang piti ɓi doo gbete kɔ. Zang keɓe wukɔ Yeesɔ Kirisi.

Yahudi 10:22

Rúu a nɔɔ ta, ka bii Laa nɛɛ yeti tɔ̃ɔ. Ruu yaa gn naa kpang, ka ruu ɓɔɔ, Kirisi sɔɔ yeti ɓuru tɔ kalang kalang, rɛ̃rɛnang shi kpang kagn kpang. A zang ti sɔɔ ruu bii katɔ nɛɛ mii ɓɔɔ kalang kalang ɓɛɛ.

Yahudi 11:28

Danggn shinnang kɔ shing wu, gaayu diki nyaalaa borodi ɓɔɔ zang tɛ̃ɛ yisi kagn kpang ɓɛɛ. Kɔɔ zang Isirela nɛɛ ri nwãa zĩi ka nyaa gãa ɓarɛ. Tɔ̀ɔ, zang nyaa shonang Laa ɓɔɔ ka lapa ɓɔɔ naa nyɔ̀kɔ́ jamari zang Masara vɔrɔ, wu nyɔkɔ ɓɔɔ zang Isirela kpang.

Yahudi 11:4

Danggn shinnang Habila shing wu, a á Laa vuu nɛɛ zang dɔɔyi, vuu ɓɔɔ Laa tãa tĩnang ɓa ɓɔɔ Kayinu katɔ ɓɛɛ. Danggn shinnang shingnɛ, Laa kɔɔyi nɛɛ, wu zang tɔ̃ɔ ka tĩng ɓiɓɛ, ka ɓɔɔ Laa kɔɔ ruu tɔ̃ɔ ka yuu vuu ɓɔɔ wu a ɓɛɛ. A danggn shinnang ɓiɓɛ kɔ shingnɛ, vɔ tɔ doo tɛ̃ɛ tɛ̃ɛ, zĩi ɓiɓɛ kaa doo naa, nɛɛ Laa wu waa wu pãng ta.

Yahudi 13:20

N gaa Laa ɓɔɔ shingnɛ, zang nwáng ka nyaa zɔɔ, ɓɔɔ wisi Kpanti ɓuru Yeesɔ paa tɔkn nɛɛ sàa ɓɛɛ. Yeesɔ ɓɔɔ wukɔ kpanti jagãng mɛ̀ɛrɛ́ ɓɛɛ, ka ruu zĩi ɓiɓɛ ɓɔɔ Laa mã nyaa ɓɔɔ gbinggbing nɛɛ mani ɓɛɛ.

Yahudi 7:22

Ka ruu vuu kɔ Laa tũng ɓee kɔ, Yeesɔ nwang kaa zang ɓɔɔ shingnɛ Laa mã ruu nyaa ɓɔɔ ɓa ɓɔɔ tĩng katɔ ɓɛɛ.

Yahudi 8:13

Ka ɓɔɔ Laa rang yee, ka yuu nyaa shɔɔ keɓe, risi ɓɔɔ tĩng shɔɔnang nwàng kaa ɓɔɔ gbaala. Vuu ɓɔɔ nɛɛ ri gbaala tɔ, nɛɛ kpɛ̃ɛ kana, bɛ̀ɛ́ ning ɓi kaa tɔ.

Yahudi 8:6

A shonang ɓɔɔ Yeesɔ ta keɓe, ɓa ɓɔɔ ɓarɛ ɓi katɔ, naa ɓɔɔ nyaa ɓɔɔ Yeesɔ shingnɛ Laa mã nɛɛ shɔnzang, ɓa nyaa ɓɔɔ gbaala katɔ ɓɛɛ. Ka ruu ɓɔɔ, nyaa ɓɔɔ Laa a ruu, atɛ zang vuu tɔ̃ɔ, ɓa nyaa gbaala ɓɔɔ wu mã keɓe katɔ ɓɛɛ.

Yahudi 8:8

A Laa zi vuu shi kpang ɓarɛ ɓɔɔ ri palɛ ɓɛɛ tɔ a kɔɔyi tɔɔ, “Diki a kana ɓɔɔ n naa mã nyaa shɔɔ nɛɛ zang Isirela a ɓɔɔ nɛɛ zɔ̃ng zang Yahuda.

Yahudi 9:15

Ka ruu ruu keɓe kɔ, Kirisi shing tɔ, Laa mã nyaa shɔɔ nɛɛ ruu. Tɔ̀ɔ, zang ɓɔɔ Laa ɓaa ri nyaa, ri walɛ vuu ɓɔɔ Laa a ri nyaa ka yuu ɓiɓɛ ɓɛɛ, gbinggbing. Ka ruu ɓɔɔ, Kirisi ɓɔɔ vɔ tɔ, ta ri tɔ nɛɛ jĩng ɓɔɔ zang nɛɛ dang ri, ka ruu vuu shi kpang ɓɔɔ ri palɛ, bɛ̀ɛ́ ri dũng doo nyaa tĩng shɔɔnang ɓɔɔ Laa mã́ nɛɛ ri ɓɛɛ.

Yahudi 9:19

Ka ɓɔɔ Musa kɔɔ zang vuu ɓɔɔ Laa dang nyaa ɓɛɛ nandon, a tuu zĩi mɔ́kɔ́ napo nɛɛ ɓɔɔ jàa ɓɔɔ zang dɔɔ Laa, a nwɛ̃ɛtɛ nɛɛ mii, a ɓisi ka labeenang nyaa dannang nɛɛ zang ɓɔɔ ka nɔng ɓɛɛ nandon. Ɓìsi nɛɛ gɔpɔ, a ɓɔɔ shãngti mɛ̀ɛrɛ́ ɓɔɔ zang nwãa kpaa kagn ɓɛɛ.

Yahudi 9:21

A ɓisi putali kaa doo nɔngkɔ nɛɛ vuu ɓɔɔ ka yeti putali piti nɛɛ zĩi.

1 Bituru 1:2

Nɔɔ manɛ zang ɓɔɔ Daa ɓuru Laa zi vuu ɓɔɔ nɛɛ wu palɛ nɛɛ nɔɔ tɔ, doo ka tĩng tɛ̃ɛ tɛ̃ɛ ɓɛɛ. Laa shɛ̃ɛrɛ nɔɔ nɛɛ naa vuu palɛnang Suru ɓiɓɛ, nɛɛ nɔ́ɔ nwang zang ɓiɓɛ, nɔ́ɔ ɓaa shoo ka nyaa Yeesɔ Kirisi. Zĩi Yeesɔ keɓe wu sɔ̀ɔ nɔɔ, nɔ́ɔ nwang zang tɔ̃ɔ ka tĩng Laa. Laa wu gisi nɔɔ tĩnang tãanang, wu ti shingnɛ yeti manɛ wu valɛ katɔ diki diki.