Yahudi 12:23 - Nyaa Shɔɔ Ɓɔɔ Laa a Ɓɛɛ

²³ Nɔɔ á manɛ tɔ, ka nɔng ɓɔɔ zang ɓɔɔ ri dũng Laa ɓɔɔ rikɔ jamari ɓiɓɛ, ɓɔɔ zang béeré nung ɓarɛ tɔ ka lapa, ri kpalɛ zɔɔ ɓɛɛ. Nɔɔ a ka bii Laa, ɓɔɔ wukɔ jɛ̃ɛ zang piti ruu ɓɛɛ, a ɓɔɔ ka bii rɛɛ suru zang tɔ̃ɔ ɓɔɔ zang shing ri tɔ, ri nwang tɔ nyaa kiiri ɓɛɛ.

Yahudi 12:23 ပူးပေါင်းရင်းမြစ်များ

Luka 10:20

Nɔ́ɔ tãa tĩnang ka ruu ɓɔɔ suru shi kpang ɓaa shoo ka nyaa manɛ kpang. Nɔɔ tãa tĩnang manɛ, ka ruu ɓɔɔ, zang bee nung manɛ tɔ ka lapa ɓɛɛ.”

Yɔhana 5:27

Ti á Jaa naa tɔ nɛɛ wu jɛ̃ɛ zang ruu ka ruu ɓɔɔ wukɔ Jaa Shɔnzang ɓɛɛ.

Zang Shonang Yeesɔ 20:28

Nɔɔ gãng jĩng ka yuu manɛ nɛɛ zang ɓɔɔ Suru Laa, a ri nɔɔ ka naa ɓɛɛ waasɛ̃. Nɔɔ nwang jagãng zang ɓɔɔ ri dũng Laa, ɓɔɔ ri nwàng ka ruu ɓɔɔ, wu hoo ri nɛɛ zĩi Jaa ɓiɓɛ ɓɛɛ.

1 Koranti 13:12

Vuu ɓɔɔ ruu zili kãntang keɓe, ruu zirɛ mɔɔ kɔɔ nɛɛ ruu pɛ̃ɛrɛ ka vĩilaa ɓɔɔ wu kalang kalang kpang ɓɛɛ. Diki a ditɔ ɓɔɔ ruu zi ri tɔ̃ɔ tɔ̃ɔ nɛɛ jĩng ɓɛɛ. Vuu ɓɔɔ n zi kãntang keɓe, wu gň nyaa kiiri kpang. Ka diki kaɓa, n naa zi kaa nyaa kiiri naa ɓɔɔ Laa zì m tɔ nandon ɓɛɛ.

1 Koranti 15:49

Ɓɔɔ kãntang keɓe, ruu nwàng naa zang ɓɔɔ Laa mãa wu nɛɛ tapuru ɓɛɛ. Lee ɓɔɔ ruu naa nwáng ditɔ naa zang ɓɔɔ a nɛɛ lapa ɓɛɛ.

1 Koranti 15:54

Ka laa ɓɔɔ bii ɓɔɔ pũng katɔ, ti vɔ katɔ kɔ̃sɔ bii, nwang kaa ɓɔɔ pũng takpang, ti vɔ takpang. Naa nwang kaa naa ɓɔɔ zang bée ka yeti labeenang Laa doo tɛ̃ɛ tɛ̃ɛ ɓɛɛ. Zang beeyi nɛɛ, “Laa ɓa vɔrɔ yuu tɔ, ti ningsi naa vuu palɛnang vɔrɔ tɔ.”

2 Koranti 5:8

Ruu yaa gn naa kpang. Ruu kasɛ katɔ kɔ jong, ruu yaa bii kɔ wukɔ gãa ɓuru ɓee, ruu daa nwang kaa nɛɛ Kpanti Yeesɔ.

Afisa 1:22

Laa shing vuu piti tɔ ka naa vuu palɛnang Yeesɔ Kirisi a zang zɔ̃ng wu nɛɛ wu nwang zang bang ka yuu vuu piti ka ruu zang ɓɔɔ ri dũng Laa ɓɛɛ.

Filipi 4:3

N gaa mɔɔ katɔ, zang ɓɔɔ palɛ shonang nɛɛ n, a ti ɓaa shoo ka nyaa mɛɛ ɓɛɛ. Mɔɔ yì rɛɛ zang soro keɓe naa ka bii, ka ruu ɓɔɔ, ri nɛɛ n, ruu palɛ shonang, a ruu ti dang jĩng nɛɛ zɔɔ, ka ɓɔɔ ruu, kɔɔrɔ zang Ruu Tɔ̃ɔ Laa ɓɛɛ. Naa ɓɔɔ Kilema nɛɛ rɛɛ wusang shonang mɛɛ, ɓɔɔ Laa bée nung ɓarɛ tɔ nandon ka yeti labeenang ɓiɓɛ, ɓɔɔ wu beere nung zang ɓɔɔ ri walɛ suru bii ɓɔɔ waa nyaa kpang tɔ, kagn ɓɛɛ.

Kolosi 1:12

Tɔ̀ɔ, nɔ́ɔ dɔ̀ɔ Laa ɓɔɔ wukɔ Daa ɓuru kati, nɔɔ tãa tĩnang. Laa ɓɔɔ shingnɛ nɔɔ dàa naa ɓɔɔ nɔɔ wàlɛ́ vuu jong ka teteng vuu ɓɔɔ wu shing zang ɓiɓɛ ka nɔng ɓɔɔ wu roo kpanti kagn, ɓɔɔ yakɛ ɓi katɔ ɓɛɛ.

Kolosi 1:24

Kãntang keɓe, n tãa kaa tĩnang ka jĩng ɓɔɔ n dang ka ruu manɛ ɓɛɛ. Jĩng kɔ n dang ɓee, hangsɛ ɓi nyaa vuu ɓɔɔ yàa m ka jĩng dannang ɓɔɔ Kirisi shing m, nɛɛ n dang ka ruu zang ɓɔɔ ri dũng wu, ɓɔɔ rikɔ kaa bii ɓiɓɛ ɓɛɛ.

1 Timoti 3:5

Ka ruu ɓɔɔ, naa zang ɓɔɔ zunung ɓɔɔ wu yiti zang ka gãa ɓiɓɛ kpang, palɛ biya, wu yiti zang ɓɔɔ ri dũng Laa viya?

Yahudi 11:4

Danggn shinnang Habila shing wu, a á Laa vuu nɛɛ zang dɔɔyi, vuu ɓɔɔ Laa tãa tĩnang ɓa ɓɔɔ Kayinu katɔ ɓɛɛ. Danggn shinnang shingnɛ, Laa kɔɔyi nɛɛ, wu zang tɔ̃ɔ ka tĩng ɓiɓɛ, ka ɓɔɔ Laa kɔɔ ruu tɔ̃ɔ ka yuu vuu ɓɔɔ wu a ɓɛɛ. A danggn shinnang ɓiɓɛ kɔ shingnɛ, vɔ tɔ doo tɛ̃ɛ tɛ̃ɛ, zĩi ɓiɓɛ kaa doo naa, nɛɛ Laa wu waa wu pãng ta.

Yahudi 11:40

Laa mang vuu ɓɔɔ tɔ̃ɔ tɔ̃ɔ kagn, ɓɔɔ wu shing rùu jong kagn ɓɛɛ. Naa rùu kagn kpang, nwang nyaa kiiri kpàng.

Yahudi 2:12

Kɔɔ Laa tɔɔ, “N kɔɔ rɛɛ manzung ruu bannang ɓaaɓɛ. N gáa soo, n dɔ̀ɔ mɔ̀ɔ ka tĩng zang dɔɔli ɓɔɔ ri kpalɛ zɔɔ, ri bang mɔɔ ɓɛɛ.”

Yahudi 9:27

Naa ɓɔɔ Laa shingnɛ nɛɛ shɔnzang wu vɔ doo gbete, nɛɛ knti wu naa jɛ̃ɛ zang ruu kati ɓɛɛ.

Yakubu 1:18

Wukɔ kasɛ nɛɛ yuu ɓiɓɛ, a shing rùu, rùu nwang wujɛ ɓiɓɛ, nɛɛ yee ɓiɓɛ ɓɔɔ niizang ɓɛɛ. Nɛɛ tɔ̀ɔ, ruu nwang kaa naa jamari rɛɛ vuu ɓɔɔ wu mã́arɛ̀ ɓɛɛ.

1 Bituru 2:23

Zang ri dãlɛ wu, a dãa zang ɓi kaa tɔ̀ɔ́ jong kpang. Ka ɓɔɔ zang dang wu jĩng, kɔɔ kpang nɛɛ, wu naa palɛ zang vuu shi kpang ditɔ jong kpang. Shing jĩng ɓi ka bii Laa ɓɔɔ dɔ̀ng zang ruu gn dang gbete kpang ɓɛɛ kɔ jong.

Vuu ɓɔɔ zang nwangsɛ Yɔhana 13:8

Zang ɓɔɔ ri nwang ka koo nandon ri naa bang wu. Rɛɛ zang ɓɔɔ zang bee nung ɓarɛ doo tɛ̃ɛ tɛ̃ɛ kpang, ka yeti labeenang Jaa Mɛ̀ɛrɛ́ Laa, ɓɔɔ bɛ̀ɛ́ zang nyɔ wu vɔrɔ ɓɛɛ.

Vuu ɓɔɔ zang nwangsɛ Yɔhana 14:4

Zang keɓe nandon, ɓi rikɔ zang ɓɔɔ ri palɛ dũndũng nɛɛ zang soro kpang, ri yiti yuu ɓarɛ waasɛ̃ ɓɛɛ. Rikɔ ti dũlu Jaa Mɛ̀ɛrɛ́ ka knti ka nɔng ɓɔɔ wu dàá ɓɛɛ piti. Zang tà yuu ɓarɛ kɔ, nɛɛ teteng rɛɛ shɔnzang, a zang a Laa nɛɛ Jaa Mɛɛrɛ ɓiɓɛ ri.

Vuu ɓɔɔ zang nwangsɛ Yɔhana 20:15

A zang piti ɓɔɔ zang nɛɛ ĩi nung ɓiɓɛ, zang bee ka yeti labeenang ɓɔɔ zang beere nung zang ɓɔɔ ri walɛ suru bii ɓɔɔ waa nyaa kpang tɔ, kagn kpang, zang tasɛ wu ka too waa kaɓa kɔ.

Vuu ɓɔɔ zang nwangsɛ Yɔhana 6:11

A zang a zang ɓu ka teteng ɓarɛ fɔ̃ɔrɔ puru. A zang kɔɔ ri nɛɛ, ri gã ka gbongkarɛ tɔkɔlɔng, ka ruu ɓɔɔ, ri ɓee nyaa gn kpang ɓɛɛ. Rɛɛ ɓeezung ɓarɛ ɓɔɔ ri dũng dòo Laa kɔ ɓɔɔ zang koo naa nyɔkɔ ri vɔrɔ ditɔ jong, naa ɓɔɔ ɓeleng zang nyɔkɔ nɔɔ vɔrɔ ɓɛɛ.

Vuu ɓɔɔ zang nwangsɛ Yɔhana 6:9

Ɓɔɔ tãa lang ɓɔɔ daa kaa maani ɓɛɛ, n zili suru bii zang ɓɔɔ zang nyɔkɔ ri vɔrɔ ka ruu ɓɔɔ ri kɔɔrɔ zang Ruu Laa, a ri ti kɔɔ ruu niizang ka yuu danggn ɓɔɔ ri shing ɓɛɛ. N zi suru bii ɓarɛ ka dii nɔng ɓɔɔ zang dɔɔ Laa vuu kagn ɓɛɛ.