Yahudi 12:15 - Nyaa Shɔɔ Ɓɔɔ Laa a Ɓɛɛ

¹⁵ Nɔɔ gãng jĩng kagn, zang ɓɔɔ ka teteng manɛ nɛ̀ɛ́ wàlɛ̀ tɔ̃ɔ Laa kpang, a zang ɓɔɔ nɛ̀ɛ́ ta yeti ɓɔɔ la katɔ ɓɛɛ, ɓɔɔ shingnɛ, nyaa haanang seepaa, ɓɔɔ lasɛ zang dɔɔli ɓɛɛ.

Yahudi 12:15 ပူးပေါင်းရင်းမြစ်များ

Luka 22:32

Siman, n gàa mɔɔ Laa tɔ, ka ruu ɓɔɔ, mɔɔ nɛ̀ɛ́ yaa danggn shinnang ka n ɓɛɛ. Mɔɔ nɛɛ a tɔ ka bii mɛɛ tɔkn, mɔ́ɔ yi rɛɛ ɓaazung ɓɔɔ nɔɔ mantɛ vuu nɛɛ ri ka bìí mɛɛ ɓɛɛ naa ka bii, ri shing danggn waasɛ̃.”

1 Koranti 10:12

Ka ruu nɔngkɔ, zang ɓɔɔ nɛɛ zirɛ nɛɛ wu shii ɓi katɔ nɛɛ kaka gbatagbata, wu palɛ waasɛ̃, wu nɛɛ watɛ ka ɓɔɔ zang gãsɛ wu ɓɛɛ.

1 Koranti 13:8

Zang ɓɔɔ kàsɛ̀ zang katɔ, di nyaa zang kasɛnang ɓi kpang. Diki a kana ɓɔɔ zang ri naa yaa vuu ɓɔɔ Laa tusu ri kɔɔrɔnang. Diki a kana ɓɔɔ zang ri naa kɔ̀ɔrɔ̀ ruu tɔ̀ɔ́ nɛɛ nyaa ɓɔɔ ri kpɛ̃ɛrɛ kpang, kpang. Vuu zinang ti naa waa nyaa kaa tɔ.

1 Koranti 15:33

Nɔ́ɔ yaa zang ri nwãarɛ nɔɔ kpang. “Naa mɔɔ rakɛ nɛɛ zang ɓɔɔ ri palɛ shi kpang, mɔɔ naa palɛ doo shi kpang naa ɓɔɔ ri palɛ ɓɛɛ kɔ.”

1 Koranti 5:6

Daa naa ɓɔɔ nɔɔ tuu yuu manɛ naa wee nɔɔ pálɛ̀ ɓee kpang. Nɔɔ zi kpang nɛɛ yisi tɔkɔlɔng tàntɛ́ yeti borodi bàanang wu shing borodi wu puuyi kpang ya?

2 Koranti 13:5

Nɔɔ gãsɛ yuu manɛ karɛ nɔɔ zirɛ, naa nɔɔ nwang doo nwannang danggn ɓɔɔ nɔɔ shing ka bii Yeesɔ Kirisi ɓɛɛ ya? Nɔɔ gãsɛ yuu manɛ ta. Nɔɔ zi tɔ niizang Kirisi nwang ka yeti manɛ. Nɔɔ nɛɛ zi kpang, bɛ̀ɛ́ vuu ɓɔɔ nɔɔ gãsɛ yuu manɛ nɛɛ mani ɓa kaka manɛ tɔ.

2 Koranti 6:1

Ka shonang kɔ ruu pálɛ̀ ka nyaa zɔɔ nɛɛ Laa ɓee, ruu gàa nɔɔ ɓɔɔ Laa pàlɛ̀ nɔɔ tɔ̃ɔ tɔ ɓɛɛ, wu nwàng naa pàlɛ̀ nɔɔ ka dalɛ waati kpang.

Galati 2:13

Manzung ɓuru, zang Yahudi ɓɔɔ nimbang ɓɔɔ ri ka nɔng, ri gaayu vuu palɛnang nɛɛ yeti gbete kpang kaa jong nɛɛ Bituru. A ri nwãarɛ Baranaba kaa jong nɛɛ vuu ɓɔɔ ri palɛ nɛɛ yeti gbete kpang ɓɛɛ.

Galati 5:4

Zang ɓɔɔ ka teteng manɛ ɓɔɔ ri kãa gbalang ɓɔɔ ri nwang zang tɔ̃ɔ ka tĩng Laa nɛɛ nyaa dannang ɓɔɔ ri dũng ɓɛɛ, ri basɛ zɔɔ ɓarɛ tɔ nɛɛ Kirisi. Nɔɔ bɛ̃ɛ manɛ tɔ̃ɔ ɓɔɔ Laa palɛ zang katɔ ɓɛɛ ya?

Afisa 5:3

Wee nɔɔ kaa zang Laa ɓee, zang wu kɔɔ kpang nɛɛ nɔɔ rooro nɛɛ wujɛ soro kpang, nɛɛ nɔɔ palɛ naa doo zɔ̃ng dũndũng kiya kpang, nɛɛ nɔɔ shing jĩng ka vuu zang ɓɔɔ kpang.

Kolosi 3:5

Nɔɔ vang vuu koo keɓe ɓɔɔ bii manɛ kasɛ ɓɛɛ ta nɛɛ kaaɓa. Vuu ɓɔɔ naa dũndũng, nɛɛ sãnsãnrãng palɛnang, nɛɛ vuu ɓɔɔ bii shɔnzang kasɛ, nɛɛ vuu shi kpang ɓɔɔ yeti shɔnzang kasɛ, a ɓɔɔ kaa nung sũnang (nung sũnang nwàng ɓi naa vaka bannang).

Titu 1:15

Ka jĩng zang ɓɔɔ ri dũng Laa nɛɛ yeti gbete, vuu piti ɓi tɔ̃ɔ kɔ nandon. A zang ɓɔɔ vuu shi kpang palɛnang lasɛ ri tɔ, ɓɔɔ ri shing danggn ɓarɛ ka ruu ɓɔɔ niizang kpang, vuu ɓɔɔ tɔ̃ɔ ɓi kagn kpang. Ka ruu ɓɔɔ, vuu shi kpang ɓɔɔ ri palɛ lasɛ rɛ̃rɛnang ɓarɛ tɔ ɓɛɛ.

Yahudi 3:12

Rɛɛ manzung, nɔɔ palɛ waasɛ̃, zang gbete ka teteng manɛ, nɛɛ tá yeti ɓɔɔ vuu shi kpang kagn, a ti shing danggn ɓi kpang ɓɛɛ, yeti ɓɔɔ shing wu, wu ràa Laa ɓɔɔ ningkãari yuu knti ɓɛɛ.

Yahudi 4:1

Ka ruu nɔngkɔ, wee nyaa ɓɔɔ Laa arɛ ka yuu daanang ka nɔng ɔ̃sɔnang ɓiɓɛ doo kagn ɓee, ruu palɛ waasɛ̃ zang ɓɔɔ ka teteng ɓuru nɛ̀ɛ́ dàa nɔng ɔ̃sɔnang kaɓa kpang.

Yahudi 4:11

Ka ruu nɔngkɔ, ruu palɛ vuu ɓɔɔ ruu zunung katɔ ɓɛɛ, ruu daa nɔɔ nɔng ɔ̃sɔnang kaɓa. Zang ɓɔɔ ka teteng ɓuru wu ta nyaa Laa naa ɓɔɔ ri palɛ, a ri daa nɔng ɔ̃sɔnang Laa kpang ɓɛɛ kpang.

Yahudi 6:11

Rùu kasɛ zang ɓu ka teteng manɛ wu shing yuu kagn, diki ɓɔɔ koo waa nyaa wu a nɛɛ mani. Tɔ̀ɔ, wu wàlɛ̀ vuu ɓɔɔ wu shing gn kagn ɓɛɛ kati.

2 Bituru 1:10

Ka ruu nɔngkɔ, rɛɛ manzung, n gaa nɔɔ, nɔɔ shing jĩng kagn, nɔɔ palɛ rɛɛ vuu keɓe nɛɛ kaka manɛ, ka ruu ɓɔɔ, Laa ɓaa nɔɔ nyaa a ti zɔ̃ng nɔɔ nɛɛ nɔ́ɔ palɛ naa weɓe kɔ ɓɛɛ. Naa nɔɔ palɛ rɛɛ vuu keɓe, nɔɔ yaa gbalang Laa kpang dòndòng.

2 Bituru 2:18

Ri rangkɛ yee bang bang ɓɔɔ waati ka yuu ɓarɛ. Ri ti kasɛ ri nwãarɛ zang ɓɔɔ ri kasɛ nɛɛ ri yaa vàá zang ɓɔɔ ri zi gbalang Laa kpang ɓɛɛ. Maalang ɓɔɔ ri tusu zang vuu sèé keɓe, ri kasɛ nɛɛ ri shing zang, zang ri palɛ zɔ̃ng dũndũng piti nɛɛ vuu shi kpang, shi kpang ɓɔɔ ri tãa tĩnang palɛnang doo katɔ kɔ ɓɛɛ.

2 Bituru 3:11

Wee nɔɔ zi tɔ nɛɛ, vuu piti naa yaalɛ nɔngkɔ ɓee, nɔɔ nwang nwannang manɛ waasɛ̃. Nɔɔ a Laa yuu manɛ dɔ̃ɔ gbete, nɔɔ dũng wu ka vuu piti ɓɔɔ wu kɔɔ nɔɔ ɓɛɛ.

2 Bituru 3:14

Ka ruu nɔngkɔ, masang ɓɔɔ n kasɛ ruu manɛ dɔɔli ɓɛɛ, n kɔɔ nɔɔ ka wee nɔɔ gã diki ɓɔɔ Yeesɔ a tɔkn ɓee, nɔɔ shing yuu manɛ, nɔ́ɔ nwang nwannang tɔ̃ɔ, tɔ̀ɔ Laa wu kɔɔ kpang nɛɛ, nɔɔ palɛ vuu shi kpang, kpang. Nɔɔ nwang kaa nyaa zɔɔ nɛɛ wu.

2 Yɔhana 1:8

Nɔɔ gãng jĩng kagn, nɔɔ nɛ̀ɛ́ loo vuu ɓɔɔ nɔɔ pálɛ́ shonang ka ruu ɓiɓɛ ɓɛɛ. Laa wu naa a nɔɔ vuu ɓɔɔ wu shing nɔɔ katɔ nyaa kiiri.