Yahudi 12:14 - Nyaa Shɔɔ Ɓɔɔ Laa a Ɓɛɛ

¹⁴ Kãa gbalang mɔɔ nwang ka nyaa zɔɔ nɛɛ zang piti, mɔɔ ti nwang zang ɓɔɔ shi kpang, ka bii ɓaaɓɛ kpang ɓɛɛ. Naa mɔɔ nwàng zang ɓɔɔ shi kpang, ka bii ɓaaɓɛ kpang ɓɛɛ kpang, mɔɔ zi Laa kpang.

Yahudi 12:14 ပူးပေါင်းရင်းမြစ်များ

Maraku 9:50

“Tãa ɓi tɔ̃ɔ. Naa lanang tãa nɛɛ takpang, zang palɛ bɛɛ nɛɛ mani wu la tɔkn viya? Tãa ɓɔɔ shing zang, nɛɛ zang nwáng ka nyaa zɔɔ, wu nwang ka bii manɛ ning. Nɔɔ ti nwang ka nyaa zɔɔ nɛɛ zɔɔ.”

Luka 1:75

Ruu nwáng zang ɓɔɔ shi kpang kagn yeti ɓuru kpang, ruu ti palɛ vuu kaa naa ɓɔɔ Laa kasɛ ɓɛɛ ka diki ɓɔɔ ruu doo ningkãari ka koo keɓe nandon.”

Rooma 12:18

Palɛ vuu piti ɓɔɔ mɔɔ zunung katɔ ɓɛɛ, mɔɔ nwang ka nyaa zɔɔ nɛɛ zang piti.

Rooma 14:19

Ka ruu nɔngkɔ, diki diki, rúu shing jĩng ka vuu ɓɔɔ shingnɛ zang ri nwang ka nyaa zɔɔ ɓɛɛ. Ruu ti yì zɔɔ naa kagn, ruu shing danggn gbãng gbãng.

Rooma 6:22

A kãntang keɓe zang ta nɔɔ tɔ nɛɛ, naa vuu shi kpang palɛnang, nɔɔ kaa jaafoo Laa. Vuu keɓe shing nɔɔ, nɔɔ nwang zang ɓɔɔ shi kpang ka bii ɓarɛ kpang ɓɛɛ. Wu ti shingnɛ nɔɔ wàlɛ̀ suru bii ɓɔɔ waa nyaa kpang ɓɛɛ.

1 Koranti 1:10

Manzung, n gaa nɔɔ ka ruu Kpanti ɓuru Yeesɔ Kirisi, nyaa manɛ wu daa gbete, ka vuu ɓɔɔ nɔɔ kɔɔ ɓɛɛ. Nɔ́ɔ ti kusu zɔɔ kpang. Rɛ̃rɛnang manɛ wu daa gbete, nɔ́ɔ ti palɛ vuu gbete.

1 Koranti 13:12

Vuu ɓɔɔ ruu zili kãntang keɓe, ruu zirɛ mɔɔ kɔɔ nɛɛ ruu pɛ̃ɛrɛ ka vĩilaa ɓɔɔ wu kalang kalang kpang ɓɛɛ. Diki a ditɔ ɓɔɔ ruu zi ri tɔ̃ɔ tɔ̃ɔ nɛɛ jĩng ɓɛɛ. Vuu ɓɔɔ n zi kãntang keɓe, wu gň nyaa kiiri kpang. Ka diki kaɓa, n naa zi kaa nyaa kiiri naa ɓɔɔ Laa zì m tɔ nandon ɓɛɛ.

2 Koranti 6:17

Ka ruu nɔngkɔ, Laa kɔɔyi tɔɔ, “Nwang ta, nɔ́ɔ yaa teteng ɓarɛ, nɔɔ kusu yuu manɛ dang gbete. Nɔ́ɔ pálɛ̀ vuu ɓɔɔ shi kpang, kpang, tɔ̀ɔ, n ta nɔɔ kati, nɔ́ɔ nwang zang mɛɛ.

2 Koranti 7:1

Rɛɛ masang ɓɔɔ n kasɛ nɔɔ dɔɔli ɓɛɛ, Laa a nyaa keɓe nandon ka ruu ɓuru kɔ. Ka ruu nɔngkɔ, ruu yiti yuu ɓuru tɔ̃ɔ. Ruu yaa vuu piti ɓɔɔ shingnɛ, bii nɛɛ yeti ɓuru nwang shi kpang ka tĩng Laa ɓɛɛ. Ruu a Laa bannang, ruu a wu yuu ɓuru, ruu nwáng kaa zang ɓiɓɛ dɔ̃ɔ gbete.

Galati 3:21

Wee nwang ɓu kaa naa nyaa ɓɔɔ Laa dangnɛ daa gbete nɛɛ, nyaa ɓɔɔ wu a ɓɛɛ kpang ya? Wu nɔngkɔ kpang tingkiring. Naa nyaa ɓɔɔ zang nɛɛ dang kagn ɓɔɔ a zang suru bii ɓɔɔ waa nyaa kpang, shɔnzang nɛɛ raa zang tɔ̃ɔ katɔ ka tĩng Laa nɛɛ bii nyaa dannang keɓe.

Afisa 5:5

Ǹ kàsɛ̀ nɛɛ nɔ́ɔ zi vuu keɓe waasɛ̃. Zang ɓɔɔ palɛ dũndũng, ɓɔɔ rɛ̃rɛnang ɓiɓɛ ti kalang kalang kpang, ɓɔɔ ti shing jĩng ka vuu zang, naa daa nɔng ɓɔɔ Yeesɔ Kirisi roo kpanti kagn nɛɛ Laa ɓɛɛ kpang. Ka ruu ɓɔɔ rɛɛ vuu keɓe dàa wu ka yeti, ɓa ɓɔɔ wu palɛ vuu ɓɔɔ Laa kasɛ ɓɛɛ.

Filipi 3:12

N tɔɔ kpang nɛɛ n walɛ rɛɛ vuu ɓɔɔ n shing jĩng mɛɛ kagn ka tĩng kaɓa kpang, n ti tɔɔ kpang nɛɛ shi kpang kagn ka bii mɛɛ kpang, kpang. N daa m nɛɛ tĩng, tɔ̀ɔ, n naa yiti rɛɛ vuu kaɓa naa ɓɔɔ Yeesɔ Kirisi yiti m jong ɓɛɛ.

1 Tesalonika 3:13

Laa wu shingnɛ nɔɔ shii gbãng gbãng, tɔ̀ɔ, zang ɓɔɔ wu tɔɔ kaa takpang nɛɛ nɔɔ palɛ vuu shi kpang tɔ kpang, ka tĩng Laa ɓɔɔ wukɔ Daa ɓuru ɓɛɛ, ka diki ɓɔɔ Kpanti ɓuru Yeesɔ naa a nɛɛ zang ɓiɓɛ ɓɛɛ.

1 Tesalonika 4:7

Laa ɓaa ruu nyaa nɛɛ ruu naa nwang ka yeti dũndũng palɛnang kpang, nɛɛ ruu nwang ɓuru naa ɓɔɔ wu kasɛ ɓɛɛ.

1 Tesalonika 5:15

Nɔɔ gãng jĩng kagn, zang ɓɔɔ wu waa pãng vuu shi kpang ɓɔɔ zang palɛ wu doo nɛɛ vuu shi kpang kɔ kpang. Nɔɔ shing jĩng kɔ jong diki diki nɛɛ nɔɔ pàlɛ́ zɔɔ tɔ̃ɔ. Nɔɔ ti pàlɛ̀ zang piti tɔ̃ɔ jong.

1 Timoti 6:11

A ɓɔɔ ɓaaɓɛ Timoti, ɓɔɔ mɔɔ ɓaa zang Laa ɓɛɛ, yaa vuu keɓe ɓaa nandon. Kãa ɓaa gbalang ɓɔɔ mɔɔ nwang zang tɔ̃ɔ ka tĩng Laa ɓɛɛ diki diki, zang ɓɔɔ dũng Laa niizang ɓɛɛ, zang ɓɔɔ shing danggn ka bii Laa ɓɛɛ, zang ɓɔɔ kasɛ zang katɔ ɓɛɛ, zang ɓɔɔ mã danggn dɔɔli ɓɛɛ, a ɓɔɔ zang ɓɔɔ pàlɛ́ zang tɔ̃ɔ ɓɛɛ.

2 Timoti 2:22

Yaa vuu ɓɔɔ bii jasang kasɛ ɓɛɛ, mɔɔ kãa ɓaa gbalang ɓɔɔ mɔɔ nwang tɔ̃ɔ ka tĩng Laa ɓɛɛ, mɔɔ shing danggn ka bii Laa. Mɔ́ɔ kasɛ ruu zang ɓɔɔ ri dũng dòo Laa kɔ ɓɛɛ. Mɔ́ɔ nwang ka nyaa zɔɔ nɛɛ ri. Palɛ vuu keɓe nɔng gbete nɛɛ zang ɓɔɔ ri dũng Laa nɛɛ yeti gbete ɓɛɛ.

Yahudi 12:10

Rɛɛ daa ɓuru ri gɔ̃ ruu shoo diki bee kpang, naa ɓɔɔ ri zirɛ daa ɓɛɛ. A shoo ɓɔɔ Laa gɔ̃ ruu nwǎng ɓi rukɔ tɔ̃ɔ, tɔ̀ɔ, ruu nwang kaa jong zang ɓɔɔ shi kpang ka bii ɓuru kpang naa wu.

Yahudi 9:28

Kirisi dòo nɔngkɔ, á zang yuu ɓiɓɛ nɛɛ zang nyɔ wu vɔrɔ doo gbete kak, nɛɛ tɔ̀ɔ, wu kɔsɔ zang dɔɔli vuu shi kpang ɓarɛ kati. Nwang nyaa ditɔ tɔkn, daa kaa doo ziti. Wu ka ruu ɓɔɔ wu naa kɔsɔ zang vuu shi kpang ɓarɛ kpang, nɛɛ tɔɔ wu ta ɓi kaa yuu zang ɓɔɔ ri gã wu ɓɛɛ.

1 Bituru 3:11

Wu yaa vuu shi kpang palɛnang, wu palɛ vuu ɓɔɔ daa bii katɔ ɓɛɛ. Wu kãa gbalang ɓɔɔ wu nwang nɛɛ zang ka nyaa zɔɔ ɓɛɛ, wu shing jĩng ka wukɔ shɛ̃ɛning.

1 Bituru 3:13

Naa mɔɔ shing ka yeti ɓaaɓɛ nɛɛ, mɔɔ palɛ ɓaa tɔ̃ɔ kɔ gbete, zang ɓɔɔ palɛ mɔɔ shi kpang kagn ya?

2 Bituru 3:11

Wee nɔɔ zi tɔ nɛɛ, vuu piti naa yaalɛ nɔngkɔ ɓee, nɔɔ nwang nwannang manɛ waasɛ̃. Nɔɔ a Laa yuu manɛ dɔ̃ɔ gbete, nɔɔ dũng wu ka vuu piti ɓɔɔ wu kɔɔ nɔɔ ɓɛɛ.

2 Bituru 3:18

Nɔɔ dũng manɛ Kpanti ɓuru Yeesɔ Kirisi kɔ jong, ɓɔɔ wukɔ ta yuu ɓuru ɓɛɛ. Tɔ̀ɔ, wu palɛ nɔɔ tɔ̃ɔ kaa yuu zɔɔ, yuu zɔɔ. Zinang ɓɔɔ nɔɔ zi wu, wu ti daa ka tĩng. Zang ri a wukɔ bannang dòndòng. Nɔngkɔ.

3 Yɔhana 1:11

Masang ɓɔɔ n kasɛ mɔɔ dɔɔli ɓɛɛ, mɔ́ɔ màsɛ̀ zang ɓɔɔ ri palɛ vuu shi kpang, kpang. Màsɛ̀ zang ɓɔɔ ri pálɛ̀ vuu tɔ̃ɔ ɓɛɛ, zang ɓɔɔ palɛ vuu tɔ̃ɔ, wukɔ zang Laa. Zang ɓɔɔ pálɛ̀ vuu shi kpang, zi Laa nung ɓi gn kpang.