Yahudi 11:33 - Nyaa Shɔɔ Ɓɔɔ Laa a Ɓɛɛ

³³ Ɓɔɔ ri, ka ruu danggn shinnang ɓarɛ, ri shaa rɛɛ tipi kpanti dɔɔli nɛɛ sĩiri ɓɛɛ. Ri dɔ̀ng zang ruu gn dang gbete kpang, a ri walɛ vuu ɓɔɔ zang a nyaa ka yuu ɓarɛ ɓɛɛ. Zang ɓɔɔ ri nɔɔ nyaa zing.

Yahudi 11:33 ပူးပေါင်းရင်းမြစ်များ

Matiyu 5:12

Nɔɔ dɔɔ bii ta, nɔ́ɔ ti tãa tĩnang, ka ruu ɓɔɔ, Kpanti Laa shing nɔɔ vuu ɓɔɔ kagn lapa ɓɛɛ. Zang dàng zang nyaa shonang Kpanti Laa ɓɔɔ ri a ka tĩng manɛ jĩng doo nɔngkɔ.

Galati 3:16

Ruu keɓe doo nɔngkɔ, Laa a ɓi Ibirayi nɛɛ zɔ̃ng ɓiɓɛ rɛɛ nyaa keɓe. Laa kɔɔ kpang ka yeti labeenang ɓiɓɛ nɛɛ, “Rɛɛ zɔ̃ng ɓaaɓɛ” Kpang. Nɛɛ nwàng kaa naa ráng yee ka yuu zang dɔɔli. Kɔɔyi tɔɔ, “Zɔ̃ng ɓaaɓɛ.” Rang yee ka yuu zang gbete kɔ nwani. Zang gbete keɓe wukɔ Kirisi.

2 Timoti 4:17

A Yeesɔ Kirisi yáa m kaa takpang, a m kaka, a n zunung ɓɔɔ n kɔɔrɔ zang Ruu Laa nandon. Tɔ̀ɔ, zang ɓɔɔ ri zang Yahudi kpang, ri tãa kati. A Laa tá m nɛɛ naa zang ɓɔɔ nɛɛ ri nyɔ m vɔrɔ ɓɛɛ.

Yahudi 10:36

Nɔ́ɔ yaa danggn mãnang kpang, tɔ̀ɔ, nɔ́ɔ pálɛ́ vuu ɓɔɔ Laa kasɛ ɓɛɛ. Wu a nɔɔ vuu ɓɔɔ wu a nyaa nɛɛ wu á nɔɔ ɓɛɛ kati.

Yahudi 11:17

Ka ɓɔɔ Laa gãsɛ Ibirayi, danggn shinnang ɓiɓɛ kɔ shing wu, a á Laa jaa ɓiɓɛ, Ishaaku, nàá vuu vàa ɓɔɔ zang dɔ̀ɔ́ Laa ɓɛɛ. Ibirayi ɓi zang ɓɔɔ tãa nyaa ɓɔɔ Laa álɛ wu tɔ, a kasɛ nɛɛ wu dɔ̀ɔ́ Laa jaa gbete ganggang ɓiɓɛ naa vuu vàa.

Yakubu 2:18

Zang ɓɔɔ kɔɔ ɓi nɛɛ, “Zang keɓe shing ɓi danggn ka bii Laa, a zang kaɓa palɛ ɓi vuu ɓɔɔ Laa kasɛ ɓɛɛ.” N kasɛ wu nyaa nɛɛ, “Zang ɓɔɔ zunung danggn shinnang katɔ, ka bii Laa a palɛ vuu tɔ̃ɔ kpang ya? N tusu mɔɔ nɛɛ n shing danggn ka bii Laa ka vuu ɓɔɔ n palɛ ɓɛɛ.”

1 Bituru 5:8

Nɔɔ yiti yuu manɛ waasɛ̃ nɔɔ ti gãng jĩng waasɛ̃, sheetang zang ɓɔɔ shing jĩng nɛɛ nɔɔ kpang kaɓa rakɛ nɛɛ nɔng piti piti. Nwang ɓi zing ɓɔɔ shaa varɛ ɓɛɛ, kãa vuu ɓɔɔ wu shaa ɓɛɛ.