Yahudi 11:32 - Nyaa Shɔɔ Ɓɔɔ Laa a Ɓɛɛ

³² A n kɔɔ ɓu vi tɔkn viya? Laa kpang, ɓɔɔ n kɔɔ ruu ka yuu Gidiyɔng, nɛɛ Barak, nɛɛ Samsong, nɛɛ Jafuta, nɛɛ Dawuda, nɛɛ Samayila, a ɓɔɔ rɛɛ zang nyaa shonang Laa ɓɛɛ.

Yahudi 11:32 ပူးပေါင်းရင်းမြစ်များ

Matiyu 5:12

Nɔɔ dɔɔ bii ta, nɔ́ɔ ti tãa tĩnang, ka ruu ɓɔɔ, Kpanti Laa shing nɔɔ vuu ɓɔɔ kagn lapa ɓɛɛ. Zang dàng zang nyaa shonang Kpanti Laa ɓɔɔ ri a ka tĩng manɛ jĩng doo nɔngkɔ.

Luka 13:28

Nɔɔ naa kaa ditɔ, ka nɔng kaɓa, nɔɔ shaa tãri kpaaka kpaaka. Nɔɔ naa zi rɛɛ Ibirayi ditɔ ka nɔng ɓɔɔ Laa roo kpanti nɛɛ Ishaaku nɛɛ Yakubu nɛɛ rɛɛ zang nyaa shonang Laa, a zang nwangsɛ nɔɔ manɛ ka biling ɓɛɛ.

Luka 16:31

A Ibirayi kɔɔ wu tɔɔ, ‘Naa ri ɓaa shoo ka labeenang rɛɛ Musa nɛɛ zang nyaa shonang Laa kpang, naa zang ɓɔɔ vɔ tɔ seepaa doori, ri ɓaa shoo doo ka nyaa ɓiɓɛ kpang kɔ.’ ”

Yɔhana 21:25

Vuu ɓɔɔ Yeesɔ palɛ ɓɛɛ ɓɔɔ kagn dɔɔli. Naa zang nɛɛ bee katɔ gbete gbete ka labeenang, koo keɓe nandon daa naa ɓɔɔ zang tɛ̃ɛ rɛɛ labeenang ɓɔɔ zang beere kagn ɓɛɛ kpang.

Zang Shonang Yeesɔ 10:43

Zang nyaa shonang Laa ri kɔɔ ruu ka yuu ɓiɓɛ tɔɔ, zang ɓɔɔ nɛɛ shing danggn ka bii ɓiɓɛ, Laa yaa zang keɓe gbalang vuu shi kpang ɓɔɔ wu palɛ katɔ nandon, ka ruu nung ɓiɓɛ.”

Zang Shonang Yeesɔ 13:20

Ri nwang kagn saa laa maani dakn dɛ̃ɛti a tu laa ziti tu kopi. “Nɛɛ knti, Laa yiki ri zang ɓɔɔ jɛ̃ɛ ri ruu ɓɛɛ sasak a nɛɛ mani ka yuu Samayila zang nyaa shonang Laa.

Zang Shonang Yeesɔ 3:24

Niizang, zang nyaa shonang Laa nandon, ɓɔɔ ri kɔɔ zang Ruu Laa ɓɛɛ, gàayú nɛɛ yuu Samayila nɛɛ zang nyaa shonang Laa ɓɔɔ ri álɛ́ ka knti ɓiɓɛ, ri kɔɔrɔ ruu tɔ, ka yuu rɛɛ diki keɓe.

Rooma 3:5

Naa vuu shi kpang ɓɔɔ ruu palɛ, shingnɛ, zang wu zi vuu tɔ̃ɔ ɓɔɔ Laa palɛ ɓɛɛ gbãng gbãng ɓɛɛ. Ruu kɔɔ ɓu kaa nɛɛ viya? Nɛɛ Laa nɛɛ dang ruu jĩng tɔ, pálɛ̀ shi kpang ya? (N rang yee m naa ɓɔɔ shɔnzang ri rangkɛ ɓɛɛ.)

Rooma 4:1

Ruu kɔɔ ɓu kaa vi ka yuu Ibirayi dabang rɛɛ dabang ɓuru viya?

Rooma 6:1

Rùu kɔɔ ɓu kaa nɛɛ viya? Rúu yi tĩng ta nɛɛ vuu shi kpang palɛnang tɔ̀ɔ, Laa wu gisi tɔ̃ɔ ɓɔɔ wu pálɛ̀ ruu ka yuu zɔɔ yuu zɔɔ ya?

Rooma 7:7

Ruu kɔɔ ɓu kaa nɛɛ viya? Nɛɛ nyaa ɓɔɔ Laa dangnɛ vuu shi kpang ya? Kpang. Nyaa ɓɔɔ Laa dangnɛ kɔ tùsù m vuu ɓɔɔ zang ɓaa nɛɛ vuu shi kpang palɛnang ɓɛɛ. N nɛ̀ɛ́ zi vuu ɓɔɔ zang ɓaa nɛɛ zang shing jĩng ka vuu zang kpang, naa Laa nɛɛ dang nyaa nɛɛ, “Zang wu shing jĩng ka vuu zang kpang,” kpang ɓɛɛ.

Yakubu 5:10

Manzung, nɔɔ kpaa danggn zang nyaa shonang Laa ɓɔɔ ri rang yee Laa ɓɛɛ. Ri dang jĩng, a ri ti mã danggn ɓɛɛ. Nɔɔ mã danggn doo naa ɓɔɔ ri mã ɓɛɛ kɔ.

2 Bituru 1:21

Ruu ɓɔɔ rɛɛ zang nyaa shonang ri kɔɔyi nwang ɓi nɛɛ rɛ̃rɛnang shɔnzang kpang. Ɓi Suru Laa kɔ a zang naa, wu ti shing zang, zang kɔɔ ruu ɓɔɔ a nɛɛ bii Laa ɓɛɛ.

2 Bituru 3:2

N kasɛ nɛɛ danggn ruu ɓɔɔ zang nyaa shonang Laa ri kɔɔ ka tĩng doo tɛ̃ɛ tɛ̃ɛ wu ning nɔɔ kpang. Danggn nyaa dannang ɓɔɔ dabang ɓuru Yeesɔ Kirisi, ɓɔɔ wukɔ ta yuu ɓuru kɔɔ zang shonang, ɓɔɔ wu shongko ri ka bii manɛ, nɛɛ ri kɔɔ nɔɔ ɓɛɛ, wu ti ning nɔɔ kpang.