Yahudi 11:28 - Nyaa Shɔɔ Ɓɔɔ Laa a Ɓɛɛ

²⁸ Danggn shinnang kɔ shing wu, gaayu diki nyaalaa borodi ɓɔɔ zang tɛ̃ɛ yisi kagn kpang ɓɛɛ. Kɔɔ zang Isirela nɛɛ ri nwãa zĩi ka nyaa gãa ɓarɛ. Tɔ̀ɔ, zang nyaa shonang Laa ɓɔɔ ka lapa ɓɔɔ naa nyɔ̀kɔ́ jamari zang Masara vɔrɔ, wu nyɔkɔ ɓɔɔ zang Isirela kpang.

Yahudi 11:28 ပူးပေါင်းရင်းမြစ်များ

1 Koranti 10:10

Zang ɓɔɔ ka teteng ɓarɛ, ri gɔ̃ɔrɔ yee, a zang nyaa shonang Laa ɓɔɔ ka lapa ɓɔɔ wukɔ nyɔkɔ zang vɔrɔ, arɛ naa nyɔ̀kɔ̀ ri vɔrɔ. Ruu gɔ̃ɔrɔ yee naa ɓɔɔ ri palɛ ɓɛɛ kpang.

Yahudi 12:24

A ɓɔɔ ka bii Yeesɔ ɓɔɔ wukɔ shii ka teteng ɓuru nɛɛ Laa, ka nyaa shɔɔ kɔ Laa mã nɛɛ ruu ɓee. A nɔɔ ti a ka nɔng zĩi ɓɔɔ zang ɓisi katɔ, kaa nyavɔ, kɔɔ vuu tɔ̃ɔ, ɓa zĩi Habila katɔ ɓɛɛ.

Yahudi 9:19

Ka ɓɔɔ Musa kɔɔ zang vuu ɓɔɔ Laa dang nyaa ɓɛɛ nandon, a tuu zĩi mɔ́kɔ́ napo nɛɛ ɓɔɔ jàa ɓɔɔ zang dɔɔ Laa, a nwɛ̃ɛtɛ nɛɛ mii, a ɓisi ka labeenang nyaa dannang nɛɛ zang ɓɔɔ ka nɔng ɓɛɛ nandon. Ɓìsi nɛɛ gɔpɔ, a ɓɔɔ shãngti mɛ̀ɛrɛ́ ɓɔɔ zang nwãa kpaa kagn ɓɛɛ.

1 Bituru 1:2

Nɔɔ manɛ zang ɓɔɔ Daa ɓuru Laa zi vuu ɓɔɔ nɛɛ wu palɛ nɛɛ nɔɔ tɔ, doo ka tĩng tɛ̃ɛ tɛ̃ɛ ɓɛɛ. Laa shɛ̃ɛrɛ nɔɔ nɛɛ naa vuu palɛnang Suru ɓiɓɛ, nɛɛ nɔ́ɔ nwang zang ɓiɓɛ, nɔ́ɔ ɓaa shoo ka nyaa Yeesɔ Kirisi. Zĩi Yeesɔ keɓe wu sɔ̀ɔ nɔɔ, nɔ́ɔ nwang zang tɔ̃ɔ ka tĩng Laa. Laa wu gisi nɔɔ tĩnang tãanang, wu ti shingnɛ yeti manɛ wu valɛ katɔ diki diki.