Yahudi 11:25 - Nyaa Shɔɔ Ɓɔɔ Laa a Ɓɛɛ

²⁵ Zɔ̃ngnɛ, nɛɛ zang dang wu jĩng, nɛɛ rɛɛ zang Laa ka nung ɓɔɔ wu nɛɛ tãa tĩnang ɓɔɔ zang tãayi ka ɓɔɔ zang palɛ vuu shi kpang, a diki tĩnang bìí ti bee kpang ɓɛɛ.

Yahudi 11:25 ပူးပေါင်းရင်းမြစ်များ

Matiyu 13:21

A zi vuu ɓɔɔ ka yeti ruu kaɓa tɔ̃ɔ tɔ̃ɔ kpang, ka ruu nɔngkɔ, mã danggn ka naa lapa kɔ shɛ̃ɛning. A jĩng dannang, nɛɛ zang kpãanang naa seepaa ka ruu, Ruu Kpanti Laa, a tantɛ Ruu Laa yaanang.

Luka 16:25

“A Ibirayi kasɛ wu nyaa tɔɔ, ‘Man jaa, ɓɔɔ bɛ̀ɛ́ mɔɔ doo ka koo mɔɔ walɛ vuu tɔ̃ɔ, Liyazaru walɛ vuu tɔ̃ɔ ɓi kpang. Kãntang keɓe Liyazaru tãa ɓi kaa tĩnang ka nihn, mɔɔ ti dang ɓaa kaa jĩng.

Zang Shonang Yeesɔ 7:34

N pɛ̃ɛrɛ tɔ, n zi jĩng ɓɔɔ zang mɛɛ dang ka Masara tɔ. N ti tã̀a kaanang ɓɔɔ ri kaa ɓɛɛ tɔ. N arɛ n tɔ́ɔ, n yaa ri naa. Arɛ n shong mɔɔ, mɔɔ gbãayu ka Masara.’

Rooma 5:3

A ruu ti, tãa tĩnang ka jĩng dannang ɓuru ka ruu ɓɔɔ ruu zi tɔ jĩng dannang shing ruu, ruu mã danggn ɓɛɛ.

2 Koranti 5:17

Ka ruu nɔngkɔ, zang ɓɔɔ nɛɛ ɓakɛ yuu ɓiɓɛ tɔ nɛɛ Yeesɔ Kirisi, ɓi kaa zang shɔɔ. Gbalang nwannang gbaala ɓiɓɛ ɓa ɓi tɔ. Nwannang ka gbalang shɔɔ gaayu tɔ.

Kolosi 1:24

Kãntang keɓe, n tãa kaa tĩnang ka jĩng ɓɔɔ n dang ka ruu manɛ ɓɛɛ. Jĩng kɔ n dang ɓee, hangsɛ ɓi nyaa vuu ɓɔɔ yàa m ka jĩng dannang ɓɔɔ Kirisi shing m, nɛɛ n dang ka ruu zang ɓɔɔ ri dũng wu, ɓɔɔ rikɔ kaa bii ɓiɓɛ ɓɛɛ.

2 Timoti 1:8

Ka ruu nɔngkɔ, yusɛ̃ɛ wu tuu mɔɔ ka nɔng ɓɔɔ mɔɔ kɔɔ ruu ka yuu Kpanti ɓuru Yeesɔ kpang. Yusɛ̃ɛ wu ti tuu mɔɔ ka yuu mɛɛ ɓɔɔ zang mã m ka sãa ka ruu Kirisi ɓɛɛ kpang. Dang jĩng jong ka ruu Ruu Tɔ̃ɔ Laa, naa ɓɔɔ n dang ɓɛɛ, nɛɛ kaka ɓɔɔ Laa a mɔɔ ɓɛɛ.

Yahudi 10:32

Nɔɔ kpaa danggn diki ɓɔɔ ɓa tɔ ɓɛɛ, ka knti ɓɔɔ nɔɔ zi ruu ɓɔɔ niizang ɓɔɔ ka yuu Kirisi tɔ. Nɔɔ mã danggn, a nɔɔ táarɛ́ yuu gbãng gbãng ka jĩng dannang.

Yahudi 11:37

Zang luku rɛɛ zang ɓɔɔ nɛɛ tari, ri vɔlɔ, a zang ɓɔɔ zang basɛ ri doo paa ziti. Zang nyɔkɔ zang ɓɔɔ nɛɛ yere bang. Zang keɓe ri ɓarɛ zang ɓɔɔ vuu ka naa kpang, ri mã ɓarɛ koo jàa nɛɛ ɓɔɔ mɛ̀ɛrɛ́. Zang dang ri jĩng dɔɔli.

Yahudi 4:9

Ka ruu nɔngkɔ, zang Laa ri ɔ̃sɔ ditɔ naa ɓɔɔ ka lee ɓɔɔ diki daa manziti ɓɔɔ Laa ɔ̃sɔ kagn ɓɛɛ.

Yakubu 1:20

Ka ruu ɓɔɔ, gnvɔ nɛɛ kagn ka yeti zang, zang zunung shonang ɓɔɔ tɔ̃ɔ ɓɔɔ Laa kasɛ ɓɛɛ palɛnang kpang ɓɛɛ.

Yakubu 5:5

Nɔɔ nwàng manɛ ka koo keɓe nɔɔ tãa tĩnang nɔɔ sháa vuu tɔ, nɔɔ ɔ̃rɛ naa napo ɓɔɔ gã diki ɓɔɔ zang naa yele ri kagn ɓɛɛ.

1 Bituru 2:10

Ɓeleng nɔɔ manɛ zang Laa kpang. Kãntang keɓe nɔɔ raa zang Laa tɔ. Ɓeleng nɔɔ zi gn zang ɓɔɔ kɔng Laa ɓɛɛ kpang, kãntang keɓe gn manɛ kɔng wu kaa tɔ.

Vuu ɓɔɔ zang nwangsɛ Yɔhana 18:7

Naa ɓɔɔ ɓeleng wu a yuu ɓiɓɛ bannang, a ti nwangnɛ tãa tĩnang ɓɛɛ, wu ti dang jĩng ta, wu ti zaa doo nɔngkɔ teetee. Ka ruu ɓɔɔ, kɔɔrɔ yuu ɓiɓɛ nɛɛ, ‘N m kpanti, n m suvɔ kpang. N kaa nyavɔ m kpang dòndòng ɓɛɛ.’ ”