Yahudi 11:16 - Nyaa Shɔɔ Ɓɔɔ Laa a Ɓɛɛ

¹⁶ A ri rɛ̃rɛ ɓarɛ ka yuu tipi ɓɔɔ tɔ̃ɔ ɓɛɛ, ɓɔɔ ka lapa ɓɛɛ. Ka ruu nɔngkɔ, yusɛ̃ɛ tuu Laa ka ɓɔɔ zang ɓaa wu nɛɛ wu Laa ɓarɛ ɓɛɛ kpang, ka ruu ɓɔɔ, gbarɛ ri gari tɔ ɓɛɛ.

Yahudi 11:16 ပူးပေါင်းရင်းမြစ်များ

Matiyu 25:34

Kpanti wu naa kɔɔ zang ɓɔɔ ri ka naa nakn ɓiɓɛ nɛɛ, ‘Zang ɓɔɔ Daa mɛɛ a ri tĩnang tãanang tɔ ɓɛɛ, nɔɔ a ta nɔ́ɔ ta vuu tɔ̃ɔ ɓɔɔ Daa mɛɛ shĩili nɔɔ, doo ka diki ɓɔɔ wu gaayu koo keɓe mãanang ɓɛɛ.

Maraku 12:26

“Ka ruu zang paa wisinang nɛɛ saa, nɔɔ gã gngn ka yeti labeenang Musa kpang ya? Ka nɔng ɓɔɔ zang bèe ruu waa ɓɔɔ shaa jaa laa ɓɛɛ. Zang bee ka nɔngkɔ nɛɛ, Laa kɔɔ Musa tɔɔ, wukɔ Laa Ibirayi, nɛɛ ɓɔɔ Ishaaku, nɛɛ ɓɔɔ Yakubu.

Maraku 8:38

Shɔnzang piti ɓɔɔ yusɛ̃ɛ mɛɛ nɛɛ ɓɔɔ Ruu mɛɛ, nɛɛ tuuru wu ka tĩng zang shi kpang kɔ ri palɛ vuu shi kpang ɓee. Jaa Shɔnzang naa tuuru yusɛ̃ɛ ɓiɓɛ doo nɔngkɔ, ka diki ɓɔɔ wu naa a nɛɛ bannang ɓɔɔ Daa ɓiɓɛ a wu ɓɛɛ. Ti naa a nɛɛ rɛɛ zang nyaa shonang Laa ɓɔɔ ka lapa ning ɓɛɛ.”

Luka 12:32

“Wee nɔɔ rukutu ɓee, nɔ́ɔ kaa vɔrɔ kpang, Daa manɛ kasɛ tɔ nɛɛ nɔɔ roo kpanti nɛɛ wu ka nɔng ɓɔɔ wu naa roo kpanti ɓɛɛ.

Luka 20:37

Ka ruu zang paa wisinang nɛɛ sàa ɓɔɔ nɔɔ hɛ̃ɛ ɓɛɛ, Musa kɔ̀ɔ tɔ, ka yeti labeenang ɓiɓɛ nɔngkɔ, ka nɔng ɓɔɔ bèe ruu waa ɓɔɔ shaa jaa laa bɛbɛtɛ ɓɛɛ. Musa ɓàa Laa nɛɛ, ‘Làá Ibirayi, Làá Ishaaku, nɛɛ Làá Yakubu.’ Ka ruu nɔngkɔ, zang keɓe ri doo ningkãari.

Yɔhana 14:2

Ka gãa Daa mɛɛ, jaka kagn dɔɔli. Naa nɛɛ nɔngkɔ kpang, n nɛɛ kɔ̀ɔ nɔɔ tɔ. N daa shĩili nɔɔ doo nɔng nwannang.

Zang Shonang Yeesɔ 7:32

‘Nkɔ Làá rɛɛ dabang ɓaaɓɛ, Làá Ibirayi nɛɛ Ishaaku, nɛɛ Yakubu.’ Bii zàá Musa kana, ka ruu vɔrɔ ɓɔɔ wu kaa ɓɛɛ, a pɛ̃ɛrɛ nɔng bìí takpang.

Filipi 3:20

Rùu ɓuru zang lapa kɔ jong, a ruu shu jĩng, ruu gã Kpanti ɓuru Yeesɔ Kirisi, ɓɔɔ wu tá yuu ɓuru ɓɛɛ, wu a nɛɛ lapa.

2 Timoti 4:18

Kpanti Yeesɔ Kirisi ta m ditɔ, ka vuu shi kpang ɓɔɔ zang nɛɛ ri palɛ m nandon. Wu daa nɛɛ n ka nɔng ɓɔɔ wu roo kpanti ka lapa ɓɛɛ. Zang ri a wu bannang ta dòndòng. Nɔngkɔ.

Yahudi 10:34

Ka ruu ɓɔɔ, gn zang ɓɔɔ zang mã ri ka sãa kɔng nɔɔ katɔ. Ɓɔɔ zang lasɛ vuu manɛ zang seeyi, yeti manɛ lasɛ kpang. Ka ruu ɓɔɔ, nɔɔ nɛɛ yuu manɛ, nɔɔ zi tɔ, nɛɛ vuu manɛ kagn ɓɔɔ ɓa weɓe katɔ, a ti nwang ɓi dòndòng ɓɛɛ.

Yahudi 11:10

Ka ruu ɓɔɔ, shing jĩng ɓi ka tĩng ka gari ka lapa ɓɔɔ zang loo doo ɓiɓɛ katɔ, ɓɔɔ ɓi Laa kɔ dĩi doo ɓiɓɛ, a mãayi ɓɛɛ.

Yahudi 11:14

Zang ɓɔɔ ri kɔɔ ruu naa weɓe, ri tusu ɓarɛ nɛɛ, ri kãa ɓarɛ dòo tipi ɓarɛ.

Yahudi 11:40

Laa mang vuu ɓɔɔ tɔ̃ɔ tɔ̃ɔ kagn, ɓɔɔ wu shing rùu jong kagn ɓɛɛ. Naa rùu kagn kpang, nwang nyaa kiiri kpàng.

Yahudi 12:22

Nɔɔ à manɛ ka kɔpɔ Siyona, a ɓɔɔ ka gari bang ɓɔ̀ɔ́ Laa ɓɔɔ ɓi ningkãari ɓɛɛ. Gari keɓe wukɔ Urushalima ɓɔɔ ka lapa ɓɛɛ. Nɔɔ a manɛ ka nɔng ɓɔɔ rɛɛ zang nyaa shonang Laa ɓɔɔ ri ka lapa, ɓɔɔ ri ɓa naa ɓɔɔ zang gã katɔ, ri kpalɛ zɔɔ ri dɔ̀ɔ́ Laa, ri tãa tĩnang ɓɛɛ.

Yahudi 13:14

Ka ruu ɓɔɔ, gari ɓɔɔ ɓi ɓɔɔ ɓuru gbinggbing kagn koo keɓe kpang ɓɛɛ. Ruu kãa ɓuru gari ɓɔɔ naa a ɓɛɛ.

Yahudi 2:11

Zang ɓɔɔ shingnɛ zang nwang zang tɔ̃ɔ, nɛɛ zang ɓɔɔ zang shing ri, ri nwàng zang tɔ̃ɔ piti, Daa ɓarɛ gbete. Ka ruu nɔngkɔ, yusɛ̃ɛ tuu Yeesɔ ka ɓɔɔ wu ɓaa ri nɛɛ rɛɛ ɓeezung ɓɛɛ kpang.

Vuu ɓɔɔ zang nwangsɛ Yɔhana 21:2

N zi Urushalima ɓɔɔ shɔɔ, ɓɔɔ wukɔ gari Laa ɓɛɛ, a nɛɛ lapa nɛɛ nɔng Laa. Zang gbarɛ wu bii tɔ, naa sinyɛ ɓɔɔ zang gbarɛ wu bii, ka ruu ɓeevɛ ɓɛɛ.