Yahudi 10:39 - Nyaa Shɔɔ Ɓɔɔ Laa a Ɓɛɛ

³⁹ A rùu ɓuru kaa tɔ̀ɔ́ ka teteng zang ɓɔɔ ri gɔ̃ bii nɛɛ knti, ri shaarɛ ɓɛɛ kpang. Ruu ɓuru ka teteng zang ɓɔɔ ri shing danggn, a Laa wu ta yuu ɓarɛ ɓɛɛ.

Yahudi 10:39 ပူးပေါင်းရင်းမြစ်များ

Maraku 16:16

Zang ɓɔɔ nɛɛ tarɛ, nɛɛ shing danggn katɔ, a zang nɛɛ palɛ wu batizima, wukɔ naa walɛ suru bii ɓɔɔ waa nyaa kpang ɓɛɛ. Zang ɓɔɔ nɛɛ ti tãayi, a shing danggn kpang, Laa naa jɛ̃ɛ wukɔ ruu.

Luka 11:26

Gbãayu daa atɛ suru shi kpang ɓɔɔgn, manziti, ɓɔɔ ɓa wu shi kpang palɛnang katɔ ɓɛɛ, tɔ̀ɔ, ri naa nwang kaa gãa kaɓa. Nwannang zang kaɓa naa lasɛ ɓa ɓɔɔ tĩng shɔɔnang ɓi kaa tɔ.”

Yɔhana 17:12

Ɓɔɔ bɛ̀ɛ́ n doo nɛɛ ri, n yiti ri waasɛ̃ nɛɛ naa vuu palɛnang ɓaaɓɛ, ɓɔɔ mɔɔ á m ɓɛɛ. N yiti ri waasɛ̃, vuu ɓɔɔ lee ri naa ka bii kpang, a ɓɔɔ gbete ti ning kpang. Ɓi zang gbete ɓɔɔ bɛ̀ɛ́ nɛ̀ɛ́ ning ɓi katɔ kɔ nwani kɔ gbete. Ti ning ɓi ka náa ɓɔɔ zang bee ka yeti labeenang Laa tɛ̃ɛ tɛ̃ɛ nɛɛ naa ning ɓi katɔ kɔ nwani ɓɛɛ.

Yɔhana 20:31

Zang bee weɓe, nɛɛ tɔ̀ɔ, nɔɔ shing danggn kati, nɛɛ Yeesɔ kɔ Kirisi, Jaa Laa. Nɔɔ nɛɛ shing danggn tɔ ka bii ɓiɓɛ, nɔ́ɔ walɛ suru bii kati.

Yɔhana 5:24

“N kɔ̀ɔ́ nɔɔ ruu ɓɔɔ niizang kɔ nwani, zang ɓɔɔ nɛɛ tãa ruu ɓɔɔ n kɔɔ ɓɛɛ, nɛɛ ti shing danggn ka bii zang ɓɔɔ shong m, wàlɛ́ suru bii ɓɔɔ waa nyaa kpang katɔ. Laa ti naa dɔng wu ruu ɓi takpang. Ɓa yuu vɔrɔ ɓɔɔ suru tɔ, wɔ ɓi tɔ.

Yɔhana 6:40

Ka ruu ɓɔɔ, Daa mɛɛ kasɛ nɛɛ zang ɓɔɔ nɛɛ shing jĩng ka bii mɛɛ ɓɔɔ n Jaa, nɛɛ ti shing danggn ka bìí mɛɛ, wu walɛ suru bii ɓɔɔ waa nyaa kpang ɓɛɛ. N ti naa wisi wu paa, n a wu suru bii ka diki ɓɔɔ koo waa nyaa ɓɛɛ.”

1 Tesalonika 5:9

Ka ruu ɓɔɔ, Laa zɔ̃ngkɔ ruu nɛɛ wu dɔng rùu ruu, tɔ̀ɔ, ruu dang jĩng ka diki ɓɔɔ wu naa jɛ̃ɛ zang ruu ɓɛɛ kpang. Zɔ̃ngkɔ ruu nɛɛ wu ta yuu ɓuru nɛɛ bii Kpanti ɓuru Yeesɔ Kirisi.

2 Tesalonika 2:3

Nɔɔ yaa zang ɓɔɔ wu nwãarɛ nɔɔ ka gbalang ɓɔɔ kpang. Zang dɔɔli ri nɛɛ raa Laa yuu knti tɔ naa ɓɔɔ zang kɔɔ ɓɛɛ a yɔɔ ɓɔɔ dũ̀ng nyaa dannang ɓi kpang nɛɛ nwang nyaa tɔ, ɓɔɔ Laa naa ningsi wu ɓi ka waa ɓɛɛ, tɔ̀ɔ, Diki Kpanti ɓuru wu a kati.

1 Timoti 6:9

Zang ɓɔɔ nɛɛ tɔɔ ri kasɛ ɓarɛ vuu naa, sheetang gãsɛ ri katɔ. Wu shing ri, ri palɛ vuu shoko nɛɛ vuu ɓɔɔ lasɛ ri katɔ, ɓɔɔ ri kàsɛ̀ ka yeti ɓarɛ ɓɛɛ. Vuu keɓe kɔ ri shing zang, zang wu shaarɛ dɔ̃ɔ gbete.

Yahudi 10:26

Ka ruu ɓɔɔ, naa ruu yi tĩng nɛɛ vuu shi kpang palɛnang nɛɛ gbãa, ka knti ɓɔɔ ruu zi ruu ɓɔɔ niizang tɔ, vuu ɓɔɔ zang dɔɔyi ka ruu vuu shi kpang ɓɛɛ takpang.

Yahudi 10:38

A zang tɔ̃ɔ mɛɛ, nwang ningkãari ɓi nɛɛ danggn ɓɔɔ wu shing ɓɛɛ. Naa gɔ̃ bii nɛɛ knti, n tãa tĩnang ɓiɓɛ kpang.”

Yahudi 11:1

Danggn shinnang ɓi vuu ɓɔɔ ka yeti ɓuru ɓɔɔ tusu ruu nɛɛ ruu naa walɛ vuu ɓɔɔ ruu shing gn ɓiɓɛ katɔ. Wukɔ shingnɛ vuu ɓɔɔ ruu zi gn kãntang keɓe kpang, wu nwang naa ruu zi katɔ ɓɛɛ.

1 Bituru 1:5

Laa ti gã nɔɔ nɛɛ naa vuu palɛnang ɓiɓɛ, nɔɔ ɓɔɔ nɔɔ shing danggn ka bii ɓiɓɛ ɓɛɛ. Tɔ̀ɔ, zang piti ri zi kati nɛɛ jĩng ɓarɛ, nɛɛ Laa ta yuu manɛ ditɔ ka diki ɓɔɔ koo waa nyaa kagn ɓɛɛ.

2 Bituru 3:7

A yee ɓɔɔ Laa rangnɛ kɔ shingnɛ, lapa nɛɛ tipi ɓɔɔ kãntang keɓe, wu nwangnɛ, wu gã diki ɓɔɔ waa naa lasɛ vuu ɓɔɔ ka yeti ɓiɓɛ nandon ɓɛɛ. Yaa vuu piti ka nɔngkɔ, nɛɛ diki ɓɔɔ wu naa dɔng zang piti ruu, wu ti ningsi zang ɓɔɔ ri palɛ vuu shi kpang, a ri dũng wu kpang ɓɛɛ.

1 Yɔhana 5:16

Zang ɓɔɔ nɛɛ zi ɓeezung ɓɔɔ dũng Laa kɔ doori, palɛ vuu shi kpang ɓɔɔ naa nyɔ wu vɔrɔ kpang, wu gàa ɓeezung keɓe Laa, wu a wu suru bii ɓɔɔ waa nyaa kpang ɓɛɛ. Vuu shi kpang ɓɔɔ nyɔ zang vɔrɔ katɔ kagn, n kɔɔ nɛɛ zang wu gàa Laa ka ruu ɓiɓɛ kɔ kpang.

1 Yɔhana 5:5

Ɓu wi ɓa yuu vuu ɓɔɔ nwãarɛ zang ka koo keɓe yuu wiya? Zang ɓɔɔ shing danggn nɛɛ Yeesɔ Jaa Laa ɓɛɛ.

Vuu ɓɔɔ zang nwangsɛ Yɔhana 17:11

Yɔpɔ jĩngti ɓɔɔ bɛ̀ɛ́ ningkãari kpang ɓɛɛ, wukɔ kaa kpanti ɓɔɔ daa kaa mantaati ɓɛɛ, a ɓi kaa doo teteng rɛɛ kpanti manziti kaɓa kɔ. Bɛɛ daa kaa tɔ, ka nɔng ɓɔɔ zang daa nyɔ wu vɔrɔ gbinggbing ɓɛɛ.

Vuu ɓɔɔ zang nwangsɛ Yɔhana 17:8

Yɔpɔ jĩngti kaɓa bɛ̀ɛ́ ningkãari, kãntang keɓe tɔ̀ɔ́ ningkãari kpang. Naa nwang ditɔ nɛɛ too ɓɔɔ dii kagn kpang kaɓa, wu daa kaa nɔng ɓɔɔ zang daa nyɔ wu vɔrɔ ɓɛɛ. Zang ɓɔɔ ri nwang ka koo ɓɔɔ zang bee nung ɓarɛ ka labeenang ɓɔɔ zang beere nung zang ɓɔɔ ri walɛ suru bii ɓɔɔ waa nyaa kpang, bɛ̀ɛ́ zang mãa koo gn kpang, kpang ɓɛɛ. Ri nɛɛ naa zi yɔpɔ jĩngti bìí tɔ, ri naa mã naa ka danggn. Ka ruu ɓɔɔ, bɛ̀ɛ́ yɔpɔ jĩngti kaɓa ningkãari, a kãntang keɓe tɔ̀ɔ́ ningkãari kpang ɓɛɛ, a ti naa gbãayu ditɔ tɔkn ɓɛɛ.