Yahudi 10:29 - Nyaa Shɔɔ Ɓɔɔ Laa a Ɓɛɛ

²⁹ Ɓɔɔ nɔɔ rɛ̃rɛ ka yeti manɛ, jĩng dannang zang ɓɔɔ risi Jaa Laa naa vĩi, naa bang ɓu biya? Zang ɓɔɔ risi zĩi Yeesɔ ɓɔɔ Laa mã nyaa shɔɔ nɛɛ mani, naa vuu ɓɔɔ kpang ɓɛɛ. Zĩi ɓɔɔ zang kɔsɔ wu vuu shi kpang ɓiɓɛ nɛɛ mani ɓɛɛ. A ti dãa Suru Laa ɓɔɔ palɛ zang tɔ̃ɔ ɓɛɛ.

Yahudi 10:29 ပူးပေါင်းရင်းမြစ်များ

Matiyu 26:28

Wee zĩi mɛɛ ɓɔɔ naa tusu zang nɛɛ nyaa shɔɔ ɓɔɔ Laa kɔɔ zang, naa nwang kaa niizang ɓɛɛ. Zĩi mɛɛ ɓɔɔ n tɛ̃ɛ ka ruu zang dɔɔli, nɛɛ tɔ̀ɔ Laa wu kɔsɔ ri vuu shi kpang ɓarɛ kati ɓɛɛ.

Matiyu 7:6

“Nɔ́ɔ a zaa vuu ɓɔɔ zang a Laa ɓɛɛ kpang. Ka ruu ɓɔɔ ri naa raa jĩng ri yi nɔɔ ɓɛɛ. Nɔ́ɔ ti tàsɛ̀ gãnya vutu jasang palɛnang kpang. Ka ruu ɓɔɔ ri nɛɛ nàalɛ́ nɛɛ doo ɓɛɛ.

Maraku 7:2

A ri zi zang ɓɔɔ ka teteng zang ɓɔɔ ri mantɛ vuu ka bii Yeesɔ, ri shaa vuu shaanang, ri sɔɔ naa ɓarɛ naa ɓɔɔ zang tĩng ri tusu ɓɛɛ kpang.

Luka 12:10

“Zang piti ɓɔɔ rang yee shi kpang, ka yuu Jaa Shɔnzang, Laa yaa wu gbalang katɔ. Zang ɓɔɔ rang yee shi kpang ka yuu Suru Laa, Laa yaa wu gbalang ɓi kpang.

Yɔhana 10:36

a zang ɓɔɔ Daa zɔ̃ngnɛ, a shong wu ka koo ɓɛɛ, nɔɔ kɔɔ ka ruu vi nɛɛ n kɔɔrɔ ruu shi kpang ka ruu ɓɔɔ n kɔɔyi nɛɛ n Jaa Laa viya?

Yɔhana 17:19

N a mɔɔ yuu mɛɛ, ka ruu ɓarɛ kɔ, tɔɔ ri a mɔɔ yuu ɓarɛ kaa jong niizang.”

Zang Shonang Yeesɔ 7:51

“Nɔɔ taarɛ yuu dɔɔli. Yeti manɛ nɛɛ shoo manɛ nɔɔ dòo katɔ. Nɔɔ kàsɛ̀ nɛɛ nɔɔ tãa vuu ɓɔɔ Suru Laa kɔ̀ɔ́ nɔɔ kpang. Nɔɔ pálɛ̀ dòó vuu ɓɔɔ rɛɛ dáa manɛ ri palɛ ɓɛɛ kɔ.

Rooma 16:20

Laa ɓɔɔ shing ruu, ruu nwang ka nyaa zɔɔ naa lasɛ naa vuu palɛnang Sheetang ditɔ, wu shingnɛ nɔ́ɔ náa Sheetang kaa nɛɛ doo. N gaayi Kpanti ɓuru Yeesɔ Kirisi wu palɛ nɔɔ tɔ̃ɔ.

1 Koranti 11:27

Ka ruu nɔngkɔ, naa zang ɓɔɔ shaa borodi Yeesɔ keɓe nɛɛ ti ɓoo mii inabi ɓiɓɛ ka gbalang ɓɔɔ daa naa kpang ɓɛɛ. Nwang naa ɓɔɔ palɛ bii Kpanti Yeesɔ nɛɛ zĩi ɓiɓɛ vuu shi kpang ɓɛɛ.

1 Koranti 11:29

Zang ɓɔɔ nɛɛ zi dĩiri bii kpanti Yeesɔ keɓe kpang, nɛɛ shaa borodi nɛɛ ti ɓoo mii inabi zang keɓe gɔ̃ jĩng dannang Laa a nɛɛ mani ka yuu ɓiɓɛ.

1 Koranti 15:25

Ɓɔɔ kãntang keɓe, ɓi Kirisi kɔ kpanti, diki ɓɔɔ Laa naa ɓa yuu zang ɓɔɔ ri shing jĩng nɛɛ Kirisi kpang nandon, wu a nɛɛ mani. Laa wu ti shing ri, Yeesɔ wu naalɛ ri nɛɛ doo.

1 Koranti 15:27

Nwáng kaa naa ɓɔɔ zang bèe ka yeti labeenang Laa nɛɛ, Laa “Shing Jaa ɓiɓɛ tɔ, wu naa vuu piti nɛɛ doo ɓiɓɛ.” Ɓɔɔ zang bee naa weɓe ruu zi tɔ vuu piti naa ɓaa shoo ɓi kaa nyaa Yeesɔ kɔ. Nwàng wu naa ɓɔɔ Laa naa sɔɔrɔ yuu ɓiɓɛ ka dii ka tĩng Yeesɔ kpang, ka ruu ɓɔɔ, Laa kɔ shing vuu kaɓa ri sɔɔrɔ yuu ɓarɛ ka dii ka tĩng Yeesɔ ɓɛɛ.

1 Koranti 6:11

Ɓeleng, zang ɓɔɔ ka teteng manɛ, ri nwang nwannang shi kpang keɓe kɔ. A Laa naa kɔsɔ vuu shi kpang manɛ, nɔɔ kaa kalang kalang. A shɛ̃ɛrɛ nɔɔ nɛɛ nɔɔ nwang kaa zang ɓiɓɛ. Laa zí nɔɔ manɛ kaa naa zang ɓɔɔ ri palɛ tɔ̃ɔ, ka ruu ɓɔɔ, nɔɔ a bìí ɓiɓɛ nɛɛ nung Kpanti ɓuru Yeesɔ Kirisi, a ɓɔɔ nɛɛ Suru Laa ɓɔɔ ruu bang wu ɓɛɛ.

Afisa 4:30

Nɔ́ɔ lasɛ Suru Laa yeti kpang, ka ruu ɓɔɔ, Suru Laa kɔ tusu nɛɛ nɔɔ manɛ zang Laa ɓɛɛ. Suru keɓe kɔ tusu zang nɛɛ diki a ditɔ, ɓɔɔ Laa naa ta yuu manɛ ɓɛɛ.

Afisa 5:26

Nɛɛ tɔ̀ɔ, wu shing ri, ri nwang zang Laa nɛɛ naa vuu palɛnang ruu ɓiɓɛ, ka knti ɓɔɔ wu sɔɔ ri tɔ nɛɛ mii ɓɛɛ.

Yahudi 10:10

Laa kɔ kasɛ a zang shingnɛ ruu nwàng zang tɔ̃ɔ ka tĩng Laa. Ka ɓɔɔ Yeesɔ Kirisi, a Laa yuu ɓiɓɛ zang nyɔ wu vɔrɔ doo gbete kak ɓɛɛ.

Yahudi 12:25

Nɔɔ palɛ waasɛ̃, nɔ́ɔ bɛ̃ɛ Laa kɔ rang yee ɓee kpang. Ka ruu ɓɔɔ, naa zang ɓɔɔ ri bɛ̃ɛ ruu ɓiɓɛ ɓɔɔ a nɛɛ bii Musa ɓɔɔ shàarɛ̀ ri nyaa ka koo keɓe ri wɔ kpang, a ruu nɛɛ bɛ̃ɛ ruu ɓiɓɛ ɓɔɔ a nɛɛ bii Yeesɔ ɓɔɔ a nɛɛ lapa, a shaarɛ ri nyaa ɓɛɛ, ruu palɛ biya ruu wɔ viya?

Yahudi 13:20

N gaa Laa ɓɔɔ shingnɛ, zang nwáng ka nyaa zɔɔ, ɓɔɔ wisi Kpanti ɓuru Yeesɔ paa tɔkn nɛɛ sàa ɓɛɛ. Yeesɔ ɓɔɔ wukɔ kpanti jagãng mɛ̀ɛrɛ́ ɓɛɛ, ka ruu zĩi ɓiɓɛ ɓɔɔ Laa mã nyaa ɓɔɔ gbinggbing nɛɛ mani ɓɛɛ.

Yahudi 2:11

Zang ɓɔɔ shingnɛ zang nwang zang tɔ̃ɔ, nɛɛ zang ɓɔɔ zang shing ri, ri nwàng zang tɔ̃ɔ piti, Daa ɓarɛ gbete. Ka ruu nɔngkɔ, yusɛ̃ɛ tuu Yeesɔ ka ɓɔɔ wu ɓaa ri nɛɛ rɛɛ ɓeezung ɓɛɛ kpang.

Yahudi 2:3

A naa ruu shing jĩng gbãng gbãng ka ruu naa ɓɔɔ zang ta yuu zang, ɓɔɔ bang katɔ naa weɓe kpang, ruu wɔ biya? Ka ruu ɓɔɔ, ɓi Kpanti Yeesɔ nɛɛ yuu ɓiɓɛ, wukɔ gaayu ruu keɓe kɔɔnang ɓɛɛ. A zang ɓɔɔ ri tãayi, rikɔ tusu ruu nɛɛ ruu keɓe niizang kɔ nwani.

Yahudi 4:14

Wee kpanti zang ɓɔɔ ri dɔɔ vuu ka gãa Laa, ɓɔɔ ɓuru kagn, ɓɔɔ zang a wu bannang dɔɔli ɓee. Kpanti keɓe wukɔ Yeesɔ Jaa Laa, ɓɔɔ daa tɔ ka lapa ɓee. Rúu yiti nɔɔ danggn, ɓɔɔ ruu shingnɛ, rùu kɔɔ zang ruu ka yuu ɓiɓɛ keɓe gbãng gbãng.

Yahudi 6:4

Ka ruu ɓɔɔ, naa zang ɓɔɔ ri a tɔ kagn ri zi gbalang Laa tɔ, Laa ti a ri vuu ɓɔɔ wu a zang nɛɛ lapa tɔ, a ri ti walɛ Suru Laa tɔ jong,

Yahudi 6:6

Naa ri yaa gbalang Laa doo nɛɛ mani, naa zang tɔɔ zang sɔ́ɔrɔ̀ ri tɔkn, ri kɔ̃sɔ yeti, zang zunung takpang. Ka ruu ɓɔɔ, nwang naa ri ɓaa Jaa Laa naa kaa laa tɔkn, a ri shingnɛ, yusɛ̃ɛ tuu wu, ka jĩng zang piti ɓɛɛ.

Yahudi 9:13

Zĩi rɛɛ jàa nɛɛ napo, a ɓɔɔ pũngku mɔ́kɔ́ napo ɓɔɔ zang dɔɔ ɓɛɛ, ɓɔɔ zang ɓisi zang ɓɔɔ ka gbalang zang Yahudi, ri palɛ vuu shi kpang tɔ nɛɛ mani ɓɛɛ, risi ri, ri nwáng zang tɔ̃ɔ ɓi ka bii biling kɔ shɛ̃ɛning.

Yahudi 9:20

Kɔɔ zang tɔɔ, “Wee zĩi ɓɔɔ Laa mã nyaa nɛɛ nɔɔ nɛɛ mani kɔ, a dang nɔɔ nyaa nɛɛ nɔɔ dũngnɛ ɓɛɛ.”

Vuu ɓɔɔ zang nwangsɛ Yɔhana 1:5

Yeesɔ Kirisi ɓɔɔ kɔ̀ɔ́ ɓi ruu ɓɔɔ niizang diki diki ɓɛɛ, ɓɔɔ Laa wisi wukɔ paa shɔɔnang nɛɛ sàa, a wukɔ ti nwang kpanti ka yuu rɛɛ kpanti ɓɔɔ ka koo keɓe, wu palɛ nɔɔ tɔ̃ɔ jong, wu ti shingnɛ yeti manɛ wu valɛ katɔ. Yeesɔ ɓɔɔ kasɛ ruu katɔ, a vɔ ka ruu ɓuru nɛɛ, tɔ̀ɔ, zĩi ɓiɓɛ wu ta ruu kaa nɛɛ naa vuu shi kpang ɓɔɔ ruu palɛ ɓɛɛ.