Yahudi 10:24 - Nyaa Shɔɔ Ɓɔɔ Laa a Ɓɛɛ

²⁴ Rúu kãa gbalang naa ɓɔɔ ruu zarɛ zɔɔ, tɔ̀ɔ, ruu kasɛ zɔɔ, a ruu ti palɛ shonang ɓɔɔ tɔ̃ɔ ɓɛɛ.

Yahudi 10:24 ပူးပေါင်းရင်းမြစ်များ

Zang Shonang Yeesɔ 11:29

Rɛɛ zang ɓɔɔ ri dũng Laa ri mang ka yeti ɓarɛ nɛɛ rí kpalɛ vuu naa ɓɔɔ zang ɓu walɛ katɔ ɓɛɛ, ri yi rɛɛ manzung ɓuru ɓɔɔ ri dũng doo Laa kɔ doori ka tipi Yahudi ɓɛɛ naa ka bii.

Rooma 11:4

Laa kasɛ wu nyaa nɛɛ viya? Laa tɔɔ, “N shɛ̃̀ɛrɛ̀ yuu mɛɛ zang doo kagn labang manziti ɓɔɔ ri bang vaka ɓɔɔ zang ɓaa nɛɛ Baal gn kpang ɓɛɛ”.

Rooma 12:15

Nɔɔ tãa tĩnang nɛɛ zang ɓɔɔ ri tãa tĩnang, zang ɓɔɔ ri nɛɛ kaa nyavɔ nɔɔ ka nɛɛ ri.

1 Koranti 10:33

Naa ɓɔɔ n kãa m gbalang n shing zang ri tãa tĩnang ka vuu piti ɓɔɔ n palɛ ɓɛɛ. N shing jĩng m ka vuu ɓɔɔ yi nkɔ naa ka bii shɛ̃ɛning kpang. N shing jĩng m ka vuu ɓɔɔ, yi zang dɔɔli naa ka bii ɓɛɛ. Tɔ̀ɔ, n atɛ ri, Laa wu ta yuu ɓarɛ kati.

1 Koranti 9:22

Naa n nwàng nɛɛ zang ɓɔɔ ri shing danggn gn gbãng gbãng ka vuu ɓɔɔ ri shing danggn kagn ɓɛɛ kpang, n risi yuu mɛɛ naa ri. Tɔ̀ɔ, n atɛ ri, ri naa dũng Yeesɔ Kirisi. Naa zang nwang doo naa viya, n kasɛ tɔ n risi yuu mɛɛ naa ri. Tɔ̀ɔ, n palɛ vuu ɓɔɔ n zunung katɔ nandon, n gɔ̃ zang ɓɔɔ nɛɛ teteng ɓarɛ ri a ka bii Laa, tɔ̀ɔ, Laa wu ta yuu ɓarɛ kati.

2 Koranti 8:8

N dang nɔɔ wu nyaa kpang. N kasɛ nɛɛ n gãsɛ zang kasɛnang manɛ nɛɛ ɓɔɔ zang ɓɔɔ ri dũng doo Laa kɔ. Tɔ̀ɔ, n zirɛ nɛɛ niizang kɔ nwani ɓɛɛ.

2 Koranti 9:2

N zi tɔ, nɔɔ kasɛ nɛɛ nɔɔ yi ri naa katɔ ka bii, a ruu ti rangkɛ ruu tɔ bang bang ka yuu manɛ ka tipi Makidoniya. N kɔɔyi nɛɛ, “Rɛɛ manzung ɓuru ɓɔɔ ri ka gari Akaya ri kpalɛ bii tɔ dòo sáa ɓɔɔ, nɛɛ ri yi zang kaɓa naa ka bii.” Kasɛnang ɓɔɔ nɔɔ kasɛ nɛɛ nɔɔ yi ri naa ka bii zàrɛ̀ zang nimbang tɔ ka teteng ɓarɛ.

Galati 5:13

Ɓɔɔ manɛ ɓɛɛ, rɛɛ manzung, zang ɓaa nɔɔ nyaa nɛɛ nɔ́ɔ nwang zang ɓɔɔ ri jaafoo kpang ɓɛɛ. A nɔɔ yaayi nwannang manɛ keɓe, wu yàa nɔɔ gbalang vuu ɓɔɔ bii shɔnzang manɛ kasɛ ɓɛɛ palɛnang kpang. Zɔɔ kasɛnang wu shing nɔɔ katɔ kɔ jong, nɔ́ɔ pàlɛ́ zɔɔ shonang.

Galati 5:22

A Suru Laa shing zang ɓiri, zang wu kasɛ zang, zang wu tãa tĩnang, yeti zang wu valɛ katɔ, zang wu mã danggn, zang wu palɛ zang tɔ̃ɔ, zang wu pàlɛ̀ vuu ɓɔɔ tɔ̃ɔ ɓɛɛ, zang wu nwang zang ɓɔɔ zang shing danggn katɔ bii ɓiɓɛ.

Galati 5:6

Ruu nɛɛ ɓakɛ yuu tɔ nɛɛ Yeesɔ Kirisi, naa ruu yee shaa katɔ, naa ruu yee doo kpang, palɛ vuu ɓɔɔ ɓi kpang tingkiring. Vuu ɓɔɔ zang kasɛ ɓi danggn shinnang ɓɔɔ shing mɔɔ, mɔɔ kasɛ zang ɓɛɛ.

Galati 6:1

Rɛɛ manzung, naa zang ɓɔɔ ka teteng manɛ nɛɛ palɛ zɔ̃ng vuu shi kpang ɓɔɔ kagn. Nɔɔ ɓɔɔ Suru Laa kagn bii manɛ, nɔɔ sɔɔrɔ wu tɔkn ka gbalang. Nɔ́ɔ sɔ́ɔrɔ̀ wu kaa tɔ̀ɔ́ nɛɛ hakaka kpang. Zang ɓu wu gãng jĩng ka yuu ɓiɓɛ, wu nɛɛ palɛ vuu shi kpang jong.

Kolosi 3:16

Yee Yeesɔ Kirisi wu nwang ka yeti manɛ dɔ̃ɔ gbete, ka ɓɔɔ nɔɔ tusu vuu, a nɔɔ ti kpɛ̃ɛrɛ zɔɔ vuu nɛɛ zũnang ɓɛɛ. Nɔɔ gaa soo ɓɔɔ nɔɔ dɔɔ Laa nɛɛ mani, nɛɛ ɓɔɔ nɔɔ zãa wu nɛɛ mani nɛɛ ɓɔɔ Suru Laa kpɛ̃ɛrɛ zang ɓɛɛ. Nɔɔ ti zãa wu ka yeti manɛ.

1 Tesalonika 1:3

Diki ɓɔɔ ruu gaa Laa ɓuru ɓɔɔ wukɔ ti Daa ɓuru ɓɛɛ, danggn manɛ ning ruu kpang. Ruu ɓaa nung manɛ ka naa ɓɔɔ nɔɔ túsù danggn ɓɔɔ nɔɔ shing ɓɛɛ ka vuu ɓɔɔ nɔɔ palɛ ɓɛɛ. Naa ɓɔɔ nɔɔ palɛ shonang gbãng gbãng, ka ruu ɓɔɔ nɔɔ kasɛ Kpanti Yeesɔ Kirisi katɔ ɓɛɛ. A ɓɔɔ ti naa ɓɔɔ gn ɓɔɔ nɔɔ shing ka bii Kpanti ɓuru Yeesɔ Kirisi ruutu kpang tingkiring ɓɛɛ.

1 Tesalonika 5:11

Ka ruu nɔngkɔ, nɔɔ mã zɔɔ danggn, nɔɔ yi zɔɔ naa ka bii. Nɔɔ shing danggn kaa gbãng gbãng naa wee nɔɔ palɛ ɓee.

2 Tesalonika 3:9

Ruu palɛ vuu keɓe, wu ka ruu ɓɔɔ daa naa ɓɔɔ ruu kɔɔ nɔɔ nɛɛ nɔɔ yi ruu naa ka bii kpang, kpang. Ruu palɛ nɔngkɔ, tɔ̀ɔ, ruu nwang nɔɔ vuu ɓɔɔ nɔɔ dũng ɓɛɛ.

1 Timoti 6:18

Kɔɔ ri nɛɛ ri palɛ vuu ɓɔɔ tɔ̃ɔ ɓɛɛ. Ri nwang zang ying nɛɛ vuu tɔ̃ɔ ɓɔɔ ri palɛ ɓɛɛ. Ri mung naa kpang, ri a zang vuu, ri basɛ vuu ɓarɛ katɔ nɛɛ zang ɓɔɔ ɓɔ̀ɔ́ ɓarɛ kagn kpang.

Titu 2:4

tɔ̀ɔ, ri kpɛ̃ɛrɛ zang soro ɓɔɔ ri doo jasang naa ɓɔɔ ri kàsɛ́ varɛ ɓarɛ nɛɛ wujɛ ɓarɛ kati.

Titu 3:8

Ruu kɔ zang kɔɔ ɓɛɛ, niizang kɔ nwani. N kasɛ mɔɔ yi tĩng ɓaa ka vuu kɔ n kɔɔrɔ ɓee tɔ̃ɔ tɔ̃ɔ. Tɔ̀ɔ, zang ɓɔɔ ri dũng Laa, ri dũng vuu keɓe, ri pálɛ́ shonang ɓɔɔ tɔ̃ɔ ɓɛɛ. Shonang keɓe, wukɔ tɔ̃ɔ ti yi zang piti naa katɔ ka bii.

Yahudi 13:1

Nɔɔ yi tĩng nɛɛ zɔɔ kasɛnang, wee nɔɔ manzung zɔɔ ka gbalang Laa dũnnang ɓee.

Yahudi 13:3

Danggn zang ɓɔɔ zang mã ri ka sãa, wu ning nɔɔ kpang, nɔɔ nwang naa nɔɔ doo ka sãa kɔ nɛɛ ri. Danggn wu ti ning nɔɔ zang ɓɔɔ zang dang ri jĩng ɓɛɛ kpang, ka ruu ɓɔɔ, nɔɔ tá doo bii kɔ ɓɛɛ.

Yahudi 3:13

Nɔɔ mã zɔɔ danggn katɔ kɔ jong diki diki, tɔɔ vuu shi kpang wu shing zang ɓɔɔ kaa tɔ̀ɔ́ ka teteng manɛ wu taarɛ yuu kpang, ka laa ɓɔɔ nɔɔ doo ningkãari kɔ, zang ɓaa nɛɛ “Lɛɛkɔ” ɓee.

1 Yɔhana 3:18

Wujɛ mɛɛ, ruu kasɛ nɔɔ zang, wu nɛɛ nyaa waati kpang. Zang kasɛnang ɓuru wu nwang ɓɔɔ niizang, ka vuu ɓɔɔ ruu pálɛ̀ ɓɛɛ ning.