Yahudi 10:23 - Nyaa Shɔɔ Ɓɔɔ Laa a Ɓɛɛ

²³ Rúu yiti vuu ɓɔɔ ruu kɔ̀ɔ ka yuu danggn ɓɔɔ ruu shing ɓɛɛ gbãng gbãng, rɛ̃rɛnang ɓuru wu vãarɛ kpang. Ka ruu ɓɔɔ, zang ɓɔɔ a nyaa, ɓi zang ɓɔɔ palɛ vuu ɓɔɔ wu a nyaa kagn katɔ ɓɛɛ.

Yahudi 10:23 ပူးပေါင်းရင်းမြစ်များ

1 Koranti 1:9

Laa pálɛ̀ vuu ɓɔɔ wu kɔɔyi nɛɛ wu palɛ ɓɛɛ ɓi katɔ diki diki. Wukɔ ɓàa nɔɔ nyaa nɛɛ nɔ́ɔ naa ɓakɛ zɔɔ nɛɛ Jaa ɓiɓɛ, ɓɔɔ zang ɓaa nɛɛ Yeesɔ Kirisi ɓɔɔ wukɔ Kpanti ɓuru ɓɛɛ.

1 Koranti 10:13

Vuu gãsɛnang ɓɔɔ kagn ɓɔɔ zang gãsɛ nɔɔ nɛɛ mani, ɓɔɔ ɓi náabm̀ nɛɛ ɓɔɔ zang gãsɛ zang nandon nɛɛ mani ɓɛɛ kpang. Laa palɛ vuu ɓɔɔ wu a nyaa ɓɛɛ, ɓi katɔ. Yaa vuu gãsɛnang ɓɔɔ ɓa kaka manɛ katɔ, wu a ka bii manɛ kpang. Naa vuu gãsɛnang a ka bii manɛ, a nɔɔ kaka katɔ, ɓɔɔ nɔɔ taarɛ yuu, tɔ̀ɔ, nɔɔ walɛ gbalang ɓɔɔ nɔɔ wɔ ɓɛɛ kati.

2 Koranti 9:13

Shonang tɔ̃ɔ kɔ nɔɔ palɛ ɓee, wukɔ tusu zang nɛɛ nɔɔ manɛ zang ɓɔɔ ri dũng Laa niizang ɓɛɛ. Zang ɓɔɔ ri dũng dòo Laa kɔ, ri dɔɔ Laa ka ruu naa ɓɔɔ nɔɔ kɔɔ zang Ruu Tɔ̃ɔ Yeesɔ Kirisi, a nɔɔ palɛ vuu ɓɔɔ ruu keɓe kɔɔ ɓɛɛ katɔ ɓɛɛ. Ri ti dɔ̀ɔ Laa ka ruu naa ɓɔɔ nɔɔ basɛ vuu manɛ, nɔɔ á ri nɛɛ yeti gbete, a nɔɔ ti á ɓɔɔ zang ɓɔɔ ri shing danggn tɔ jong ka bii Laa ɓɛɛ.

1 Tesalonika 5:24

Laa ɓɔɔ ɓaa ruu nyaa nɛɛ ruu nwang zang ɓiɓɛ, shing ruu katɔ ruu nwang nɔngkɔ, ka ruu ɓɔɔ pálɛ̀ vuu ɓɔɔ wu a nyaa ɓi katɔ ɓɛɛ.

2 Tesalonika 3:3

A Laa ɓi zang ɓɔɔ mɔɔ shing gn katɔ ka bii ɓiɓɛ ɓɛɛ, mã mɔɔ danggn katɔ, wu shingnɛ vuu ɓɔɔ wu lee mɔɔ naa ka bii kpang.

Titu 1:2

Tɔ̀ɔ, ri shing gn ka suru bii ɓɔɔ waa nyaa kpang, ɓɔɔ Laa ɓɔɔ suu sèé kpang a zang nyaa bɛ̀ɛ́ zang mãa koo gn kpang ɓɛɛ.

Yahudi 11:11

Danggn shinnang Saratu shingnɛ, Laa a wu naa, a tuu jaa ka ɓɔɔ bɛ̀ɛ́ saa ɓiɓɛ ɓa tɔ ɓɛɛ. Ka ruu ɓɔɔ, zi ɓi tɔ zang ɓɔɔ a nyaa, palɛ vuu ɓɔɔ wu a nyaa kagn katɔ ɓɛɛ.

Yahudi 3:1

Ka ruu nɔngkɔ, rɛɛ manzung ɓɔɔ nɔɔ doo zang Laa kɔ ɓɛɛ, ɓɔɔ Laa ɓáa nɔɔ nyaa tɔ jong ɓɛɛ. Nɔɔ shing rɛ̃rɛnang manɛ ka bii Yeesɔ, ɓɔɔ wukɔ zang shonang nɛɛ kpanti zang ɓɔɔ ri dɔɔ vuu ka Gãa Laa ɓɔ̀ɔ́ danggn kɔ ruu shing ɓee.

Yahudi 3:14

Ka ruu ɓɔɔ, ruu ɓuru kaa zang ɓɔɔ ri walɛ vuu ka bii Kirisi ɓɛɛ. Ruu nɛɛ yaa gn ɓɔɔ ruu gaayu, ruu shingnɛ kpang, diki ɓɔɔ koo waa nyaa wu a nɛɛ mani ɓɛɛ.

Yahudi 3:6

A Yeesɔ nwáng zang ɓɔɔ zang shing gn katɔ ka bii ɓiɓɛ ka Gãa Laa nandon, ka ruu ɓɔɔ, wu ɓi Jaa ɓɛɛ. Rukɔ Gãa keɓe, ruu nɛɛ yiti danggn ɓɔɔ ruu mãrɛ gbãng gbãng, nɛɛ gn ɓɔɔ ruu shingnɛ kɔ, ruu dɔɔ bii nɛɛ mani ɓee ɓɛɛ.

Yahudi 4:14

Wee kpanti zang ɓɔɔ ri dɔɔ vuu ka gãa Laa, ɓɔɔ ɓuru kagn, ɓɔɔ zang a wu bannang dɔɔli ɓee. Kpanti keɓe wukɔ Yeesɔ Jaa Laa, ɓɔɔ daa tɔ ka lapa ɓee. Rúu yiti nɔɔ danggn, ɓɔɔ ruu shingnɛ, rùu kɔɔ zang ruu ka yuu ɓiɓɛ keɓe gbãng gbãng.

Yahudi 6:18

Vuu keɓe ziti, vuu ɓɔɔ Laa tũng, nɛɛ nyaa ɓɔɔ wu a ɓɛɛ, ri kɔ̃sɔ kpang, a Laa ti suu sèé ka yuu ɓarɛ kpang. Ka ruu nɔngkɔ, rùu ɓɔɔ rùu yurɛ, ruu walɛ nɔng waanang, zang mã ruu danggn gbãng gbãng nɛɛ ruu yiti gn vuu ɓɔɔ zang shing ruu ka tĩng keɓe gbatagbata.

Yakubu 1:6

Zang ɓɔɔ nɛɛ gaa vuu ka naa Laa, wu shing gn gbãng gbãng nɛɛ Laa a wu katɔ. Wu yaa gn naa kpang, ka ruu ɓɔɔ, zang ɓɔɔ gaa vuu yaa gn naa katɔ, nwang ɓi naa mii waapo ɓɔɔ gɔnsɔ zɔɔ a jasung ti rãa wu ɓɛɛ.

Vuu ɓɔɔ zang nwangsɛ Yɔhana 3:11

N gbãayu katɔ pati. Nɔɔ yiti vuu ɓɔɔ ka naa manɛ waasɛ̃, tɔ̀ɔ, zang ɓɔɔ nwãarɛ nɔɔ, wu ta vuu ɓɔɔ Laa kasɛ nɛɛ wu a nɔɔ ɓɛɛ kpang.