Titu 3:10 - Nyaa Shɔɔ Ɓɔɔ Laa a Ɓɛɛ

¹⁰ Zang ɓɔɔ nɛɛ tɔɔ wu basɛ teteng zang, shàarɛ̀ wu nyaa doo ziti kɔ nwani. Ka knti weɓe, ruu ɓaaɓɛ wu hãa tɔ̀ɔ́ kagn nɛɛ wu kpang.

Titu 3:10 ပူးပေါင်းရင်းမြစ်များ

Rooma 16:17

Manzung, ɓɔɔ ri dũng doo Laa kɔ ɓɛɛ, n gaa nɔɔ katɔ, nɔɔ gãng jĩng ka zang ɓɔɔ ri basɛ teteng zang, a ri ti shing zang ɓɔɔ ri shing danggn, ri yaa gbalang Laa ɓɛɛ. Ri tusu nɔɔ vuu náa ɓɔɔgn naa ɓɔɔ zang tusu nɔɔ tɔ ɓɛɛ kpang. Nɔɔ yaa gbalang ɓarɛ katɔ.

1 Koranti 11:19

Nɔɔ basɛ zɔɔ katɔ, ka ruu ɓɔɔ, naa nɔngkɔ kpang, zang zi zang ɓɔɔ ri dũng Yeesɔ Kirisi nɛɛ yeti gbete kpang ɓɛɛ.

2 Koranti 13:2

N kasɛ, n tɔ̀ɔ́, n shàarɛ́ zang ɓɔɔ ka teteng manɛ ɓɔɔ ri palɛ vuu shi kpang tɔ, ka ting ɓɛɛ, nɛɛ zang nimbang nandon, nyaa. N shàarɛ̀ nɔɔ nyaa tɔ, ka ɓɔɔ bɛ̀ɛ́ n leng jĩng ka nɔɔ dòo doo ziti kɔ nwani ɓɛɛ. N shàarɛ́ nɔɔ nyaa tɔkn ka wee n tɔ̀ɔ́ nɛɛ nɔɔ kpang ɓee. Naa n a tɔkn, zang ɓɔɔ naa wɔ ka naa mɛɛ gbete kpang.

Galati 5:12

Zang ɓɔɔ ri kpãa nɔɔ keɓe, ri nɛ̀ɛ́ kàsɛ̀ katɔ zang ɓée ri, wukɔ nɛɛ tɔ̃ɔ.

Galati 5:20

Vaka bannang nɛɛ nvaa shaanang. Zang ri shing jĩng nɛɛ zɔɔ kpang, ri gaa nyaa, ri kaa sũnyaa, gnvɔ shàá ri, ri kasɛ vuu yuu ɓarɛ. Ri basɛ zɔɔ ka vaa vaa.

2 Tesalonika 3:14

Zang ɓɔɔ ka teteng manɛ nɛɛ dũng ruu kɔ ruu shong nɔɔ ka yeti labeenang keɓe kpàng. Nɛɛ nɔngkɔ, nɔɔ zi zang keɓe waasɛ̃ nɔ́ɔ pálɛ̀ vuu ɓɔɔ nɛɛ wu kpang, tɔ̀ɔ yusɛ̃ɛ wu tuu wu.

2 Tesalonika 3:6

Rɛɛ manzung ɓuru, ruu dang nɔɔ nyaa nɛɛ nung Kpanti ɓuru Yeesɔ Kirisi nɛɛ nɔɔ ɓákɛ̀ yuu nɛɛ zang ɓɔɔ ri dũng doo Laa kɔ, ɓɔɔ ri nwang nwannang rang ɓɛɛ kpang. A ri dũng nyaa ɓuru kpang ɓɛɛ.

2 Timoti 3:5

Ri naa palɛ bii mɔɔ kɔ̀ɔ́ nɛɛ ri dṹng Laa nɛɛ yeti gbete, a nwannang ɓarɛ tusu ɓi nɛɛ ri dũng Laa kpang tingkiring. Ruu ɓaaɓɛ wu hãa kagn nɛɛ rɛɛ zɔ̃ng zang keɓe kpang.

2 Bituru 2:1

Ka tĩng tɛ̃ɛ tɛ̃ɛ, zang nyaa shonang Laa ɓɔɔ sèé, ri nwáng nyaa ka teteng rɛɛ zang Laa. Kãntang keɓe dòo nɔngkɔ, maalang ɓɔɔ ri tusu zang vuu sèé, ri naa nwang nyaa ditɔ ka teteng manɛ. Ri naa arɛ, ri tusu zang vuu sèé ɓɔɔ shing zang, ri ning gbalang ɓɛɛ. Ri naa làá nyaa nɛɛ ri zi dabang ɓuru Yeesɔ Kirisi ɓɔɔ tá yuu ɓarɛ ka vuu shi kpang ɓarɛ kpang. Ka ruu vuu kɔ ri palɛ ɓee, diki bee kpang, jĩng dannang bang a ditɔ ka yuu ɓarɛ, wu nyɔkɔ ri vɔrɔ.

2 Yɔhana 1:10

Zang piti ɓɔɔ nɛɛ alɛ ka bii manɛ, a à nɛɛ vuu kpɛ̃ɛrɛnang keɓe kɔ kpang, nɔ́ɔ ta wu ka gãa manɛ kpang. Nɔ́ɔ ti jee wu nyaa kpang tingkiring.