Titu 2:13 - Nyaa Shɔɔ Ɓɔɔ Laa a Ɓɛɛ

¹³ Ka wee ruu nwangnɛ, ruu gã diki tĩnang tãanang ɓɔɔ ruu shing gn nɛɛ naa a ɓɛɛ. Diki ɓɔɔ bannang Laa ɓuru Yeesɔ Kirisi ɓɔɔ wukɔ ɓa zang piti, ɓɔɔ wukɔ ti ta yuu ɓuru naa nwangsɛ bii ɓɛɛ.

Titu 2:13 ပူးပေါင်းရင်းမြစ်များ

Matiyu 16:27

Jaa Shɔnzang naa a ditɔ nɛɛ bannang diiɓɛ, nɛɛ zang nyaa shonang ɓiɓɛ ɓɔɔ ka lapa ɓɛɛ. Tɔ̀ɔ, wu naa alɛ zang vuu, ka naa vuu ɓɔɔ ri palɛ ɓɛɛ.

Matiyu 25:31

“Ka diki ɓɔɔ Jaa Shɔnzang naa a ka naa bannang ɓiɓɛ, nɛɛ zang nyaa shonang Laa ɓɔɔ ri ka lapa piti, naa nwang ka yuu laa nwannang Kpanti ɓiɓɛ.

Matiyu 26:64

A Yeesɔ kasɛ wu nyaa kati tɔɔ, “Nn nkɔ. N kɔɔ nɔɔ, nɔɔ naa zi m ɓɔɔ n Jaa Shɔnzang ditɔ ka naa nakn Kpanti Laa ɓɔɔ palɛ vuu piti ɓɛɛ. Nɔɔ ti naa zi naa ɓɔɔ n a ka yeti sãmbong ditɔ.”

Maraku 14:62

Yeesɔ kasɛ wu nyaa tɔɔ, “Nn, nkɔ.” Nɔɔ naa zi m ɓɔɔ n Jaa Shɔnzang ditɔ ka naa nakn Kpanti Laa ɓɔɔ palɛ vuu piti ɓɛɛ. Nɔɔ ti naa zi naa ɓɔɔ n a ka yeti sãmbong ditɔ.

Maraku 8:38

Shɔnzang piti ɓɔɔ yusɛ̃ɛ mɛɛ nɛɛ ɓɔɔ Ruu mɛɛ, nɛɛ tuuru wu ka tĩng zang shi kpang kɔ ri palɛ vuu shi kpang ɓee. Jaa Shɔnzang naa tuuru yusɛ̃ɛ ɓiɓɛ doo nɔngkɔ, ka diki ɓɔɔ wu naa a nɛɛ bannang ɓɔɔ Daa ɓiɓɛ a wu ɓɛɛ. Ti naa a nɛɛ rɛɛ zang nyaa shonang Laa ɓɔɔ ka lapa ning ɓɛɛ.”

Zang Shonang Yeesɔ 24:15

N ti shing danggn m doo nɔngkɔ, ka bii Laa, naa ɓɔɔ zang keɓe ri shing ɓɛɛ, nɛɛ zang tɔ̃ɔ, nɛɛ zang shi kpang, Laa naa wisi ri paa katɔ nɛɛ sàa.

Rooma 15:13

Laa ɓɔɔ wukɔ shingnɛ nɔɔ shing gn ɓɛɛ, wu shingnɛ nɔɔ tãa tĩnang gbãng gbãng ka yeti manɛ, yeti manɛ wu ti valɛ. Tɔ̀ɔ, Suru Laa wu a nɔɔ naa, nɔɔ shing gn kaa gbãng gbãng.

Rooma 5:5

Ruu nɛɛ yaa gn naa kpang, yusɛ̃ɛ tuu ruu kpang, ka ruu ɓɔɔ, Laa shìng ruu zɔ̃ng zang kasɛnang ɓiɓɛ tɔ, ka yeti ɓuru nɛɛ bii Suru ɓiɓɛ ɓɔɔ wu a ruu ɓɛɛ.

Rooma 8:18

N zi tɔ, jĩng kɔ ruu dang kãntang ɓee, daa naa ɓɔɔ zang gãsɛ nɛɛ bannang ɓɔɔ Laa naa a ruu ɓɛɛ kpang.

1 Koranti 1:7

Ka ruu nɔngkɔ, vuu ɓɔɔ yàa nɔɔ tɔ̀ɔ́ kagn ka vuu ɓɔɔ Laa a zang kpang. Ka wee nɔɔ gã diki ɓɔɔ Kpanti ɓuru Yeesɔ Kirisi naa nwàngsɛ́ ruu yuu ɓiɓɛ tɔkn ɓee.

2 Koranti 4:4

Ri shing danggn kpang ka ruu ɓɔɔ Sheetang ɓɔɔ wukɔ kpanti koo keɓe, zãa yeti ɓarɛ vuu zinang katɔ ɓɛɛ. Zãa ri zinang nɔng ɓɔɔ yakɛ ka bii ɓarɛ katɔ. Nɔng yakɛnang ɓɔɔ a nɛɛ Ruu Tɔ̃ɔ ɓɔɔ ka yuu bannang Yeesɔ Kirisi, ɓɔɔ wu doo Laa kɔ gbãng gbãng ɓɛɛ.

2 Koranti 4:6

Laa ɓɔɔ kɔɔyi nɛɛ, “Nɔng yakɛ ta ka nɔng ɓɔɔ tɔ̀ɔ katɔ ɓɛɛ,” ɓi doo wukɔ shing nɔng yakɛnang ɓiɓɛ, yakɛ yeti ɓuru. A shingnɛ ruu zi bannang Laa ka waa nyaating Yeesɔ Kirisi.

Kolosi 1:23

Nɔɔ yi tĩng manɛ ka danggn ɓɔɔ nɔɔ shing ɓɛɛ. Vuu ɓɔɔ wu kɔsɔ nɔɔ ka vuu gn shinnang ɓɔɔ nɔɔ walɛ ka ɓɔɔ nɔɔ tãa Ruu Tɔ̃ɔ Laa ɓɛɛ kpang. Ka ruu Ruu Tɔ̃ɔ keɓe kɔ, n Bulu n raa zang shonang. Ruu Tɔ̃ɔ ɓɔɔ zang kɔɔ zang tɔ nandon ka koo ɓɛɛ.

Kolosi 1:27

Vuu ɓɔɔ Laa mang ka yeti ɓiɓɛ keɓe, kasɛ nɛɛ wu nwàngsɛ̀ zang ɓiɓɛ vuu ɓɔɔ bɛ̀ɛ́ wu waasɛ katɔ ka teteng zang ɓɔɔ ri zi wu kpang ɓɛɛ. Vuu ɓɔɔ wu waasɛ katɔ, ɓɔɔ bannang kagn, ɓɔɔ wu shìng zang piti ɓɛɛ. Vuu ɓɔɔ wu waasɛ katɔ keɓe kɔɔyi nɛɛ, “Kirisi kagn yeti manɛ, ruu zi ka wukɔ nɛɛ Laa naa a nɔɔ bannang ɓiɓɛ katɔ.”

Kolosi 1:5

Nɔɔ palɛ naa wee waati kpang, nɔɔ palɛ ka ruu gn ɓɔɔ nɔɔ shing ka yuu vuu ɓɔɔ zang shing nɔɔ ka lapa, nɔɔ tãa nyaa vuu keɓe tɔ ka ting nɛɛ bìí Ruu Tɔ̃ɔ Laa ɓɔɔ zang kɔ̀ɔrɔ̀ nɔɔ ɓɛɛ.

Kolosi 3:4

Suru bii manɛ ɓɔɔ niizang ɓi Yeesɔ Kirisi. Nɛɛ nwang nyaa tɔ, nɔɔ naa nwang nyaa jong nɛɛ wu, nɔɔ walɛ bannang kaa jong.

2 Tesalonika 2:16

Ruu gaa Kpanti ɓuru Yeesɔ Kirisi nɛɛ yuu ɓiɓɛ nɛɛ Daa ɓuru Laa ɓɔɔ ri kasɛ ruu ka tĩng, ɓɔɔ ka ruu tɔ̃ɔ ɓiɓɛ mã ruu danggn a shingnɛ ruu shing gn gbãng gbãng ɓɛɛ.

2 Tesalonika 2:8

Tɔ̀ɔ, Laa wu nwangsɛ zang ɓɔɔ dũ̀ng nyaa dannang ɓi kpang kati. Kpanti Yeesɔ Kirisi nɛɛ a tɔ naa nyɔ wu vɔrɔ, wu ti ningsi wu nɛɛ ɔ̃kɔnang nyaa ɓiɓɛ.

1 Timoti 1:1

Labeenang keɓe a nɛɛ bii mɛɛ Bulu, zang shonang Yeesɔ Kirisi. Laa ɓɔɔ wukɔ ta yuu ɓuru, nɛɛ Yeesɔ Kirisi ɓɔɔ ruu shing gn ka bii ɓiɓɛ, rikɔ zɔ̃ng m.

2 Timoti 1:2

N bee mɔkɔ Timoti jaa mɛɛ, ɓɔɔ n kasɛ mɔɔ dɔɔli ɓɛɛ. N gaa Laa ɓɔɔ wukɔ Daa ɓuru nɛɛ Kpanti ɓuru Yeesɔ Kirisi, gn ɓaaɓɛ wu kɔng ri katɔ, ri palɛ mɔɔ tɔ̃ɔ, ri ti shingnɛ mɔɔ nwang waasɛ̃.

2 Timoti 4:1

N gàa mɔɔ nɛɛ nung Laa nɛɛ ɓɔɔ Yeesɔ Kirisi ɓɔɔ naa jɛ̃ɛ zang ɓɔɔ ri vɔlɔ tɔ, nɛɛ zang ɓɔɔ ri doo ningkãari ruu ɓɛɛ. Ka ruu ɓɔɔ, Yeesɔ Kirisi naa nwang nyaa ditɔ, naa roo kpanti, ka ruu nɔngkɔ, n kɔɔ mɔɔ ruu keɓe.

2 Timoti 4:8

Kãntang keɓe, Laa shing vuu ɓɔɔ wu a m ɓɛɛ tɔ, vuu ɓɔɔ wu a zang ɓɔɔ palɛ vuu ɓɔɔ wu kasɛ ɓɛɛ. Kpanti Yeesɔ Kirisi ɓɔɔ jɛ̃ɛ zang ruu ɓi tɔ̃ɔ, naa a m vuu keɓe ka diki ɓɔɔ wu jɛ̃ɛ zang ruu kagn ɓɛɛ. A nkɔ ka bm kpang, a zang piti ɓɔɔ ri kasɛ wu, ri gãng jĩng diki ɓɔɔ wu gbãayu kagn ɓɛɛ.

Titu 1:2

Tɔ̀ɔ, ri shing gn ka suru bii ɓɔɔ waa nyaa kpang, ɓɔɔ Laa ɓɔɔ suu sèé kpang a zang nyaa bɛ̀ɛ́ zang mãa koo gn kpang ɓɛɛ.

Titu 1:4

N bèé mɔkɔ Titu, ɓɔɔ ka gbalang danggn kɔ ruu shing nandon ɓee, mɔɔ ɓaa kaa jaa mɛɛ niizang ɓɛɛ. N gaa Laa ɓɔɔ wukɔ Daa ɓuru nɛɛ Yeesɔ Kirisi ɓɔɔ wukɔ ta yuu ɓuru, ri pàlɛ̀ mɔɔ tɔ̃ɔ, ri shingnɛ, mɔɔ nwang waasɛ̃.

Titu 3:4

A ɓɔɔ Laa ɓɔɔ wukɔ ta yuu ɓuru, tusu tɔ̃ɔ ɓiɓɛ nɛɛ naa ɓɔɔ wu kasɛ zang piti ɓɛɛ.

Yahudi 9:28

Kirisi dòo nɔngkɔ, á zang yuu ɓiɓɛ nɛɛ zang nyɔ wu vɔrɔ doo gbete kak, nɛɛ tɔ̀ɔ, wu kɔsɔ zang dɔɔli vuu shi kpang ɓarɛ kati. Nwang nyaa ditɔ tɔkn, daa kaa doo ziti. Wu ka ruu ɓɔɔ wu naa kɔsɔ zang vuu shi kpang ɓarɛ kpang, nɛɛ tɔɔ wu ta ɓi kaa yuu zang ɓɔɔ ri gã wu ɓɛɛ.

1 Bituru 1:3

Ruu dɔɔ Laa ɓɔɔ wukɔ Laa nɛɛ Daa Kpanti ɓuru Yeesɔ Kirisi ɓɛɛ. Pàlɛ̀ ruu tɔ̃ɔ gbãng gbãng, ka ruu nɔngkɔ, shingnɛ ruu nwàng zang ɓɔɔ zang yi ruu shɔɔ tɔkn ɓɛɛ, nɛɛ tɔ̀ɔ, gn shinnang ɓuru wu shàarɛ̀ kaa takpang. Ruu walɛ vuu keɓe ka ɓɔɔ zang wisi Yeesɔ paa nɛɛ sàa ɓɛɛ.

1 Bituru 1:7

Vuu gãsɛnang alɛ ka bii manɛ, tɔ̀ɔ, zang ri zi kati nɛɛ danggn ɓɔɔ nɔɔ shing ka bii Laa ɓi ɓɔɔ niizang kɔ nwani. Zinariya ɓɔɔ lasɛ katɔ ɓɛɛ, zang dɔɔ ka waa, tɔ̀ɔ, zang zirɛ nɛ́ɛ ɓɔɔ tɔ̃ɔ ɓɛɛ. Zang palɛ danggn shinnang manɛ ɓɔɔ ɓa zinariya shinang katɔ doo nɔngkɔ. Zang gãsɛ danggn ɓɔɔ nɔɔ shing ka bii Laa kãntang keɓe, ka ruu ɓɔɔ, ka diki ɓɔɔ Yeesɔ Kirisi naa nwang nyaa, zang wu dɔɔ nɔɔ, zang ti a nɔɔ bannang ka ruu danggn ɓɔɔ nɔɔ shing ɓɛɛ.

2 Bituru 1:1

Labeenang keɓe, nɛɛ naa mɛɛ, nkɔ Siman Bituru, nkɔ jaafoo Yeesɔ Kirisi, nkɔ ti zang shonang ɓiɓɛ. N bèé nɔɔ labeenang keɓe, nɔɔ nandon ɓɔɔ nɔɔ shing danggn tɔ ka bii Yeesɔ Kirisi naa ɓɔɔ ruu shing jong ɓɛɛ. Ka ruu tɔ̃ɔ Yeesɔ Kirisi ɓɔɔ wukɔ ta yuu ɓuru nɛɛ nɔɔ, nɛɛ tɔ̃ɔ Laa, ruu walɛ gbalang, a ruu shing danggn keɓe.

2 Bituru 3:18

Nɔɔ dũng manɛ Kpanti ɓuru Yeesɔ Kirisi kɔ jong, ɓɔɔ wukɔ ta yuu ɓuru ɓɛɛ. Tɔ̀ɔ, wu palɛ nɔɔ tɔ̃ɔ kaa yuu zɔɔ, yuu zɔɔ. Zinang ɓɔɔ nɔɔ zi wu, wu ti daa ka tĩng. Zang ri a wukɔ bannang dòndòng. Nɔngkɔ.

1 Yɔhana 4:14

Ruu zi ka wukɔ a ruu ti kɔɔyi nɛɛ Daa shong Jaa ɓiɓɛ nɛɛ wu naa ta yuu zang koo keɓe.

Yahuza 1:21

Nɔɔ yiti yuu manɛ ka kasɛnang ɓɔɔ Laa kasɛ nɔɔ ɓɛɛ, ka ɓɔɔ nɔɔ gã Kpanti ɓuru Yeesɔ Kirisi wu pàlɛ̀ ruu tɔ̃ɔ, wu a ruu suru bii ɓɔɔ waa nyaa kpang ɓɛɛ.

Vuu ɓɔɔ zang nwangsɛ Yɔhana 1:7

Nɔɔ zirɛ, náa a ka yeti sãmbong, zang piti ri naa zi wu jĩng ka bii. Zang ɓɔɔ ri shu wu nɛɛ shalang, ri ti naa zi wu jong. Zang tipi koolaa keɓe nandon, ri naa káa ka ruu ɓiɓɛ. Vuu keɓe naa nwáng ditɔ nɔngkɔ niizang. Nɔngkɔ.