Titu 1:15 - Nyaa Shɔɔ Ɓɔɔ Laa a Ɓɛɛ

¹⁵ Ka jĩng zang ɓɔɔ ri dũng Laa nɛɛ yeti gbete, vuu piti ɓi tɔ̃ɔ kɔ nandon. A zang ɓɔɔ vuu shi kpang palɛnang lasɛ ri tɔ, ɓɔɔ ri shing danggn ɓarɛ ka ruu ɓɔɔ niizang kpang, vuu ɓɔɔ tɔ̃ɔ ɓi kagn kpang. Ka ruu ɓɔɔ, vuu shi kpang ɓɔɔ ri palɛ lasɛ rɛ̃rɛnang ɓarɛ tɔ ɓɛɛ.

Titu 1:15 ပူးပေါင်းရင်းမြစ်များ

Matiyu 15:18

A vuu ɓɔɔ nwang nɛɛ yeti nyaa shɔnzang, a ɓi nɛɛ yeti ɓiɓɛ. Vuu keɓe kɔ raa zang, zang nwang zang shi kpang ka tĩng Laa.

Zang Shonang Yeesɔ 10:15

A tãa yee tɔkn daa kaa doo ziti nɛɛ, “vuu ɓɔɔ Laa kɔɔyi nɛɛ tɔ̃ɔ, mɔɔ tɔ́ɔ̀ kpang nɛɛ shi kpang, kpang.”

Rooma 14:14

N ɓɔɔ n shing danggn tɔ nɛɛ bii Kpanti Yeesɔ ɓɛɛ, n zi m tɔ nɛɛ, vuu shaanang ɓɔɔ ɓi shi kpang, ɓi kagn kpang. Naa zang ɓɔɔ nɛɛ tɔɔ vuu keɓe shi kpang, ɓi ti shi kpang ka jĩng ɓiɓɛ.

Rooma 14:20

Mɔɔ lasɛ vuu ɓɔɔ Laa palɛ, ka ruu vuu shaanang kpang. Vuu shaanang piti ɓi tɔ̃ɔ. A naa nɔɔ shaa vuu piti ɓɔɔ shing zang ɓɔɔ, wu pálɛ́ vuu shi kpang, nɔɔ palɛ vuu shi kpang tɔ.

Rooma 14:23

Naa nɛɛ zì kpang, nɛɛ vuu kɔ wu shaa ɓee, naa wu pálɛ̀ vuu shi kpang ya, naa wu palɛ vuu tɔ̃ɔ ya ɓɛɛ. Naa shaayi, Laa dɔng wu ruu katɔ, nɛɛ wu palɛ vuu shi kpang tɔ. Ka ruu ɓɔɔ palɛ vuu keɓe, ka ruu ɓɔɔ ka doo danggn ɓɔɔ wu shing kpang ɓɛɛ. Vuu piti ɓɔɔ zang palɛ ka doo danggn ɓɔɔ zang shingnɛ, nɛɛ vuu bìí tɔ̃ɔ ɓɛɛ kpang, zang keɓe palɛ vuu shi kpang ɓi tɔ.

1 Koranti 10:23

Nɔɔ kɔɔrɔ nɛɛ, zang zãa nɔɔ vuu ɓɔɔ kagn gbete kpang. Niizang, zang zãa nɔɔ vuu ɓɔɔ kagn gbete kpang, a wu kaa tɔ̀ɔ́ vuu piti yǐ zang naa ka bii kpang. Niizang, zang zãa nɔɔ vuu ɓɔɔ kpang, a vuu kaa gn ɓɔɔ ri shíng zang, zang ri shíi nɛɛ kaka ka vuu Kpanti Yeesɔ Kirisi kpang ɓɛɛ.

1 Koranti 10:25

Shaa yɔpɔ ɓɔɔ zang mãlɛ́ ka lumang ɓɛɛ, mɔɔ hɛ̃ɛlɛ zang ruu ka yuu ɓiɓɛ kpang. Ka ruu ɓɔɔ, mɔɔ nɛɛ rɛ̃rɛ nɛɛ mɔɔ palɛ vuu shi kpang tɔ ɓɛɛ.

1 Koranti 10:31

N kàsɛ́ zang keɓe nyaa nɛɛ, ka vuu ɓɔɔ mɔɔ palɛ ɓɛɛ nandon. Naa mɔɔ shaa doo vuu, naa mɔɔ ɓoo doo vuu, palɛ ka gbalang ɓɔɔ mɔɔ a Laa bannang nɛɛ mani ɓɛɛ.

1 Koranti 8:7

A kaa tɔ̀ɔ́ zang piti ri zi tɔ nɛɛ vaka ɓi vuu ɓɔɔ kpang, kpang. Zang ɓɔɔ kagn ɓɔɔ bii ĩi ri tɔ nɛɛ vaka. Kãntang ri zi ɓarɛ nɛɛ vuu shaanang kaɓa ɓi ɓɔɔ vaka. Ka ruu nɔngkɔ, naa ri shaa zɔ̃ng vuu shaanang kaɓa ri rɛ̃rɛ ɓarɛ nɛɛ vuu shaanang kaɓa shing ri, ri nwang zang shi kpang.

1 Timoti 6:5

a ri hãa nyaa diki diki. Zang keɓe, yeti ɓarɛ zunung rɛ̃rɛnang tɔ̃ɔ kpang, ri ti zi ruu ɓɔɔ niizang ɓarɛ kpang. Zang keɓe, ri kɔɔ ɓarɛ nɛɛ gbalang Laa ɓi gbalang ɓɔɔ zang walɛ saka kagn ɓɛɛ.

Yahudi 10:22

Rúu a nɔɔ ta, ka bii Laa nɛɛ yeti tɔ̃ɔ. Ruu yaa gn naa kpang, ka ruu ɓɔɔ, Kirisi sɔɔ yeti ɓuru tɔ kalang kalang, rɛ̃rɛnang shi kpang kagn kpang. A zang ti sɔɔ ruu bii katɔ nɛɛ mii ɓɔɔ kalang kalang ɓɛɛ.

Yahudi 12:15

Nɔɔ gãng jĩng kagn, zang ɓɔɔ ka teteng manɛ nɛ̀ɛ́ wàlɛ̀ tɔ̃ɔ Laa kpang, a zang ɓɔɔ nɛ̀ɛ́ ta yeti ɓɔɔ la katɔ ɓɛɛ, ɓɔɔ shingnɛ, nyaa haanang seepaa, ɓɔɔ lasɛ zang dɔɔli ɓɛɛ.

Yahudi 9:14

Zĩi Kirisi palɛ vuu ɓɔɔ ɓa weɓe kpang ya? Kirisi ɓɔɔ shi kpang ka bii kpang, a Laa yuu ɓiɓɛ nɛɛ naa vuu palɛnang Suru Laa ɓɔɔ nwang ɓi dòndòng ɓɛɛ. Zĩi ɓiɓɛ shing katɔ rɛ̃rɛnang ɓɔɔ nɔɔ rɛ̃rɛ ka yuu vuu shi kpang palɛnang, wu nwang tɔ̃ɔ, tɔ̀ɔ, ruu pàlɛ̀ Laa ɓɔɔ ɓi ningkãari shonang kati.