Titu 1:12 - Nyaa Shɔɔ Ɓɔɔ Laa a Ɓɛɛ

¹² Zang nyaa shonang ɓarɛ ɓɔɔ kagn, doo zang Karita kɔ, kɔ̀ɔ nɛɛ nyaa ɓiɓɛ nɛɛ, “Zang Karita ɓarɛ zang sèé, ri nwang naa yɔpɔ kpaasi, ri ɓarɛ zang ráng ɓɔɔ shaa vuu dɔɔli ɓɛɛ.”

Titu 1:12 ပူးပေါင်းရင်းမြစ်များ

Zang Shonang Yeesɔ 17:28

“Zang ɓɔɔ kɔɔyi tɔɔ, ‘Ruu nwangnɛ, ruu rarɛ, ruu nwang shɔnzang, ka ruu ɓiɓɛ kɔ.’ Ɓi naa ɓɔɔ zang soo gáanang manɛ ri kɔɔyi nɛɛ, ‘Ruu doo wujɛ ɓiɓɛ kɔ’ ɓɛɛ.

Zang Shonang Yeesɔ 2:11

A ɓɔɔ zang Karita, nɛɛ zang Yahudi. Ruu tãayi ri kɔɔrɔ vuu bang bang ɓɔɔ Laa palɛ nɛɛ nyaa zang gãa ɓuru.”

Zang Shonang Yeesɔ 27:12

Nɔng ɓɔɔ laana ri shiiri kagn kaɓa, ka laa pũngku shi kpang, a zang dɔɔli ri kɔɔyi nɛɛ ri yáa nɔng bii katɔ. Ri daa ka gari Fonisi ri daa nwang ka nɔngkɔ. Ka laa pũngku, Fonisi ɓi doo nɔng ɓɔɔ laana ri shiiri kagn ka tipi Karita ɓɛɛ kɔ. Ka nɔng keɓe kɔ zang yi gbalang daanang nɔng ɓɔɔ ka paa nɔng ɓɔɔ laa nwang nyaa kagn nɛɛ nɔng ka dii nɔng ɓɔɔ laa hãa nyaa kagn.

Zang Shonang Yeesɔ 27:13

Jasung gaayu rãanang nɛɛ dii lɛɛm lɛɛm, a rɛɛ zang laana zirɛ mɔɔ kɔɔ nɛɛ ri wàlɛ̀ vuu ɓɔɔ ri kasɛ ɓɛɛ. Ka ruu nɔngkɔ, ri zɔ̃ng laa ɓɔɔ ri mã laana kagn ɓɛɛ, a ri sɔɔ nɛɛ laana nɛɛ nyaa gãnggãng waapo gari Karita naabm gbãng gbãng.

Zang Shonang Yeesɔ 27:7

Laana daa lɛɛm lɛɛm a diki bee ruu kati, ka ruu ɓɔɔ, jasung kpãa ruu nyaa dɔɔli ɓɛɛ. A ruu naa a ka nɔng ɓɔɔ nɛɛ gari Kinida naabm. Jasung zãa ruu daanang, ka ruu nɔngkɔ, ruu bã tipi Karita dang gbete ɓɔɔ jasung kagn kpang ɓɔɔ nɛɛ gari Salamone naabm ɓɛɛ.

Rooma 16:18

Ka ruu ɓɔɔ, zang ɓɔɔ ri palɛ naa weɓe ri pàlɛ́ ɓarɛ Kpanti ɓuru Kirisi shonang kpang, ri kãa ɓarɛ ɓɔɔ buru ɓarɛ. Ri nwãarɛ zang ɓɔɔ ri zi vuu kpang nɛɛ nyaa ɓɛlɛɓɛlɛ, nɛɛ nyaa tĩnang ɓarɛ.

Filipi 3:19

Zang keɓe, ri daa ɓarɛ ka nɔng waa. Ka ruu ɓɔɔ, ɓi buru ɓarɛ kɔ nwang kaa naa Laa ɓarɛ, ri ti tuu yuu ɓarɛ ka rɛɛ vuu ɓɔɔ yusɛ̃ɛ nɛɛ tuu ri kagn kɔ jong ɓɛɛ. Ri rɛ̃rɛ ɓarɛ ka yuu rɛɛ vuu ɓɔɔ ka koo keɓe kɔ shɛ̃ɛning.

1 Timoti 4:2

Ɓi zang sèé ɓɔɔ ri nwãarɛ zang, nɛɛ vuu palɛnang kɔ ri tusu zang zɔ̃ng vuu keɓe. Zang keɓe ri rɛ̃̀rɛ́ ɓarɛ ka vuu ɓɔɔ Sheetang kasɛ ɓɛɛ.

Titu 1:5

N yaa mɔɔ ka tipi Karita n tɔɔ, mɔɔ hangsɛ vuu ɓɔɔ ruu palɛ, ruu yaa nyaa ka gbalang ɓɛɛ waasɛ̃. A mɔɔ ti zɔ̃ngkɔ zang bang ka Gãa Laa ka gari gari, naa ɓɔɔ n kɔɔ mɔɔ ɓɛɛ.

2 Bituru 2:12

Zang keɓe ri rangkɛ yee shi kpang ka yuu vuu ɓɔɔ ri zi tɔ̃ɔ tɔ̃ɔ kpang ɓɛɛ. Ri palɛ vuu naa shoko. Ri palɛ vuu teetee naa yɔpɔ jĩngti ɓɔɔ zang yi ri nɛɛ, ri nɛɛ bang tɔ, zang yirɛ zang yee ɓɛɛ. Niizang, ri shàarɛ́ dòo nɔngkɔ, naa yɔpɔ jĩngti, zang tãa nung ɓarɛ takpang.

2 Bituru 2:15

Ri yaa gbalang tɔ̃ɔ tɔ, ri dũng ɓarɛ kaa gbalang Balamu jaa Beeyɔ kɔ jong. Ka tĩng tɛ̃ɛ tɛ̃ɛ, Balamu kasɛ nɛɛ yuu ɓiɓɛ, wu palɛ vuu shi kpang nɛɛ tɔɔ zang a wu saka.