Titu 1:10 - Nyaa Shɔɔ Ɓɔɔ Laa a Ɓɛɛ

¹⁰ Ka ruu ɓɔɔ, zang dɔɔli nɛɛ zang ɓɔɔ ri yaa gbalang zang Yahudi dũnnang ri dũng kaa Laa, ri ta ruu niizang ɓɔɔ zang ɓɔɔ ri dũng Laa ri tusu ɓɛɛ kpang. Ri nwãarɛ zang ɓarɛ nɛɛ yee shoko ɓɔɔ ri rangkɛ ɓɛɛ.

Titu 1:10 ပူးပေါင်းရင်းမြစ်များ

Matiyu 23:14

Vuu gn kɔnang kagn yuu manɛ, zang ɓɔɔ tusu zang vuu nɛɛ zang Farisi. Nɔɔ zang ɓɔɔ nɔɔ nwãarɛ zang nɛɛ vuu palɛnang ɓɛɛ, ka ruu ɓɔɔ, nɔɔ mulu suvɔ ɓɛɛ. Nɔɔ ti gaa Laa sasak, nɛɛ tɔɔ zang zi nɔɔ kati ɓɛɛ. Ka ruu nɔngkɔ, Kpanti Laa naa dang nɔɔ jĩng ditɔ dɔɔli, ɓa ɓɔ̀ɔ́ zang piti.

Zang Shonang Yeesɔ 11:2

Ɓɔɔ Bituru daa ka Urushalima zang ɓɔɔ ri tɔɔ zang yee zang ɓɔɔ ri zang Isirela kpang shaa ka gbongkarɛ, ri rangkɛ wu.

Zang Shonang Yeesɔ 15:1

Zang ɓɔɔgn, ri a nɛɛ tipi Yahudi ka Antakiya, a ri tusu zang ɓɔɔ ri shing danggn tɔ nɛɛ, “Nɔɔ nɛɛ yee shaa naa ɓɔɔ Musa dang nyaa ɓɛɛ kpang, Laa ta yuu manɛ kpang.”

Zang Shonang Yeesɔ 15:24

Ruu tãa nyaa nɛɛ zang ɓɔ̀ɔ́gn ri daa nɛɛ teteng ɓuru, ri daa kpãa nɔɔ, ri lasɛ nɔɔ yeti nɛɛ vuu ɓɔɔ ri kɔɔrɔ ɓɛɛ. Rùu ti kɔɔ ri vuu ɓɔɔ kagn nɛɛ ri daa kɔɔ nɔɔ kpang.

Zang Shonang Yeesɔ 20:29

N zi tɔ, n nɛɛ daa tɔ, zang ɓɔɔ ri tusu zang vuu, ɓɔɔ ri nwang naa zaa wisi ɓɔɔ shaa varɛ dɔɔli ɓɛɛ, ri naa a ditɔ ka teteng manɛ. Gn manɛ kɔng ri kpang.

Galati 2:4

Ruu keɓe gaayu ka ɓɔɔ zang varɛ ɓɔɔ ri nwãarɛ zang nɛɛ ri dũng dòo Kirisi kɔ, ri kasɛ ɓarɛ katɔ nɛɛ, zang yèe wu shaa. Zang keɓe ɓɔɔ ri shɛ̃ɛ ka teteng ɓuru nɛɛ ri zili naa ɓuru, ri ti kãa gbalang naa ɓɔɔ zang ta yuu ɓuru ka ɓɔɔ ruu ɓakɛ yuu nɛɛ Yeesɔ Kirisi ɓɛɛ, ɓee. Ri kasɛ nɛɛ ri risi ruu naa jaafoo.

Galati 3:1

Ɓɔɔ nɔɔ zang tipi Galati nɔɔ shoko niizang. Ɓu wi zuu nɔɔ jĩng nɔngkɔ wiya? Zang kɔɔ ka shoo manɛ naa ɓɔɔ zang ɓaa Yeesɔ Kirisi naa ka laa a vɔrɛ ɓɛɛ.

Afisa 4:14

Tɔ̀ɔ ruu nwàng kaa tɔ̀ɔ́ naa wujɛ ɓɔɔ zang ráarɛ̀ ri yuu, nɛɛ vuu ɓɔɔ zang ɓɔɔ ri nwãarɛ zang, ri tusu ɓɛɛ kpang. Zang sèé keɓe, ri shing zang, zang ri palɛ vuu shi kpang nɛɛ zũnang ɓɔɔ ri nwangsɛ nɛɛ yeti ɓarɛ ɓɛɛ.

1 Timoti 1:4

Mɔ́ɔ kɔ̀ɔ ri nɛɛ ri suukãng waati ka nɔng ruu gbãagbãa kɔɔrɔnang, nɛɛ nɔng ɓɔɔ ri gã zɔ̃ng rɛɛ dabang ɓarɛ ɓɛɛ kpang. Vuu keɓe shing ɓi nyaa laanang waati. Shingnɛ ruu zi vuu tɔ̃ɔ ɓɔɔ Laa mang ka yuu ɓuru nɛɛ ruu walɛ ɓɛɛ kpang. Danggn ɓɔɔ ri shing ka bii ɓiɓɛ kɔ tusu vuu keɓe shɛ̃ɛning.

1 Timoti 1:6

Zang ɓɔɔ ri ning gbalang keɓe tɔ, ri ràa jĩng ɓarɛ kaa nyaa laanang naa shoko.

1 Timoti 1:9

Zang dang nyaa wu ka ruu zang tɔ̃ɔ kpang. Ɓi ka ruu zang ɓɔɔ ri takɛ nyaa ɓɔɔ zang dang ɓɛɛ, nɛɛ zang ɓɔɔ ri ɓaa shoo ka nyaa zang kpang ɓɛɛ. A bɔɔ ka ruu zang ɓɔɔ ri shing gn ka bii Laa kpang, nɛɛ zang ɓɔɔ ri palɛ vuu shi kpang ɓɛɛ. Ka ruu zang ɓɔɔ ri seng Laa kpang, ri ti seng vuu tɔ̃ɔ kpang ɓɛɛ. Nɛɛ ɓɔɔ ka ruu zang ɓɔɔ ri nyɔ daa ɓarɛ nɛɛ nàá ɓarɛ vɔrɔ ɓɛɛ, nɛɛ zang ɓɔɔ ri nyɔkɔ zang vɔrɔ ɓɛɛ.

2 Timoti 3:13

A zang ɓɔɔ ri palɛ vuu shi kpang nɛɛ zang ɓɔɔ, ri tuu waa nyaating zang ɓɔɔ ri palɛ vuu nɛɛ mani ɓɛɛ, ri shaarɛ katɔ, shaarɛnang ɓarɛ daa nɛɛ tĩng kɔ jong. Ri nwãarɛ zang, zang ti nwãarɛ ri.

2 Timoti 4:4

Ri ɓaa shoo, ka ruu ɓɔɔ niizang, ɓɔɔ ka yuu gbalang Laa ɓɛɛ kpang. Ri ɓàarɛ́ shoo ɓarɛ ka ruu gbãagbãa.

Titu 1:6

Zang bang zang ɓɔɔ ri dũng Laa, wu nwang ɓi zang ɓɔɔ shi kpang ka bii ɓiɓɛ kpang ɓɛɛ. Soro ɓiɓɛ gbete kɔ nwani. Wujɛ ɓiɓɛ nandon, ri shing danggn tɔ ka bii Laa. Ri wu wujɛ ɓɔɔ palɛ vuu shi kpang, kpang, a ri ti tá shoo pɛɛrɛ kpang ɓɛɛ.

Yakubu 1:26

Zang ɓɔɔ nɛɛ tɔɔ wu dũng Laa, nɛɛ mung nyaa ɓiɓɛ kpang, nwãarɛ ɓi yuu ɓiɓɛ, Laa dũnnang ɓiɓɛ ɓi ɓɔɔ waati.

1 Yɔhana 2:18

Wujɛ mɛɛ, diki ɓɔɔ koo keɓe waa nyaa a naabm tɔ. Nɔɔ tãayi nɛɛ, zang ɓɔɔ shing jĩng nɛɛ Yeesɔ kpang a ditɔ, kãntang keɓe, zang ɓɔɔ shing jĩng nɛɛ Yeesɔ kpang, ri nwangsɛ yuu tɔ dɔɔli. Ka ruu nɔngkɔ, ruu zi tɔ nɛɛ, diki ɓɔɔ koo keɓe waa nyaa gn keɓe kɔ.

1 Yɔhana 2:4

Shɔnzang ɓɔɔ kɔɔyi tɔɔ, “N zi wu tɔ,” a ti shing jĩng ka nyaa ɓɔɔ wu dang ɓɛɛ kpang, ɓi zang sèé. Ruu ɓɔɔ niizang ɓi kagn yeti ɓiɓɛ kpang.

1 Yɔhana 4:1

Rɛɛ masang ɓɔɔ n kasɛ nɔɔ katɔ dɔɔli ɓɛɛ, nɔɔ shing gn ka zang ɓɔɔ kɔɔyi nɛɛ, Suru Laa kagn bii ɓarɛ kpang. Nɔɔ gãsɛ ri katɔ, nɔɔ zi suru ɓɔɔ ka bii ɓarɛ, nɛɛ ɓɔɔ Laa ɓɛɛ. Ka ruu ɓɔɔ, zang ɓɔɔ ri suu sèé nɛɛ ri zang nyaa shonang Laa, ri nwangsɛ bii tɔ ka koolaa dɔɔli ɓɛɛ.

Vuu ɓɔɔ zang nwangsɛ Yɔhana 2:14

A vuu shi kpang ɓɔɔ nɔɔ palɛ kaa gn, ɓɔɔ n kasɛ kpang ɓɛɛ. Zang ɓɔɔ kagn ka teteng manɛ ɓɔɔ ri palɛ vuu ɓɔɔ yɔɔ ɓɔɔ zang ɓaa wu nɛɛ Balamu tusu zang ɓɛɛ. Balamu ɓɔɔ kpɛ̃ɛrɛ Balak naa ɓɔɔ wu shing zang Isirela, ri palɛ vuu shi kpang, nɛɛ ri shaa vuu shaanang ɓɔɔ zang a vaka, nɛɛ ri palɛ dũndũng.

Vuu ɓɔɔ zang nwangsɛ Yɔhana 2:6

A vuu kagn gbete ɓɔɔ n dɔɔ nɔɔ ka yuu ɓiɓɛ ɓɛɛ, nɔɔ bɛ̃ɛ rɛɛ vuu shi kpang ɓɔɔ rɛɛ zang ɓɔɔ zang ɓaa ri nɛɛ zang Nikola ri palɛ ɓɛɛ katɔ, naa ɓɔɔ n bɛ̃ɛ dòo katɔ kɔ ɓɛɛ.