Rooma 9:4 - Nyaa Shɔɔ Ɓɔɔ Laa a Ɓɛɛ

⁴ Rikɔ zang Isirela, Laa shing ri, ri ràa wujɛ ɓiɓɛ, a tusu ri bannang ɓiɓɛ. Laa mã nyaa nɛɛ ri, a ri nyaa ɓɔɔ wu dangnɛ ɓɛɛ. Rikɔ zunung Laa bannang ka gbalang ɓɔɔ tɔ̃ɔ ɓɛɛ. A Laa ti a rikɔ nyaa.

Rooma 9:4 ပူးပေါင်းရင်းမြစ်များ

Matiyu 21:33

Yeesɔ tɔɔ, “Nɔɔ tãa nyaa vuu jeenang ɓɔɔgn ta. Yɔɔ ɓɔɔgn shɔlɔ laa inabi ka jaa ɓiɓɛ, a mang gbãng ɓee nyaa jaa nɔng kiiri kiiri. Ti palɛ nɔng ɓɔɔ zang kãng mii jĩng laa inabi kagn, nɛɛ putali ɓɔɔ zang shi kagn, zang gãng jĩng ka jaa ɓɛɛ. A yaa zang ɓɔɔ ri gãng jĩng ka jaa, a seepaa daa zanti ka koolaa ɓɔɔgn.

Yɔhana 1:17

Naa ɓɔɔ nyaa dannang Laa a nɛɛ bii Musa, tɔ̃ɔ palɛnang Laa, nɛɛ ruu ɓɔɔ niizang, a ɓi kaa nɛɛ bii Yeesɔ Kirisi.

Yɔhana 1:47

Yeesɔ zi Natanalu a kana bii ɓiɓɛ, a kɔɔyi tɔɔ, “Nɔɔ zirɛ, zang ɓɔɔ wukɔ zang Isirela ɓɔɔ niizang kaɓa, vuu ɓɔɔ shing zang, zang pálɛ̀ vuu shi kpang kagn bii ɓiɓɛ kpang.”

Zang Shonang Yeesɔ 2:39

Ka ruu ɓɔɔ, bɛ̀ɛ́ Laa á nyaa ɓi ka ruu manɛ kɔ nɛɛ wujɛ manɛ ɓɛɛ. A ɓɔɔ ti ka ruu zang ɓɔɔ bɛ̀ɛ́ ri naabm ka bii Laa kpang. Suru keɓe, ka ruu zang piti ɓɔɔ Laa ɓɔɔ wukɔ Kpanti ɓuru” naa ɓaa ri nyaa ɓɛɛ.

Rooma 3:2

Nwǎng zang vuu katɔ dɔɔli. Laa a zang Yahudi kɔ Ruu ɓiɓɛ ka naa, nɛɛ ri yiti.

Rooma 8:15

Ka ruu ɓɔɔ, Laa a nɔɔ Suru ɓɔɔ risi nɔɔ naa jaafoo waati kpang, shing nɔɔ, nɔɔ kaa vɔrɔ tɔkn kpang ɓɛɛ. Suru Laa keɓe shing nɔɔ nɔ́ɔ nwang manɛ wujɛ Laa kɔ jong. Wukɔ ti yi nɔɔ naa ka bii, nɔɔ ɓaa Laa kaa nɛɛ, “Mɔkɔ Daa ɓuru.”

Rooma 9:6

N tɔɔ kpang nɛɛ, Laa palɛ vuu ɓɔɔ wu a zang nyaa kagn kpàng, kpang. Ka ruu ɓɔɔ wu zang Isirela nandon kɔ, zang ɓɔɔ Laa shɛ̃ɛrɛ ri nɛɛ ri zang ɓiɓɛ kɔ kpang.

2 Koranti 11:22

Ri zang Yahudi ya? N m dòo nɔngkɔ. Ri zang Isirela ya? N m dòo nɔngkɔ. Ri zang zɔ̃ng Ibirayi ya? N m dòo nɔngkɔ.

Galati 3:16

Ruu keɓe doo nɔngkɔ, Laa a ɓi Ibirayi nɛɛ zɔ̃ng ɓiɓɛ rɛɛ nyaa keɓe. Laa kɔɔ kpang ka yeti labeenang ɓiɓɛ nɛɛ, “Rɛɛ zɔ̃ng ɓaaɓɛ” Kpang. Nɛɛ nwàng kaa naa ráng yee ka yuu zang dɔɔli. Kɔɔyi tɔɔ, “Zɔ̃ng ɓaaɓɛ.” Rang yee ka yuu zang gbete kɔ nwani. Zang gbete keɓe wukɔ Kirisi.

Afisa 2:12

Ka laa kaɓa, bɛ̀ɛ́ nɔɔ shing danggn gň ka bii Yeesɔ Kirisi kpang. Bɛɛ nɔɔ manɛ zang zanti, ka tipi Isirela, a nɔɔ manɛ ka teteng zang Laa kpang. Rɛɛ nyaa ɓɔɔ Laa mã nɛɛ zang ɓiɓɛ, a á ri nyaa kagn, ɓi ɓɔɔ manɛ kpang. Nɔɔ nwang manɛ ka koo keɓe, vuu ɓɔɔ zang shing gn kagn ɓɛɛ kpang, a Laa manɛ ti kagn kpang.

Yahudi 9:1

Nyaa ɓɔɔ Laa mã tĩng shɔɔnang kaɓa, tusu zang gbalang naa ɓɔɔ zang bang Laa katɔ. A nɔng ɓɔɔ shi kpang kagn kpang, ɓɔɔ shɔnzang ri bang Laa ti kagn ka koo keɓe.

Yahudi 9:10

Rɛɛ vuu keɓe, ɓi ka yuu vuu shaanang nɛɛ vuu ɓoonang nɛɛ rɛɛ vuu sɔ̀ɔrɔ̀nang kɔ shɛ̃ɛning ka zɔ̃ng zɔ̃ng. Wee ɓi nyaa dannang ka ruu vuu ɓɔɔ zang palɛ ka bii biling kɔ shɛ̃ɛning, tɔ̀ɔ laa ɓɔɔ Laa naa kɔ̃sɔ vuu piti, wu a nɛɛ mani.

Yahudi 9:3

Yeti putali ɓɔɔ tĩng, nɔng ɓɔɔ kagn, zang ku nyaa ɓiɓɛ nɛɛ fɔ̃ɔrɔ nyaa pɛɛrɛ. Zang ɓaa ɓi nɛɛ, “Nɔng ɓɔɔ shi kpang kagn kpang tingkiring” ɓɛɛ.

Yahudi 9:5

Ka yuu akpaati bìí, zang palɛ jasuru zang nyaa shonang Laa ɓɔɔ ri ka lapa ziti, nasãng ɓarɛ kagn. Vuu keɓe ri tusu bannang Laa. Ri wàa putali kaa yuu nyaa kunang akpaati nɛɛ nasãng ɓarɛ. Vuu nyaa kunang akpaati keɓe, zang ɓaa nɛɛ, “Nɔng ɓɔɔ Laa kɔsɔ vuu shi kpang kagn ɓɛɛ.” Ruu kɔ̀ɔ nɔɔ ruu gn dɔɔli ka yuu rɛɛ vuu keɓe kãntang kpang.

Yahudi 9:6

Zang nɛɛ shĩili vuu keɓe tɔ nandon naa weɓe, rɛɛ zang ɓɔɔ ri dɔɔ vuu ka Gãa Laa ri daarɛ kaa yeti putali ɓɔɔ biling, ri palɛ shonang ɓarɛ diki diki.