Rooma 9:33 - Nyaa Shɔɔ Ɓɔɔ Laa a Ɓɛɛ

³³ Zang bee ka yeti labeenang Laa nɛɛ, “Nɔɔ ɓaa shoo, ǹ shing tari ka Siyona, ɓɔɔ zang kpaa doo kagn ɓɛɛ. Tari bang ɓɔɔ shíng zang, zang watɛ ɓɛɛ. Zang piti ɓɔɔ nɛɛ shing danggn ka bii ɓiɓɛ yusɛ̃ɛ tuu wu kpang.”

Rooma 9:33 ပူးပေါင်းရင်းမြစ်များ

Matiyu 21:42

A Yeesɔ hɛ̃ɛ ri tɔɔ, “Nɔɔ gã̀ gngn ka yeti labeenang Kpanti Laa kpang ya? Laa kɔɔyi tɔɔ: “ ‘Tari ɓɔɔ zang gãa mãanang ri bɛ̃ɛyi, wukɔ ràa tari ɓɔɔ yiti gãa kati. Kpanti Laa kɔ palɛ veɓe. Ɓɔɔ ka jĩng ɓuru, ɓi kaa vuu ɓɔɔ ruu mã naa ka danggn ɓɛɛ.’

Matiyu 21:44

[Shɔnzang ɓɔɔ nɛɛ naa watɛ ka tari keɓe, bii ɓiɓɛ naa kaka ditɔ. Tari kɔ nɛɛ watɛ jong ka yuu shɔnzang, shɔnzang kaɓa nangkɛ náà zũng tapuru.]”

Rooma 10:1

Rɛɛ manzung, n kasɛ ka yeti mɛɛ gbãng gbãng, a n ti gaa Laa ka yuu zang mɛɛ zang Yahudi, nɛɛ Laa wu ta yuu ɓarɛ jong.

Rooma 10:11

Labeenang Laa kɔɔyi tɔ̀ɔ, “Zang piti ɓɔɔ nɛɛ shing danggn ka bii ɓiɓɛ yusɛ̃ɛ tuu wu kpang.”

Rooma 5:5

Ruu nɛɛ yaa gn naa kpang, yusɛ̃ɛ tuu ruu kpang, ka ruu ɓɔɔ, Laa shìng ruu zɔ̃ng zang kasɛnang ɓiɓɛ tɔ, ka yeti ɓuru nɛɛ bii Suru ɓiɓɛ ɓɔɔ wu a ruu ɓɛɛ.

Galati 5:11

Rɛɛ manzung, naa n kɔɔrɔ zang doo naa nɛɛ zang ri yee shaa katɔ ɓɛɛ, a zang dang m jĩng ɓi kaa ruu viya? Naa nɛɛ nɔngkɔ niizang, rúu ɓɔɔ n kɔɔrɔ zang ka yuu laa ɓɔɔ zang ɓaa Yeesɔ naa kagn nɛɛ shingnɛ zang nɛɛ hàa nyaa kpang.

Filipi 1:20

Vuu ɓɔɔ n kasɛ ka yeti mɛɛ, a n ti shing gn kagn, ɓi naa ɓɔɔ n pálɛ̀ vuu ɓɔɔ yusɛ̃ɛ naa tuu m kpang ɓɛɛ. Naa n ningkãari a naa n vɔ doo katɔ, n kasɛ diki diki n nwang zang ɓɔɔ kaa vɔrɔ kpang, naa wee n kãntang ɓee. Tɔ̀ɔ, n shingnɛ, zang a Yeesɔ Kirisi bannang kati.

2 Timoti 1:12

N dang jĩng ka ruu rɛɛ vuu keɓe kɔ. A n yaa gn naa m gn kpang tingkiring, ka ruu ɓɔɔ, n zi zang ɓɔɔ n shing danggn ka bii ɓiɓɛ tɔ ɓɛɛ. A n ti zi m tɔ nɛɛ, zunung ɓɔɔ wu yìtí m vuu ɓɔɔ wu a m ka naa tɔ, diki ɓɔɔ koo waa nyaa wu a nɛɛ mani.

1 Yɔhana 2:28

Wujɛ seseere, nɔɔ nwang nɛɛ wu, ka ruu ɓɔɔ nɛɛ nwang nyaa tɔ, ruu naa kaa vɔrɔ kpang ɓɛɛ. Yusɛ̃ɛ ti naa tuu ruu ka tĩng ɓiɓɛ, ka diki ɓɔɔ wu gbãayu ɓɛɛ kpang.