Rooma 9:1 - Nyaa Shɔɔ Ɓɔɔ Laa a Ɓɛɛ

¹ Vuu kɔ n kɔ̀ɔ́ ɓee, niizang kɔ nwani. N suu sèé kpang, kaa ruu ɓɔɔ, n m zang Kirisi ɓɛɛ. Rɛ̃rɛnang mɛɛ ɓɔɔ Suru Laa roo kpanti kagn, ti kɔɔyi nɛɛ niizang, n suu sèé kpang.

Rooma 9:1 ပူးပေါင်းရင်းမြစ်များ

Rooma 1:9

Laa ɓɔɔ n pàlɛ́ wu shonang, nɛɛ suru mɛɛ ka ɓɔɔ n kɔɔrɔ zang Ruu Tɔ̃ɔ Jaa ɓiɓɛ, zi tɔ nɛɛ n gaa wu ka ruu manɛ, n yaa diki kpang.

Rooma 2:15

Vuu ɓɔɔ ri palɛ kɔ túsù nɛɛ, vuu ɓɔɔ Laa dang nyaa ka yuu ɓiɓɛ kagn yeti ɓarɛ. Yeti ɓarɛ ti tusu doo nɔngkɔ. Ka ruu ɓɔɔ, lee ɓɔɔ rɛ̃rɛnang ɓarɛ kɔɔ ri nɛɛ ri palɛ vuu shi kpang tɔ, lee ɓɔɔ wu ti kɔ̀ɔ ri nɛɛ, vuu ɓɔɔ ri palɛ ɓɛɛ tɔ̃ɔ ɓɛɛ.

Rooma 8:16

Suru Laa ɓakɛ zɔɔ nɛɛ suru bii ɓuru ri kɔɔyi nɛɛ, ruu wujɛ Laa.

Rooma 9:2

Niizang, yeti mɛɛ lasɛ dɔɔli, vuu ɓɔɔ ti kɔng m ka yeti ka ruu rɛɛ manzung zang Isirela di nyaa kpang.

2 Koranti 1:12

Vuu ɓɔɔ shingnɛ ruu tuu yuu ɓuru kagn gbete, rɛ̃rɛnang ɓuru kɔɔ ruu nɛɛ, nwannang ɓuru ka koo keɓe, nɛɛ vuu ɓɔɔ rùu palɛ nɛɛ nɔɔ, rùu palɛ niizang nɛɛ yeti gbete, naa ɓɔɔ Laa kasɛ ɓɛɛ. Ruu palɛ wu ka doo zũnang yuu ɓuru kpang, ruu palɛ nɛɛ naa vuu palɛnang tɔ̃ɔ ɓɔɔ Laa pàlɛ́ ruu ɓɛɛ.

2 Koranti 1:23

Laa kɔ kɔ̀ɔ rúu tɔ̃ɔ ka yuu mɛɛ, N à Koranti takpang, ka ruu ɓɔɔ, n kasɛ n tɔɔ, n kpãa nɔɔ takpang ɓɛɛ.

2 Koranti 11:10

Ka ruu ɓɔɔ, ruu niizang Yeesɔ Kirisi kagn ka yeti mɛɛ, zang ɓɔɔ kagn ka tipi Akaya kpang, ɓɔɔ shíng m n vɔ̃ nyaa, n kɔ̀ɔ ruu bang bang kɔ n kɔɔrɔ ɓee takpang ɓɛɛ kpang.

2 Koranti 11:31

Laa ɓɔɔ wukɔ Laa, wukɔ ti Daa Kpanti Yeesɔ Kirisi ɓɔɔ zang piti dɔɔ wu dòndòng ɓɛɛ, zi tɔ, n suu sèé kpang.

2 Koranti 12:19

Nɔɔ rɛ̃rɛ manɛ ɓu nɛɛ, ruu tɔɔ ruu ta yuu ɓuru ka tĩng manɛ ya? Manzung ɓuru, ɓɔɔ ruu kasɛ nɔɔ dɔɔli ɓɛɛ, ruu ráng nɔɔ yee ka tĩng Laa, wee ruu ɓakɛ yuu tɔ nɛɛ Kirisi ɓee. A vuu piti ɓɔɔ ruu palɛ ɓɛɛ, ruu palɛ nɛɛ tɔɔ ruu yi nɔɔ naa ka bii.

Galati 1:20

N kɔɔ nɔɔ ruu kɔ nwani ka tĩng Laa, vuu kɔ n bee nɔɔ ɓee, niizang, n suu sèé kpang.

Filipi 1:8

Laa zi tɔ niizang nɛɛ n kasɛ nɔɔ katɔ dɔɔli, naa ɓɔɔ Yeesɔ Kirisi kasɛ ruu ɓɛɛ.

1 Tesalonika 2:5

Nɔɔ zi tɔ̃ɔ tɔ̃ɔ nɛɛ ɓɔɔ ruu a ka bii manɛ, ruu a wu nɛɛ nyaa tãa kpang. Ruu rang nɔɔ yee wu naa ɓɔɔ shingnɛ ruu walɛ vuu ɓɔɔ ruu kasɛ ɓɛɛ kpang, Laa zi yeti ɓuru tɔ.

1 Timoti 1:5

N kɔɔ mɔɔ nɔngkɔ, tɔ̀ɔ, ruu kasɛ ruu zɔɔ nɛɛ zɔɔ kasɛnang ɓɔɔ nwang nɛɛ yeti ɓɔɔ vuu shi kpang kagn kpang ɓɛɛ. Ruu ti kasɛ ruu zɔɔ nɛɛ rɛ̃rɛnang ɓɔɔ shi kpang kagn kpang ɓɛɛ. A ɓɔɔ nɛɛ danggn ɓɔɔ niizang keɓe ɓɔɔ ruu shing ka bii Yeesɔ Kirisi ɓɛɛ.

1 Timoti 2:7

Ka ruu nɔngkɔ, Laa shing m, zang ɓɔɔ palɛ shonang ɓɛɛ. Nɛɛ n kɔ̀ɔ zang ɓɔɔ ri zang Isirela kpang Ruu Tɔ̃ɔ Laa, n ti tùsù ri danggn shinang ɓɔɔ niizang ɓɛɛ. N kɔɔ ruu ɓɔɔ niizang kɔ nwani. N suu wu sèé kpang.

1 Timoti 5:21

N gaa mɔɔ nɛɛ nung Laa, nɛɛ ɓɔɔ Yeesɔ Kirisi nɛɛ rɛɛ zang nyaa shonang Laa ɓɔɔ ka lapa ɓɔɔ Laa shɛ̃ɛrɛ ri katɔ ɓɛɛ. N kɔɔ mɔɔ, mɔɔ dũ̀ng nyaa kɔ n dang mɔɔ ɓee. Ka vuu ɓɔɔ mɔɔ palɛ nandon, mɔɔ shɛ̃ɛrɛ zang katɔ kpang, mɔɔ pálɛ̀ vuu gn dang gbete kpang.