Rooma 8:7 - Nyaa Shɔɔ Ɓɔɔ Laa a Ɓɛɛ

⁷ Ka ruu ɓɔɔ, naa zang shing rɛ̃rɛnang zang, ka yuu vuu ɓɔɔ bii zang kasɛ ɓɛɛ kɔ shɛ̃ɛning, zang risi yuu zang kaa naa zang ɓɔɔ shing jĩng nɛɛ Laa kpang ɓɛɛ. Ka ruu ɓɔɔ, dũ̀ng nyaa ɓɔɔ Laa dangnɛ ɓi kpang ɓɛɛ. Niizang, zunung dũnnang ɓi kpang tingkiring.

Rooma 8:7 ပူးပေါင်းရင်းမြစ်များ

Matiyu 12:34

Nɔkɔ shi kpang naa sɔkɔ pudi ɓi, nɔɔ palɛ biya, yee manɛ wu nwang ɓi kaa tɔ̃ɔ viya? Shɔnzang kɔɔ ɓi doo ruu ɓɔɔ ka yeti ɓiɓɛ kɔ.

Matiyu 5:19

Ka ruu nɔngkɔ, naa shɔnzang ɓɔɔ ɓa nyaa ɓɔɔ Laa dangnɛ, a ti tusu zang naa ɓɔɔ ri ɓa ɓɛɛ jong, wukɔ zang tɔkɔlɔng ka teteng zang ɓɔɔ Laa naa roo Kpanti ka yuu ɓarɛ ɓɛɛ. A zang piti ɓɔɔ dũng Ruu Laa keɓe, a ti tusu zang nɛɛ ri dũng jong, wukɔ zang bang ka teteng zang ɓɔɔ ri ka yeti kpanti ɓɔɔ Laa roo ɓɛɛ.

Yɔhana 7:7

Zang koo keɓe ɓɔɔ ri zi Laa kpang, ri bɛ̃ɛ nɔɔ manɛ kpang. Ri bɛ̃ɛ ɓarɛ nkɔ, ka ruu ɓɔɔ, n kɔɔrɔ ri nɛɛ vuu ɓɔɔ ri palɛ ɓi vuu shi kpang ɓɛɛ.

Rooma 1:28

Ka ruu ɓɔɔ, shɔnzang ri kasɛ nɛɛ ri yítì vuu ɓɔɔ niizang ɓɔɔ zang zi ka yuu Laa ka yeti ɓarɛ kpang. Laa yaa ri tɔ ri rɛ̃rɛ vuu ɓɔɔ shi kpang, tɔɔ ri palɛ vuu ɓɔɔ daa naa palɛnang kpang ɓɛɛ.

Rooma 1:30

Ri rang yee shi kpang ka yuu zɔɔ, ri kasɛ Laa kpang, ri tuu yuu ɓarɛ dɔɔli, ri ti kɔɔrɔ ruu bang bang ka yuu ɓarɛ. Ri nwangsɛ vuu shi kpang ka zɔ̃ng zɔ̃ng, ri ɓaa shoo ka nyaa zang ɓɔɔ ri yi ri ɓɛɛ kpang.

Rooma 3:31

Nɛɛ nɔngkɔ, ruu kɔsɔ nyaa dannang Laa kaa tɔ nɛɛ danggn ɓɔɔ ruu shing ɓɛɛ ya? Wu nɔngkɔ kpang tingkiring. Ruu shɔ nyaa dannang Laa ɓi kaa nɛɛ tɔɔsung kɔ jong.

Rooma 5:10

Ka ɓɔɔ bɛ̀ɛ́ ruu shing jĩng gn nɛɛ Laa kpang, Laa shingnɛ ruu nwáng nɛɛ wu ka nyaa zɔɔ ka ruu Jaa ɓiɓɛ ɓɔɔ vɔ ka ruu ɓuru ɓɛɛ. Wee ruu nwang tɔ ka nyaa zɔɔ nɛɛ Laa ɓee, Jaa ɓiɓɛ ta yuu ɓuru katɔ, ka ruu ɓɔɔ, nwàng ɓi ningkãari ɓɛɛ.

Rooma 7:22

Ka yeti mɛɛ, n tãa tĩnang nyaa ɓɔɔ Laa dang ɓɛɛ katɔ.

Rooma 8:4

Laa pálɛ́ vuu keɓe nɛɛ tɔɔ, ruu nwang naa ɓɔɔ Suru Laa kasɛ ɓɛɛ, wu naa ɓɔɔ bii shɔnzang kasɛ kpang. Ruu palɛ vuu tɔ̃ɔ ɓɔɔ nyaa dannang Laa kasɛ nɛɛ zang wu palɛ, ruu palɛ kaa nyaa kiiri.

1 Koranti 2:14

Zang ɓɔɔ Suru Laa nɛɛ kagn yeti ɓiɓɛ kpang, ta vuu ɓɔɔ Suru Laa alɛ zang ɓi kpang. Zang kaɓa zi vuu keɓe kpang, vuu bìí nwang wu ɓi naa vuu shoko, ka ruu ɓɔɔ, ɓi Suru Laa kɔ shɛ̃ɛning shing zang, zang zi vuu kaɓa ɓɛɛ.

1 Koranti 9:21

Naa n nɛ̀ɛ zang ɓɔɔ ri dũ̀ng nyaa dannang Musa kpang, n palɛ vuu naa ɓɔɔ ri palɛ ɓɛɛ. Tɔ̀ɔ, n atɛ ri jong ri naa dũng Yeesɔ Kirisi. N tɔɔ kpang nɛɛ, n dũ̀ng nyaa dannang Laa kpang, kpang. N dũng m nyaa dannang Yeesɔ Kirisi.

Kolosi 1:21

Diki ɓɔɔ kagn bɛ̀ɛ́ nɔɔ ka bii Laa naabm kpang, bɛ̀ɛ́ nɔɔ shing jĩng nɛɛ wu kpang, ka ruu vuu shi kpang ɓɔɔ nɔɔ rɛ̃rɛ a nɔɔ ti pálɛ́ ɓɛɛ.

Kolosi 2:18

Nɔɔ yaa zang ɓɔɔ tuu yuu ɓiɓɛ nɛɛ wu ɓa nɔɔ katɔ, wu dɔng nɔɔ ruu kpang. Zang ɓɔɔ kɔɔyi nɛɛ wu zìlí vuu ka si hingro, a yi tĩng, suu sèé nɛɛ wu tuu yuu ɓiɓɛ kpang, a bang ɓi kaa rɛɛ zang nyaa shonang Laa ɓɔɔ ri ka lapa ɓɛɛ. Zɔ̃ng zang keɓe tuu yuu ɓiɓɛ, ka dalɛ waati, ka rɛ̃rɛnang ɓɔɔ wu rɛ̃rɛ naa shɔnzang ɓɛɛ,

2 Timoti 3:4

Ri ɓarɛ zang ɓɔɔ mɔɔ shing gn ka bii ɓarɛ kpang. Ri naa rɛ̃̀rɛ̀ ka gbongkarɛ tɔ̀ɔ, ri pálɛ́ vuu kpang, ri naa lakɛ jĩng dɔɔli. Ri naa kasɛ vuu ɓɔɔ ri tãa tĩnang kagn ɓa ɓɔɔ ri kasɛ Laa katɔ.

Yahudi 8:10

Laa ti kɔɔyi tɔɔ, Wee nyaa ɓɔɔ n naa mã nɛɛ zang Isirela ka rɛɛ diki ɓɔɔ naa a ɓɛɛ kɔ. N naa shǐng ri rɛɛ nyaa dannang mɛɛ ka yeti ɓarɛ a n beere ka ɓoro ɓarɛ. N naa nwáng Laa ɓarɛ, a ri nwang ɓarɛ kaa zang mɛɛ.

Yakubu 4:4

Nɔɔ zi kpang nɛɛ naa nɔɔ yi wusang nɛɛ vuu koo keɓe nɔɔ nwang naa zang ɓɔɔ palɛ dũndũng ɓɛɛ kpang ya? Zang keɓe nwang ɓi kaa zang ɓɔɔ gaa nyaa nɛɛ Laa ɓɛɛ. Ka ruu nɔngkɔ, zang ɓɔɔ nɛɛ kasɛ ruu koo keɓe risi yuu ɓiɓɛ kaa zang ɓɔɔ gaa nyaa nɛɛ Laa ɓɛɛ.

2 Bituru 2:14

Ri pɛ̃ɛrɛ vuu ɓɔɔ ɓarɛ kpang, diki diki jĩng ɓarɛ ɓi ka zang soro ɓɔɔ ri rakɛ, wàázaa ɓɛɛ, tɔ̀ɔ, ri palɛ dũndũng nɛɛ ri. Ri lee vuu shi kpang palɛnang ɓarɛ kpang. Naa ri zi zang ɓɔɔ shii ka gbalang Laa nɛɛ kaka kpang, ri nwãarɛ ri, ri shing ri, ri palɛ vuu shi kpang. Ri shing jĩng ɓarɛ ka vuu zang kɔ diki, diki. Zɔ̃ng zang ɓɔɔ naa weɓe, Laa dɔng ri ruu ɓarɛ tɔ.