Rooma 8:6 - Nyaa Shɔɔ Ɓɔɔ Laa a Ɓɛɛ

⁶ Naa zang rɛ̃rɛ shi kpang, naa ɓɔɔ bii shɔnzang kasɛ ɓɛɛ kɔ shɛ̃ɛning, nwǎng zang ɓi vɔrɔ. Naa zang rɛ̃rɛ ka yuu vuu ɓɔɔ Suru Laa kasɛ, Laa shingnɛ zang walɛ suru bii ɓɔɔ waa nyaa kpang, a yeti zang ti valɛ katɔ.

Rooma 8:6 ပူးပေါင်းရင်းမြစ်များ

Yɔhana 14:27

“Nɔɔ nwang waasɛ̃, vuu koo keɓe shing nɔɔ, nɔɔ nwáng waasɛ̃ kpang. Nwannang waasɛ̃ keɓe a ɓi nɛɛ bii mɛɛ. Yeti manɛ wu lasɛ kpang, nɔɔ ti kaa vɔrɔ kpang.

Yɔhana 14:6

Yeesɔ kɔɔ wu tɔɔ, “Nkɔ gbalang, nkɔ niizang, nkɔ suru bii. Zang ɓɔɔ nɛɛ tɔɔ wu daa bii Daa, sɔɔ nɛɛ bii mɛɛ kɔ gbete.

Yɔhana 17:5

Ka ruu nɔngkɔ, Daa, tuu m ta, mɔɔ daa nɛɛ n ka nɔng ɓɔɔ mɔɔ kagn ɓɛɛ. Mɔɔ a m bannang naa ɓɔɔ mɔɔ a m bɛ̀ɛ́ zang mãa koo gn kpang ɓɛɛ.”

Rooma 13:14

Nɔɔ yaa Kpanti Yeesɔ Kirisi wu ta rɛ̃rɛnang manɛ. Nɔ́ɔ ràa shoo tɔ̀ɔ́ vuu ɓɔɔ bii manɛ ɓɔɔ palɛ vuu shi kpang kasɛ ɓɛɛ kpang.

Rooma 14:17

Ka ruu ɓɔɔ, vuu ɓɔɔ Laa kasɛ, wukɔ vuu shaanang nɛɛ vuu ɓoonang kpang. Laa kasɛ nɛɛ zang nwang zang tɔ̃ɔ ka tĩng ɓiɓɛ, ti kasɛ nɛɛ zang nwang ka nyaa zɔɔ nɛɛ wu, a zang ti tãa tĩnang ɓɔɔ Suru Laa shingnɛ ɓɛɛ.

Rooma 5:1

Wee ruu nwang zang tɔ̃ɔ tɔ ka tĩng Laa, ka ruu danggn ɓɔɔ ruu shing ka bii ɓiɓɛ ɓɛɛ. Ruu nwàng kaa nyaa zɔɔ nɛɛ Laa ka ruu Kpanti ɓuru Yeesɔ Kirisi.

Rooma 5:10

Ka ɓɔɔ bɛ̀ɛ́ ruu shing jĩng gn nɛɛ Laa kpang, Laa shingnɛ ruu nwáng nɛɛ wu ka nyaa zɔɔ ka ruu Jaa ɓiɓɛ ɓɔɔ vɔ ka ruu ɓuru ɓɛɛ. Wee ruu nwang tɔ ka nyaa zɔɔ nɛɛ Laa ɓee, Jaa ɓiɓɛ ta yuu ɓuru katɔ, ka ruu ɓɔɔ, nwàng ɓi ningkãari ɓɛɛ.

Rooma 6:21

Nɔɔ wàlɛ̀ ɓu vi ka vuu ɓɔɔ nɔɔ pálɛ́, ɓɔɔ kãntang keɓe yusɛ̃ɛ ɓarɛ tuu nɔɔ kaa tɔ ɓee viya? Vuu kaɓa nwàng nɔɔ vɔrɔ.

Rooma 6:23

Zang nɛɛ palɛ vuu shi kpang tɔ, zang vɔ katɔ. Vuu ɓɔɔ Laa a ruu waati, ɓi suru bii ɓɔɔ waa nyaa kpang ɓɛɛ. Ka ruu ɓɔɔ, ruu ɓákɛ́ bii tɔ, nɛɛ Kpanti ɓuru Yeesɔ Kirisi ɓɛɛ.

Rooma 7:11

Vuu shi kpang walɛ gbalang nɛɛ bii nyaa ɓɔɔ Laa dangnɛ, a nwãarɛ m, a ti nyɔ m vɔrɔ.

Rooma 7:5

Ka ɓɔɔ bɛ̀ɛ́ ruu nwàng doo nwannang naa shɔnzang waati ɓɛɛ, bii ɓuru ɓɔɔ kasɛ vuu shi kpang palɛnang, sèé paa kaa gbãng gbãng, ka ruu ɓɔɔ, nyaa dannang Laa shing wu ɓɛɛ. Vuu piti ɓɔɔ ruu palɛ nwang ruu ɓuru vɔrɔ kɔ shɛ̃ɛning.

Rooma 8:13

Naa ruu nwang naa ɓɔɔ bii ɓuru kasɛ, ruu vɔ katɔ. A naa Suru Laa yi ruu naa kagn, ruu yaa vuu shi kpang ɓɔɔ ruu palɛ dɔ̃ɔ gbete, ruu nwáng ditɔ ningkãari.

Rooma 8:27

A Laa ɓɔɔ zi yeti shɔnzang tɔ nandon, zi vuu ɓɔɔ Suru rɛ̃rɛ tɔ. Ka ruu ɓɔɔ, Suru bakɛ Laa ka ruu zang Laa, ka doo vuu ɓɔɔ yeti Laa kasɛ ɓɛɛ.

Rooma 8:7

Ka ruu ɓɔɔ, naa zang shing rɛ̃rɛnang zang, ka yuu vuu ɓɔɔ bii zang kasɛ ɓɛɛ kɔ shɛ̃ɛning, zang risi yuu zang kaa naa zang ɓɔɔ shing jĩng nɛɛ Laa kpang ɓɛɛ. Ka ruu ɓɔɔ, dũ̀ng nyaa ɓɔɔ Laa dangnɛ ɓi kpang ɓɛɛ. Niizang, zunung dũnnang ɓi kpang tingkiring.

Galati 5:22

A Suru Laa shing zang ɓiri, zang wu kasɛ zang, zang wu tãa tĩnang, yeti zang wu valɛ katɔ, zang wu mã danggn, zang wu palɛ zang tɔ̃ɔ, zang wu pàlɛ̀ vuu ɓɔɔ tɔ̃ɔ ɓɛɛ, zang wu nwang zang ɓɔɔ zang shing danggn katɔ bii ɓiɓɛ.

Galati 6:8

Naa zang ɓɔɔ ɓaa vuu shi kpang ɓɔɔ bii shɔnzang ɓiɓɛ kasɛ ɓɛɛ, ti naa nwǎng wu ɓi vɔrɔ. Zang ɓɔɔ nɛɛ ɓayi, nɛɛ tɔɔ Suru Laa wu tãa tĩnang, naa nwǎng wu suru bii ɓɔɔ waa nyaa kpang ɓɛɛ.