Rooma 8:5 - Nyaa Shɔɔ Ɓɔɔ Laa a Ɓɛɛ

⁵ Zang ɓɔɔ ri nwàng ɓarɛ ka naa ɓɔɔ bii shɔnzang ɓarɛ kɔɔ ri nɛɛ ri nwang ɓɛɛ, ri rɛ̃rɛ ɓarɛ naa ɓɔɔ bii ɓarɛ kasɛ ɓɛɛ. Zang ɓɔɔ ri nwàng naa ɓɔɔ Suru kɔɔ ri nɛɛ ri nwangnɛ, ri rɛ̃rɛ ɓarɛ ka yuu vuu ɓɔɔ Suru kasɛ ɓɛɛ.

Rooma 8:5 ပူးပေါင်းရင်းမြစ်များ

Maraku 8:33

Ɓɔɔ Yeesɔ raa jĩng zi rɛɛ zang ɓɔɔ ri mantɛ vuu doo ka bii ɓiɓɛ kɔ ɓɛɛ, a mangkɛ Bituru tɔɔ, “Dita kaɓa sheetang. Mɔɔ rɛ̃rɛ ɓaa vuu ɓɔɔ Laa kasɛ kpang, mɔɔ rɛ̃rɛ ɓaa vuu ɓɔɔ, shɔnzang kasɛ ɓɛɛ.”

Yɔhana 3:6

Zang ɓɔɔ shɔnzang yirɛ, ɓi shɔnzang, zang ɓɔɔ Suru Laa yirɛ, ɓi ti zang suru.

Rooma 8:9

Nɔɔ nwàng manɛ tɔ̀ɔ́ naa ɓɔɔ bii manɛ kɔɔ nɔɔ ɓɛɛ kpang, naa Suru Laa nɛɛ nwang kagn niizang ka yeti manɛ ɓɛɛ. Zang ɓɔɔ Suru Kirisi nɛɛ kagn ka yeti ɓiɓɛ kpang, ɓi zang Kirisi kpang.

1 Koranti 15:48

Zang ɓɔɔ nwàng ɓarɛ ka koo keɓe, ri nwàng ɓarɛ naa zang ɓɔɔ Laa mãa wu nɛɛ tapuru ɓɛɛ. A zang ɓɔɔ ri nwang ɓarɛ ka lapa, ri naa nwáng ɓarɛ naa zang ɓɔɔ à nɛɛ lapa ɓɛɛ.

1 Koranti 2:14

Zang ɓɔɔ Suru Laa nɛɛ kagn yeti ɓiɓɛ kpang, ta vuu ɓɔɔ Suru Laa alɛ zang ɓi kpang. Zang kaɓa zi vuu keɓe kpang, vuu bìí nwang wu ɓi naa vuu shoko, ka ruu ɓɔɔ, ɓi Suru Laa kɔ shɛ̃ɛning shing zang, zang zi vuu kaɓa ɓɛɛ.

2 Koranti 10:3

Ruu nwang ka koo kɔ niizang, a ruu gàa nyaa ɓuru kaa tɔ̀ɔ́ ka doo vuu ɓɔɔ zang koo ri kasɛ ɓɛɛ kpang.

Galati 5:17

Ka ruu ɓɔɔ, vuu ɓɔɔ bii ɓuru kasɛ daa gbete nɛɛ vuu ɓɔɔ Suru Laa kasɛ ɓɛɛ kpang. A vuu ɓɔɔ Suru Laa kasɛ ti daa jong gbete nɛɛ ɓɔɔ bii ɓuru kasɛ ɓɛɛ kpang kɔ ɓɛɛ. Vuu ziti keɓe ri shing jĩng nɛɛ zɔɔ kpang. Ka ruu nɔngkɔ, mɔɔ zunung vuu ɓɔɔ mɔɔ kasɛ palɛnang kaa takpang.

Afisa 5:9

Ka ruu ɓɔɔ, ɓi nɔng yakɛnang kɔ nwangsɛ vuu piti ɓɔɔ tɔ̃ɔ, nɛɛ ɓɔɔ waasɛ̃, nɛɛ ɓɔɔ niizang ɓɛɛ.

2 Bituru 2:10

Jĩng dannang keɓe naa a ka bii zang ɓɔɔ ri palɛ vuu shi kpang ka naa ɓɔɔ bii ɓarɛ kasɛ ɓɛɛ. A ri ti bɛ̃ɛ naa vuu palɛnang Laa katɔ ɓɛɛ. Maalang ɓɔɔ ri tusu zang vuu sèé keɓe, ri kaa vɔrɔ vuu ɓɔɔ kpang, ri tuu yuu ɓarɛ dɔɔli. Ri ti kaa vɔrɔ ruu shi kpang kɔɔrɔnang ka yuu zang bang bang ɓɔɔ ri ka tĩng Laa ka lapa, ɓɔɔ zang a ri bannang katɔ ɓɛɛ kpang. Ri dãlɛ ri ɓarɛ katɔ kɔ jong.