Rooma 8:4 - Nyaa Shɔɔ Ɓɔɔ Laa a Ɓɛɛ

⁴ Laa pálɛ́ vuu keɓe nɛɛ tɔɔ, ruu nwang naa ɓɔɔ Suru Laa kasɛ ɓɛɛ, wu naa ɓɔɔ bii shɔnzang kasɛ kpang. Ruu palɛ vuu tɔ̃ɔ ɓɔɔ nyaa dannang Laa kasɛ nɛɛ zang wu palɛ, ruu palɛ kaa nyaa kiiri.

Rooma 8:4 ပူးပေါင်းရင်းမြစ်များ

Luka 1:6

Zakariya nɛɛ Alisabatu ri zang tɔ̃ɔ kɔ nandon, ka ruu ɓɔɔ, ri ɓaa shoo ka nyaa ɓɔɔ Laa dang ɓɛɛ nandon.

Rooma 2:26

Naa zang ɓɔɔ yèe shaa kpang, dũng vuu ɓɔɔ Laa dang nyaa ka yuu ɓiɓɛ katɔ, Laa rìsí wu, wu nwang naa zang ɓɔɔ yee shaa katɔ ɓɛɛ.

Rooma 3:31

Nɛɛ nɔngkɔ, ruu kɔsɔ nyaa dannang Laa kaa tɔ nɛɛ danggn ɓɔɔ ruu shing ɓɛɛ ya? Wu nɔngkɔ kpang tingkiring. Ruu shɔ nyaa dannang Laa ɓi kaa nɛɛ tɔɔsung kɔ jong.

2 Koranti 10:2

Ka ruu nɔngkɔ, n gaa nɔɔ katɔ, nɔ́ɔ shing m nɛɛ gbãng gbãng ning, n nɛɛ a tɔ, n pàlɛ̀ nɔɔ vuu nɛɛ gnvɔ kpang. N zi tɔ, n zunung ɓɔɔ naa n pàlɛ́ zang ɓɔɔ ri kɔɔrɔ nɛɛ, ruu palɛ vuu ɓuru naa zang koo ɓɛɛ, vuu katɔ nɛɛ gnvɔ.

2 Koranti 10:3

Ruu nwang ka koo kɔ niizang, a ruu gàa nyaa ɓuru kaa tɔ̀ɔ́ ka doo vuu ɓɔɔ zang koo ri kasɛ ɓɛɛ kpang.

Galati 5:16

Vuu ɓɔɔ n kɔɔ nɔɔ keɓe. Nɔɔ yaa Suru Laa wu tusu nɔɔ naa ɓɔɔ nɔɔ nwang nwannang ɓɛɛ. Nɔ́ɔ tɔɔ kpang nɛɛ nɔɔ palɛ vuu ɓɔɔ bii shɔnzang manɛ kasɛ ɓɛɛ kpang.

Kolosi 1:22

A kãntang keɓe, ka ruu vɔrɔ Jaa ɓiɓɛ, nɔɔ raa wusang Laa tɔ, nɛɛ tɔ̀ɔ, wu atɛ nɔɔ kaa tĩng ɓiɓɛ, nɔɔ kaa zang ɓiɓɛ ɓɔɔ shi kpang ka bii manɛ kpang ɓɛɛ.

Yahudi 12:23

Nɔɔ á manɛ tɔ, ka nɔng ɓɔɔ zang ɓɔɔ ri dũng Laa ɓɔɔ rikɔ jamari ɓiɓɛ, ɓɔɔ zang béeré nung ɓarɛ tɔ ka lapa, ri kpalɛ zɔɔ ɓɛɛ. Nɔɔ a ka bii Laa, ɓɔɔ wukɔ jɛ̃ɛ zang piti ruu ɓɛɛ, a ɓɔɔ ka bii rɛɛ suru zang tɔ̃ɔ ɓɔɔ zang shing ri tɔ, ri nwang tɔ nyaa kiiri ɓɛɛ.

1 Yɔhana 3:2

Rɛɛ masang ɓɔɔ n kasɛ nɔɔ dɔɔli ɓɛɛ, ruu kaa wujɛ Laa. Naa ɓɔɔ ruu naa nwangnɛ, ruu zi gn kpang. Ruu zi tɔ nɛɛ, naa Yeesɔ nwang nyaa, ruu naa nwang kaa naa wukɔ doori. Ka ruu ɓɔɔ, ruu naa zi wu ka naa ɓɔɔ wu nwang ɓɛɛ.

Yahuza 1:24

Zang wu a Laa bannang. Laa ɓɔɔ zunung ɓɔɔ wu yiti nɔɔ, nɔɔ yaa gbalang ɓiɓɛ kpang ɓɛɛ. Wu atɛ nɔɔ ka tĩng ɓiɓɛ, shi kpang kagn ka bii manɛ kpang, a nɔɔ ti tãa tĩnang ɓɛɛ.

Vuu ɓɔɔ zang nwangsɛ Yɔhana 14:5

Ri suu sèé ɓarɛ gngn kpang, vuu shi kpang ɓɔɔ zang kɔɔyi nɛɛ ri palɛ ɓɛɛ, ɓi ti kagn kpang.