Rooma 8:38 - Nyaa Shɔɔ Ɓɔɔ Laa a Ɓɛɛ

³⁸ N zi m tɔ nɛɛ, vuu ɓɔɔ basɛ ruu kagn nɛɛ kasɛnang ɓɔɔ Laa kasɛ ruu nɛɛ mani ɓɛɛ kpang. Naa ruu vɔ doo katɔ, naa ruu doo ningkãari, naa doo zang nyaa shonang Laa ɓɔɔ ri ka lapa, nɛɛ zang nyaa shonang Laa ɓɔɔ bang bang ɓɔɔ ri ka lapa ɓɛɛ, naa doo vuu ɓɔɔ kagn kãntang, nɛɛ vuu ɓɔɔ naa a ka tĩng ɓɛɛ.

Rooma 8:38 ပူးပေါင်းရင်းမြစ်များ

Yɔhana 10:28

N a ri suru bii ɓɔɔ waa nyaa kpang ɓɛɛ. Ri vɔ ɓarɛ takpang. Zang ɓɔɔ ti zunung ɓɔɔ wu ta ri ka naa mɛɛ nɛɛ kaka kpang.

Rooma 14:7

Zang ɓɔɔ kagn teteng ɓuru, nwàng nwannang yuu ɓiɓɛ kpang, a ti vɔ vɔrɔ yuu ɓiɓɛ kpang.

Rooma 14:8

Ruu nɛɛ nwangnɛ, ruu nwàng ɓuru nwannang Laa. A ruu nɛɛ ti vɔrɛ, ruu vɔ ɓuru ka ruu ɓɔɔ tɔ̀ɔ, zang a Laa bannang ɓɛɛ. Naa ruu nwàng doo ningkãari, a naa ruu vɔ doo katɔ, ruu ɓuru zang Laa.

Rooma 4:21

Zi ɓi tɔ gbãng gbãng ka yeti ɓiɓɛ, nɛɛ Laa zunung ɓɔɔ wu palɛ vuu ɓɔɔ wu a nyaa ɓɛɛ katɔ.

Rooma 6:23

Zang nɛɛ palɛ vuu shi kpang tɔ, zang vɔ katɔ. Vuu ɓɔɔ Laa a ruu waati, ɓi suru bii ɓɔɔ waa nyaa kpang ɓɛɛ. Ka ruu ɓɔɔ, ruu ɓákɛ́ bii tɔ, nɛɛ Kpanti ɓuru Yeesɔ Kirisi ɓɛɛ.

1 Koranti 15:24

Tɔ̀ɔ, diki ɓɔɔ koo waa nyaa kagn wu a kati. Ka laa kaɓa, Yeesɔ naa ɓa vuu piti ɓɔɔ ri roo kpanti ka koo keɓe yuu, nɛɛ vuu piti ka lapa ɓɔɔ naa vuu palɛnang ɓarɛ kagn ɓɛɛ. Wu naa ningsi naa vuu palɛnang ɓarɛ. Wu tuu kpanti ka yuu vuu piti, wu a Laa ɓɔɔ wukɔ Daa ɓiɓɛ kati.

2 Koranti 11:14

Niizang, wee wu vuu ɓɔɔ zang mã naa ka danggn kpang. Naa doo Sheetang risi yuu ɓiɓɛ katɔ, naa zang nyaa shonang Laa ɓɔɔ ka lapa ɓɔɔ bii ɓarɛ yakɛ ɓi katɔ ɓɛɛ.

2 Koranti 4:13

Wee Suru ɓɔɔ shing zang, zang shing danggn a zang bee vuu keɓe nɛɛ, “N shing danggn tɔ, ka ruu nɔngkɔ, n rang yee.” Wukɔ ti kagn yeti ɓuru. Ka ruu nɔngkɔ, ruu rang yee jong.

Afisa 1:21

Yeesɔ Kirisi roo kpanti ka nɔngkɔ, ɓa yuu rɛɛ kpanti nandon, naa doo zang nyaa shonang sheetang piti, nɛɛ nung piti ɓɔɔ zang ɓaa zang nɛɛ mani, wu ka koo keɓe kɔ shɛ̃ɛning kpang, nɛɛ koo ɓɔɔ naa a ɓɛɛ nandon.

Kolosi 1:16

ka ruu ɓɔɔ, Laa mãa vuu nandon ka lapa nɛɛ tipi nɛɛ bii ɓiɓɛ kɔ. Ɓɔɔ vuu ɓɔɔ zang zi katɔ nɛɛ rɛɛ vuu ɓɔɔ zang zi nɛɛ jĩng kpang, nɛɛ rɛɛ vuu ɓɔɔ naa vuu palɛnang ɓarɛ kagn ɓɛɛ, nɛɛ rɛɛ zang bang bang nandon. Laa mãa koo keɓe nandon nɛɛ bii ɓiɓɛ kɔ, ti ka ruu ɓiɓɛ.

Kolosi 2:15

Ka yuu laa kaɓa kɔ, Laa tá yuu ɓuru nɛɛ naa rɛɛ suru ɓɔɔ ri roo kpanti, pálɛ́ ri vuu yusɛ̃ɛ ka jĩng zang piti, a sèe ri naa ɓɔɔ zang sèé zang ɓɔɔ zang yiki ka nyaa sĩiri ɓɛɛ.

2 Timoti 1:12

N dang jĩng ka ruu rɛɛ vuu keɓe kɔ. A n yaa gn naa m gn kpang tingkiring, ka ruu ɓɔɔ, n zi zang ɓɔɔ n shing danggn ka bii ɓiɓɛ tɔ ɓɛɛ. A n ti zi m tɔ nɛɛ, zunung ɓɔɔ wu yìtí m vuu ɓɔɔ wu a m ka naa tɔ, diki ɓɔɔ koo waa nyaa wu a nɛɛ mani.

Yahudi 11:13

Zang keɓe nandon, ri vɔlɔ, bɛ̀ɛ́ ri shing danggn doo katɔ. Ri walɛ vuu ɓɔɔ zang a ri nyaa ka yuu ɓiɓɛ kpang. Ri zili waati nɛɛ nɔng beebang, a ri kasɛ katɔ ka yeti ɓarɛ. A ri ti kasɛ tɔ nɛɛ, ri ɓarɛ zang zanti, a ri ti nwang ɓarɛ ka teteng zang ɓɔɔ ɓi zang ɓarɛ kpang ɓɛɛ ka koo.

1 Bituru 3:22

Yeesɔ Kirisi daa tɔ ka lapa, nwàng ɓi kaa nɔng nwannang bang ka nakn Laa. Ti roo kpanti jong ka yuu rɛɛ zang nyaa shonang Laa ɓɔɔ ri ka lapa nɛɛ rɛɛ suru ɓɔɔ naa vuu palɛnang ɓarɛ kagn piti.