Rooma 8:37 - Nyaa Shɔɔ Ɓɔɔ Laa a Ɓɛɛ

³⁷ Wu nɔngkɔ kpang, zang ɓɔɔ basɛ ruu nɛɛ Yeesɔ kpang. Ka vuu kɔ palɛ ruu ɓee nandon zang ɓɔɔ kàsɛ̀ ruu ɓuru katɔ keɓe, yiki ruu naa kagn, ruu ɓa vuu keɓe yuu gbãng gbãng.

Rooma 8:37 ပူးပေါင်းရင်းမြစ်များ

Yɔhana 16:33

N kɔɔ nɔɔ vuu keɓe, nɛɛ nɔɔ nwáng nɛɛ n, tɔɔ, nɔɔ nwáng kaa waasɛ̃. Nɔɔ dang jĩng katɔ ka koo keɓe. Nɔ́ɔ mã danggn kagn, n ɓá vuu ɓɔɔ ka koo keɓe yuu tɔ.”

Rooma 8:35

Ɓu wi zunung ɓɔɔ wu basɛ ruu nɛɛ kasɛnang ɓɔɔ Kirisi kàsɛ̀ ruu nɛɛ mani ɓɛɛ wiya? Vuu gãsɛnang ɓɔɔ a ka zɔ̃ng zɔ̃ng ɓɛɛ ya? Vuu ɓɔɔ kpãa ruu dɔɔli ɓɛɛ ya? Naa doo jĩng dannang yupaa ya? Naa nyɔkɔ nwangnɛ ya? Naa vuu ɓɔɔ ruu hãa ka bii kpang ya? Naa zang shìng ruu doo baabii ya? Naa zang nyɔkɔ ruu vɔrɔ ɓɛɛ ya?

1 Koranti 15:54

Ka laa ɓɔɔ bii ɓɔɔ pũng katɔ, ti vɔ katɔ kɔ̃sɔ bii, nwang kaa ɓɔɔ pũng takpang, ti vɔ takpang. Naa nwang kaa naa ɓɔɔ zang bée ka yeti labeenang Laa doo tɛ̃ɛ tɛ̃ɛ ɓɛɛ. Zang beeyi nɛɛ, “Laa ɓa vɔrɔ yuu tɔ, ti ningsi naa vuu palɛnang vɔrɔ tɔ.”

1 Koranti 15:57

Ruu zã̀a Laa tɔ, ka ruu ɓɔɔ shingnɛ, ruu ɓa vɔrɔ yuu tɔ, nɛɛ vuu shi kpang piti ɓɛɛ. Ruu ɓa ri yuu nɛɛ naa vuu palɛnang Kpanti ɓuru Yeesɔ Kirisi.

2 Koranti 12:19

Nɔɔ rɛ̃rɛ manɛ ɓu nɛɛ, ruu tɔɔ ruu ta yuu ɓuru ka tĩng manɛ ya? Manzung ɓuru, ɓɔɔ ruu kasɛ nɔɔ dɔɔli ɓɛɛ, ruu ráng nɔɔ yee ka tĩng Laa, wee ruu ɓakɛ yuu tɔ nɛɛ Kirisi ɓee. A vuu piti ɓɔɔ ruu palɛ ɓɛɛ, ruu palɛ nɛɛ tɔɔ ruu yi nɔɔ naa ka bii.

2 Koranti 12:9

A kasɛ m nyaa tɔɔ, “Tɔ̃ɔ ɓɔɔ n pàlɛ́ mɔɔ wukɔ yi mɔɔ naa ka bii, ka ruu ɓɔɔ, naa vuu palɛnang mɛɛ palɛ shonang gbãng gbãng ka ɓɔɔ mɔɔ lakɛ naa ka bii ka vuu Suru Laa kpang ɓɛɛ.” N tãa kaa tĩnang gbãng gbãng, n tuu yuu mɛɛ ka yuu naa ɓɔɔ n lakɛ náa ka bii ka vuu Suru Laa kpang ɓɛɛ, tɔ̀ɔ, n tãa naa vuu palɛnang Yeesɔ Kirisi ɓɔɔ yiti m ɓɛɛ kati.

2 Koranti 2:14

Ruu zãa Laa tɔ, ka ruu ɓɔɔ, sɔ̀ɔ́ ruu tĩng diki diki, a ruu ɓa Sheetang yuu tɔ, ka ruu ɓɔɔ, ruu ɓakɛ yuu tɔ nɛɛ Yeesɔ Kirisi ɓɛɛ. A ti shingnɛ, zang tãlɛ yee ɓiɓɛ nɛɛ nɔng piti piti nɛɛ bìí ɓuru, naa ɓɔɔ vuu ɓɔɔ á sɛ̃ɛ tɔ̃ɔ, tálɛ̀ nɔng ɓɛɛ.

Galati 2:20

Zang ɓaa m naa m tɔ laa nɛɛ Kirisi, ɓi tɔ̀ɔ́ nkɔ nwang ningkãari kpang. Ɓi kaa Kirisi ɓɔɔ ka bii mɛɛ kɔ nwang ningkãari. Nwannang kɔ n nwang kãntang ɓee, n nwang m kaa nɛɛ danggn ɓɔɔ n shing ka bii Jaa Laa ɓɔɔ kasɛ m, a á zang yuu ɓiɓɛ, nɛɛ zang nyɔ wu vɔrɔ ka ruu mɛɛ ɓɛɛ.

Afisa 5:2

Nɔɔ nwáng nwannang zɔɔ kasɛnang, naa ɓɔɔ Yeesɔ Kirisi kasɛ ruu ɓuru, a á yuu ɓiɓɛ nɛɛ zang nyɔ wu vɔrɔ ka ruu ɓuru ɓɛɛ. Suru bii ɓiɓɛ keɓe, ɓɔɔ wu a Laa, nwang kaa naa vuu ɓɔɔ á sɛ̃ɛ tɔ̃ɔ, ɓɔɔ zang dɔ̀ɔ́ Laa, a shingnɛ Laa tãa tĩnang ɓɛɛ.

2 Tesalonika 2:16

Ruu gaa Kpanti ɓuru Yeesɔ Kirisi nɛɛ yuu ɓiɓɛ nɛɛ Daa ɓuru Laa ɓɔɔ ri kasɛ ruu ka tĩng, ɓɔɔ ka ruu tɔ̃ɔ ɓiɓɛ mã ruu danggn a shingnɛ ruu shing gn gbãng gbãng ɓɛɛ.

1 Yɔhana 4:10

Zang kasɛnang nwàng ɓi hn. Wu rukɔ gaayu Laa kasɛnang kpang, Laa kɔ kasɛ ruu ɓuru jong, a shong Jaa ɓiɓɛ nɛɛ wu naa nwang kaa naa vuu vàa ɓɔɔ zang dɔ̀ɔ́ Laa, tɔ̀ɔ, Laa wu yaa ruu gbalang vuu shi kpang ɓuru kati ɓɛɛ.

1 Yɔhana 4:19

Ruu kasɛ ruu zɔɔ, ka ruu ɓɔɔ, Laa kɔ kasɛ ruu ɓuru shɔɔnang ɓɛɛ.

1 Yɔhana 4:4

Wujɛ mɛɛ, nɔɔ manɛ zang Laa. Nɔɔ ɓa ri yuu manɛ tɔ. Ka ruu ɓɔɔ, Suru Laa ɓɔɔ ka yeti manɛ, ɓa suru Sheetang ɓɔɔ ka yeti zang ɓɔɔ ka koolaa keɓe katɔ ɓɛɛ.

Yahuza 1:24

Zang wu a Laa bannang. Laa ɓɔɔ zunung ɓɔɔ wu yiti nɔɔ, nɔɔ yaa gbalang ɓiɓɛ kpang ɓɛɛ. Wu atɛ nɔɔ ka tĩng ɓiɓɛ, shi kpang kagn ka bii manɛ kpang, a nɔɔ ti tãa tĩnang ɓɛɛ.

Vuu ɓɔɔ zang nwangsɛ Yɔhana 1:5

Yeesɔ Kirisi ɓɔɔ kɔ̀ɔ́ ɓi ruu ɓɔɔ niizang diki diki ɓɛɛ, ɓɔɔ Laa wisi wukɔ paa shɔɔnang nɛɛ sàa, a wukɔ ti nwang kpanti ka yuu rɛɛ kpanti ɓɔɔ ka koo keɓe, wu palɛ nɔɔ tɔ̃ɔ jong, wu ti shingnɛ yeti manɛ wu valɛ katɔ. Yeesɔ ɓɔɔ kasɛ ruu katɔ, a vɔ ka ruu ɓuru nɛɛ, tɔ̀ɔ, zĩi ɓiɓɛ wu ta ruu kaa nɛɛ naa vuu shi kpang ɓɔɔ ruu palɛ ɓɛɛ.

Vuu ɓɔɔ zang nwangsɛ Yɔhana 12:11

Ri ti ɓa wu yuu tɔ, nɛɛ naa vuu palɛnang zĩi Jaa Mɛ̀ɛrɛ́, a ɓɔɔ ka ruu ruu ɓiɓɛ ɓɔɔ ri kɔɔyi nɛɛ ɓi niizang ɓɛɛ. Ri ti kasɛ tɔ nɛɛ ri vɔrɛ ka ruu ɓiɓɛ.

Vuu ɓɔɔ zang nwangsɛ Yɔhana 17:14

Ri naa ta sĩiri nɛɛ Jaa Mɛ̀ɛrɛ́ Laa, a Jaa Mɛ̀ɛrɛ́ naa shaa ri katɔ, ka ruu ɓɔɔ, wukɔ kpanti ka yuu rɛɛ kpanti nandon. Kpanti roonang ɓiɓɛ, ɓa ɓɔɔ zang piti ɓɛɛ. Zang ɓiɓɛ ɓɔɔ wu zɔ̃ngkɔ, a ɓaa ri nyaa katɔ, ɓɔɔ ri dũng wu nɛɛ yeti gbete, ri naa shaa zang jong ka nyaa sĩiri nɛɛ wu.”

Vuu ɓɔɔ zang nwangsɛ Yɔhana 21:7

Zang ɓɔɔ nɛɛ ɓa vuu gãsɛnang yuu, zang naa alɛ wu vuu keɓe nandon. N ti naa nwang Laa ɓiɓɛ, wu nwang ɓi kaa jaa mɛɛ.

Vuu ɓɔɔ zang nwangsɛ Yɔhana 3:9

Ɓɔɔ zang ɓɔɔ ri dũng Sheetang kaɓa, ɓɔɔ ri suu sèé nɛɛ ri zang Yahudi ɓa, n naa shing zang sèé kaɓa, ri arɛ, ri tang nɛɛ gutu ka tĩng manɛ. Ri zi kati nɛɛ n kasɛ nɔɔ katɔ.