Rooma 8:35 - Nyaa Shɔɔ Ɓɔɔ Laa a Ɓɛɛ

³⁵ Ɓu wi zunung ɓɔɔ wu basɛ ruu nɛɛ kasɛnang ɓɔɔ Kirisi kàsɛ̀ ruu nɛɛ mani ɓɛɛ wiya? Vuu gãsɛnang ɓɔɔ a ka zɔ̃ng zɔ̃ng ɓɛɛ ya? Vuu ɓɔɔ kpãa ruu dɔɔli ɓɛɛ ya? Naa doo jĩng dannang yupaa ya? Naa nyɔkɔ nwangnɛ ya? Naa vuu ɓɔɔ ruu hãa ka bii kpang ya? Naa zang shìng ruu doo baabii ya? Naa zang nyɔkɔ ruu vɔrɔ ɓɛɛ ya?

Rooma 8:35 ပူးပေါင်းရင်းမြစ်များ

Yɔhana 10:28

N a ri suru bii ɓɔɔ waa nyaa kpang ɓɛɛ. Ri vɔ ɓarɛ takpang. Zang ɓɔɔ ti zunung ɓɔɔ wu ta ri ka naa mɛɛ nɛɛ kaka kpang.

Yɔhana 13:1

Bɛɛ diki nyaalaa pasika ɓɔɔ zang kpaa danggn diki ɓɔɔ Laa tɛɛ ɓɛɛ, yaa kaa tɔkɔlɔng. Yeesɔ zi tɔ nɛɛ diki a tɔ, ɓɔɔ wu yaa koo keɓe, wu daa ka bii Daa ɓiɓɛ ɓɛɛ. Yeesɔ kasɛ zang ɓiɓɛ ɓɔɔ ka koo keɓe, ka ruu nɔngkɔ, kasɛ nɛɛ wu tusu ri naa ɓɔɔ wu kasɛ ri dɔɔli ɓɛɛ.

Yɔhana 16:33

N kɔɔ nɔɔ vuu keɓe, nɛɛ nɔɔ nwáng nɛɛ n, tɔɔ, nɔɔ nwáng kaa waasɛ̃. Nɔɔ dang jĩng katɔ ka koo keɓe. Nɔ́ɔ mã danggn kagn, n ɓá vuu ɓɔɔ ka koo keɓe yuu tɔ.”

Zang Shonang Yeesɔ 14:22

Ri mã zang ɓɔɔ ri shing danggn tɔ danggn, ri kɔɔ ri nɛɛ ri yáa danggn kɔ ri shing ɓee kpang. Ri kɔɔyi nɛɛ, “Rùu dàng jĩng dɔɔli ka gbongkarɛ, tɔ̀ɔ, ruu daa nɔng ɓɔɔ Laa roo kpanti ɓɛɛ kati.”

Rooma 2:9

Zang nandon ɓɔɔ ri palɛ vuu shi kpang, ri naa dang jĩng dɔɔli. Zang gaayu nɛɛ zang Yahudi kɔ shɔɔnang, wu tɛɛ zang ɓɔɔ ri zang Yahudi kpang ɓɛɛ.

Rooma 8:17

Wee ruu wujɛ ɓiɓɛ ɓee, ruu naa wàlɛ́ vuu tɔ̃ɔ ɓɔɔ Laa shìng zang ɓiɓɛ ɓɛɛ. A ruu ti naa walɛ vuu ɓɔɔ shìng Kirisi ditɔ nɛɛ wu, ka ruu ɓɔɔ, ruu nɛɛ dàng jĩng tɔ jong naa ɓɔɔ Kirisi dang ɓɛɛ, Laa ti naa a ruu bannang jong naa ɓɔɔ wu a Kirisi ɓɛɛ.

Rooma 8:37

Wu nɔngkɔ kpang, zang ɓɔɔ basɛ ruu nɛɛ Yeesɔ kpang. Ka vuu kɔ palɛ ruu ɓee nandon zang ɓɔɔ kàsɛ̀ ruu ɓuru katɔ keɓe, yiki ruu naa kagn, ruu ɓa vuu keɓe yuu gbãng gbãng.

Rooma 8:39

Naa doo vuu ɓɔɔ ka lapa, nɛɛ vuu ɓɔɔ ka tipi dii. Vuu ɓɔɔ kagn ka teteng vuu ɓɔɔ Laa mã́arɛ̀ ɓɔɔ zunung ɓɔɔ wu basɛ ruu, nɛɛ kasɛnang ɓɔɔ Laa tusu ruu nɛɛ bii Kpanti ɓuru Yeesɔ Kirisi ɓɛɛ kpang.

1 Koranti 4:11

Wee ruu rang yee ka nyaa ɓee, nyɔkɔ nyɔ ruu katɔ, sutu mã ruu, ruu hã̀lɛ̀ ɓuru sɛ̃ɛ fɔ̃ɔrɔ ka bii, zang dang ruu jĩng, a gãa ɓɔɔ ruu nwáng kagn ti kpang.

1 Koranti 4:12

Ruu palɛ shonang nɛɛ naa ɓuru gbãng gbãng. Zang nɛɛ dãlɛ ruu, ruu gaa ri Laa nɛɛ, Laa wu palɛ ri tɔ̃ɔ. Zang dang ruu jĩng a ruu mã danggn.

2 Koranti 12:10

Ka ruu nɔngkɔ, n tãa tĩnang ka ɓɔɔ n lakɛ naa ka bii kpang, nɛɛ dãanang ɓɔɔ zang dãa m, nɛɛ vuu ɓɔɔ kpãa m ka yeti, nɛɛ jĩng ɓɔɔ zang dang m, nɛɛ vuu ɓɔɔ kpãarɛ m ka zɔ̃ng zɔ̃ng ɓɛɛ ka ruu Yeesɔ Kirisi. Ka ruu ɓɔɔ, kaka nɛɛ tɔ̀ɔ́ ka bii mɛɛ kpang, n tãa kaka ka laa kaɓa kɔ jong.

2 Koranti 4:17

Jĩng dannang kɔ ruu dang ɓee, bee kpang. Daa doo vuu ɓɔɔ a ɓɛɛ kpang. Jĩng dannang keɓe, atɛ vuu ɓɔɔ bang katɔ, ɓɔɔ nwang ɓi dòndòng. Vuu ɓɔɔ zang gãsɛ nɛɛ mani ɓi kagn kpang.

2 Koranti 4:8

Zang dǎng ruu jĩng diki diki, a ruu yaa vuu ɓɔɔ ruu palɛ ɓɛɛ ka takpang. Lee ɓɔɔ rɛ̃rɛnang ɓuru vãarɛ katɔ, a ruu yaa gn naa kaa takpang.

2 Koranti 4:9

Zang ɓɔɔ ri shing jĩng nɛɛ ruu kpang, ri dɔɔli, a Laa yaa ruu kpang. Lee ɓɔɔ zang nyɔ ruu, ruu roo ka tipi, a ruu vɔ kaa takpang.

Afisa 3:19

Nɔ́ɔ ti zi zang kasɛnang kɔ ɓa naa ɓɔɔ zang zi dĩiri ɓiɓɛ katɔ ɓee. Tɔ̀ɔ, vuu piti wu nwang kaa bii manɛ nyaa kiiri.

2 Tesalonika 2:16

Ruu gaa Kpanti ɓuru Yeesɔ Kirisi nɛɛ yuu ɓiɓɛ nɛɛ Daa ɓuru Laa ɓɔɔ ri kasɛ ruu ka tĩng, ɓɔɔ ka ruu tɔ̃ɔ ɓiɓɛ mã ruu danggn a shingnɛ ruu shing gn gbãng gbãng ɓɛɛ.

2 Timoti 1:12

N dang jĩng ka ruu rɛɛ vuu keɓe kɔ. A n yaa gn naa m gn kpang tingkiring, ka ruu ɓɔɔ, n zi zang ɓɔɔ n shing danggn ka bii ɓiɓɛ tɔ ɓɛɛ. A n ti zi m tɔ nɛɛ, zunung ɓɔɔ wu yìtí m vuu ɓɔɔ wu a m ka naa tɔ, diki ɓɔɔ koo waa nyaa wu a nɛɛ mani.

Vuu ɓɔɔ zang nwangsɛ Yɔhana 1:5

Yeesɔ Kirisi ɓɔɔ kɔ̀ɔ́ ɓi ruu ɓɔɔ niizang diki diki ɓɛɛ, ɓɔɔ Laa wisi wukɔ paa shɔɔnang nɛɛ sàa, a wukɔ ti nwang kpanti ka yuu rɛɛ kpanti ɓɔɔ ka koo keɓe, wu palɛ nɔɔ tɔ̃ɔ jong, wu ti shingnɛ yeti manɛ wu valɛ katɔ. Yeesɔ ɓɔɔ kasɛ ruu katɔ, a vɔ ka ruu ɓuru nɛɛ, tɔ̀ɔ, zĩi ɓiɓɛ wu ta ruu kaa nɛɛ naa vuu shi kpang ɓɔɔ ruu palɛ ɓɛɛ.