Rooma 8:34 - Nyaa Shɔɔ Ɓɔɔ Laa a Ɓɛɛ

³⁴ Ɓu wi dɔ̌ng ri ruu wiya? Ɓi Yeesɔ Kirisi ɓɔɔ vɔrɛ, Laa wisi wu paa nɛɛ saa. Nwang ka nakn Laa. Wukɔ ti bàkɛ́ Laa ka ruu ɓuru.

Rooma 8:34 ပူးပေါင်းရင်းမြစ်များ

Matiyu 20:28

Naa ɓɔɔ n Jaa Shɔnzang n arɛ, nɛɛ zang shong m shonang kpang, n arɛ nɛɛ n shong m zang kɔ jong, n ti mãlɛ́ bii mɛɛ ka ruu zang dɔɔli nɛɛ tɔɔ n ta yuu ɓarɛ.”

Maraku 16:19

Kpanti Yeesɔ hangsɛ ri nyaa yee rannang tɔ, Laa tuu wu kaa ningkãari daa nɔng ka lapa. A daa nwáng ka naa nakn Kpanti Laa.

Yɔhana 14:19

Diki yaa kaa tɔkɔlɔng bɛ̀ɛ́ zang koo ri zi m takpang. Nɔɔ zi m manɛ katɔ, ka ruu ɓɔɔ, n naa nwang ningkãari, nɔɔ naa nwang ditɔ ningkãari jong.

Yɔhana 16:23

“Diki kaɓa nɛɛ naa a tɔ, nɔɔ gàa vuu ɓɔɔ tɔ̀ɔ́ ka naa mɛɛ kpang. N kɔ̀ɔ́ nɔɔ ruu ɓɔɔ niizang kɔ nwani. Daa naa a nɔɔ vuu ɓɔɔ nɔɔ gáa ka naa ɓiɓɛ nɛɛ nung mɛɛ katɔ.

Zang Shonang Yeesɔ 2:24

Laa ta wu nɛɛ naa vɔrɔ, a wisi wu paa nɛɛ saa ka ruu ɓɔɔ, daa naa ɓɔɔ vɔrɔ yiti wu kpang ɓɛɛ.

Rooma 14:13

Ka ruu nɔngkɔ, ruu yaa ruu ɓɔɔ ruu dɔng zɔɔ ɓɛɛ ta. Nɔ́ɔ shing ka yeti manɛ nɛɛ nɔɔ shing ɓaazung ɓɔɔ dũng doo Laa kɔ, wu kpaa doo kpang, wu ti palɛ vuu shi kpang, kpang.

Rooma 14:9

Ka ruu vuu keɓe kɔ, Kirisi vɔrɛ, a Laa wisi wu paa ningkãari tɔkn, tɔ̀ɔ, wu nwàng kaa Kpanti zang ɓɔɔ ri vɔlɔ tɔ, nɛɛ zang ɓɔɔ ri doo ningkãari ɓɛɛ.

Rooma 4:25

Laa a Yeesɔ nɛɛ wu vɔ ka ruu vuu shi kpang ɓuru. A Laa ti wisi wu paa tɔkn ningkãari nɛɛ tɔ̀ɔ, ruu nwang zang tɔ̃ɔ kaa tĩng Laa.

Rooma 8:1

Zang ɓɔɔ ri nwang tɔ gbete nɛɛ Yeesɔ Kirisi, Laa dɔng ri ruu ɓarɛ takpang.

Rooma 8:27

A Laa ɓɔɔ zi yeti shɔnzang tɔ nandon, zi vuu ɓɔɔ Suru rɛ̃rɛ tɔ. Ka ruu ɓɔɔ, Suru bakɛ Laa ka ruu zang Laa, ka doo vuu ɓɔɔ yeti Laa kasɛ ɓɛɛ.

Kolosi 3:1

Wee zang wisi nɔɔ paa tɔ nɛɛ Yeesɔ Kirisi ɓee, nɔɔ shing jĩng manɛ kaa rɛɛ vuu ɓɔɔ ka lapa ɓɛɛ. Ka nɔng ɓɔɔ Kirisi nwàng kagn ka nakn Laa ɓɛɛ.

Yahudi 1:3

Jaa keɓe, nɔng yakɛnang bannang Laa kagn bii ɓiɓɛ. Rùu ti zi naa ɓɔɔ Laa nwàng ɓɛɛ, ka bii ɓiɓɛ kɔ dɔ̃ɔ gbete. Wukɔ ti yiti koo nɛɛ naa vuu palɛnang ruu ɓiɓɛ. Ka knti ɓɔɔ wu sɔɔ zang vuu shi kpang ɓarɛ tɔ, daa nwàng ka nɔng nwannang ɓiɓɛ ka lapa, ka nakn Laa ɓɔɔ ɓa zang piti katɔ ɓɛɛ.

Yahudi 7:25

Ka ruu nɔngkɔ, zunung katɔ, wu ta yuu zang ɓɔɔ ri a ka bii Laa nɛɛ bii ɓiɓɛ katɔ, ka laa kiya piti. Ka ruu ɓɔɔ, wu ɓi ningkãari, diki diki bakɛ Laa ka ruu ɓarɛ ɓɛɛ.

Yahudi 9:24

Kirisi dàa ka yeti putali ɓɔɔ shɔnzang palɛ nɛɛ naa, ɓɔɔ ɓi jasuru ɓɔɔ niizang ɓɛɛ kpang. Daa ɓi ka lapa dɔ̃ɔ gbete, nɔng ɓɔɔ wu shii kagn, ka tĩng Laa, ka nung ɓuru ɓɛɛ.

1 Bituru 3:18

Yeesɔ Kirisi nɛɛ yuu ɓiɓɛ dàng jĩng, ka ruu vuu shi kpang ɓuru a hangsɛ shonang keɓe doo gbete. Zang ɓɔɔ ɓi zang tɔ̃ɔ ka tĩng Laa, vɔ ka ruu zang ɓɔɔ ri palɛ ɓarɛ vuu ɓɔɔ daa bii kpang ɓɛɛ. Nɛɛ tɔ̀ɔ, wu atɛ ruu ka bii Laa. Zang ri nyɔ wu vɔrɔ, a Laa wisi wu paa nɛɛ sàa tɔkn.

1 Bituru 3:22

Yeesɔ Kirisi daa tɔ ka lapa, nwàng ɓi kaa nɔng nwannang bang ka nakn Laa. Ti roo kpanti jong ka yuu rɛɛ zang nyaa shonang Laa ɓɔɔ ri ka lapa nɛɛ rɛɛ suru ɓɔɔ naa vuu palɛnang ɓarɛ kagn piti.

Vuu ɓɔɔ zang nwangsɛ Yɔhana 1:18

Nkɔ ti zang ɓɔɔ ningkãari ɓɛɛ. Bɛ̀ɛ́ n vɔ katɔ, a kãntang keɓe, n kaa ningkãari dòndòng. Saka ɓɔɔ zang puu nyaa gãa zang ɓɔɔ daa nɔng vɔrɔ nɛɛ ɓɔɔ koo rɛɛ suru, ka naa mɛɛ kɔ.