Rooma 8:33 - Nyaa Shɔɔ Ɓɔɔ Laa a Ɓɛɛ

³³ Ɓu wi kɔɔyi nɛɛ zang ɓɔɔ Laa shɛ̃ɛrɛ ri, ri palɛ vuu shi kpang tɔ wiya? Laa kɔ kɔ̀ɔ nɛɛ, ri palɛ vuu shi kpang, kpang.

Rooma 8:33 ပူးပေါင်းရင်းမြစ်များ

Matiyu 24:24

Ka ruu ɓɔɔ, zang ɓɔɔ ri ɓaa yuu ɓarɛ nɛɛ Kirisi, nɛɛ zang ɓɔɔ ri suu sèé nɛɛ ri zang nyaa shonang Laa naa alɛ ditɔ, ri tusu vuu bang bang ɓɔɔ zang zirɛ, zang mã naa ka danggn, nɛɛ tɔɔ ri nwãarɛ zang kati. Naa ri zunung zang ɓɔɔ Laa shɛ̃ɛrɛ ri nwãarɛnang katɔ, ri nɛɛ nwáarɛ̀ ri katɔ.

Luka 18:7

A Laa naa jɛ̃ɛ zang ɓiɓɛ ɓɔɔ wu shɛ̃ɛrɛ katɔ, ɓɔɔ ri shàlɛ́ nyaa ka bii ɓiɓɛ, nɛɛ laagɛ̃ nɛɛ zĩi, ruu ɓɔɔ niizang ɓi kpang ya? Yi ri naa ka bii tantɛnang kpang ya?

Rooma 3:26

Kãntang keɓe, yée laa kaa tɔ, ka vuu shi kpang ɓɔɔ shɔnzang ri palɛ ɓɛɛ, tɔ̀ɔ, wu tusu zang tɔ̃ɔ ɓiɓɛ. Ka gbalang keɓe, Laa tusu zang nɛɛ wu ɓi zang tɔ̃ɔ, nɛɛ wu ti shing zang piti ɓɔɔ ri shing danggn ka bii Yeesɔ Kirisi, ri nwang zang tɔ̃ɔ ka tĩng ɓiɓɛ.

Rooma 8:1

Zang ɓɔɔ ri nwang tɔ gbete nɛɛ Yeesɔ Kirisi, Laa dɔng ri ruu ɓarɛ takpang.

Galati 3:8

Vuu ɓɔɔ Laa kɔɔyi, zang bee ka labeenang ɓiɓɛ doo ka tĩng nɛɛ, Laa naa risi zang ɓɔɔ ri zang Yahudi kpang ditɔ, ri nwang zang tɔ̃ɔ ka tĩng ɓiɓɛ, ka ruu danggn ɓɔɔ ri shing ɓɛɛ. A zang bee naa ɓɔɔ Laa kɔɔ Ibirayi Ruu Tɔ̃ɔ doo ka tĩng ɓɛɛ tɔɔ, “Laa naa shing zang koo keɓe nandon ri tãa tĩnang nɛɛ bii ɓaaɓɛ kɔ.”

1 Tesalonika 1:4

Rɛɛ manzung ruu zi tɔ, Laa kasɛ nɔɔ katɔ, a zɔ̃ngkɔ nɔɔ nɛɛ nɔɔ nwang zang ɓiɓɛ.

Titu 1:1

Labeenang keɓe nɛɛ bii mɛɛ nkɔ Bulu, zang ɓɔɔ pàlɛ́ Laa shonang, n ti zang shonang Yeesɔ Kirisi ɓɛɛ. Laa zɔ̃ng m nɛɛ n nwang zang shonang ɓiɓɛ, a shong m nɛɛ n yi zang ɓɔɔ Laa zɔ̃ng ri katɔ naa ka bii, ri shing danggn gbãng gbãng. N ti shing ri, ri zi vuu ɓɔɔ niizang ɓɔɔ shingnɛ ri nwang nwannang ɓɔɔ Laa kasɛ ɓɛɛ.

1 Bituru 1:2

Nɔɔ manɛ zang ɓɔɔ Daa ɓuru Laa zi vuu ɓɔɔ nɛɛ wu palɛ nɛɛ nɔɔ tɔ, doo ka tĩng tɛ̃ɛ tɛ̃ɛ ɓɛɛ. Laa shɛ̃ɛrɛ nɔɔ nɛɛ naa vuu palɛnang Suru ɓiɓɛ, nɛɛ nɔ́ɔ nwang zang ɓiɓɛ, nɔ́ɔ ɓaa shoo ka nyaa Yeesɔ Kirisi. Zĩi Yeesɔ keɓe wu sɔ̀ɔ nɔɔ, nɔ́ɔ nwang zang tɔ̃ɔ ka tĩng Laa. Laa wu gisi nɔɔ tĩnang tãanang, wu ti shingnɛ yeti manɛ wu valɛ katɔ diki diki.