Rooma 8:30 - Nyaa Shɔɔ Ɓɔɔ Laa a Ɓɛɛ

³⁰ A Laa tá (shɛ̃ɛrɛ) rɛɛ zang ɓɔɔ wu ɓàa ri nyaa dang gbete. Zang kɔ wu ɓaa ri nyaa ɓee, risi ri nɛɛ ri nwang zang tɔ̃ɔ ka tĩng ɓiɓɛ. A á zang kɔ wu risi ri nɛɛ ri nwang zang tɔ̃ɔ ɓee, bannang kati.

Rooma 8:30 ပူးပေါင်းရင်းမြစ်များ

Yɔhana 17:22

N a ri dòo bannang ɓɔɔ mɔɔ a m ɓɛɛ kɔ, tɔ̀ɔ, ri nwáng kaa gbete naa ɓɔɔ rùu ɓuru nɛɛ mɔɔ gbete ɓɛɛ.

Yɔhana 17:24

“Daa mɛɛ, n kasɛ nɛɛ zang kɔ mɔɔ a m ri ɓee, ri nwang nɛɛ n ka nɔng ɓɔɔ n naa nwáng ɓɛɛ. Tɔ̀ɔ, ri zi bannang ɓɔɔ mɔɔ a m doo tɛ̃ɛ tɛ̃ɛ bɛ̀ɛ́ zang mãa koo gn kpang ɓɛɛ. Mɔɔ a m bannang keɓe, ka ruu ɓɔɔ, mɔɔ kasɛ m katɔ ɓɛɛ.

Yɔhana 5:24

“N kɔ̀ɔ́ nɔɔ ruu ɓɔɔ niizang kɔ nwani, zang ɓɔɔ nɛɛ tãa ruu ɓɔɔ n kɔɔ ɓɛɛ, nɛɛ ti shing danggn ka bii zang ɓɔɔ shong m, wàlɛ́ suru bii ɓɔɔ waa nyaa kpang katɔ. Laa ti naa dɔng wu ruu ɓi takpang. Ɓa yuu vɔrɔ ɓɔɔ suru tɔ, wɔ ɓi tɔ.

Rooma 1:6

Ɓɔɔ nɔɔ zang Rooma, nɔɔ jong kagn. Nɔɔ doo ka teteng zang ɓɔɔ Laa zɔ̃ngkɔ ri, nɛɛ ri nwang zang Yeesɔ Kirisi ɓɛɛ kɔ.

Rooma 11:29

Ka ruu ɓɔɔ, Laa nɛɛ zɔ̃́ng zang tɔ, bɛ̃ɛ ri ɓi takpang, nɛɛ ti a zang vuu tɔ, tà ɓi tɔ̀ɔ́ tɔkn kpang.

Rooma 8:1

Zang ɓɔɔ ri nwang tɔ gbete nɛɛ Yeesɔ Kirisi, Laa dɔng ri ruu ɓarɛ takpang.

Rooma 8:21

Nɛɛ wu ta yuu vuu kɔ wu mãarɛ ɓee ditɔ, tɔ̀ɔ, ri pũng kaa takpang. Tɔ̀ɔ, wu ti a ri bannang ɓɔɔ wu alɛ̀ wujɛ ɓiɓɛ ɓɛɛ.

Rooma 8:28

Ruu zi tɔ nɛɛ, ka yeti vuu piti, Laa palɛ shonang ka ruu zang ɓɔɔ ri kasɛ wu katɔ ɓɛɛ. Tɔ̀ɔ, vuu keɓe wu nwàng ri tɔ̃ɔ kati. Rikɔ zang ɓɔɔ Laa ɓaa ri nyaa nɛɛ tɔ̀ɔ, ri palɛ vuu ɓɔɔ wu kasɛ nɛɛ wu pàlɛ́ nɛɛ ri ɓɛɛ.

1 Koranti 1:2

Ruu bèé zang ɓɔɔ ri dũng Laa, ɓɔɔ ri ka Koranti ɓɔɔ nɔɔ shing danggn tɔ ka bii Yeesɔ Kirisi ɓɛɛ. Laa zɔ̃ngkɔ nɔɔ nɛɛ nɔ́ɔ nwang zang ɓiɓɛ nɛɛ tɔɔ, nɔ́ɔ arɛ nɔ́ɔ nwang naa zang piti ɓɔɔ ri a nɛɛ dalɛ koo piti ɓɔɔ ri ɓaarɛ nung Kpanti ɓuru Yeesɔ Kirisi, ɓɔɔ wukɔ Kpanti ɓuru nɛɛ ri ɓɛɛ.

1 Koranti 1:9

Laa pálɛ̀ vuu ɓɔɔ wu kɔɔyi nɛɛ wu palɛ ɓɛɛ ɓi katɔ diki diki. Wukɔ ɓàa nɔɔ nyaa nɛɛ nɔ́ɔ naa ɓakɛ zɔɔ nɛɛ Jaa ɓiɓɛ, ɓɔɔ zang ɓaa nɛɛ Yeesɔ Kirisi ɓɔɔ wukɔ Kpanti ɓuru ɓɛɛ.

1 Koranti 2:7

Zũnang kɔ ruu rang yee ka yuu ɓiɓɛ ɓee, ɓi zũnang Laa ɓɔɔ bɛ̀ɛ́ Laa waasɛ katɔ, shɔnzang ri zi kpang ɓɛɛ. Laa pálɛ́ vuu keɓe doo ka tĩng bɛ̀ɛ́ zang mãa koo keɓe gn kpang, nɛɛ tɔ̀ɔ, ruu naa nwang nɛɛ wu ka nɔng bannang ɓiɓɛ.

1 Koranti 6:11

Ɓeleng, zang ɓɔɔ ka teteng manɛ, ri nwang nwannang shi kpang keɓe kɔ. A Laa naa kɔsɔ vuu shi kpang manɛ, nɔɔ kaa kalang kalang. A shɛ̃ɛrɛ nɔɔ nɛɛ nɔɔ nwang kaa zang ɓiɓɛ. Laa zí nɔɔ manɛ kaa naa zang ɓɔɔ ri palɛ tɔ̃ɔ, ka ruu ɓɔɔ, nɔɔ a bìí ɓiɓɛ nɛɛ nung Kpanti ɓuru Yeesɔ Kirisi, a ɓɔɔ nɛɛ Suru Laa ɓɔɔ ruu bang wu ɓɛɛ.

2 Koranti 4:17

Jĩng dannang kɔ ruu dang ɓee, bee kpang. Daa doo vuu ɓɔɔ a ɓɛɛ kpang. Jĩng dannang keɓe, atɛ vuu ɓɔɔ bang katɔ, ɓɔɔ nwang ɓi dòndòng. Vuu ɓɔɔ zang gãsɛ nɛɛ mani ɓi kagn kpang.

Galati 1:15

A Laa palɛ m tɔ̃ɔ, zɔ̃ng m bɛ̀ɛ́ zang yi m gn kpang, a ɓaa m nyaa nɛɛ n naa palɛ wu shonang. A ɓɔɔ wu naa kasɛ ka yeti ɓiɓɛ,

Galati 1:6

N mã naa tɔ ka danggn ka ruu manɛ. Knti bee gn vi, nɔɔ yaa zang ɓɔɔ ɓaa nɔɔ nyaa nɛɛ ruu tɔ̃ɔ ɓɔɔ Yeesɔ Kirisi palɛ nɔɔ, nɔɔ dũng kaa ruu ɓɔɔgn viya?

Galati 5:8

Vuu keɓe ɓi Laa ɓɔɔ ɓaa nɔɔ nyaa kɔ nwãarɛ nɔɔ kpang.

Afisa 1:11

Laa zɔ̃ngkɔ ruu ɓɔɔ ruu shing danggn tɔ ka bii Yeesɔ Kirisi ɓɛɛ, nɛɛ ruu nwang zang ɓiɓɛ. Laa zɔ̃ngkɔ ruu ɓi tɔ doo tɛ̃ɛ tɛ̃ɛ, nɛɛ ruu nwang zang ɓiɓɛ, ka ruu ɓɔɔ, wee ɓi vuu ɓɔɔ wu kasɛ ɓɛɛ kɔ ɓɛɛ. Laa kɔ palɛ vuu piti wu daa gbete nɛɛ vuu ɓɔɔ wu mangnɛ, a wu ti kasɛ doo ka ting ɓɛɛ.

Afisa 1:5

Laa mang ɓi tɔ ka yeti ɓiɓɛ, nɛɛ wu gɔ̃ ruu ka bii ɓiɓɛ nɛɛ bii Yeesɔ Kirisi, rúu nwang wujɛ ɓiɓɛ. Wee vuu ɓɔɔ wu kasɛ, a ti tãa tĩnang ɓiɓɛ kɔ.

Afisa 2:6

Laa wisi ruu paa nɛɛ Yeesɔ Kirisi ka ɓɔɔ ruu shing danggn tɔ ka wu, a shing ruu nɛɛ ruu nwang nɛɛ wu ka lapa ɓɛɛ.

Afisa 3:11

Laa palɛ vuu keɓe ka doo vuu ɓɔɔ wu mang dòo tɛ̃ɛ tɛ̃ɛ ɓɛɛ. A walɛ gbalang ɓɔɔ wu palɛ vuu ɓɔɔ wu mang keɓe kaa nɛɛ bii Kpanti ɓuru Yeesɔ Kirisi.

Afisa 4:4

Zang ɓɔɔ ri shing danggn tɔ ka bii Laa, ri kaa bii gbete, a Suru Laa ti gbete, naa ɓɔɔ gn shinnang ɓɔɔ Laa ɓaa nɔɔ nyaa ka ruu ɓiɓɛ ti doo gbete kɔ ɓɛɛ.

Kolosi 3:4

Suru bii manɛ ɓɔɔ niizang ɓi Yeesɔ Kirisi. Nɛɛ nwang nyaa tɔ, nɔɔ naa nwang nyaa jong nɛɛ wu, nɔɔ walɛ bannang kaa jong.

1 Tesalonika 2:12

Ruu tusu nɔɔ vuu ɓɔɔ daa bii katɔ ɓɛɛ. Ruu mã nɔɔ danggn, ruu yi tĩng, ruu kɔɔ nɔɔ nɛɛ nɔɔ nwang zɔ̃ng nwannang ɓɔɔ shing Laa, Laa tãa tĩnang ɓɛɛ. Laa ɓɔɔ ɓáa nɔɔ nyaa nɛɛ nɔɔ naa nwang jong ka teteng zang ɓɔɔ wu nwang kpanti ɓarɛ ɓɛɛ, nɔɔ zi bannang ɓiɓɛ.

2 Timoti 2:11

Ruu keɓe niizang kɔ nwani. Zang kɔɔyi nɛɛ, Ruu nɛɛ vɔ tɔ nɛɛ wu, Ruu ti naa nwang ditɔ ningkãari nɛɛ wu.

Yahudi 9:15

Ka ruu ruu keɓe kɔ, Kirisi shing tɔ, Laa mã nyaa shɔɔ nɛɛ ruu. Tɔ̀ɔ, zang ɓɔɔ Laa ɓaa ri nyaa, ri walɛ vuu ɓɔɔ Laa a ri nyaa ka yuu ɓiɓɛ ɓɛɛ, gbinggbing. Ka ruu ɓɔɔ, Kirisi ɓɔɔ vɔ tɔ, ta ri tɔ nɛɛ jĩng ɓɔɔ zang nɛɛ dang ri, ka ruu vuu shi kpang ɓɔɔ ri palɛ, bɛ̀ɛ́ ri dũng doo nyaa tĩng shɔɔnang ɓɔɔ Laa mã́ nɛɛ ri ɓɛɛ.

1 Bituru 2:9

Ɓɔɔ manɛ, nɔɔ manɛ zɔ̃ng zang ɓɔɔ Laa shɛ̃ɛrɛ ri katɔ ɓɛɛ, rɛɛ zang ɓɔɔ ri dɔɔ vuu ɓɔɔ ri shong kpanti ɓɛɛ. Nɔɔ manɛ zɔ̃ng zang ɓɔɔ Laa shɛ̃ɛrɛ ri nɛɛ nɔɔ nwang zang ɓiɓɛ ɓɛɛ. Laa shɛ̃ɛrɛ nɔ́ɔ nɛɛ nɔɔ kɔɔ zang rɛɛ vuu bang bang, ɓɔɔ tɔ̃ɔ tɔ̃ɔ, ɓɔɔ wu pàlɛ̀ nɔɔ ka ɓɔɔ wu nwangsɛ nɔɔ nɛɛ nɔng ɓɔɔ tɔ̀ɔ katɔ ɓɛɛ. A átɛ̀ nɔɔ nɛɛ nɔ́ɔ nwang ka nɔng ɓiɓɛ ɓɔɔ yakɛ katɔ, ɓɔɔ zang zirɛ zang mã naa ka danggn ɓɛɛ.

1 Bituru 3:9

Zang ɓɔɔ nɛɛ pàlɛ̀ nɔɔ shi kpang, nɔ́ɔ ti palɛ ri doo shi kpang kɔ kpang. Zang ri nɛɛ dãa nɔɔ, nɔ́ɔ ti dãa ri jong kpang. Nɔɔ gàa ri manɛ Laa kɔ jong, wu pàlɛ̀ ri tɔ̃ɔ, ka ruu ɓɔɔ, Laa shɛ̃ɛrɛ nɔɔ nɛɛ wu pàlɛ́ nɔɔ tɔ̃ɔ ɓɛɛ.

1 Bituru 5:10

Nɔɔ nɛɛ dang jĩng tɔ nɔngkɔ tɔkɔlɔng, Laa ɓɔɔ tɔ̃ɔ piti a nɛɛ bii ɓiɓɛ kɔ, ɓɔɔ wukɔ ɓaa nɔɔ nyaa nɛɛ nɔ́ɔ naa nwang nɛɛ Yeesɔ, ka nɔng bannang ɓiɓɛ dòndòng ɓɛɛ. Laa kɔ nɛɛ yuu ɓiɓɛ naa gbarɛ nɔɔ tɔkn, wu ti naa shingnɛ nɔɔ shii nɛɛ kaka ka yeti vuu piti.

2 Bituru 1:10

Ka ruu nɔngkɔ, rɛɛ manzung, n gaa nɔɔ, nɔɔ shing jĩng kagn, nɔɔ palɛ rɛɛ vuu keɓe nɛɛ kaka manɛ, ka ruu ɓɔɔ, Laa ɓaa nɔɔ nyaa a ti zɔ̃ng nɔɔ nɛɛ nɔ́ɔ palɛ naa weɓe kɔ ɓɛɛ. Naa nɔɔ palɛ rɛɛ vuu keɓe, nɔɔ yaa gbalang Laa kpang dòndòng.

Vuu ɓɔɔ zang nwangsɛ Yɔhana 17:14

Ri naa ta sĩiri nɛɛ Jaa Mɛ̀ɛrɛ́ Laa, a Jaa Mɛ̀ɛrɛ́ naa shaa ri katɔ, ka ruu ɓɔɔ, wukɔ kpanti ka yuu rɛɛ kpanti nandon. Kpanti roonang ɓiɓɛ, ɓa ɓɔɔ zang piti ɓɛɛ. Zang ɓiɓɛ ɓɔɔ wu zɔ̃ngkɔ, a ɓaa ri nyaa katɔ, ɓɔɔ ri dũng wu nɛɛ yeti gbete, ri naa shaa zang jong ka nyaa sĩiri nɛɛ wu.”

Vuu ɓɔɔ zang nwangsɛ Yɔhana 19:9

A zang nyaa shonang Laa ɓɔɔ ka lapa ɓɛɛ kaɓa, kɔɔ m nɛɛ, “Bée ruu keɓe, Zang ɓɔɔ zang gáarɛ̀ ri, nɛɛ ri naa shaa kn sinyɛ Jaa Mɛ̀ɛrɛ́ ri tãa tĩnang ɓarɛ tɔ.” A ti kɔɔ m nɛɛ, “Ruu keɓe nwangnɛ, nɛɛ nyaa Laa nɛɛ yuu ɓiɓɛ.”