Rooma 8:28 - Nyaa Shɔɔ Ɓɔɔ Laa a Ɓɛɛ

²⁸ Ruu zi tɔ nɛɛ, ka yeti vuu piti, Laa palɛ shonang ka ruu zang ɓɔɔ ri kasɛ wu katɔ ɓɛɛ. Tɔ̀ɔ, vuu keɓe wu nwàng ri tɔ̃ɔ kati. Rikɔ zang ɓɔɔ Laa ɓaa ri nyaa nɛɛ tɔ̀ɔ, ri palɛ vuu ɓɔɔ wu kasɛ nɛɛ wu pàlɛ́ nɛɛ ri ɓɛɛ.

Rooma 8:28 ပူးပေါင်းရင်းမြစ်များ

Maraku 12:30

Mɔ́ɔ kasɛ Kpanti Laa ɓaaɓɛ nɛɛ yeti ɓaaɓɛ nandon, nɛɛ suru bii ɓaaɓɛ nandon, nɛɛ rɛ̃rɛnang ɓaaɓɛ nandon, nɛɛ kaka ɓaaɓɛ nandon.’

Zang Shonang Yeesɔ 13:48

Ɓɔɔ rɛɛ zang ɓɔɔ ri zang Isirela kpang ri tãa naa weɓe, ri tãa tĩnang dɔɔli. Ri a Ruu Laa bannang, a rɛɛ zang ɓɔɔ bɛ̀ɛ́ Laa shingnɛ, nɛɛ ri walɛ Suru bii ɓɔɔ waa nyaa kpang katɔ, ri shing danggn ka bìí Laa.

Rooma 11:29

Ka ruu ɓɔɔ, Laa nɛɛ zɔ̃́ng zang tɔ, bɛ̃ɛ ri ɓi takpang, nɛɛ ti a zang vuu tɔ, tà ɓi tɔ̀ɔ́ tɔkn kpang.

Rooma 8:30

A Laa tá (shɛ̃ɛrɛ) rɛɛ zang ɓɔɔ wu ɓàa ri nyaa dang gbete. Zang kɔ wu ɓaa ri nyaa ɓee, risi ri nɛɛ ri nwang zang tɔ̃ɔ ka tĩng ɓiɓɛ. A á zang kɔ wu risi ri nɛɛ ri nwang zang tɔ̃ɔ ɓee, bannang kati.

Rooma 9:11

Ka ɓɔɔ bɛ̀ɛ́ zang yi ri gn kpang, ri ti pálɛ́ vuu tɔ̃ɔ gn nɛɛ vuu shi kpang, kpang. Laa kasɛ nɛɛ zɔ̃nnang ɓɔɔ wu zɔ̃ng jaa gbete ka teteng ɓarɛ wu nwang vuu ɓɔɔ wu kasɛ ɓɛɛ. Laa kɔɔ nàá ɓarɛ tɔɔ, “Zang ɓɔɔ bang kɔ naa pàlɛ́ zang ɓɔɔ wujaa shonang.” Ka ruu nɔngkɔ, Laa zɔ̃ng zang ɓi ka ruu nyaa ɓɔɔ wu ɓaa zang ɓɛɛ, wu ka ruu, vuu ɓɔɔ zang palɛ ɓɛɛ kpang.

1 Koranti 1:2

Ruu bèé zang ɓɔɔ ri dũng Laa, ɓɔɔ ri ka Koranti ɓɔɔ nɔɔ shing danggn tɔ ka bii Yeesɔ Kirisi ɓɛɛ. Laa zɔ̃ngkɔ nɔɔ nɛɛ nɔ́ɔ nwang zang ɓiɓɛ nɛɛ tɔɔ, nɔ́ɔ arɛ nɔ́ɔ nwang naa zang piti ɓɔɔ ri a nɛɛ dalɛ koo piti ɓɔɔ ri ɓaarɛ nung Kpanti ɓuru Yeesɔ Kirisi, ɓɔɔ wukɔ Kpanti ɓuru nɛɛ ri ɓɛɛ.

1 Koranti 1:24

Zang ɓɔɔ Laa shɛ̃ɛrɛ katɔ nɛɛ ri nwáng zang ɓiɓɛ, zang Yahudi nɛɛ zang Heleni piti, ri zi ɓarɛ tɔ nɛɛ, naa vuu palɛnang Laa ɓuru ka bìí Yeesɔ Kirisi kɔ, a wukɔ ti tusu ri naa ɓɔɔ zũnang Laa nwang ɓɛɛ.

1 Koranti 1:9

Laa pálɛ̀ vuu ɓɔɔ wu kɔɔyi nɛɛ wu palɛ ɓɛɛ ɓi katɔ diki diki. Wukɔ ɓàa nɔɔ nyaa nɛɛ nɔ́ɔ naa ɓakɛ zɔɔ nɛɛ Jaa ɓiɓɛ, ɓɔɔ zang ɓaa nɛɛ Yeesɔ Kirisi ɓɔɔ wukɔ Kpanti ɓuru ɓɛɛ.

1 Koranti 2:9

Vuu keɓe nwàng kaa naa ɓɔɔ zang bèe ka yeti labeenang Laa ɓɛɛ nɛɛ: “Vuu ɓɔɔ shɔnzang ri zi gngn kpang, a zang ɓɔɔ ti tãa gngn kpang, a zang ɓɔɔ ti rɛ̃rɛ gngn ka yuu ɓiɓɛ kpang, Laa shĩili rɛɛ vuu keɓe kɔ, ka ruu zang ɓɔɔ ri kasɛ wu katɔ ɓɛɛ.”

2 Koranti 5:1

Ruu zi tɔ, diki ɓɔɔ bii ɓuru kɔ nwàng naa putali nɛɛ tantɛ tɔ, Laa naa a ruu bii ditɔ ka lapa, ɓɔɔ ruu naa nwang kagn. Bii ɓɔɔ wu a ruu keɓe nwang ɓi dòndòng.

Galati 1:15

A Laa palɛ m tɔ̃ɔ, zɔ̃ng m bɛ̀ɛ́ zang yi m gn kpang, a ɓaa m nyaa nɛɛ n naa palɛ wu shonang. A ɓɔɔ wu naa kasɛ ka yeti ɓiɓɛ,

Galati 1:6

N mã naa tɔ ka danggn ka ruu manɛ. Knti bee gn vi, nɔɔ yaa zang ɓɔɔ ɓaa nɔɔ nyaa nɛɛ ruu tɔ̃ɔ ɓɔɔ Yeesɔ Kirisi palɛ nɔɔ, nɔɔ dũng kaa ruu ɓɔɔgn viya?

Galati 5:8

Vuu keɓe ɓi Laa ɓɔɔ ɓaa nɔɔ nyaa kɔ nwãarɛ nɔɔ kpang.

Afisa 3:11

Laa palɛ vuu keɓe ka doo vuu ɓɔɔ wu mang dòo tɛ̃ɛ tɛ̃ɛ ɓɛɛ. A walɛ gbalang ɓɔɔ wu palɛ vuu ɓɔɔ wu mang keɓe kaa nɛɛ bii Kpanti ɓuru Yeesɔ Kirisi.

Afisa 4:1

Ka ruu nɔngkɔ, ǹ ɓɔɔ, zang mã m ka sãa ka ruu ɓɔɔ ǹ palɛ Kpanti Yeesɔ shonang ɓɛɛ, n kɔ̀ɔ́ nɔɔ, nɔɔ nwang nwannang ɓɔɔ daa naa nyaa ɓaanang ɓɔɔ Laa ɓàa nɔɔ ɓɛɛ.

Filipi 3:14

N daa nɛɛ tĩng kɔ sasak, tɔ̀ɔ, n daa shɛ̃ɛ nɔng ɓɔɔ n shing jĩng kagn ka tĩng ɓɛɛ. Tɔ̀ɔ, n naa walɛ vuu ɓɔɔ Laa ɓaa m nyaa nɛɛ n naa walɛ nɛɛ bii Yeesɔ Kirisi ɓɛɛ. Laa nɛɛ, n naa nwang nɛɛ wu ka lapa.

1 Tesalonika 5:9

Ka ruu ɓɔɔ, Laa zɔ̃ngkɔ ruu nɛɛ wu dɔng rùu ruu, tɔ̀ɔ, ruu dang jĩng ka diki ɓɔɔ wu naa jɛ̃ɛ zang ruu ɓɛɛ kpang. Zɔ̃ngkɔ ruu nɛɛ wu ta yuu ɓuru nɛɛ bii Kpanti ɓuru Yeesɔ Kirisi.

2 Timoti 1:9

Wukɔ ɓàa ruu nyaa, a tà yuu ɓuru, nɛɛ ruu nwang nwannang tɔ̃ɔ. Wu ka ruu vuu ɓɔɔ ruu pálɛ̀ ɓɛɛ kpang, ɓi ka ruu tɔ̃ɔ ɓɔɔ wu mang ka yeti ɓiɓɛ ɓɛɛ. Laa pàlɛ̀ ruu tɔ̃ɔ ɓiɓɛ nɛɛ bii Yeesɔ Kirisi bɛ̀ɛ́ zang mãa koo gn kpang.

2 Timoti 2:19

A doo gãa ɓɔɔ Laa loo ɓɛɛ, shii ɓi katɔ katakata, zang zĩiti kpang. Zang bee vuu keɓe ka bii ɓiɓɛ nɛɛ, “Laa zi rɛɛ zang ɓɔɔ ri ɓarɛ ɓɔɔ ɓiɓɛ tɔ”. A “Zang ɓɔɔ nɛɛ kɔɔyi nɛɛ, wu ɓɔɔ Kpanti Laa, wu yaa gbalang vuu shi kpang ɓɔɔ wu palɛ katɔ.”

Yahudi 9:15

Ka ruu ruu keɓe kɔ, Kirisi shing tɔ, Laa mã nyaa shɔɔ nɛɛ ruu. Tɔ̀ɔ, zang ɓɔɔ Laa ɓaa ri nyaa, ri walɛ vuu ɓɔɔ Laa a ri nyaa ka yuu ɓiɓɛ ɓɛɛ, gbinggbing. Ka ruu ɓɔɔ, Kirisi ɓɔɔ vɔ tɔ, ta ri tɔ nɛɛ jĩng ɓɔɔ zang nɛɛ dang ri, ka ruu vuu shi kpang ɓɔɔ ri palɛ, bɛ̀ɛ́ ri dũng doo nyaa tĩng shɔɔnang ɓɔɔ Laa mã́ nɛɛ ri ɓɛɛ.

Yakubu 1:12

Zang ɓɔɔ zang nɛɛ gãsɛ wu, nɛɛ watɛ kpang wukɔ tãa tĩnang. Ka ruu ɓɔɔ, nɛɛ shìi kakata, nɛɛ watɛ kpang, naa ta vuu ɓɔɔ Kpanti Laa tɔɔ wu a zang ɓɔɔ kasɛ wu katɔ ɓɛɛ. Vuu keɓe wukɔ suru bii ɓɔɔ waa nyaa kpang ɓɛɛ.

Yakubu 2:5

Manzung ɓɔɔ n kasɛ nɔɔ dɔɔli ɓɛɛ, nɔɔ ɓaa shoo. Laa zɔ̃ng zang ɓɔɔ ri zang ying kpang, ɓɔɔ ri ka koo keɓe, nɛɛ ri nwang zang ying ka danggn ɓɔɔ ri shing ka bii Laa ɓɛɛ. Shing ri tɔ, ri walɛ vuu ɓɔɔ Laa tɔɔ wu shing zang ɓɔɔ ri kasɛ ruu ɓiɓɛ katɔ ka ɓɔɔ wu roo kpanti ɓɛɛ.

1 Bituru 2:9

Ɓɔɔ manɛ, nɔɔ manɛ zɔ̃ng zang ɓɔɔ Laa shɛ̃ɛrɛ ri katɔ ɓɛɛ, rɛɛ zang ɓɔɔ ri dɔɔ vuu ɓɔɔ ri shong kpanti ɓɛɛ. Nɔɔ manɛ zɔ̃ng zang ɓɔɔ Laa shɛ̃ɛrɛ ri nɛɛ nɔɔ nwang zang ɓiɓɛ ɓɛɛ. Laa shɛ̃ɛrɛ nɔ́ɔ nɛɛ nɔɔ kɔɔ zang rɛɛ vuu bang bang, ɓɔɔ tɔ̃ɔ tɔ̃ɔ, ɓɔɔ wu pàlɛ̀ nɔɔ ka ɓɔɔ wu nwangsɛ nɔɔ nɛɛ nɔng ɓɔɔ tɔ̀ɔ katɔ ɓɛɛ. A átɛ̀ nɔɔ nɛɛ nɔ́ɔ nwang ka nɔng ɓiɓɛ ɓɔɔ yakɛ katɔ, ɓɔɔ zang zirɛ zang mã naa ka danggn ɓɛɛ.

1 Bituru 3:9

Zang ɓɔɔ nɛɛ pàlɛ̀ nɔɔ shi kpang, nɔ́ɔ ti palɛ ri doo shi kpang kɔ kpang. Zang ri nɛɛ dãa nɔɔ, nɔ́ɔ ti dãa ri jong kpang. Nɔɔ gàa ri manɛ Laa kɔ jong, wu pàlɛ̀ ri tɔ̃ɔ, ka ruu ɓɔɔ, Laa shɛ̃ɛrɛ nɔɔ nɛɛ wu pàlɛ́ nɔɔ tɔ̃ɔ ɓɛɛ.

1 Bituru 5:10

Nɔɔ nɛɛ dang jĩng tɔ nɔngkɔ tɔkɔlɔng, Laa ɓɔɔ tɔ̃ɔ piti a nɛɛ bii ɓiɓɛ kɔ, ɓɔɔ wukɔ ɓaa nɔɔ nyaa nɛɛ nɔ́ɔ naa nwang nɛɛ Yeesɔ, ka nɔng bannang ɓiɓɛ dòndòng ɓɛɛ. Laa kɔ nɛɛ yuu ɓiɓɛ naa gbarɛ nɔɔ tɔkn, wu ti naa shingnɛ nɔɔ shii nɛɛ kaka ka yeti vuu piti.

1 Yɔhana 4:10

Zang kasɛnang nwàng ɓi hn. Wu rukɔ gaayu Laa kasɛnang kpang, Laa kɔ kasɛ ruu ɓuru jong, a shong Jaa ɓiɓɛ nɛɛ wu naa nwang kaa naa vuu vàa ɓɔɔ zang dɔ̀ɔ́ Laa, tɔ̀ɔ, Laa wu yaa ruu gbalang vuu shi kpang ɓuru kati ɓɛɛ.

1 Yɔhana 4:19

Ruu kasɛ ruu zɔɔ, ka ruu ɓɔɔ, Laa kɔ kasɛ ruu ɓuru shɔɔnang ɓɛɛ.

Vuu ɓɔɔ zang nwangsɛ Yɔhana 3:19

Zang ɓɔɔ n kasɛ ri katɔ, n mangkɛ rikɔ, n ti gɔ̃ ri shoo. Ka ruu nɔngkɔ, nɔɔ ta bii ta kagn, nɔɔ yaa vuu shi kpang, nɔɔ dũng m kaa nɛɛ yeti gbete.