Rooma 8:2 - Nyaa Shɔɔ Ɓɔɔ Laa a Ɓɛɛ

² Ka ruu ɓɔɔ, nyaa dannang Suru Laa ɓɔɔ a ruu suru bii nɛɛ bii Yeesɔ Kirisi, ta m tɔ nɛɛ naa nyaa dannang ɓɔɔ vuu shi kpang nɛɛ ɓɔɔ vɔrɔ.

Rooma 8:2 ပူးပေါင်းရင်းမြစ်များ

Yɔhana 4:10

Yeesɔ kasɛ wu nyaa tɔɔ, “Naa mɔɔ nɛ̀ɛ́ zi vuu ɓɔɔ Laa a zang tɔ. A mɔɔ nɛɛ ti zi zang ɓɔɔ gaa mii ka naa ɓaaɓɛ tɔ. Mɔɔ nɛ̀ɛ́ gàa wu tɔ, wu nɛ̀ɛ́ á mɔɔ mii ɓɔɔ a zang Suru bii ɓɔɔ waa nyaa kpang tɔ.”

Yɔhana 4:14

Zang piti ɓɔɔ ɓoo mii ɓɔɔ n a wu, sutu mãa wu takpang, ka ruu ɓɔɔ, mii ɓɔɔ n a wu, nwàng kaa naa sɔlɔng mii ka yeti ɓiɓɛ ɓɛɛ. Sɔlɔng mii ɓɔɔ nwangsɛ mii ɓɔɔ á wu suru bii ɓɔɔ waa nyaa kpang ɓɛɛ.”

Yɔhana 6:63

Ɓi Suru Laa a zang suru bii ɓiri, bii shɔnzang zunung vuu ɓɔɔ palɛnang ɓi kpang. Ruu ɓɔɔ n kɔɔrɔ nɔɔ ɓɛɛ, ɓi ka yuu Suru ɓɔɔ a zang suru bii ɓɛɛ.

Yɔhana 8:32

Nɔɔ naa zi ruu ɓɔɔ niizang katɔ, ruu ɓɔɔ niizang keɓe, ti yaa nɔɔ naa katɔ.”

Yɔhana 8:36

Ka ruu nɔngkɔ, Jaa nɛɛ yaa nɔɔ naa tɔ, zang yaa nɔɔ tɔ dòndòng.

Rooma 16:3

Nɔɔ jèe m Pirisila nɛɛ ɓeevɛ Akpiila nyaa. Zang ɓɔɔ ruu pálɛ̀ Yeesɔ Kirisi shonang nɛɛ ri ɓɛɛ.

Rooma 3:27

Ruu rangkɛ yee bang bang ka yuu ɓuru ka yuu viya? Vuu kpang. Ka ruu vi nɔngkɔ viya? Ka ruu ɓɔɔ, ruu palɛ vuu ɓɔɔ nyaa dannang Laa kɔɔyi ɓɛɛ ya? Wu nɔngkɔ kpang, ɓi ka ruu ɓɔɔ, ruu shing danggn tɔ ɓɛɛ.

Rooma 5:21

Ka ruu nɔngkɔ, naa ɓɔɔ vuu shi kpang roo kpanti nɛɛ bii vɔrɔ, tɔ̃ɔ Laa ti roo kpanti doo nɔngkɔ nɛɛ bii nwannang tɔ̃ɔ ka tĩng Laa. Tɔ̀ɔ, ruu walɛ suru ɓɔɔ waa nyaa kpang nɛɛ bii Kpanti ɓuru Yeesɔ Kirisi.

Rooma 6:14

Nɔ́ɔ yaa vuu shi kpang, wu roo kpanti ka nwannang manɛ kpang, ka ruu ɓɔɔ, nɔɔ manɛ tɔ̀ɔ́ jaafoo nyaa dannang Laa kpang ɓɛɛ, nɔɔ manɛ kaa zang ɓɔɔ Laa pàlɛ́ ri tɔ̃ɔ ɓɛɛ.

Rooma 6:18

Zang tà nɔɔ nɛɛ naa vuu shi kpang manɛ, a nɔɔ ràa jaafòó vuu tɔ̃ɔ palɛnang.

Rooma 6:22

A kãntang keɓe zang ta nɔɔ tɔ nɛɛ, naa vuu shi kpang palɛnang, nɔɔ kaa jaafoo Laa. Vuu keɓe shing nɔɔ, nɔɔ nwang zang ɓɔɔ shi kpang ka bii ɓarɛ kpang ɓɛɛ. Wu ti shingnɛ nɔɔ wàlɛ̀ suru bii ɓɔɔ waa nyaa kpang ɓɛɛ.

Rooma 7:21

Ka ruu nɔngkɔ, vuu ɓɔɔ n zi ka bii mɛɛ keɓe. Naa n kasɛ n tɔɔ n palɛ tɔ̃ɔ, n palɛ m vuu ɓɔɔ shi kpang kɔ gbete.

Rooma 7:23

A n ti zirɛ, nyaa dannang ɓɔɔ kagn yeti mɛɛ, ɓɔɔ waa zɔɔ nɛɛ nyaa dannang ɓɔɔ yeti mɛɛ kasɛ ɓɛɛ. Nwang m kaa naa nyaa dannang vuu shi kpang ɓɔɔ ka bii mɛɛ, mã m ka sãa.

Rooma 7:4

Manzung, nɔɔ doo nɔngkɔ. Nyaa ɓɔɔ Laa dangnɛ, risi nɔɔ manɛ naa zang ɓɔɔ ri vɔlɔ katɔ ɓɛɛ, ka ruu ɓɔɔ, nɔɔ ɓakɛ bii tɔ nɛɛ Kirisi ɓɛɛ. Kãntang keɓe, nɔɔ manɛ kaa zang Kirisi ɓɔɔ Laa wisi wu paa nɛɛ saa ɓɛɛ, tɔ̀ɔ, ruu shòng Laa shonang ɓɔɔ tɔ̃ɔ kati.

Rooma 8:1

Zang ɓɔɔ ri nwang tɔ gbete nɛɛ Yeesɔ Kirisi, Laa dɔng ri ruu ɓarɛ takpang.

1 Koranti 15:45

Ka yeti labeenang Laa, zang beeyi nɛɛ, “Laa mãa Adamu, ɓɔɔ wukɔ shɔnzang ɓɔɔ nwang ningkãari shɔɔnang ɓɛɛ.” A Adamu ɓɔɔ a doo knti ɓɔɔ wukɔ Kirisi ɓɛɛ, ɓi kaa suru ɓɔɔ arɛ, nɛɛ wu a zang suru bii ɓɛɛ.

2 Koranti 3:17

Kpanti Laa keɓe, ɓi wukɔ Suru. Zang ɓɔɔ Suru Kpanti Laa nɛɛ kagn bii ɓiɓɛ, zang keɓe wɔ ɓi tɔ.

2 Koranti 3:6

Wukɔ a ruu kaka, ruu palɛ wu shonang naa ɓɔɔ nyaa dannang shɔɔ kɔɔ ɓɛɛ. Wu nyaa dannang shɔɔ ɓɔɔ zang bee katɔ ɓɛɛ kpang, ɓi ɓɔɔ Suru Laa. Nyaa dannang ɓɔɔ zang bee katɔ, nyɔ zang ɓi vɔrɔ, a Suru Laa a zang ɓi suru bii.

Galati 2:19

Ɓi rɛɛ nyaa dannang keɓe kɔ shingnɛ n zirɛ nɛɛ n vɔ katɔ, ka ruu ɓɔɔ, n dũng ri nandon kpang ɓɛɛ. Ka ruu nɔngkɔ, n shing danggn tɔ̀ɔ́ ka ri kpang, tɔ̀ɔ, n walɛ suru bii ka bii Laa.

Galati 5:1

Kirisi ta yuu ɓuru nɛɛ ruu nwang tɔ̀ɔ́ naa jaafoo kpang. Nɔɔ yaa zang ɓɔɔ wu shingnɛ, nɔ́ɔ nwang naa zang ɓɔɔ ri jaafoo ɓɛɛ kpang. Nɔɔ nwàng tɔ̀ɔ́ jaafoo tɔkn kpang.

Galati 6:2

Vuu ɓɔɔ nɛɛ kpãa zang ɓɔɔ ka teteng manɛ, nɔɔ yi zɔɔ naa kagn. Naa nɔɔ pálɛ̀ nɔngkɔ, nɔɔ dũng nyaa ɓɔɔ Yeesɔ Kirisi dang ɓɛɛ tɔ.

Yakubu 1:25

Zang ɓɔɔ nɛɛ shing jĩng ka nyaa dannang Laa ɓɔɔ ta yuu ɓuru katɔ waasɛ̃. Nɛɛ dũngnɛ sasak, nɛɛ nwang zang ɓɔɔ tãa ruu, danggn ning wu kpang, nɛɛ ti palɛ vuu ɓɔɔ wu tãa ɓɛɛ katɔ. Laa shing zang keɓe wu tãa tĩnang ka vuu ɓɔɔ wu palɛ piti.

Vuu ɓɔɔ zang nwangsɛ Yɔhana 11:11

Ɓɔɔ diki taati nɛɛ nyaa gãasa naa ɓarɛ, ɔ̃kɔnang ɓɔɔ a zang suru bii ɓɛɛ, a nɛɛ bii Laa, a daa ka yeti ɓarɛ, a ri shii doo paa. Ɓɔɔ ri shii paa, zang kaɓa nandon, ɓɔɔ ri zi ri, bii kaa ri vɔrɔ dɔɔli.

Vuu ɓɔɔ zang nwangsɛ Yɔhana 22:1

Zang nyaa shonang Laa ɓɔɔ ka lapa ɓɛɛ kaɓa, ti tusu m rang mii, ɓɔɔ a zang suru bii ɓɔɔ waa nyaa kpang. Mii ɓiɓɛ kɔlɔ katɔ naa vĩilaa. Nwangnɛ laa nwannang kpanti Laa, nɛɛ ɓɔɔ Jaa Mɛ̀ɛrɛ́.