Rooma 8:18 - Nyaa Shɔɔ Ɓɔɔ Laa a Ɓɛɛ

¹⁸ N zi tɔ, jĩng kɔ ruu dang kãntang ɓee, daa naa ɓɔɔ zang gãsɛ nɛɛ bannang ɓɔɔ Laa naa a ruu ɓɛɛ kpang.

Rooma 8:18 ပူးပေါင်းရင်းမြစ်များ

Zang Shonang Yeesɔ 20:24

N ti tɔɔ m kpang nɛɛ suru bii mɛɛ daa naa vuu ɓɔɔ tɔ kpang. Ǹ kasɛ n palɛ vuu ɓɔɔ zang shong m ɓɛɛ, n ti hangsɛ shonang ɓɔɔ Kpanti Yeesɔ a m nɛɛ n palɛ ɓɛɛ. Shonang ɓɔɔ nɛɛ n kɔɔrɔ zang rúu, ka yuu tɔ̃ɔ ɓɔɔ Laa pàlɛ́ zang ɓɛɛ.

Rooma 8:19

Niizang, vuu ɓɔɔ Laa mã́arɛ̀ ɓɛɛ nandon, ri gã diki ɓɔɔ Laa naa nwàngsɛ́ wujɛ ɓiɓɛ bii ɓɛɛ.

Kolosi 3:4

Suru bii manɛ ɓɔɔ niizang ɓi Yeesɔ Kirisi. Nɛɛ nwang nyaa tɔ, nɔɔ naa nwang nyaa jong nɛɛ wu, nɔɔ walɛ bannang kaa jong.

2 Tesalonika 2:14

Laa ɓaa nɔɔ nyaa nɛɛ nɔɔ nwang zang ɓiɓɛ nɛɛ Ruu Tɔ̃ɔ ɓɔɔ ruu kɔɔ nɔɔ ɓɛɛ. Ɓaa nɔɔ nyaa nɛɛ nɔɔ naa tãa tĩnang jong ka ruu bannang Kpanti ɓuru Yeesɔ Kirisi.

Titu 2:13

Ka wee ruu nwangnɛ, ruu gã diki tĩnang tãanang ɓɔɔ ruu shing gn nɛɛ naa a ɓɛɛ. Diki ɓɔɔ bannang Laa ɓuru Yeesɔ Kirisi ɓɔɔ wukɔ ɓa zang piti, ɓɔɔ wukɔ ti ta yuu ɓuru naa nwangsɛ bii ɓɛɛ.

Yahudi 11:35

Zang soro ɓɔɔ zang ɓarɛ ɓɔɔ ri vɔlɔ katɔ, zang wisi ri paa tɔkn ningkãari. Zang ɓɔɔ zang tɔ̃̀ɔrɔ ri shoo, kasɛ katɔ nɛɛ zang dang ri jĩng katɔ kɔ jong, ka ɓɔɔ ri nɛɛ yaa danggn ɓɔɔ ri shing ɓɛɛ, a ri vɔlɔ ka ruu ɓɔɔ ri zi tɔ, nɛɛ Laa naa wisi ri paa ditɔ, ri nwang nwannang ɓɔɔ tɔ̃ɔ ka lapa.

1 Bituru 1:13

Ka ruu nɔngkɔ, nɔɔ yiti yuu manɛ waasɛ̃ nɔɔ kpalɛ bii tɔ̃ɔ. Nɔɔ ti shing manɛ gn dɔ̃ɔ gbete ka vuu ɓɔɔ Laa naa a nɔɔ ɓɛɛ, ka diki ɓɔɔ Yeesɔ Kirisi naa nwang nyaa ɓɛɛ.

1 Bituru 4:13

Nɔ́ɔ tãa tĩnang kɔ jong, ka ruu ɓɔɔ nɔɔ kpalɛ yuu manɛ doo ka jĩng dannang ɓɔɔ Kirisi dang ɓɛɛ kɔ. Ka ruu ɓɔɔ, ka diki ɓɔɔ zang nɛɛ tusu bannang ɓiɓɛ tɔ, nɔɔ tãa tĩnang kaa dɔɔli.

1 Bituru 5:1

Ruu ɓɔɔ n kɔɔ rɛɛ zang bang Gãa Laa ɓɔɔ ri ka teteng manɛ kagn. N m doo zang bang kɔ. N zi jĩng ɓɔɔ Kirisi dang ɓɛɛ nɛɛ jĩng mɛɛ. N ti naa walɛ bannang jong nɛɛ nɔɔ ka diki ɓɔɔ Laa naa a ruu bannang keɓe ɓɛɛ. Ka ruu nɔngkɔ, n gaa nɔɔ n tɔɔ nɔ́ɔ,

1 Yɔhana 3:2

Rɛɛ masang ɓɔɔ n kasɛ nɔɔ dɔɔli ɓɛɛ, ruu kaa wujɛ Laa. Naa ɓɔɔ ruu naa nwangnɛ, ruu zi gn kpang. Ruu zi tɔ nɛɛ, naa Yeesɔ nwang nyaa, ruu naa nwang kaa naa wukɔ doori. Ka ruu ɓɔɔ, ruu naa zi wu ka naa ɓɔɔ wu nwang ɓɛɛ.