Rooma 8:16 - Nyaa Shɔɔ Ɓɔɔ Laa a Ɓɛɛ

¹⁶ Suru Laa ɓakɛ zɔɔ nɛɛ suru bii ɓuru ri kɔɔyi nɛɛ, ruu wujɛ Laa.

Rooma 8:16 ပူးပေါင်းရင်းမြစ်များ

Matiyu 5:9

Tĩnang Tãanang ɓi ɓɔɔ zang ɓɔɔ ri kasɛ nɛɛ zang nwang ka nyaa zɔɔ ɓɛɛ. Zang naa ɓaa rikɔ nɛɛ wujɛ Laa.

Luka 20:36

Ri ti vɔ ɓarɛ takpang dòndòng, ka ruu ɓɔɔ, ri nwáng ɓarɛ kaa naa zang nyaa shonang Laa ɓɔɔ ka lapa ɓɛɛ. Ri ɓarɛ kaa wujɛ Laa, ka ruu ɓɔɔ, zang wisi ri paa tɔ nɛɛ saa ɓɛɛ.

Yɔhana 1:12

Zang ɓɔɔ ri ta wu nandon, a ri ti shing danggn ka bii ɓiɓɛ ɓɛɛ, a ri naa nɛɛ, ri nwang ɓarɛ kaa wujɛ Laa.

Zang Shonang Yeesɔ 5:32

Ruu zi vuu keɓe tɔ, nɛɛ jĩng ɓuru, ruu ti kɔɔrɔ zang. Rùu nɛɛ Suru Laa ɓɔɔ Laa a zang ɓɔɔ ri ɓaa shoo ka nyaa ɓiɓɛ ɓɛɛ.”

Rooma 8:14

Zang ɓɔɔ ri dũng vuu ɓɔɔ Suru Laa tusu ri, rikɔ wujɛ Laa.

Rooma 8:19

Niizang, vuu ɓɔɔ Laa mã́arɛ̀ ɓɛɛ nandon, ri gã diki ɓɔɔ Laa naa nwàngsɛ́ wujɛ ɓiɓɛ bii ɓɛɛ.

Rooma 8:23

Wu vuu ɓɔɔ Laa mãarɛ kɔ tãa kɔnang gbete kpang. Rùu ɓɔɔ Suru Laa ɓɔɔ Laa gaayu a ruu nwang ka yeti ɓuru ɓee, ruu ju doo nɔngkɔ ka yeti ɓuru, ka wee ruu gã diki ɓɔɔ Laa naa kɔ̀ɔ́yi nɛɛ ruu kaa wujɛ ɓiɓɛ ɓɛɛ, tɔ̀ɔ, bii ɓuru wu wɔ kaa nandon.

Rooma 8:26

Suru Laa, a doo nɔngkɔ, wu yi ruu naa ka bii, wee ruu lakɛ naa ka bii kpang ɓee. Ka ruu ɓɔɔ, ruu zunung ɓɔɔ ruu gàá Laa tɔ̃ɔ tɔ̃ɔ kpang ɓɛɛ. Suru Laa kɔ bàkɛ́ Ruu Laa nɛɛ junang ɓɔɔ nyaa zunung kɔɔnang kpang ɓɛɛ.

Rooma 9:26

Ka nɔng ɓɔɔ Laa kɔɔyi nɛɛ, ‘Nɔɔ wu zang mɛɛ kpang ɓɛɛ,’ Laa ɓɔɔ ningkãari ti naa ɓàa ri doo ka nɔngkɔ, nɛɛ ri wujɛ ɓiɓɛ”.

Rooma 9:8

Nɛɛ nɔngkɔ, wu wujɛ Ibirayi nandon wujɛ Laa kpang. Ɓi wujɛ ɓɔɔ Laa a nyaa, a zang yì Ibirayi ri, rikɔ zɔ̃ng Ibirayi.

2 Koranti 1:12

Vuu ɓɔɔ shingnɛ ruu tuu yuu ɓuru kagn gbete, rɛ̃rɛnang ɓuru kɔɔ ruu nɛɛ, nwannang ɓuru ka koo keɓe, nɛɛ vuu ɓɔɔ rùu palɛ nɛɛ nɔɔ, rùu palɛ niizang nɛɛ yeti gbete, naa ɓɔɔ Laa kasɛ ɓɛɛ. Ruu palɛ wu ka doo zũnang yuu ɓuru kpang, ruu palɛ nɛɛ naa vuu palɛnang tɔ̃ɔ ɓɔɔ Laa pàlɛ́ ruu ɓɛɛ.

2 Koranti 1:22

Shing vuu ka bii ɓuru, tɔ̀ɔ, zang ri zi kaa gn nɛɛ rùu ɓɔɔ ɓiɓɛ. A á ruu Suru ɓiɓɛ tɔ ka yeti, tɔ̀ɔ, ruu zi kaa gn nɛɛ naa á ruu vuu ɓɔɔ wu shing ruu katɔ ɓɛɛ ditɔ nandon.

2 Koranti 5:5

Laa kɔ nɛɛ yuu ɓiɓɛ kpàlɛ̀ ruu bii ka ruu bii kɔ̃sɔnang keɓe, a á ruu suru ɓiɓɛ nɛɛ, tɔ̀ɔ, zang zi kaa gn nɛɛ wu a ruu vuu piti ɓɔɔ wu shing ruu ɓɛɛ katɔ.

2 Koranti 6:18

N nwang Daa manɛ, tɔ̀ɔ, nɔ́ɔ nwang manɛ kaa wujɛ mɛɛ ɓɔɔ soro nɛɛ ɓɔɔ varɛ. Laa ɓɔɔ wukɔ ɓa zang piti bannang katɔ kɔ kɔɔ ruu keɓe.”

Galati 3:26

Kãntang keɓe, nɔɔ nandon nɔɔ nwàng kaa wujɛ Laa, ka ruu danggn ɓɔɔ nɔɔ shing ka bii Yeesɔ Kirisi ɓɛɛ.

Galati 4:6

Ka ruu ɓɔɔ, nɔɔ wujɛ ɓiɓɛ, Laa shong nyaa nɛɛ Suru Jaa ɓiɓɛ, nɛɛ wu nwang ka yeti manɛ. Suru ɓɔɔ kaarɛ nyaa nɛɛ, “Daa mɛɛ, Daa mɛɛ,” ɓɛɛ.

Afisa 1:13

Nɔɔ doo nɔngkɔ. Ka ɓɔɔ nɔɔ tãa ruu ɓɔɔ niizang, Ruu Tɔ̃ɔ ɓɔɔ ta yuu manɛ, ka ɓɔɔ nɔɔ shing danggn ka bii Yeesɔ Kirisi, a Laa a nɔɔ Suru ɓiɓɛ ɓɔɔ wu a nyaa ɓɛɛ, tɔ̀ɔ, zang zi kati nɛɛ nɔɔ manɛ kaa zang Laa.

Afisa 4:30

Nɔ́ɔ lasɛ Suru Laa yeti kpang, ka ruu ɓɔɔ, Suru Laa kɔ tusu nɛɛ nɔɔ manɛ zang Laa ɓɛɛ. Suru keɓe kɔ tusu zang nɛɛ diki a ditɔ, ɓɔɔ Laa naa ta yuu manɛ ɓɛɛ.

1 Yɔhana 3:1

Nɔɔ zi naa ɓɔɔ Daa kasɛ ruu ɓuru ɓɛɛ. Kasɛ ruu ɓuru dɔɔli, ka ruu nɔngkɔ, ɓaa ruu nɛɛ Wujɛ ɓiɓɛ. Ruu ti wujɛ ɓiɓɛ kɔ niizang. Zang ɓɔɔ ri dũ̀ng Laa kpang, ri zi ruu kpang, ka ruu ɓɔɔ, ri zi Laa ɓarɛ kpang ɓɛɛ.

1 Yɔhana 3:10

Zang ɓɔɔ pálɛ̀ vuu tɔ̃ɔ kpang, ɓi zang Laa kpang. Zang ɓɔɔ ti kasɛ ruu ɓeezung kpang, ɓi doo zang Laa kpang kɔ. Wee naa ɓɔɔ ruu zi zang ɓɔɔ ri wujɛ Laa nɛɛ zang ɓɔɔ ri wujɛ sheetang kagn kɔ.

1 Yɔhana 3:2

Rɛɛ masang ɓɔɔ n kasɛ nɔɔ dɔɔli ɓɛɛ, ruu kaa wujɛ Laa. Naa ɓɔɔ ruu naa nwangnɛ, ruu zi gn kpang. Ruu zi tɔ nɛɛ, naa Yeesɔ nwang nyaa, ruu naa nwang kaa naa wukɔ doori. Ka ruu ɓɔɔ, ruu naa zi wu ka naa ɓɔɔ wu nwang ɓɛɛ.

1 Yɔhana 4:13

Suru ɓiɓɛ ɓɔɔ wu a ruu, wukɔ tusu ruu nɛɛ, ruu nwang nɛɛ Laa, a Laa ti ka yeti ɓuru.

1 Yɔhana 5:10

Ka ruu nɔngkɔ, zang ɓɔɔ shing danggn ka bii Jaa Laa, zi katɔ ka yeti ɓiɓɛ nɛɛ ruu keɓe ɓi niizang. Zang ɓɔɔ ta vuu ɓɔɔ Laa kɔɔ kpang, ɓaa Laa sèé tɔ. Ka ruu ɓɔɔ, kasɛ vuu ɓɔɔ Laa kɔɔ ka yuu Jaa ɓiɓɛ kpang ɓɛɛ.

Vuu ɓɔɔ zang nwangsɛ Yɔhana 21:7

Zang ɓɔɔ nɛɛ ɓa vuu gãsɛnang yuu, zang naa alɛ wu vuu keɓe nandon. N ti naa nwang Laa ɓiɓɛ, wu nwang ɓi kaa jaa mɛɛ.