Rooma 8:15 - Nyaa Shɔɔ Ɓɔɔ Laa a Ɓɛɛ

¹⁵ Ka ruu ɓɔɔ, Laa a nɔɔ Suru ɓɔɔ risi nɔɔ naa jaafoo waati kpang, shing nɔɔ, nɔɔ kaa vɔrɔ tɔkn kpang ɓɛɛ. Suru Laa keɓe shing nɔɔ nɔ́ɔ nwang manɛ wujɛ Laa kɔ jong. Wukɔ ti yi nɔɔ naa ka bii, nɔɔ ɓaa Laa kaa nɛɛ, “Mɔkɔ Daa ɓuru.”

Rooma 8:15 ပူးပေါင်းရင်းမြစ်များ

Matiyu 25:25

Ka ruu nɔngkɔ, n kaa vɔrɔ, a n daayi, n daa waasɛ saka ɓaaɓɛ ka tipi. Vuu ɓaaɓɛ keɓe, ta, ta.’

Maraku 14:36

A gaa Laa tɔɔ, “Daa mɛɛ, vuu ɓɔɔ kpãa mɔɔ ɓaa kagn gbete kpang. Kɔsɔ m jĩng dannang keɓe katɔ. Wu vuu ɓɔɔ yeti mɛɛ kasɛ ɓɛɛ kpang, palɛ ɓaa vuu ɓɔɔ yeti ɓaaɓɛ kasɛ ɓɛɛ.”

Luka 11:2

A Yeesɔ kɔɔ ri tɔɔ, “Nɔɔ nɛɛ gaa Laa, nɔɔ kɔɔ nɛɛ, ‘Daa ɓuru Laa, zang wu dɔɔ nung tɔ̃ɔ ɓaaɓɛ ta. Zang zirɛ nɛɛ mɔkɔ Kpanti.

Luka 22:42

“Daa mɛɛ, mɔɔ nɛɛ kasɛ tɔ, kɔsɔ m jĩng dannang keɓe jong. Palɛ vuu ɓɔɔ mɔɔ kasɛ ɓɛɛ, wu vuu ɓɔɔ n kasɛ ɓɛɛ kpang.”

Luka 8:28

Ɓɔɔ wu zi Yeesɔ hn, mɛɛ nyaa ka lapa, a tang ka tĩng ɓiɓɛ. Mɛɛrɛ nyaa kana nabm, nɛɛ “Mɔɔ kãa vi ka bìí mɛɛ viya? Yeesɔ Jaa Kpanti Laa. N zɔ̃ɔrɔ mɔɔ katɔ, mɔɔ dang m jĩng kpang.”

Luka 8:37

A zang tipi Ganasara nandon ri bakɛ Yeesɔ nɛɛ wu dita, ka ruu ɓɔɔ ri kaa vɔrɔ dɔɔli ɓɛɛ. A Yeesɔ vang tonsi gbãayu kati.

Yɔhana 16:8

Nɛɛ a tɔ, naa tusu zang koo rɛ̃rɛnang shi kpang ɓɔɔ ri rɛ̃rɛ ka yuu vuu shi kpang palɛnang, nɛɛ vuu tɔ̃ɔ ɓɔɔ Laa kasɛ ɓɛɛ, a ɓɔɔ ti naa ɓɔɔ Laa naa jɛ̃ɛ zang ruu ɓɛɛ, nɛɛ ri ning gbalang ɓarɛ katɔ.

Yɔhana 20:17

Yeesɔ kɔɔ wu tɔɔ, “Mɔ́ɔ yi m naa gn bii kpang, ka ruu ɓɔɔ, n gbãayu gn lapa ka bii Daa mɛɛ kpang ɓɛɛ. Dàa ka bii rɛɛ manzung, mɔɔ daa kɔɔ ri nɛɛ, N gbãayu kana ka bii Daa mɛɛ ɓɔɔ dòo Daa manɛ kɔ ɓɛɛ, Laa mɛɛ, ɓɔɔ ti dòo Laa manɛ kɔ ɓɛɛ.”

Zang Shonang Yeesɔ 16:29

Zang ɓɔɔ gã sãa ɓaa nyaa nɛɛ zang atɛ waa. A daa ka yeti gãa ɓɔɔ rɛɛ Bulu nɛɛ Siila kagn ɓɛɛ. Tang nɛɛ gutu ka tĩng ɓarɛ, bii zàá wu kpɔkpɔk.

Zang Shonang Yeesɔ 2:37

Ɓɔɔ zang ri tãa ruu keɓe, kpãa ri ka yeti dɔɔli, a ri hɛ̃ɛ Bituru nɛɛ rɛɛ zang shonang ɓɔɔ nimbang tɔɔ, “Rɛɛ manzung, rúu palɛ ɓu kaa viya?”

Rooma 8:16

Suru Laa ɓakɛ zɔɔ nɛɛ suru bii ɓuru ri kɔɔyi nɛɛ, ruu wujɛ Laa.

Rooma 8:23

Wu vuu ɓɔɔ Laa mãarɛ kɔ tãa kɔnang gbete kpang. Rùu ɓɔɔ Suru Laa ɓɔɔ Laa gaayu a ruu nwang ka yeti ɓuru ɓee, ruu ju doo nɔngkɔ ka yeti ɓuru, ka wee ruu gã diki ɓɔɔ Laa naa kɔ̀ɔ́yi nɛɛ ruu kaa wujɛ ɓiɓɛ ɓɛɛ, tɔ̀ɔ, bii ɓuru wu wɔ kaa nandon.

Rooma 8:26

Suru Laa, a doo nɔngkɔ, wu yi ruu naa ka bii, wee ruu lakɛ naa ka bii kpang ɓee. Ka ruu ɓɔɔ, ruu zunung ɓɔɔ ruu gàá Laa tɔ̃ɔ tɔ̃ɔ kpang ɓɛɛ. Suru Laa kɔ bàkɛ́ Ruu Laa nɛɛ junang ɓɔɔ nyaa zunung kɔɔnang kpang ɓɛɛ.

Rooma 9:4

Rikɔ zang Isirela, Laa shing ri, ri ràa wujɛ ɓiɓɛ, a tusu ri bannang ɓiɓɛ. Laa mã nyaa nɛɛ ri, a ri nyaa ɓɔɔ wu dangnɛ ɓɛɛ. Rikɔ zunung Laa bannang ka gbalang ɓɔɔ tɔ̃ɔ ɓɛɛ. A Laa ti a rikɔ nyaa.

1 Koranti 2:12

Suru ɓɔɔ Laa shìng ruu ka yeti ɓuru, ɓi Suru ɓiɓɛ, ɓi ɓɔɔ koo keɓe kpang. Suru keɓe kɔ shing ruu, ruu zi vuu piti ɓɔɔ Laa á ruu waati ɓɛɛ.

2 Koranti 11:4

N kàá nɔɔ vɔrɔ, ka ruu ɓɔɔ, n zirɛ zang ɓɔɔ nɛɛ a tɔ ka bii manɛ, nɔɔ tantɛ wu tanang ɓɛɛ. Nɔɔ tantɛ danggn shinnang ka vuu ɓɔɔ ri kɔ̀ɔ́ nɔɔ ka yuu Yeesɔ ɓɔɔ ɓɛɛ, naa dòo náabm̀ nɛɛ Yeesɔ ɓɔɔ ruu kɔɔ nɔɔ ɓɛɛ. Nɔɔ ti tá suru ɓɔɔgn naa doo Suru Laa ɓɔɔ nɔɔ ta nɛɛ bii ɓuru kpang ɓɛɛ. A nɔɔ ti ta Ruu Tɔ̃ɔ ɓɔɔgn ka yuu Laa, naa doo náabm̀ nɛɛ ɓɔɔ ruu kɔɔ nɔɔ ɓɛɛ.

Galati 2:4

Ruu keɓe gaayu ka ɓɔɔ zang varɛ ɓɔɔ ri nwãarɛ zang nɛɛ ri dũng dòo Kirisi kɔ, ri kasɛ ɓarɛ katɔ nɛɛ, zang yèe wu shaa. Zang keɓe ɓɔɔ ri shɛ̃ɛ ka teteng ɓuru nɛɛ ri zili naa ɓuru, ri ti kãa gbalang naa ɓɔɔ zang ta yuu ɓuru ka ɓɔɔ ruu ɓakɛ yuu nɛɛ Yeesɔ Kirisi ɓɛɛ, ɓee. Ri kasɛ nɛɛ ri risi ruu naa jaafoo.

Galati 5:1

Kirisi ta yuu ɓuru nɛɛ ruu nwang tɔ̀ɔ́ naa jaafoo kpang. Nɔɔ yaa zang ɓɔɔ wu shingnɛ, nɔ́ɔ nwang naa zang ɓɔɔ ri jaafoo ɓɛɛ kpang. Nɔɔ nwàng tɔ̀ɔ́ jaafoo tɔkn kpang.

Afisa 1:5

Laa mang ɓi tɔ ka yeti ɓiɓɛ, nɛɛ wu gɔ̃ ruu ka bii ɓiɓɛ nɛɛ bii Yeesɔ Kirisi, rúu nwang wujɛ ɓiɓɛ. Wee vuu ɓɔɔ wu kasɛ, a ti tãa tĩnang ɓiɓɛ kɔ.

2 Timoti 1:7

Ka ruu ɓɔɔ, Suru ɓɔɔ Laa a ruu, ɓi ɓɔɔ shing ruu, ruu tuuru yusɛ̃ɛ kpang ɓɛɛ. Suru Laa keɓe, shing ruu, rùu shii ɓuru nɛɛ kaka kɔ jong, ruu kasɛ ruu zang, ruu ti yiti yuu ɓuru waasɛ̃.

Yahudi 2:15

A Yeesɔ yaa zang naa, zang ɓɔɔ ɓu doo ɓɔɔ ri nwangnɛ ɓɛɛ, ri nwang ɓarɛ naa jaafoo ka ruu ɓɔɔ ri kaa vɔrɔ, vɔrɔ ɓɛɛ.

Yakubu 2:19

Nɔɔ shing danggn tɔ, nɛɛ Laa ɓi gbete kɔ nwani. Wukɔ tɔ̃ɔ, Suru shi kpang ri zi tɔ kɔ doori, bii káa ri vɔrɔ kagn.

1 Yɔhana 4:18

Mɔɔ nɛɛ kasɛ zang katɔ mɔɔ kaa vɔrɔ kpang. Ka ruu ɓɔɔ, zang kasɛnang ɓɔɔ niizang nwangsɛ vɔrɔ kaanang ɓi katɔ kɔ jong ɓɛɛ. Ɓi zang ɓɔɔ palɛ vuu shi kpang kɔ kaa vɔrɔ, ka ruu ɓɔɔ, zi tɔ ka yeti ɓiɓɛ nɛɛ Laa naa dang wu jĩng ɓi katɔ ɓɛɛ. Zang ɓɔɔ rúu zang kasɛnang Laa kagn yeti ɓiɓɛ, kaa vɔrɔ ɓi kpang.