Rooma 7:7 - Nyaa Shɔɔ Ɓɔɔ Laa a Ɓɛɛ

⁷ Ruu kɔɔ ɓu kaa nɛɛ viya? Nɛɛ nyaa ɓɔɔ Laa dangnɛ vuu shi kpang ya? Kpang. Nyaa ɓɔɔ Laa dangnɛ kɔ tùsù m vuu ɓɔɔ zang ɓaa nɛɛ vuu shi kpang palɛnang ɓɛɛ. N nɛ̀ɛ́ zi vuu ɓɔɔ zang ɓaa nɛɛ zang shing jĩng ka vuu zang kpang, naa Laa nɛɛ dang nyaa nɛɛ, “Zang wu shing jĩng ka vuu zang kpang,” kpang ɓɛɛ.

Rooma 7:7 ပူးပေါင်းရင်းမြစ်များ

Matiyu 5:28

A kãntang keɓe n kɔ̀ɔ́ nɔɔ, zang ɓɔɔ nɛɛ zi zang soro, a suru bii daa wu nɛɛ wu, ɓang bii ɓi tɔ nɛɛ wu ka yeti ɓiɓɛ.

Luka 12:15

A kɔɔ zang ɓɔɔ ri kpalɛ zɔɔ nandon tɔɔ, “Nɔɔ palɛ tɔ̃ɔ, nɔɔ gãng jĩng, ka jĩng shinnang ka vuu naa ning. Ka ruu ɓɔɔ, zang gãsɛ suru bii shɔnzang nɛɛ vuu naa ɓiɓɛ ɓɔɔ gaagaa kpang ɓɛɛ.”

Luka 20:16

Naa nyɔkɔ zang ɓɔɔ wu yaa ri jaa keɓe nandon, wu yaa rɛɛ zang ɓɔɔgn jaa bii.” Zang ɓɔɔ ri tãa vuu keɓe, ri tɔɔ, “Laa wu zã́a vuu keɓe nwannang nɔngkɔ katɔ.”

Zang Shonang Yeesɔ 20:33

N tɔɔ kpang nɛɛ saka, kɔ fɔ̃ɔrɔ zang ɓɔɔ, wu nɛ̀ɛ́ raa ɓɔɔ mɛɛ kpang.

Rooma 13:9

Nyaa ɓɔɔ Laa dangnɛ nɛɛ, “Mɔɔ palɛ dũndũng kpang, mɔɔ nyɔ zang vɔrɔ kpang, mɔɔ ɓɔ̀ɔ shɔngɓɔ kpang, mɔɔ shing jĩng ka vuu zang kpang.” Nyaa ɓɔɔ Laa dangnɛ kɛɓɛ, nɛɛ ɓɔɔ yaa ɓɛɛ piti, ri kɔɔ ɓi doo vuu gbete kɔ nɛɛ ɓɔɔ tɔɔ, “Nɔɔ kasɛ ruu shɔnzang naa ɓɔɔ nɔɔ kasɛ yuu manɛ ɓɛɛ.”

Rooma 3:20

Ka ruu nɔngkɔ, zang nwàng zang tɔ̃ɔ ɓi jong ka tĩng Laa ka ruu ɓɔɔ zang palɛ vuu ɓɔɔ nyaa dannang Laa kɔɔyi nɛɛ zang wu palɛ ɓɛɛ kpang. Nyaa ɓɔɔ Laa dangnɛ pùú zang ɓi jĩng, zang zi vuu shi kpang ɓɔɔ zang palɛ ɓɛɛ.

Rooma 3:5

Naa vuu shi kpang ɓɔɔ ruu palɛ, shingnɛ, zang wu zi vuu tɔ̃ɔ ɓɔɔ Laa palɛ ɓɛɛ gbãng gbãng ɓɛɛ. Ruu kɔɔ ɓu kaa nɛɛ viya? Nɛɛ Laa nɛɛ dang ruu jĩng tɔ, pálɛ̀ shi kpang ya? (N rang yee m naa ɓɔɔ shɔnzang ri rangkɛ ɓɛɛ.)

Rooma 4:1

Ruu kɔɔ ɓu kaa vi ka yuu Ibirayi dabang rɛɛ dabang ɓuru viya?

Rooma 4:15

Ka ruu ɓɔɔ, naa zang ɓɔɔ ta nyaa Laa, Laa dang zang jĩng katɔ ɓɛɛ. A nɔng ɓɔɔ nyaa dannang kagn kpang, zang tɔɔ kpang nɛɛ zang ta nyaa ɓɔɔ zang dangnɛ tɔ kpang.

Rooma 5:20

Laa átɛ̀ nyaa dannang ɓiɓɛ nɛɛ tɔɔ, vuu shi kpang palɛnang wu shangnɛ. A ka nɔng ɓɔɔ vuu shi kpang shang dɔɔli, Laa palɛ tɔ̃ɔ ka nɔngkɔ gbãng gbãng.

Rooma 6:15

A nɛɛ nɔngkɔ ɓɛɛ, rúu pálɛ́ vuu shi kpang ta, ka ruu ɓɔɔ ɓi nyaa dannang Laa roo kpanti ka yuu ɓuru kpang, ɓi tɔ̃ɔ Laa rooyi ɓɛɛ ya? Kpang tingkiring.

Rooma 7:11

Vuu shi kpang walɛ gbalang nɛɛ bii nyaa ɓɔɔ Laa dangnɛ, a nwãarɛ m, a ti nyɔ m vɔrɔ.

Rooma 7:13

Wee nɔɔ kɔɔ ɓu kaa nɛɛ vuu tɔ̃ɔ keɓe kɔ nyɔ m vɔrɔ ya? Wu nɔngkɔ kpang. Ɓi vuu shi kpang, tuu vuu ɓɔɔ tɔ̃ɔ, a nyɔ m vɔrɔ nɛɛ mani, tɔɔ wu tusu bii ɓiɓɛ kaa tɔ̃ɔ tɔ̃ɔ. Ka ruu nɔngkɔ, nyaa dannang Laa kɔ shingnɛ vuu shi kpang tusu nɛɛ wu kaa shi kpang tingkiring.

Rooma 7:5

Ka ɓɔɔ bɛ̀ɛ́ ruu nwàng doo nwannang naa shɔnzang waati ɓɛɛ, bii ɓuru ɓɔɔ kasɛ vuu shi kpang palɛnang, sèé paa kaa gbãng gbãng, ka ruu ɓɔɔ, nyaa dannang Laa shing wu ɓɛɛ. Vuu piti ɓɔɔ ruu palɛ nwang ruu ɓuru vɔrɔ kɔ shɛ̃ɛning.

Rooma 7:8

Ɓi vuu shi kpang walɛ gbalang nɛɛ bii nyaa dannang Laa, a shing m, n shĩ̀lí jĩng ka vuu zang ka zɔ̃ng zɔ̃ng. Naa nyaa ɓɔɔ Laa dangnɛ, nɛɛ kpang, vuu shi kpang nɛɛ zunung vuu ɓɔɔ palɛnang kpang.

1 Koranti 15:56

Vɔrɔ nyɔ zang ɓi ka ruu vuu shi kpang ɓɔɔ zang palɛ ɓɛɛ. Vuu shi kpang ti walɛ kaka ɓi ka nyaa dannang ɓɔɔ Laa a ɓɛɛ.

Afisa 5:3

Wee nɔɔ kaa zang Laa ɓee, zang wu kɔɔ kpang nɛɛ nɔɔ rooro nɛɛ wujɛ soro kpang, nɛɛ nɔɔ palɛ naa doo zɔ̃ng dũndũng kiya kpang, nɛɛ nɔɔ shing jĩng ka vuu zang ɓɔɔ kpang.

Kolosi 3:5

Nɔɔ vang vuu koo keɓe ɓɔɔ bii manɛ kasɛ ɓɛɛ ta nɛɛ kaaɓa. Vuu ɓɔɔ naa dũndũng, nɛɛ sãnsãnrãng palɛnang, nɛɛ vuu ɓɔɔ bii shɔnzang kasɛ, nɛɛ vuu shi kpang ɓɔɔ yeti shɔnzang kasɛ, a ɓɔɔ kaa nung sũnang (nung sũnang nwàng ɓi naa vaka bannang).

1 Tesalonika 4:5

Wu ka gbalang dũndũng palɛnang kpang, naa zang ɓɔɔ ri zi Laa kpang ɓɛɛ.

Yahudi 7:19

Ka ruu ɓɔɔ, nyaa dannang Musa shing vuu ɓɔɔ ɓi jong wu nwang nyaa kiiri kpang ɓɛɛ. A kãntang keɓe, Laa atɛ vuu ɓɔɔ waasɛ̃ tɔ, ɓɔɔ ri shíng gn kagn ɓɛɛ, tɔ̀ɔ, ruu a kaa bii ɓiɓɛ naabm.