Rooma 7:6 - Nyaa Shɔɔ Ɓɔɔ Laa a Ɓɛɛ

⁶ Kãntang keɓe, Laa ta ruu tɔ nɛɛ naa nyaa dannang ɓiɓɛ, ka ruu ɓɔɔ, ruu nwalɛ ɓuru kaa naa zang ɓɔɔ vuu shi kpang roo kpanti tɔ̀ɔ́ yuu ɓarɛ kpang ɓɛɛ. Kãntang keɓe, ruu pàlɛ́ Laa shonang kaa tɔ, ka gbalang ɓɔɔgn, ka ɓɔɔ ruu ɓaa shoo ka nyaa Suru ɓiɓɛ ɓɛɛ. Wu ka gbalang gbaala, ka ɓɔɔ ruu dũng nyaa dannang Laa, ɓɔɔ zang bée nɛɛ naa ɓɛɛ kpang.

Rooma 7:6 ပူးပေါင်းရင်းမြစ်များ

Rooma 1:9

Laa ɓɔɔ n pàlɛ́ wu shonang, nɛɛ suru mɛɛ ka ɓɔɔ n kɔɔrɔ zang Ruu Tɔ̃ɔ Jaa ɓiɓɛ, zi tɔ nɛɛ n gaa wu ka ruu manɛ, n yaa diki kpang.

Rooma 12:2

Nɔ́ɔ yi tĩng nɛɛ vuu ɓɔɔ zang koo keɓe kasɛ palɛnang ɓɛɛ kpang. Nɔɔ yaa Laa wu kɔ̃sɔ nɔɔ yeti manɛ, wu a nɔɔ rɛ̃rɛnang ɓɔɔ shɔɔ. Tɔ̀ɔ, nɔ́ɔ zi vuu ɓɔɔ Laa kasɛ ɓɛɛ kati. Vuu ɓɔɔ tɔ̃ɔ, a ti shing wu tãa tĩnang, nɛɛ vuu ɓɔɔ daa naa katɔ ɓɛɛ.

Rooma 6:11

Nɔɔ rɛ̃rɛ doo nɔngkɔ, ka yuu manɛ nɛɛ nɔɔ nwàng naa vɔrɔ, nɛɛ a tɔ ka nɔng vuu shi kpang palɛnang ɓɛɛ. A nɔɔ nwàng ningkãari ka Ruu Laa, ka ruu ɓɔɔ, nɔɔ ɓakɛ zɔɔ tɔ nɛɛ Yeesɔ Kirisi ɓɛɛ.

Rooma 6:19

N rang nɔɔ yee, n gãsɛ nɔɔ vuu nɛɛ vuu ɓɔɔ ruu zi diki diki ɓɛɛ. Ka ruu ɓɔɔ, bii shɔnzang manɛ lakɛ naa ka bii, ka vuu zinang kpang ɓɛɛ. Bɛ̀ɛ́ nɔɔ á dũndũng, nɛɛ vuu shi kpang, yuu manɛ dɔ̃ɔ gbete naa jaafoo, kãntang keɓe, nɔɔ á yuu manɛ doo nɔngkɔ dɔ̃ɔ gbete, nɔɔ palɛ vuu ɓɔɔ tɔ̃ɔ ɓɛɛ, tɔ̀ɔ, nɔɔ nwang kaa zang Laa niizang.

Rooma 6:2

Kpang, ruu palɛ nɔngkɔ kpang. Ɓɔɔ ruu yaa vuu shi kpang palɛnang ɓuru tɔ, ruu palɛ takpang.

Rooma 6:22

A kãntang keɓe zang ta nɔɔ tɔ nɛɛ, naa vuu shi kpang palɛnang, nɔɔ kaa jaafoo Laa. Vuu keɓe shing nɔɔ, nɔɔ nwang zang ɓɔɔ shi kpang ka bii ɓarɛ kpang ɓɛɛ. Wu ti shingnɛ nɔɔ wàlɛ̀ suru bii ɓɔɔ waa nyaa kpang ɓɛɛ.

Rooma 6:4

Ka ɓɔɔ zang pàlɛ̀ ruu batizima, nwàng naa ruu vɔ katɔ nɛɛ Kirisi, a zang gbã̀a ruu nɛɛ wu. Tɔɔ, zang naa wisi ruu paa kaa jong naa ɓɔɔ Daa ɓiɓɛ wisi wu paa nɛɛ bannang ɓiɓɛ, nɛɛ tɔ̀ɔ, ruu nwang nwannang kaa naa ɓɔɔgn.

Rooma 7:1

Manzung, nɔɔ zi vuu ɓɔɔ n kɔ̀ɔ́ kãntang keɓe tɔ, ka ruu ɓɔɔ, nɔɔ zi nyaa ɓɔɔ Laa dangnɛ tɔ ɓɛɛ. Nyaa kɔ Laa dang ɓee, kɔɔ zang vuu ɓɔɔ zang palɛ bɛ̀ɛ́ zang doo ningkãari kɔ shɛ̃ɛning.

Rooma 7:2

Nyaa ɓɔɔ Laa dangnɛ kɔɔyi nɛɛ, soro ɓɔɔ zang gee tɔ, ri basɛ zɔɔ nɛɛ ɓeevɛ kpang, ɓeevɛ nɛɛ doo ningkãari ɓɛɛ. Ɓeevɛ nɛɛ vɔ tɔ, wɔ tɔ nɛɛ naa nyaa dannang ɓɔɔ ɓakɛ wu nɛɛ ɓeevɛ ɓɛɛ.

Rooma 7:4

Manzung, nɔɔ doo nɔngkɔ. Nyaa ɓɔɔ Laa dangnɛ, risi nɔɔ manɛ naa zang ɓɔɔ ri vɔlɔ katɔ ɓɛɛ, ka ruu ɓɔɔ, nɔɔ ɓakɛ bii tɔ nɛɛ Kirisi ɓɛɛ. Kãntang keɓe, nɔɔ manɛ kaa zang Kirisi ɓɔɔ Laa wisi wu paa nɛɛ saa ɓɛɛ, tɔ̀ɔ, ruu shòng Laa shonang ɓɔɔ tɔ̃ɔ kati.

2 Koranti 3:6

Wukɔ a ruu kaka, ruu palɛ wu shonang naa ɓɔɔ nyaa dannang shɔɔ kɔɔ ɓɛɛ. Wu nyaa dannang shɔɔ ɓɔɔ zang bee katɔ ɓɛɛ kpang, ɓi ɓɔɔ Suru Laa. Nyaa dannang ɓɔɔ zang bee katɔ, nyɔ zang ɓi vɔrɔ, a Suru Laa a zang ɓi suru bii.

2 Koranti 5:17

Ka ruu nɔngkɔ, zang ɓɔɔ nɛɛ ɓakɛ yuu ɓiɓɛ tɔ nɛɛ Yeesɔ Kirisi, ɓi kaa zang shɔɔ. Gbalang nwannang gbaala ɓiɓɛ ɓa ɓi tɔ. Nwannang ka gbalang shɔɔ gaayu tɔ.

Galati 3:13

Yeesɔ Kirisi ta yuu ɓuru tɔ, ka nyaa ɓɔɔ Laa nɛɛ kù ruu, ka ruu ɓɔɔ, ruu dũng nyaa dannang kpang ɓɛɛ. Ka ruu ɓɔɔ, Laa kù Kirisi nyaa jong ka nung ɓɔɔ wu nɛɛ kù ruu ɓɛɛ. Ka ruu ɓɔɔ, zang bee ka yeti labeenang Laa tɔɔ, “Zang ɓɔɔ zang nɛɛ haatɛ wu ka lapa, Laa ku wu nyaa tɔ ɓɛɛ.”

Galati 6:15

Naa zang yee shaa katɔ, naa zang yee shaa doo kpang, ɓi vuu keɓe kɔ kpãa m kpang. Vuu ɓɔɔ ɓa weɓe, ɓi naa ɓɔɔ Laa kɔ̃sɔ ruu tɔ, ruu nwang zang shɔɔ tɔ ɓɛɛ.

Afisa 4:24

Wu shing nɔɔ, nɔɔ nwang shɔɔ. Bɛɛ zang mãa nɔɔ nɛɛ nɔɔ nwáng manɛ naa Laa, ka ruu nɔngkɔ, nɔɔ palɛ vuu ɓɔɔ wu tãa tĩnang ɓɛɛ, nɔ́ɔ ti nwang nwannang tɔ̃ɔ ɓɔɔ vuu shi kpang ka bii manɛ kpang ɓɛɛ.

Filipi 3:3

Ka ruu ɓɔɔ, ɓi rukɔ zang ɓɔɔ zang yee ri shaa ɓɔɔ niizang ɓɛɛ. Rukɔ bang Laa nɛɛ naa vuu palɛnang Suru ɓiɓɛ, a ruu ti walɛ bannang ɓuru ka bii Yeesɔ Kirisi. Ruu pãng yuu ɓuru ka rɛɛ vuu ɓɔɔ ɓi ɓɔɔ bìí shɔnzang kpang.

Kolosi 3:10

Nɔ̀ɔ hãa bii shɔɔ tɔ, ɓɔɔ Laa risi shɔɔ diki diki ka doo nwannang ɓiɓɛ ɓɛɛ. Tɔ̀ɔ, wu shíng nɔɔ, nɔ́ɔ zi wu kaa dɔ̃ɔ gbete.