Rooma 7:4 - Nyaa Shɔɔ Ɓɔɔ Laa a Ɓɛɛ

⁴ Manzung, nɔɔ doo nɔngkɔ. Nyaa ɓɔɔ Laa dangnɛ, risi nɔɔ manɛ naa zang ɓɔɔ ri vɔlɔ katɔ ɓɛɛ, ka ruu ɓɔɔ, nɔɔ ɓakɛ bii tɔ nɛɛ Kirisi ɓɛɛ. Kãntang keɓe, nɔɔ manɛ kaa zang Kirisi ɓɔɔ Laa wisi wu paa nɛɛ saa ɓɛɛ, tɔ̀ɔ, ruu shòng Laa shonang ɓɔɔ tɔ̃ɔ kati.

Rooma 7:4 ပူးပေါင်းရင်းမြစ်များ

Matiyu 26:26

Ri shaa vuu shaanang kana, a Yeesɔ tuu borodi zãa Kpanti Laa, a shalɛ a zang ɓɔɔ ri mantɛ vuu ka bii ɓiɓɛ kati. A kɔɔ ri tɔɔ, “Nɔɔ tá ta nɔɔ shaayi. Weɓe yɔpɔ bii mɛɛ kɔ.”

Maraku 4:20

Zang ɓɔɔ ri nwang ɓarɛ naa jĩng vuu ɓɔɔ shili ka tipi tɔ̃ɔ ɓɛɛ. Ri tãa Ruu Laa, ri tarɛ, Ruu Laa nwang ri vuu tɔ̃ɔ, ri naa nwang ka naa jĩng vuu ɓɔɔ ra jaa bmati tu kopi, ɓɔɔ laa taati, a ɓɔɔ laa maani ɓɛɛ.”

Yɔhana 15:8

Zang zi bannang Daa mɛɛ ka zang dɔɔli ɓɔɔ nɔɔ ɓaa ri nyaa ɓɛɛ kɔ, tɔ̀ɔ, zang ti zi kati nɛɛ nɔɔ zang ɓɔɔ ri mantɛ vuu ka bii mɛɛ ɓɔɔ niizang ɓɛɛ.

Yɔhana 3:29

Sinyɛ ɓeevɛ ɓi wukɔ zang sinyɛ. Sinyɛ ɓeevɛ ɓeesang ɓɔɔ shiiyi, ɓaa shoo, tãa tĩnang dɔɔli nɛɛ tãa yee sinyɛ ɓeevɛ tɔ ɓɛɛ. N tãa tĩnang m doo nɔngkɔ. Tĩnang mɛɛ ti daa ɓi tɔ kiiri.”

Yɔhana 6:51

Nkɔ borodi ɓɔɔ a zang suru bii, ɓɔɔ n a nɛɛ lapa ɓɛɛ. Naa zang ɓɔɔ shaa borodi keɓe, nwáng ningkãari dòndòng. Ɓi bii mɛɛ kɔ borodi keɓe, ɓɔɔ n naa mãlɛ́, tɔ̀ɔ, zang koo ri walɛ suru bii ɓɛɛ.”

Rooma 6:11

Nɔɔ rɛ̃rɛ doo nɔngkɔ, ka yuu manɛ nɛɛ nɔɔ nwàng naa vɔrɔ, nɛɛ a tɔ ka nɔng vuu shi kpang palɛnang ɓɛɛ. A nɔɔ nwàng ningkãari ka Ruu Laa, ka ruu ɓɔɔ, nɔɔ ɓakɛ zɔɔ tɔ nɛɛ Yeesɔ Kirisi ɓɛɛ.

Rooma 6:14

Nɔ́ɔ yaa vuu shi kpang, wu roo kpanti ka nwannang manɛ kpang, ka ruu ɓɔɔ, nɔɔ manɛ tɔ̀ɔ́ jaafoo nyaa dannang Laa kpang ɓɛɛ, nɔɔ manɛ kaa zang ɓɔɔ Laa pàlɛ́ ri tɔ̃ɔ ɓɛɛ.

Rooma 6:2

Kpang, ruu palɛ nɔngkɔ kpang. Ɓɔɔ ruu yaa vuu shi kpang palɛnang ɓuru tɔ, ruu palɛ takpang.

Rooma 6:22

A kãntang keɓe zang ta nɔɔ tɔ nɛɛ, naa vuu shi kpang palɛnang, nɔɔ kaa jaafoo Laa. Vuu keɓe shing nɔɔ, nɔɔ nwang zang ɓɔɔ shi kpang ka bii ɓarɛ kpang ɓɛɛ. Wu ti shingnɛ nɔɔ wàlɛ̀ suru bii ɓɔɔ waa nyaa kpang ɓɛɛ.

Rooma 7:3

Naa yaa ɓeevɛ, daa gee zang ɓɔɔgn, bɛ̀ɛ́ ɓeevɛ doo ningkãari, zang ɓaa wu nɛɛ zang ɓɔɔ pálɛ̀ dũndũng ɓɛɛ. Naa ɓeevɛ nɛɛ vɔrɛ, zang yaa wu gbalang tɔ, wu daa gee zang ɓɔɔgn. Pálɛ̀ wu vuu dũndũng kpang, nɛɛ gee zang ɓɔɔgn ɓɛɛ.

Rooma 7:6

Kãntang keɓe, Laa ta ruu tɔ nɛɛ naa nyaa dannang ɓiɓɛ, ka ruu ɓɔɔ, ruu nwalɛ ɓuru kaa naa zang ɓɔɔ vuu shi kpang roo kpanti tɔ̀ɔ́ yuu ɓarɛ kpang ɓɛɛ. Kãntang keɓe, ruu pàlɛ́ Laa shonang kaa tɔ, ka gbalang ɓɔɔgn, ka ɓɔɔ ruu ɓaa shoo ka nyaa Suru ɓiɓɛ ɓɛɛ. Wu ka gbalang gbaala, ka ɓɔɔ ruu dũng nyaa dannang Laa, ɓɔɔ zang bée nɛɛ naa ɓɛɛ kpang.

Rooma 8:2

Ka ruu ɓɔɔ, nyaa dannang Suru Laa ɓɔɔ a ruu suru bii nɛɛ bii Yeesɔ Kirisi, ta m tɔ nɛɛ naa nyaa dannang ɓɔɔ vuu shi kpang nɛɛ ɓɔɔ vɔrɔ.

1 Koranti 10:16

Ka laa ɓɔɔ ruu nandon ruu shaa vuu shaanang ɓɔɔ ruu kpaa danggn Kpanti Yeesɔ kagn ɓɛɛ. Ruu zã̀a Laa ka yuu juwa. Naa ruu ɓooyi ruu ɓakɛ zɔɔ nɛɛ Kirisi ka zĩi ɓiɓɛ. Ruu nɛɛ sha borodi tɔ, ruu shaayi ruu ɓakɛ zɔɔ nɛɛ Kirisi nɛɛ bii ɓiɓɛ.

2 Koranti 11:2

N kaa sũnyaa ka yuu manɛ naa ɓɔɔ Laa kaayi ɓɛɛ. N a nyaa tɔ nɛɛ, n a nɔɔ Kirisi wu gee nɔɔ. A n kasɛ nɛɛ nɔ́ɔ pálɛ̀ vuu shi kpang, kpang, tɔ̀ɔ, ka diki ɓɔɔ zang gee nɔɔ kagn, n tuu nɔɔ naa jaa soro ɓɔɔ roo varɛ gn kpang, ɓɔɔ shi kpang ka bii kpang ɓɛɛ. N a nɔɔ varɛ manɛ ɓɔɔ wukɔ gbete ɓɛɛ kati.

Galati 3:13

Yeesɔ Kirisi ta yuu ɓuru tɔ, ka nyaa ɓɔɔ Laa nɛɛ kù ruu, ka ruu ɓɔɔ, ruu dũng nyaa dannang kpang ɓɛɛ. Ka ruu ɓɔɔ, Laa kù Kirisi nyaa jong ka nung ɓɔɔ wu nɛɛ kù ruu ɓɛɛ. Ka ruu ɓɔɔ, zang bee ka yeti labeenang Laa tɔɔ, “Zang ɓɔɔ zang nɛɛ haatɛ wu ka lapa, Laa ku wu nyaa tɔ ɓɛɛ.”

Galati 5:18

Naa Suru Laa kɔ sɔ̀ɔ́ mɔɔ tĩng mɔɔ ɓaa tɔ̀ɔ́ jaafoo vuu ɓɔɔ nyaa dannang kasɛ ɓɛɛ kpang.

Afisa 2:15

Shing tɔ zang pálɛ̀ shonang tɔ̀ɔ́ nɛɛ nyaa dannang zang Yahudi nɛɛ vuu ɓɔɔ nyaa dannang keɓe kasɛ piti ɓɛɛ kpang. Palɛ nɔngkɔ nɛɛ tɔ̀ɔ, wu shingnɛ zɔ̃ng zang piti keɓe, ri nwang shɔnzang ɓɔɔ shɔɔ dɔ̃ɔ gbete, ka ɓɔɔ wu a zang bii ɓiɓɛ, zang nyɔ wu vɔrɔ ɓɛɛ. Ka naa weɓe kɔ, wu shing ri, ri nwang ka nyaa zɔɔ.

Filipi 1:11

N ti gaa Laa nɛɛ nɔ́ɔ walɛ nwannang tɔ̃ɔ ɓɔɔ a nɛɛ bii Yeesɔ Kirisi ɓɛɛ, nɔ́ɔ ti palɛ vuu ɓɔɔ tɔ̃ɔ jong. Zang ɓɔɔ ri zi vuu tɔ̃ɔ ɓɔɔ nɔɔ palɛ, ri dɔ̀ɔ Laa, ri ti a wu bannang ka ruu vuu keɓe.

Filipi 4:17

N shing jĩng mɛɛ wu ka vuu ɓɔɔ nɔɔ a m ɓɛɛ kpang. N kasɛ m nɛɛ, Laa wu palɛ nɔɔ tɔ̃ɔ, ka ruu ɓɔɔ, nɔɔ yi m naa ka bii ɓɛɛ.

Kolosi 1:10

Tɔ̀ɔ, nɔ́ɔ naa zunung nwannang ɓɔɔ Kpanti ɓuru kasɛ ɓɛɛ kati, nɔɔ palɛ vuu ɓɔɔ shing wu tãa tĩnang ɓɛɛ kati diki diki. Nwannang manɛ naa shing nɔɔ, nɔ́ɔ palɛ vuu ɓɔɔ tɔ̃ɔ ɓɛɛ ka zɔ̃ng zɔ̃ng. Zinang ɓɔɔ nɔɔ zi vuu ka yuu Laa, naa daa kaa nɛɛ tĩng diki diki.

Kolosi 1:22

A kãntang keɓe, ka ruu vɔrɔ Jaa ɓiɓɛ, nɔɔ raa wusang Laa tɔ, nɛɛ tɔ̀ɔ, wu atɛ nɔɔ kaa tĩng ɓiɓɛ, nɔɔ kaa zang ɓiɓɛ ɓɔɔ shi kpang ka bii manɛ kpang ɓɛɛ.

Kolosi 1:6

Ruu Tɔ̃ɔ atɛ zang tĩnang tãanang kana, a tĩnang keɓe, bàa koo tɔ nandon. Naa ɓɔɔ bàa teteng manɛ doo nɛɛ diki ɓɔɔ nɔɔ gaayu tɔ̃ɔ ɓɔɔ Laa palɛ tãanang, a nɔɔ naa zi naa ɓɔɔ nwàng ɓɛɛ nɛɛ mani ɓɛɛ.

Kolosi 2:14

Laa ningsi nyaa dannang tɔ, nɛɛ vuu ɓɔɔ wu kasɛ ɓɛɛ, a àlɛ̀ vuu shi kpang ɓɔɔ zang bee ka yuu ɓuru ɓɔɔ nɛ̀ɛ́ nwang ruu naa nyaa kɔ́pɔ́ ɓɛɛ tɔ. Ningsi tɔ nandon ka ɓɔɔ wu ɓaa vuu keɓe jong ka laa ɓɔɔ zang ɓaa Yeesɔ naa kagn ɓɛɛ.

Kolosi 2:20

Nɔɔ vɔ manɛ tɔ, nɛɛ Yeesɔ Kirisi, a zang ti ta yuu manɛ tɔ, nɛɛ naa rɛɛ nyaa dannang ɓɔɔ shɔnzang ri tusu ɓɛɛ. A ka ruu vi nɔɔ nwang nwannang naa nɔɔ manɛ zang koo keɓe viya? Ka ruu vi nɔɔ dũng rɛɛ nyaa ɓɔɔ zang dangnɛ nɛɛ,

Yahudi 10:10

Laa kɔ kasɛ a zang shingnɛ ruu nwàng zang tɔ̃ɔ ka tĩng Laa. Ka ɓɔɔ Yeesɔ Kirisi, a Laa yuu ɓiɓɛ zang nyɔ wu vɔrɔ doo gbete kak ɓɛɛ.

1 Bituru 2:24

Yeesɔ ta vuu shi kpang ɓuru ɓɔɔ ruu palɛ ɓɛɛ ka yuu ɓiɓɛ, ka ɓɔɔ zang ɓaa wu naa ka laa ɓɛɛ. Nɛɛ tɔ̀ɔ, ruu yi tĩng tɔ̀ɔ́ nɛɛ vuu shi kpang palɛnang kpang. Ruu nwángnɛ́ ruu pálɛ́ kaa vuu tɔ̃ɔ. Kɔnang ɓuru valɛ tɔ nandon, ka ruu nyaa vuu waa ɓɔɔ zang shĩili wu ka bii ɓɛɛ.

Vuu ɓɔɔ zang nwangsɛ Yɔhana 19:7

Ruu dɔ̀ɔ nɔɔ bii, ruu tãa tĩnang, ruu dɔɔ bannang ɓiɓɛ, ka ruu ɓɔɔ, laa ɓɔɔ Jaa Mɛ̀ɛrɛ́ gee soro ɓiɓɛ kagn a tɔ, a sinyɛ ɓiɓɛ ti kpalɛ bii tɔ ɓɛɛ.

Vuu ɓɔɔ zang nwangsɛ Yɔhana 21:9

A zang gbete, ka teteng zang nyaa shonang Laa ɓɔɔ ri ka lapa ɓɛɛ, ɓɔɔ ri manziti kaɓa, ɓɔɔ ri yiti waka ka naa manziti, ɓɔɔ kɔnang manziti kagn ɓɛɛ. Kɔnang diki ɓɔɔ koo naa waa nyaa kagn ɓɛɛ. A ka bii mɛɛ, a kɔɔ m nɛɛ “Arɛ, n tusu mɔɔ sinyɛ, jaa soro Jaa Mɛ̀ɛrɛ́.”