Rooma 7:15 - Nyaa Shɔɔ Ɓɔɔ Laa a Ɓɛɛ

¹⁵ N zi vuu ɓɔɔ n palɛ ɓɛɛ m kpang. Ka ruu ɓɔɔ, n palɛ wu vuu ɓɔɔ n kasɛ palɛnang kpang ɓɛɛ, n palɛ vuu ɓɔɔ n kasɛ kpang ɓɛɛ kɔ jong.

Rooma 7:15 ပူးပေါင်းရင်းမြစ်များ

Luka 11:48

Nɔɔ kasɛ vuu ɓɔɔ dabang manɛ ri palɛ ɓɛɛ tɔ, ka ruu ɓɔɔ, ri nyɔkɔ zang nyaa shonang Laa, a nɔɔ mãarɛ manɛ kaa yuu sàa ɓarɛ.

Yɔhana 15:15

N ɓàa nɔɔ tɔ̀ɔ́ nɛɛ nɔɔ zang ɓɔɔ ri pàlɛ́ m shonang kpang, ka ruu ɓɔɔ, zang ɓɔɔ pàlɛ́ zang shonang zi vuu ɓɔɔ dabang gãa ɓiɓɛ palɛ kpang ɓɛɛ. N ɓáa nɔɔ nɛɛ, rɛɛ masang, ka ruu ɓɔɔ, n kɔ̀ɔ nɔɔ vuu ɓɔɔ n tãa ka nyaa Daa mɛɛ tɔ nandon ɓɛɛ.

Rooma 12:9

Mɔ́ɔ kasɛ ruu zang nɛɛ sèé kpang. Vuu ɓɔɔ nɛɛ shi kpang, bɛ̃ɛ katɔ, mɔ́ɔ yiti ɓaa vuu ɓɔɔ tɔ̃ɔ gbãng gbãng ka yeti ɓaaɓɛ.

Rooma 14:22

Vuu ɓɔɔ mɔɔ shing ka yeti ɓaaɓɛ, ka yuu vuu keɓe ɓi ka teteng ɓaaɓɛ nɛɛ Laa. Tĩnang tãanang ɓi ɓɔ̀ɔ́ zang ɓɔɔ zi tɔ, ka yeti ɓiɓɛ nɛɛ vuu ɓɔɔ wu pálɛ̀ ɓi tɔ̃ɔ ɓɛɛ.

Rooma 7:16

Naa n palɛ vuu ɓɔɔ n kasɛ kpang kɔ jong, n zi kaa wukɔ nɛɛ nyaa ɓɔɔ Laa dangnɛ ɓi tɔ̃ɔ.

Galati 5:17

Ka ruu ɓɔɔ, vuu ɓɔɔ bii ɓuru kasɛ daa gbete nɛɛ vuu ɓɔɔ Suru Laa kasɛ ɓɛɛ kpang. A vuu ɓɔɔ Suru Laa kasɛ ti daa jong gbete nɛɛ ɓɔɔ bii ɓuru kasɛ ɓɛɛ kpang kɔ ɓɛɛ. Vuu ziti keɓe ri shing jĩng nɛɛ zɔɔ kpang. Ka ruu nɔngkɔ, mɔɔ zunung vuu ɓɔɔ mɔɔ kasɛ palɛnang kaa takpang.

2 Timoti 2:19

A doo gãa ɓɔɔ Laa loo ɓɛɛ, shii ɓi katɔ katakata, zang zĩiti kpang. Zang bee vuu keɓe ka bii ɓiɓɛ nɛɛ, “Laa zi rɛɛ zang ɓɔɔ ri ɓarɛ ɓɔɔ ɓiɓɛ tɔ”. A “Zang ɓɔɔ nɛɛ kɔɔyi nɛɛ, wu ɓɔɔ Kpanti Laa, wu yaa gbalang vuu shi kpang ɓɔɔ wu palɛ katɔ.”

Yahudi 1:9

Mɔɔ kasɛ ɓaa nɛɛ zang nwang zang tɔ̃ɔ ka tĩng Laa, mɔɔ bɛ̃ɛ shi kpang ɓaa katɔ. Ka ruu nɔngkɔ, nkɔ Laa, ɓɔɔ n Làá ɓaaɓɛ, n shing mɔɔ ka yuu rɛɛ sangvaa ɓaaɓɛ ka ɓɔɔ n nwàa mɔɔ nung, ɓɔɔ shing mɔɔ mɔ́ɔ tãa tĩnang ɓɛɛ.”

Yakubu 3:2

Ka ruu ɓɔɔ rùu nandon jĩng kpantɛ ruu katɔ diki diki ɓɛɛ. Zang ɓɔɔ nɛɛ tɔɔ, nyaa kpantɛ wu ɓi jong ka nɔng yee rannang kpang, zang keɓe ɓi shɔnzang tɔ̃ɔ ka vuu ɓɔɔ wu palɛ ɓɛɛ. Zunung naa ɓɔɔ wu shing yuu ɓiɓɛ katɔ.

Yahuza 1:23

Nɔɔ zɔ̃ng ri nɛɛ yeti waa, nɔɔ ta yuu ɓarɛ. Gn zang ɓɔɔ wu kɔng nɔɔ katɔ, nɔɔ ɓakɛ nɛɛ vɔrɔ kaanang ning. Naa dòo fɔ̃ɔrɔ ɓarɛ ɓɔɔ ri palɛ vuu shi kpang ɓɔɔ bii ɓarɛ kasɛ ɓɛɛ nɛɛ mani, nɔɔ bɛ̃ɛ katɔ.