Rooma 7:1 - Nyaa Shɔɔ Ɓɔɔ Laa a Ɓɛɛ

¹ Manzung, nɔɔ zi vuu ɓɔɔ n kɔ̀ɔ́ kãntang keɓe tɔ, ka ruu ɓɔɔ, nɔɔ zi nyaa ɓɔɔ Laa dangnɛ tɔ ɓɛɛ. Nyaa kɔ Laa dang ɓee, kɔɔ zang vuu ɓɔɔ zang palɛ bɛ̀ɛ́ zang doo ningkãari kɔ shɛ̃ɛning.

Rooma 7:1 ပူးပေါင်းရင်းမြစ်များ

Rooma 1:13

Manzung, ɓɔɔ ri dũng doo Laa kɔ ɓɛɛ, n kasɛ nɔɔ zi vuu keɓe. N mang diki diki nɛɛ n daa leng nɔɔ, a vuu ɓɔɔ zãa m kagn. N kasɛ n shing zang ɓɔɔ ka teteng manɛ, ri dũng Laa naa ɓɔɔ n wàlɛ̀ zang ɓɔɔ ri dũng Laa ka teteng zang nimbang, ɓɔɔ ri ɓarɛ zang Yahudi kpang ɓɛɛ.

Rooma 10:1

Rɛɛ manzung, n kasɛ ka yeti mɛɛ gbãng gbãng, a n ti gaa Laa ka yuu zang mɛɛ zang Yahudi, nɛɛ Laa wu ta yuu ɓarɛ jong.

Rooma 10:4

Ka ruu ɓɔɔ, Kirisi shing tɔ naa vuu palɛnang nyaa dannang Laa di nyaa tɔ ɓɛɛ. Zang ɓɔɔ nɛɛ shing danggn ka bii Laa, Laa risi wu kaa tɔ wu nwang zang tɔ̃ɔ ka tĩng ɓiɓɛ.

Rooma 6:14

Nɔ́ɔ yaa vuu shi kpang, wu roo kpanti ka nwannang manɛ kpang, ka ruu ɓɔɔ, nɔɔ manɛ tɔ̀ɔ́ jaafoo nyaa dannang Laa kpang ɓɛɛ, nɔɔ manɛ kaa zang ɓɔɔ Laa pàlɛ́ ri tɔ̃ɔ ɓɛɛ.

Rooma 6:3

Nɔɔ zi kpang ya? Ka ɓɔɔ zang palɛ ruu batizima, zang ɓakɛ ruu nɛɛ Yeesɔ Kirisi, a ruu vɔ jong naa ɓɔɔ wu vɔ ɓɛɛ.

Rooma 7:6

Kãntang keɓe, Laa ta ruu tɔ nɛɛ naa nyaa dannang ɓiɓɛ, ka ruu ɓɔɔ, ruu nwalɛ ɓuru kaa naa zang ɓɔɔ vuu shi kpang roo kpanti tɔ̀ɔ́ yuu ɓarɛ kpang ɓɛɛ. Kãntang keɓe, ruu pàlɛ́ Laa shonang kaa tɔ, ka gbalang ɓɔɔgn, ka ɓɔɔ ruu ɓaa shoo ka nyaa Suru ɓiɓɛ ɓɛɛ. Wu ka gbalang gbaala, ka ɓɔɔ ruu dũng nyaa dannang Laa, ɓɔɔ zang bée nɛɛ naa ɓɛɛ kpang.

Rooma 9:3

Naa nɛ̀ɛ́ yi ri naa ka bii katɔ, n nɛ̀ɛ́ gàa Laa wu kù m nyaa. Ń nwàng tɔ̀ɔ́ zang Kirisi kpang, ka ruu rɛɛ manzung ɓɔɔ zɔ̃ng ɓuru gbete ɓɛɛ.

1 Koranti 9:8

N kɔ̀ɔ́ ruu keɓe, wu naa ɓɔɔ shɔnzang rang yee waati kpang. Labeenang nyaa dannang ɓɔɔ Musa beeyi kɔɔ doo nɔngkɔ.

Galati 4:21

N kaaɓi, n hɛ̃ɛ zang ɓɔɔ ri kasɛ nɛɛ ri dũng nyaa dannang Laa, nɛɛ tɔ̀ɔ, ri nwang zang tɔ̃ɔ ka tĩng Laa ɓɛɛ. Nɔɔ tãa vuu ɓɔɔ nyaa dannang kɔɔ ɓɛɛ kpang ya?